Originally posted by phenomenon Originally posted by fichot Барај барај, никако да наидам на пофалба за „проектов“. Цел свет соросиди значи. „Во живо е да паднеш на газот во снег, од Александар Велики и неговиот запенавен пастув со импозантни тестиси високо над главите на минувачите, од крупните златни лавови кои на секој агол безгласно ржат на граѓаните, од бетонската триумфална капија покриена со бели мермерни плочи, со какви се поплочени провинциските дискотеки и сватовски сали, од низа на модерни згради на чии фасади се залепени гипсани барокни штукатури, од статуа на Тоше Проески со микрофон во јуначката десница, од галии како од „Пиратите од Карибите“ што, божем, допливале по Вардар ... тешко е воопшто со поглед да се опфати страотноста која тука се случила. Некој напиша дека во Скопје умре здравиот разум и добриот вкус, но јас мислам дека тоа баш и не одговара на вистината. Здравиот разум и добриот вкус во Скопје се обесени, изрешетани, распарчени, спалени и, на крајот, растопени во неразблажена сулфурна киселина.“ http://plusinfo.mk/vest/102782/ante-tomikj-za-straotnosta-shto-mu-se-sluci-na-skopje Скопје 2014 е доста коментирано и јас ги имам изнесено моите ставови што е негативно, а што е позитивно во овој проект. Туку, кажи кај да прочитаме за „проектот“ Куманово 2014 и за „достигнувањата“ на опозиционерите што се најгласни критикувачи на овој проект.

Е ајде де. СК2014 е „проект“ на централната власт. Зошто не е проект МК2014 не знам да ти кажам.
Дополнително може да прашаш зошто централната не само што не помага на локалната власт таму кај што не е власта во нејзини раце туку и одмага колку може.

Кај да прочитаме дека во Куманово нема јавно веце, кое постоеше за време на СР Македонија, а кое подоцна го пренаменија во дуќанчиња, од кои денеска едното е менувачница, а другото е оставено да пропаѓа на забот на времето? Кај да прочитаме дека во Куманово се замочува секој скриен ќош и премин околу плоштадот, наспроти Скопје каде не само што имаш јавни вецеа, туку и вецеа за инвалиди, вецеа за бебиња, простории за пресоблекување на бебиња и простории за доење на бебиња?

Изгледа ми промакнала веста за јавниве тоалети во Ск. Може линк? (најозбилно)

Кај да прочитаме дека во Куманово е изградено ново паркиралиште? Наспроти тоа, уништено е паркиралиште кај пазар за потребите на бензинска пумпа. Плус, кај паркиралиштето кај Чоробенско Ќоше и кај малото паркиралиште што остана кај пазарот може да се пристапи само од еднонасочни и преоптоварени со сообраќај улици. Наспроти ова, во Скопје колку катни гаражи се изградија?

Освен пар монтажни, другите катни гаражи се или во државна или во приватна сопственост. Зошто Владата не направила гаражи во Куманово стварно не знам.

Кај да прочитаме дека во Куманово, како и во Скопје, има доволно канти за отпадоци, контејнери обични, подземни и во боја за селектирање отпад? Реалноста е дека нема никакви канти ниту кај најпрометните автобуски постојки, па продавачите од околните дуќани поставуваат картонски кутии за да има каде да фрлиш некоја ќеса, шише или марамче.

Во Ск ни оддалеку нема доволни канти и современи контејнери, ама ок, тие што ги има се придобивка од локалната власт.

Кај да прочитаме дека во Куманово во централното градско подрачје не работат фонтаните и нема вода откаде да се напиеш? Наспроти ова, во Скопје колку нови паркови се иградија, каде освен вода имаш и клупи да седнеш да се одмориш како човек? Кај да прочитаме дека во Куманово на една од најпроблематичните раскрсници кај пазарот не може да ги поправат семафорите една деценија? Кај да прочитаме колку семафори има со прегорени светилки и кои никогаш не се чистат и бришат, освен кога врне, така што одвај можеш да видиш дали свети или не свети, наспроти семафорите во Скопје кои се гледаат нанапред преку три раскрсници? Кај да прочитаме за застапеноста на уличното осветлување во Куманово, наспроти Скопје каде што уличните сијалици трештат?

