Скопје 2014

„Скопје 2014“ се шири и кон „Богородица“?
Денеска треба да се усвојат измени во урбанистичкиот план со кои просторот кај црквата ќе се збогати со три фонтани со споменици
Три фонтани со споменици во нив треба да се изградат кај црквата „Свети Богородица“, на просторот меѓу кејот „Димитар Влахов“, улицата Стив Наумов и булеварот Крсте Мисирков во општината Центар. Ова се предвидува со измените на деталниот урбанистички план „Пресвета Богородица“, за кои денеска треба да расправаат општинските советници. Впишани се и маркички за мали комерцијални објекти и за уште еден верски објект. Во сé уште важечкиот план, усвоен во 2007 година, на оваа локација била предвидена само црква, што значи дека сите нови содржини се нови. Меѓу нив има и објект за државна управа или за локална самоуправа. Зградите во новиот план треба да бидат високи 16 и 29 метри, односно освен приземје да имаат три или седум ката. Од општината Центар сé уште не откриваат чии споменици ќе се најдат во овие фонтани и дали новиот план значи и ширење на проектот „Скопје 2014“, за кој во изминативе десет дена се одржаа десетина трибини, многу повеќе дебатни емисии и неколку протести и за кој сé погласни се реакциите што го оправдуваат и што го поддржуваат. Не се знае ниту дали новопланираните објекти ќе треба да бидат во архитектонските стилови во кои ќе се градат зградите што се дел од „Скопје 2014“. Но сé повеќе се шири листата на споменици, која неодамна беше збогатена со Димитрија Чуповски и со Ѓорѓија Пулевски. ИВЗ: Со црквата ќе се гради и џамијата Исламската верска заедница и вчера нагласи дека нема да отстапи од барањето за обнова на „Бурмали-џамијата“. Поглаварот Сулејман Реџепи рече дека на денот кога ќе се постави камен-темелникот на црквата „Свети Константин и Елена“ ќе почне да се гради и џамијата. - Не смее никој да нé дискриминира. Мораме да бидеме рамноправни - рече Реџепи.

                                                                                                                                                  http://www.novamakedonija.com.mk/NewsDetal.asp?vest=216101034598&id=14&setIzdanie=21911

Edited by pbanks - 16-Feb-2010 at 12:06

@Krale

@urbanfreek

А ти живееш воопшто во центар? Смешно е јас да ви се мешам во Аеродром, Чаир и којзнае каде се луѓе не стигнаа да коментираат. Добро би било да се направи референдум во Центар за Скопје 2014. Мислам дека тоа е најсоломонско решение.

Инаку малку и за твоите аргументи.
1. Не би рекол дека архитекти не се консултирани. Сигурно зградите не ги цртале и нема да ги градат возачи на ЈСП. Сега што не ти се бендисуваат тие архитекти, е како да го наречам, лична фрустрација.
2. Апсолутно си во право - најголемиот пропуст на овој проект е што не е инфраструктурен. Но затоа веројатно ќе има следен Скопје 2018 или нешто слично. Не може се одеднаш. Добро е што се почна со нешто. А за парите, коментирав некаде, тоа е смешна сума за еден град како Скопје (годишната сума е десетпати помала од буџетот на Белград, на пример).
3. Лични недопаѓања, фрустрации итн., нема потреба да се сметаат за сериозни аргументи.
4. Повторно за истото. Јас не ни очекувам дека во МК има свест на такво ниво што „извисените“ колеги од чиста добра волја ќе зборуваат позитивно. А и нормално дека популистичкиот капиталистички журнализам бара токму такви фаци за една употреба што ќе плукаат со сета жестина. И да има архитекти што се сложуваат, а сигурно ги има, тие нема да стигнат до нашите медиуми.
5 и 6. види под број 3.

@krale
@urbanfreak

Требаше 2014 чим решиле да трошат нека трошат - ама нека направеа инфраструктура, подземни булевари (да споеа барем сите слепи завршетоци на булевари и др. улици).

