Скопје 2014

Originally posted by Dexter26 А што се однесува до тоа дали ќе треба да чекаме 100 години за да се "испечат" објектите од проектот Скопје 2014, како што вели zabegan, мислам дека поисплатливо е да чекаме да поминат тие 100 години, наместо воопшто да не градиме ништо за да не чекаме воопшто и за да не добиеме некои понови обележја на главниот град на Македонија, без разлика дали ќе бидеме меѓу живите после тие 100 години.   А да, zabegan прашува што до тогаш. Па, би можеле и ние на наш начин да помогнеме да се разубави не само Скопје, туку и Македонија, не мораме со градби и споменици, кои што би чинеле пари кои што ние најчесто не можеме да си ги дозволиме, туку да инвестираме во убавината на Скопје и на Македонија со тоа што ќе престанеме да фрламе ѓубре и да плукаме кај ќе ни текне, или на било кој друг начин кој нема да бара многу пари или премногу време, односно начин кој нема да бара средства кои не можеме да си ги дозволиме во моментов. Еве јас немам ебан динар во мене во моментов, и невработен сум, но тоа не ми е доволен мотив за да тргнам против реализацијата на проектот Скопје 2014, иако не ги поддржувам баш сите градби и споменици од истиот проект, ниту ми е доволен мотив за да фрлам ѓубре и за да плукам кај ќе ми текне, или пак за да ги декорирам на типичен "скопски" начин новите автобуси на ЈСП Скопје кои наскоро треба да бидат пуштени во употреба, а за кои лично не гаам голема надеж дека после најмалку 1 месец, или после најмногу 6 месеца ќе изгледаат како нови.

забега од дискусијата друже, коментарот ми беше дека секој објект, макар бил и фабрика или обичен стамбен објект, за 100 години ќе стане дел од културното наследство и на него ќе се гледа историјата од минатиот век, па така, бесмислено е да градиш објекти со таква цел, или пак да се докажуваш колку си имал да покажеш
објектите од разни изумрени стилови како неокласиката, готиката, барокот, рококото, арт деко и уште многу други биле модерни објекти и обележја и сведоци за своето време, па и брутализмот и комиблоковите исто така, сета историја на архитектурата, буквално да сумираме ако сакаш, па така во денешно време треба да се градат обележја на денешницата, на објективноста, креативноста и функционалноста кои се дефинирани и знаеме како ќе не представат пред јавноста, зошто никој уште не го разбрал ова???
и на Скопје не му фали ништо, Скопје секогаш си било убаво и не знам зошто народот не го приметува тоа, секој објект од секој дел од историјата и општеството си има своја убавина и значење, „грдотијата“ на градот потекнува од тоа што веќе триесетина години е запуштен и никој не се грижи за него (дел од причините и ти ги наброја), на градот му се потребни одржување и континуиран шаблонски развој со текот на времето, во сите сфери, а не некои недефинирани фантазиленд објекти напикани во рамките на 10% од градот



Edited by zabegan - 16-Feb-2011 at 20:11

Originally posted by Dexter26 На место ти е мислењето како за твое лично и/или професионално мислење. Но не значи дека сите го делат твоето мислење. Некои можеби се согласуваат со тебе, дека Скопје секогаш си било убаво, но некои можеби и не се согласуваат со тебе, прашање е на вкус.

па баш тоа сум сакал и јас да го посочам повеќе пати, секој има сопствен вкус и затоа СК2014 не треба да се реализира, бидејќи е последица на вкусот на одредена група луѓе, само доколку СК2014 беше професионално склопен план создаден според потребите и идните потреби на луѓето кои живеат во него и придонесува за негов развој во иднината, тогаш ќе го поддржев
всушност, јас не се потивам на СК2014 поради личен вкус, туку поради техничките причини кои се и тоа како забегани, всушност, ни самиот план не претставува план како целина, туку постепено додавани и начичкани објекти каде треба и не треба, кои колку и да се трудат, никогаш нема да бидат артикулирани и поврзани како целина, дури и објектите да беа направени според мои вкусови и визии, не би ги подржал поради урбанистичките причини најпрво


Edited by zabegan - 17-Feb-2011 at 00:11

А да го "светнеа" прво целиот кеј по неговиот лев и десен брег. Како може да осветлуваат објекети кога околината е застрашувачка. Зарем му доликува еден ваков кеј на една метропола. Дали одговорниве за сите шминки не се осеќаат како да се шетаат по ливада кога се движат по кејот(во централното подрачје, да не збориме за преиферија). Со такво нешто да се пофалеа богами ќе имаше и со што, а верувами на општо задоволство на сите граѓани.

Ветено, сторено. Колку што можев. Автобусот се движеше а не беа многу чисти стаклата.






Edited by FoSsiL - 17-Feb-2011 at 13:51

Sigurni se deka svdovite im se tochni? Ne vikam polukruzhni zashto moze i da ne se taka vo proektot, no baram da bidat isti kako shto se proektirani da nema zafrkancii posle. Paraboli, polkruzni ovalni kakvi i da se bitno da se kako shto se proektirani.

Originally posted by lslcrew Декстер веќе видено е ова. http://www.build.mk/forum/forum_posts.asp?TID=156&PID=15402#15402 Kolku se nazad amerikancive!

 
Да, веќе видено е ова, но баш ова последново е тазе ново, затоа и го постирав

Da imase dubai vakvi grafiti, ciao Skopje! 