Голем минус за локалната власт во Ку. Мада не мислам дека осветлувањето на улиците во Ск е на задоволително ниво.

Кај да прочитаме за велосипедските патеки во Куманово, како што има во Скопје, и дали по истите може да се вози? Или дека по тротоарите, барем онаму каде ги има, може да се оди?

Освен по кејот не сум чул за сите овие години да има некоја нова велопатека низ Ск. Обновена подлога на веќе постоечки патеки не го сметам за некој успех, тоа е рутинска работа на службите. Ниедна од проширените улици не доби соодветна вело-патека... така да, не гледам дека скопската и кумановската власт нешто посебно се разликуваат тука.

Кажи каде во Куманово може да се види споменикот на Карпош - кумановскиот крал?

Слободно земи го тој во Ск што е, ако мислиш дека тоа ќе го подобри животот на кумановци.

Кај да прочитаме за кружни текови во Куманово, наместо згради кои досега ги градеа во сокачиња, до кои не можеш со автомобил да пристапиш, а не со камион или со пожарна кола, но отсега почнаа и на самите раскрсници? А гледам дека оваа кумановско урбанистичко лудило го зафатило и Центар кај Маџир Маало во близина на Транспортниот Центар, претставено во зградите збутани една до друга во тесните сокачиња.

Сериозно ќе збориме за урбанистичко лудило во Ку? Па ти си го видел Ск како се гради последниве 10тина години? И не само во ММ (чиј ДУП е патем од 2012та) туку и ДМ, Буњаковец, Радиобран, Карпош, Аердром, Кисела Вода... цело Ск. Ѓорче нешто послабо, мада да имаше интерес и таму гарант од секоја шупа ќе никнеше зграда.   

----------

Ботомлајн, не ги знам можностите, буџетот и сл. на Куманово, гледам по општинскиот сајт дека се работи нешто (ете базен покриен/откриен, Домот исто гледам се има изреновирано), ама веројатно недоволно.

Во секој случај не гледам зошто ради неоправдано слабиот развој на Куманово би требало да престанеме во критикување на СК2014, и уште помалку зошто истото не би го правеле и странци.

Другиве коментари како она со Хитлер... се троа офтопик ми се чини.. така да нема што да коментирам.

Originally posted by fichot Во секој случај не гледам зошто ради неоправдано слабиот развој на Куманово би требало да престанеме во критикување на СК2014, и уште помалку зошто истото не би го правеле и странци. Другиве коментари како она со Хитлер... се троа офтопик ми се чини.. така да нема што да коментирам.

Да, треба да критикуваме. Но ти цитираш новинар кој пренесува став на некојси Хрват кој Македонците ги смета за полинезиско племе и кој смета дека Трамп можеби и не би бил во Белата Куќа да не му била сесрдната помош од велешките блогери. И ние ваков човек треба да го земеме за сериозно.

Плусинфото што си го навел непријателски е расположен не само кон постоечката Влада, туку и кон македонскиот народ и сајт на кој отворено се промовираат албански платформи и останати антимакедонски натписи и ставови, а самиот тој квазиновинар алудира на тоа дека кога ќе дојдат овие другиве на власт ќе биде сè сјајно и бајно.

Па да ги видиме нивните достигнувања на локално ниво:

- уништена Кумановска Бања
- извадена пруга од Куманово кон Бељаковце
- уништен Пионерскиот Дом каде постоеја разни детски секции
- уништен единствениот трговски центар Гарнизон
- уништени јавни тоалети
- направени неколку мини депонии во самиот центар
- Житомел и околината кои се наоѓаат на 200 метри од плоштадот направени да личат на Припјат кај Чернобил

Е сега замисли што ќе направат на државно ниво, кога сето ова го направиле на локално.


-

Originally posted by fichot уф, не знам од кај да тргнам за да ти објаснам.. уствари шо ќе се мачам, читај си дудинка и уживај си.

Ниту дудинка, ниту црница не читам. Туку, помачи се да ми објасниш за нешта кои постоеја додека јас бев дете и тинејџер, а кои подоцна беа уништени, запуштени и руинирани. Можеби твоето објаснување за тие работи ќе има поголема тежина од моето искуство на истите тие работи кои ти ќе тргнеш да ми ги објаснуваш.

