Скопје 2014

Зградите ќе се изградат, околината неизвесна



Пропадна првиот обид да се дефинира партерното уредување на просторот од мостот „Гоце Делчев“ до МНР

Владата се' уште нема идеја како партерно ќе го уреди потегот покрај административните згради на левиот брег на Вардар. Дали администрацијата ќе минува покрај стилски или модернистички клупи и канделабри, ќе има ли дебела сенка дури да стаса на работа или, пак, специфично за реонот ќе биде некој сосема неочекуван изглед, допрва ќе се одлучува.

Иако направи обид да го дефинира партерното уредување, владината Служба за општи и заеднички работи не го прифати единственото понудено решение врз чија основа ќе се заокружеше изгледот на левата страна на Вардар. Понудениот труд, како што објаснува Васил Доневски, директор на Службата, не ги задоволил во целост генералните барања на надлежните. Решението речиси воопшто и да не понудило зеленило, материјалите за партерот не соодветствувале со стилот на објектите во околината, а во делови решението било во колизија со затечените состојби на терен. Но, надлежните не губат надеж дека во скоро време ќе најдат соодветно решение за изгледот на потегот од мостот „Гоце Делчев“ до новиот објект на МНР.

„Идната недела повторно ќе објавиме оглас и верувам дека ќе избереме соодветно решение. Не губиме надеж оти и досега некои од идејните решенија ги избиравме дури во вториот или во третиот обид. Поништувањето на огласот не значи дека ќе изгубиме во време зашто на терен интензивно се гради, а партерното уредување теренски треба да се реализира дури кога ќе финишира изградбата на сите објекти“, вели директорот Доневски.

Дури да се одбере теркот за партерот, независно од динамиката на изградба на објектите надлежните планираат наскоро да почнат со изведба на подземното паркирање. Доневски вели дека е при крај комплетирањето на документацијата за да започне изградбата. Предвидено е паркирањето да се врши на две подземни нивоа, секое од нив со површина од околу 10.000 квадратни метри, односно, предвиден е капацитет за паркирање на вкупно 726 места. За потребите на подземниот паркинг, веќе е извршено и геомеханичко испитување на теренот. Било утврдено дека подлогата ќе го истрпи подземниот паркинг, а тој ќе може да се гради паралелно додека се градат и административните згради.

Деновиве, пак, како што вели Доневски, веќе е започната изведба на илуминацијата на објектот на Уставен суд.

http://www.utrinski.com.mk/default.asp?ItemID=3A310865D2299A48AC0C7DAD59B27395

па очигледно е рандом лупнат на презентацијата, која воопшто не беше прецизна и се подготви пред да бидат објавени поединечните проекти
за фасадата имаш тема http://www.build.mk/forum/forum_posts.asp?TID=456&PN=10
и нема врска со тоа што го има на клипот, очигледно е направен копи пејст од некој споменик како тој во Берлин и е ставен онака...

победа над што? над старата фасада на зградата? 

Originally posted by MGS Копи/пејст е направен баш од тој споменикот во Бајројт,Германија.Фала ОСВ. Ама дека е случајно ставен таму не верувам.

па полесно е да веруваш одколку да не веруваш, насекаде имаш примери дека клипот на јутјуб врска нема со реалноста
ако погледнеш други проекти, дури смешно ќе ти стане, мостот на културата, во видеото е тотален копи пејст на мостот „Око“

сите сме и бевме свесни дека презентацијата требаше да ни даде престава за тоа што ќе се прави. Никогаш не беше кажано дека тоа е 100% до најситини детали преставено како ќе изгледа градот, ама сепак во голема мера добивме некаква визија. Значи нити има потреба да се чувствуваме излажани, нити треба да споредуваме до детали, освен ако не бараме влакно во јајце и по секоја цена сакаме да дискредитираме во недостаток на посуштински факти.

Впрочем, замислете ова да се градеше без таа презентација?

Добра одлука имаме направено за трамвајот

Циничен сум.

Originally posted by <Fresno> За референдум касно е веќе, иако ќе беше добро да има. А идејата за трамвајот стварно не ми е јасно како можеле да ја отфрлат „граѓаните“ на Скопје.

исто како што може да го прифатат Скопје 2014, ако ме разбираш што зборам
тоа е тоа, кога некој се буни дека се работи за проста раја во право е (извинете на израз), ама народ не може да одлучува за тоа како ќе се организира градот
од кај да знае некој до вчера што копал нива, што е тоа трамвај и какви влијанија има врз развојот на градот на пример

15% од граѓаните ја имаа можноста да ги соберат своите потписи и да се гласа на референдум дали сме за или против проектот. На никого не му ни текна таа идеја, а тоа е поради тоа што народот не ги познава основните права од демократијата, затоа што не се ни позамарал да ги види "благодетите" на демократијата. Затоа велат, после "такво", нема каење. Шанса сеа да се бара преку референдум е како после операција на некој витален дел, да побараш второ мислење.

Originally posted by N23 15% од граѓаните ја имаа можноста да ги соберат своите потписи и да се гласа на референдум дали сме за или против проектот. На никого не му ни текна таа идеја, а тоа е поради тоа што народот не ги познава основните права од демократијата, затоа што не се ни позамарал да ги види "благодетите" на демократијата. Затоа велат, после "такво", нема каење. Шанса сеа да се бара преку референдум е како после операција на некој витален дел, да побараш второ мислење.

епа на никој не му текна,зашто ? наместо да се покренеше таква иницијатива,сите одмасе фатија за тоа барокот не чинел,па не е барок класицизам е ..па лавот ќе има или не јајца.. ама и да се распишеше референдум,ја мислам дека ќе поминеше ..