Мислење со кое се согласувам 100%
... Барокот и неокласицизмот не го одразувале духот на Македонецот!? Градбите биле моноетнички и не ја отсликувале мултиетничката суштина на Македонија!? Заклучокот е монструозен. Ако нé нема во барокот или кој било друг естетско-архитектонски период, какви Европејци сме ние? Ако виенскиот валцер не е и наша вредност, не треба ни да го слушаме, нема потреба нашите матуранти да учествуваат секоја година во валцер-групњакот што го организира Брисел во слава на својата младост и заедништво. По таа логика чуму ни се филхармонија, опера и балет со репертоар, кои немаат ама баш ништо со нас Македонците.
Следејќи ја ваквата логика, нужно доаѓаме до заклучокот дека за архитектонско-естетска самоидентификација на Македонците треба да ни служат само исламот и румунските постземјотресни згради...

Originally posted by Observer Мислење со кое се согласувам 100% ... Барокот и неокласицизмот не го одразувале духот на Македонецот!? Градбите биле моноетнички и не ја отсликувале мултиетничката суштина на Македонија!? Заклучокот е монструозен. Ако нé нема во барокот или кој било друг естетско-архитектонски период, какви Европејци сме ние? Ако виенскиот валцер не е и наша вредност, не треба ни да го слушаме, нема потреба нашите матуранти да учествуваат секоја година во валцер-групњакот што го организира Брисел во слава на својата младост и заедништво. По таа логика чуму ни се филхармонија, опера и балет со репертоар, кои немаат ама баш ништо со нас Македонците. Следејќи ја ваквата логика, нужно доаѓаме до заклучокот дека за архитектонско-естетска самоидентификација на Македонците треба да ни служат само исламот и румунските постземјотресни згради...

Прости, според мене ваквите паралели се за мали деца. Пред се архитектурата не е само уметност, туку во уште поголема мерка е наука. Наука со многу практична примена и наука која напреднала многу од времето кога се градел барок и кога се компонирале валцери. А и недопустливо е да се изедначува македонското градителско наследство со отоманска архитектура и со румунски комиблокови - таквиот поглед не е ништо друго освен фрапантно незнаење. Ите како имаме вредно сопствено архитектонско наследство! И во контекст на тоа треба да се нагласи дека современата архитектура е совршен медиум за изразување на тоа наследство во новите градби, што не гледам дека е случај со „барокниве“ бурлески.

Исто така се споредуваат баби и жаби. Едно е да се конзумира, а друго е да се продуцира. Играњето на валцер не е исто што и градење на барок, туку е исто со просто конзумирање на барокна архитектура која е веќе изградена во адекватен историски период. Она што се случува кај нас ако логички го пресликаме врз валцерите, ќе значеше дека компонирање на виенски валцери ни станало национална опсесија. Всушност јасно е дека ова што се гради кај нас е барок и неокласицизам исто толку колку што беше техно онаа музика што на времето се нарекуваше „техно-фолк“, и јас повеќе би сакал да се задржиме на тоа наместо цело време да мора да се побиваат изместени тези, но за жал кај многу луѓе е премногу силно она чувство „какво-такво наше си е... и мора да навиваме и да го подржуваме по секоја цена“.

Originally posted by Dexter26 Извини, и на мене не ми се допаѓа тоа што ова е проект на одредена група индивидуалци, наместо на мнозинството граѓани, но кога мнозинството си молчи, треба ли и останатите да молчат ?   Ако мнозинството има идеи за сменување на сегашниот изглед и разубавување на Скопје, досега требаше јавно да излезе со истите, наместо да игра на картата "Нема шанси да го изградат" (а види како расте секој ден новата зграда на МНР).

Зарем сите граѓани треба да имаат идеи на оваа тема, па да ги преточуваат во проекти и јавно да „излезат“ со нив??? И после тоа што? На плоштад да се пребројуваме кој е мнозинство??? А бидејќи тоа изостанало, некој се здобил со правото да ги спроведува своите недоделкани детски визии...

Нема потреба од измислување на топла вода. Многупати е напишано кој е нормален тек на овие работи, ама очигледно треба уште долго време да се пишува. Накратко:
- Мораше да се организира меѓународен конкурс (што со оглед на големината на зафатите е и законска обврска), наместо планот за центарот на главниот град да падне наизглед од ведро небо.
- Мораше да се состават комисии со силен кредибилитет.
- Мораше целиот процес да се одвива максимално транспарентно, наместо максимално нетранспарентно.

Тоа е тоа и никакви приказни за Пикасо или за валцери или за Ајфеловата кула не помагаат (патем, кога била изградена Ајфеловата кула, таа била скок напред, а не назад). Но многу поважно од тоа, личните вкусови за фасадите на Скопје 2014 се сепак едно маргинално прашање, Скопје 2014 е проблематичен поради многу пообјективни причини. Да не звучам како расипана плоча и постојано да го верглам истото, пролистај наназад, ќе најдеш цели реферати на таа тема и од мене и од други форумаши. Па не бива цело време да треба да бидат побивани истите па истите банални „аргументи“.



Edited by Cloverstack - 18-Feb-2011 at 15:11

Originally posted by Cloverstack И после тоа што? На плоштад да се пребројуваме кој е мнозинство???

Со малцинство сигурно не!

п.с. Не мислам ни на етнично ни на верско, како што ни ти не мислиш. Да не не разберат другите погрешно.