по не знам кој пат релативизирате коментар на база на ликот/медиумот што го искажал и неговата позадина... и никако никој не се фокусира на она што е напишано

епа чисто онака, да почнеме да анализираме така, повеќе од половина про-владини медиуми и платформи се финансирани од организации кои наводно, според вас, по не знам која логика, главен фокус им е да ја уништат оваа вечна библиска земја
па и во политички редови оваа гарнитура има комунисти, бивши членови на политички опоненти, да не речам безрбетници, а меѓу новинарите има еден куп забеганковци кои се случувало да тврдат дека земјата е рамна
а немојте да почнеме да збориме за албанизација, затоа што, погодете кој прв се тепа да ја придобие најголемата албанска партија по секоја цена, па макар и да ги погази своите главни зборови во предизборна кампања против двојазичност, федерализација и не знам уште што...

...антимакедонски натписи, хех... ај не се брукајте ако ви останало барем малце достоинство

а да, и главен аргумент против се ви се Куманово и Центар, две општини, наспроти органи кои ја контролираат судбината на цела држава, меѓудругото и Куманово и Центар... не би навлегувал затоа што fichot не можеше покристално да ви објасни се

и оф леле, во Скопје нити има доволно рекреативни површини и паркови (во поглед на распределеност), нити осветлувањето блешти, нити има современ систем за справување со смет, нити катните гаражи се користат и се ефикасни во решавање на проблемот со паркинг просторот, нити пак има доволно јавни тоалети, а оние вкупно два што ги има, се под клуч... а градежната офанзива е се, освен контролирана, легална и урбанистички издржана, во било кој населба да отидете, сеедно...
...не знам, очигледно живееме во паралелни универзиуми

Абе нека порачаат, нека има, ќе се најде место и за третата...
Јас мислам дека сфатија со каков народ си имаат работа па се може да им помине.

Edited by MGS - 02-Feb-2017 at 12:48

Предавање на Линеа Вест од МОМА: „Скопје 2014“ не е наивно како Лас Вегас

Предавање на Линеа Вест од МОМА: „Скопје 2014“ не е наивно како Лас Вегас
Линеа Вест, писателка и кураторка која ja координира глобалната истражувачка програма „Современи и модерни уметнички перспективи“ (C-MAP) на Музејот на модерна уметност во Њујорк, во клубот ГЕМ, во Скопје одржа предавање на тема „Национализми, споменици и идентитет на културата: наследства на модернизмите во современиот момент и начини на отпор“.

Примерите како паркот „Мементо“ во Будимпешта и програмското шоу „Скопје 2014“ покажуваат како проектите, на различни начини, реагираат на модернистичките наследства и ја злоупотребуваат формата на споменик.

Вест се запрашува дали местата ненамерно имаат ехо од естетиката на социјалистичкиот реализам и дали тие прават разлика меѓу вистинската и лажна меморија.

Вест го почна предавањето со нејзиното истражување на национализмот и постсоцијалистичките споменици низ призма на историјата на уметноста. Спомениците се користеле/ користат за да се формира национален идентитет преку поправањето на колективната меморија во долгорочна културна меморија.

.Мементо паркот е сместен надвор од Будимпешта, направен е во 1993 година, содржи 42 споменици и обележја од периодот на социјал-реализмот, собрани од повеќе локации. Иако Мементо паркот во Будимпешта и проектот Скопје 2014 имаат различни контексти, и двата се однесуваат на реструктурирање на колективната меморија и постсоцијалистичкиот национален идентитет, преку спомениците. Двата проекти се со големи размери, поставени на јавни простори и симболични гестови на владините политики. Како нови независни држави, и Унгарија и Македонија го обликуваат културниот идентитет и колективната меморија преку спомениците, на застарен, традиционалистички начин, што резултира со силен национализам. Според неа, Скопје 2014 е обид главниот град на државата да се претвори во буржуаски, 19-вековен град, за да се покрие модернистичката архитектура, која според идеологијата на власта, се поврзува со социјализмот.

