Спoменик нa плoштaд Maкедoнијa

Лавот е специфика во древните времиња на македонските простори и претставува симбол на македонскиот идентитет. Македонците за Лавот негуваат земен култ, како што за шеснаесеткракото сонце негуваат воздушен сончев култ. (Херодот спомнува дека персиската војска предводена од Ксеркс била нападната од лавови).Неговата симболика секако лежи во јаката природа на лавот но, исто така, лежи во империјалноста, достоинството, гордоста, храброста и супериорноста на македонската цивилизација, добрата волја и позитивната енергија на Македонците. [1][2]

Само да те предупредам дека македонската википедија е полна со националистички глупости кои нема да ги најдеш на ниту една друга википедија.

Така што, не обрнувај многу внимание на тие "античкомакедонски" содржини.

Аларова побарала дозвола, па се пишманила за „Александар Македонски“

Костовски тврди дека Општина Центар побарала дозвола за организација на градилиштето, оттаму демантираат

Деспина Трајковска

Никој не кажува кога ќе почнат да се градат споменикот на Александар Македонски и црквата на скопскиот плоштад. Молк и за двата проекта и од Општина Центар и од Министерство за култура, а без коментар се и од градежната компанија која, според наши сознанија, е избрана да го изведе постаментот на споменикот и фонтаната.

Од Општина Центар вчера категорично демантираа дека до Градот поднеле барање за добивање согласност за организација на градилиштето за споменикот, па потоа експресно без образложение го повлекле.

Наспроти нивните тврдења, се' уште актуелниот градоначалник Трифун Костовски категорично тврди дека такво барање деновиве стасало на адреса на Градот.

„Одговорно тврдам дека барањето за согласноста за градилиштето го добивме деновиве, мислам беше во петокот, а вчера пак без никакво образложение Општината си го побара назад. На барањето имаше потпис од Аларова. Документот, како што е редот, архивиран е кај нас. Инаку, барањето беше малку невообичаено од досегашните што сме ги добивале, не беше точно наведено што ќе се гради на посочената локација, средишниот дел кај зеленилото. Врз основа на барањето заклучивме дека ќе биде неопходно да се загради 40 отсто од плоштадот, само по 4,5 метри слободен простор би имало помеѓу тарабите и ‘Дал мет фу‘ и од другата страна кај зеленилото пред ‘Телеком‘. Без оглед на тоа што си го повлекоа без образложение, немаше да им го потпишам барањето до крајот на мандатот оти сум принципиелен и за мене ДУП ’Мал ринг‘, и покрај судската одлука, е незаконски“, ни изјави вчера Костовски. Тој вели дека неодамна одбил слично барање на Општината за организација на теренот кај реката Вардар во која се планирани да се постават врби и фонтани.

Градоначалничката Виолета Аларова, вообичаено, не беше достапна да го прокоментира случајот и да одговори што всушност се случувало на релација меѓу Општината и Градот. Единствено Лидија Неделковска, шефица на Кабинетот на градоначалничката, демантираше дека Општината до градските власти испратила какво било барање во врска со споменикот. „Не сме поднеле никакво барање, проверив во сите сектори“, ни одговори Неделковска.

Со оглед на очигледната затвореност на надлежните институции, не само сега туку и во изминативе месеци, кога станува збор за двата проекта, на јавноста и' останува да шпекулира околу деталите. Неодговорени остануваат прашањата колку навистина ќе биде висок споменикот на Александар Македонски, кога ќе биде изграден, колку пари ќе се потрошат за проектот, како ќе се вика црквата, кога ќе биде готова...

http://utrinski.com.mk/?ItemID=265DC878D085DD4F87806DD03B37FD3B