Originally posted by krale @urbanfreek Друже, јас не лепев етикети, просто и јасно е дека при еден ваков зафат ќе се јават критичари со најразлични побуди. Жал ми е ако наивно мислиш дека се работи за добронамерни критики во погоелм дел од случаевите - па дури и аполитизираниот став е нешто на кое приоѓаш мн наивно. Во краен случај се гледа дека не си аполитичен (барем по однос на ова прашање). Инаку, исто сум роден и живеам во центар. Не се сложувам за мојата општина да одлучуваат некои во Жировница, Ново Село и Топаана. Исто како што јас немам апсолутно никакво влијание во одлуките во нивните општини за кои исто така Владата неретко давала пари (водоводи, улици итн.) - според значењето што секое место го има за државата. Мислам дека во Скопје 2014 нема ниту еден тотално небулозен проект (а ла Куќата на Мајка Тереза) заради кое би се срамеле во иднина. Подобро е конструктивно да ги насочиме критиките кон исправање на малите фалинки, наместо да држиме политички говори и да паѓаме во некои его-трипови, голи отоци и слично.

ОК, проектот треба да се реализира според мене бидејќи ќе додаде интересни содржини во еден досаден и сив град. Второ ќе овозможи работа за градежната оператива. Трето ќе заштедиме на кирии и ќе профункционираат институции што долго време кубурат (ала филхармонијата). Четврто ќе се обликува еден стил, наместо 3000 што сега ги има во Скопје (погледнете ги стиловите на еден Амстердам, Будимпешта, Виена, Прага итн... сите се унифицирани). Петто ќе има поттик дека парите на граѓаните се трошат за граѓаните, а не за куќи на политичарите. Има и други причини.

Што се однесува до одлучувањето на цела држава за мојата општина, нека ми извинат малце. Да не се гужваат они кога доаѓаат делегации? Да не му ја мислат они кога нема паркинг? Да не се жалат они кога плаќаат поевтини цени за речиси сите артикли и услуги? Значи само во оваа држава од сите страни да се бараат права и привилегии. Да се живее во Центар не е „розово“, па да се смета дека тоа е некаков надреден статус - има и многу маани. Затоа ние жителите на центар сме единствени кои имаме право да одлучуваме за нашата општина. Тоа впрочем ни го гарантира децентрализацијата.

Не си знаел, зашто си од провинција

Не е привилегија да се живее во центар - тоа е провинцијалско разбирање на работите. Јас не се селам бидејќи тука сум роден, и можам да се справам со сите проблеми што ги има општината. Јас не очекувам за проблемите на мојата општина да расправа советот на село Жировница, како што ни мене не ме интересира канализацијата во ова село. Значи никакво право немаат да ми гласаат каков стил ќе била зградите околу плооштадот. Ако сакаат да одлучуваат, нека ги убедат власите да ги градат објективе во Жировница.

За споредните улици на општина Центар (како Народен Фронт, ПАртениј Зографски, Загребска, Железничка...) дефинитивно нема право да се меша некој од Жировница. Нити пак за паркчињата помеѓу зградите во Капиштец или пак Градски Ѕид. Но за центарот на градот, Малиот Ринг и тоа како имаат право да се мешаат сите жители на СКопје па и цела Македонија. Бидејќи не се работи за центар на било кој град, туку за центарот на нивната метропола, во која сите голем дел од своето време го губат.

Edited by UrbanFreak - 16-Feb-2010 at 14:43

Originally posted by krale Чисто да сфатите колку сте апсурдни, дали за Белград се гласа во Крагуевац? Или за Лондон во С. Ирска? Или за Париз во Лион? Никаде го нема ова како пример, затоа ај да не почнуваме ние во РМ светски трендови ви се молам.

Edited by UrbanFreak - 16-Feb-2010 at 15:26