„Ќе го раскажам моето искуство на средбата со Скопје 2014: прв пат дојдов во Скопје во август 2013 година и бев вџашена од новите градби, за кои дотогш немав слушнато и тоа што го видов беше навистина изненадување. Тргнав по улицата од Железничката станица кон центарот, по кејот на реката и како што се приближував до централниот плоштад, почнав да се прашувам: Што е ова? Какви се овие градби? Дотогаш немав видено нешто слично. Првично ми се чинеше дека се работи за квинтесенцијален постмодернистички град од типот на Лас Вегас, каде се позајмуваат рази стилови од историјата на архитектурата и за да се предизвика фанатазијата. Но, сега мислам дека споредбата со Лас Вегас е површен поглед на нештата. Таа огромна реконструкција е еден симболички гест кој оди подлабоко, еден вид буржуаска желба да се „цивилизира“ градот со грандиозно минато преку многу специфична визуелизација. Се разбира, Скопје 2014 може да се гледа и како реакција на модернистичката архитектура поврзана со социјалистичкото минато. Но не се работи само за реновирање, туку за целосна реинвенција на градот со цел да се воспостави алтернативен историски наратив кој ќе биде единствениот што треба да е прифатен и запаметен. Што се однесува до колективната меморија, барањето јавноста да го заборави социјалистичкото минато и да го памти само минатото што е претставено преку овие споменици е многу проблематично“, вели Вест.

Таа го издвои примерот на Триумфалната порта, која според интернет страницата на Владата е поставена во „слава на најважниот јубилеј на државата, 20 години од прогласувањето на независноста на 8 септември 1991, еден од најголемите триумфи на македонскиот народ во борбата за слобода и независност“.

Вообичаено, спомениците означуваат специфичен момент или личност, но македонската власт има поинаква логика. Македонија со овој споменик го слави одделувањето од Југославија, а не некоја специфична битка за ослободување. На повеќе од триесетина мермерни релјефи на портата се претставени главите на антички воини, ангели и млади модерни луѓе, за да се прикаже блескавото минато што сè уште трае. Споменикот собрал разни луѓе од различни места и времиња за да асоцира на бесмртноста на триумфите на Македонија, како во минатото, така и во сегашноста и во иднината. Пораката, се чини, е позитивна промоција на националниот идентитет, Македонија е еднакво на слава.

Триумфалната порта функционира како билборд. Намерата за националното брендирање преку оваа Триумфална порта се покажува и преку ограничениот простор на внатрешноста на градбата, во која е сместена продавница за сувенири, во сопственост на државата. Во продолжение, скалите и лифтовите водат кон галериите и отворениот покрив наменет за свадби и други настани. Иако изградена да ја покаже вековната и античка историја, оваа продавница за туристи, што се претставува како како споменик, всушност, го покажува триумфот на капитализмот и состојбата на една држава која го отфрлила социјализмот. Продавањето сувенири е далеку од споменик на оние кои го жртвувале животот, а и функцијата на портата да служи како позадина за свадбени фотографии, го докажува тоа. Наместо смртта за слобода и достоинството, новиот почеток на македонската држава е комерцијалноста и славењето. Па, не е чудно што критичарите на Скопје 2014 го нарекуваат споменик на лажна меморија и националистички кич“, рече Вест.

http://okno.mk/node/62137

Чисто за потсетување, одлукава која општинските советници на општина Центар ја донесоа дури денес, среда, 22 март 2017, можеа да ја донесат и во изминативе 4 години - 2013, 2014, 2015 и 2016.
 
И освен ако не помнам добро, не им истекуваат денес мандатите на општинските и градските советници и на градоначалниците ?
 
Чекаа да поминат 4 години за ваков административен ќорсокак, додека на градов му се случува криминално силување какво што не е видено никогаш во неговата досегашна пост-земјотресна историја ?  
 
Првата реченица од статијата не е целосно точна, бидејќи не е стопирана изградбата баш на сите идиотизми во Центар кои само дополнително ја прошируваат рак-раната во централното градско подрачје на Скопје.
 
http://www.24vesti.com.mk/stopirana-gradbata-na-panoramskoto-trkalo-i-shpanskite-skali
 

Стопирана градбата на Панорамското тркало и Шпанските скали

 

22.03.2017 | 18:37   Советот на општина центар денеска ги стопираше градбите од Скопје 2014. Во вжештена и тензичка атмосфера, а на моменти и со меѓусебни навреди, советниците по скоро 4 години ја продолжија седницата прекината поради вандализмот врз општината во 2013 година.     На дневен ред, поништување на деталниот урбанистички план за мал и голем ринг. За едните дневниот ред е незаконски и штетен, за другите обид да се спречи криминалот власта во заминување.   „Овие одлуки се крајно противзконски и штеттни и контрапродуктивни“ - вели Илија Илијовски.   „Мотивнот на нарачаните напади врз нас и имотот на Центар нема врска со црквата која денар не доби„ - изјави Андреја Жерновски.   Според советниците од ВМРО-ДПМНЕ, денешните одлуки се противзаконски и штетни и во оваа фаза, ДУП-овите не можат да се поништуваат. градежниот инспектор на општината пак, појасни дека во било која фаза може да се донесе одлука за поништување на градба. Пред сè, затоа што главно се работи за земјиште на државата и за објекти од јавен карактер.   „Потегот на кои се однесуваат одлуките за поништување во 90% е државата инвеститор и се гради на земјиште на државата, без разлика  дали со тоа ќе нанесеме штета или ќе спасиме дел од сретствата“ - изјави Кочо Стојчевски   За штетите од ваквите одлуки, за кои од ВМРО-ДПМНЕ праша дали ќе ги плаќа општината, Жерновски ги запраша нив дали тие знаат колкави се штетите од проектите на Груевски кои ќе треба да ги плаќаат идните генерации.   „Ќе нанесеме непроценлива штета на граѓаните кои живеат на овие четири локалитети“ -вели Илијовски.   „Јас да ве прашам кои се штетите што Груевски ги направи со овие проекти, тие се милионски, ќе влијаат на генерации и генерации“ - изјави Жерновски.   Со денешната одлука на советот на општина центар, преостанатите објекти од проектот Скопје 2014, како Панорамското тркало и шпанските скали се стопирани. Советниците од ВМРО-ДПМНЕ најавија дека за конечната одлука ќе решаваат повисоките судови.     Јован Ѓорговски

Ние треба да разбереме дека за да се донесе одлука за поништување на ДУП-от не се потребни единствено гласови. Да, во нормална земја тоа е стандардна процедура. Не треба да заборавиме дека по било каква одлука на Општина Центар пред општината се истоварува цел автобус различни инспекции за да најдат дупка во она што го изгласале.

Надлежност на општината беше да воспостави контрола над ДУП за Мал Ринг. Тоа е направено. Работа на сите други професионалци, првенствено асоцијации и факултети, е да се насочат кон собирање на документацијата за сето она што е испогането во центарот на Скопје. По ова, тие ќе треба да предложат како треба да се интервенира во урбанистичкиот план Мал Ринг.

Исто така, владата е таа која на крај одлучува дали ќе се скратат или зголемат парите за одреден проект. Ако извршната власт ги сопре средствата за Панорамско тркало, сигурно е дека ЈСП нема да може од сопствени приходи да го догради истото.

Иако доцнат, сепак мислам дека се користи моментот каде партијата во заминување е послаба. Барем скали, кејот и други грдотии се спречени во моментов. Сепак голем дел се изгради или сеуште се гради. Од мојот аспект пак позитивно за одлуката.

Originally posted by my Macedonia Иако доцнат, сепак мислам дека се користи моментот каде партијата во заминување е послаба. Барем скали, кејот и други грдотии се спречени во моментов. Сепак голем дел се изгради или сеуште се гради. Од мојот аспект пак позитивно за одлуката.

проблемот е што треба да се сопре пред да почне да се гради... кога веќе почнале да го заебуваат Скопје, нека го заебат до крај, затоа што полошо е да излезат нови трошоци за рушење на проектот и враќање на просторот во нормала... а уште полошо е да останат така градилишта, што историски гледано, е најверојатно да се случи...

да ве потсетам, една од главните одлики на Скопје долго време се мочалници како Југобанка, Соравија, Кермес, Печатницата Гоце Делчев, Објектот на Еуростандард, дупката кај Рамстор (тие што ми текнуваат во моментов)... ок, сите беа напуштени од различни причини, ама ми ја сфаќате поентата