Кривичен суд Скопје

Изгледа конечно дојде денот да се пушти во употреба кривичниот суд, а го отвора ни помалку ни повеќе екс премиерот




Груевски в понеделник ќе му направи сефте на новиот кривичен суд



Експремиерот Никола Груевски заедно со 21 останат обвинет во случајот на СЈО „Титаник“ ќе ѝ направат сефте на новата зграда на кривичниот суд. Првото судско рочиште за овој предмет е закажано за понеделник и е предвидено да се одржи во една од големите судници во новиот објект, кој утре ќе биде пуштен во употреба со свеченост. Камен-темелникот на новата зграда на кривичниот суд беше поставен во 2010 година, а меѓу присутните беше и тогашниот премиер Груевски, кој заедно со претседателот на Врховниот суд, Јово Вангеловски, ги фрлија првите лопати.

Барокната зграда која почна да се гради во 2010 година има десет нивоа, две подрумски, приземје, шест ката и поткровје. Изградбата на објектот беше поддржана со приближно 8,3 милиони евра заем од Светска банка. Новиот објект има 74 судиски кабинети, 22 средни судници и две репрезентативни судници од кои едната ќе биде со капацитет за 200 лица за случаи на организиран криминал и една за 100 лица. Обезбеден е простор за архиви, шалтер-сала со 60 работни места за сите оддели и простории за судската полиција, судиски кабинети за кривичниот оддел за организиран криминал, оддел за прекршоци и оддел за извршување санкции, кабинети и канцеларии за одделот за истрага, истражен оддел за организиран криминал, канцеларии за судската управа и судската служба, како и паркинг простор за 60 возила. Објектот има вкупна корисна површина од 8.826 квадратни метри.





https://makfax.com.mk/makedonija/%D0%B3%D1%80%D1%83%D0%B5%D0%B2%D1%81%D0%BA%D0%B8-%D0%B2-%D0%BF%D0%BE%D0%BD%D0%B5%D0%B4%D0%B5%D0%BB%D0%BD%D0%B8%D0%BA-%D1%9C%D0%B5-%D0%BC%D1%83-%D0%BD%D0%B0%D0%BF%D1%80%D0%B0%D0%B2%D0%B8-%D1%81%D0%B5/

Секоја чест за коментарот, истото ми падна на памет.

2 јануари 2014

Originally posted by Teglarot Речиси како и сите објекти од Ск2014, за да се запазат некоја квази архитектура ала барок и рококо (воглавно за надворешноста) трпи внатрешноста на објектот. Влезовите на таквите објекти (читај судови) во странство се пространи, а овој е целосно спротивно на тоа. Нема многу голема внатрешна површина со оглед на големината на објектот, има тесни соби/канцеларии/судници. Има премногу(би можел слободно да кажам ненормално) тесни ходници. Но за утката да биде најголема, таваните на објектот се многу ниски. Слушнав дека во некои делови на објектот има и тавани високи околу 2 метра. Варираат, но се ужасно ниски. Ми се чини дека се збореше за некакви проблеми со вентилационите систем, па токму поради тоа морало да се намали висината на таваните и да се стеснеле пред се ходниците. Ќе цитирам човек кој што работеше на една фаза на објектов што мисли за истиот - Пљукни залепи.

чекај ова озбилно е вака испроектирано, изведено и пуштено у промет <<<<

можеби тоа се некакви депоа на фотката погоре, до толку ли нема новинар да побара одговор од проектантот, изведувачот, па и власта, бивша ил сегашна ..

можеби ова е соба за притвореници, онака да ги дрма клаустрофобија пред распит, мислам не ме чуди да е ова на мвр и обвинителство досетка, скопско кривично и се ет можно ..

Originally posted by Џоле КРИВИЧНИОТ СУД ЌЕ СЕ СЕЛИ ВО НОВАТА БАРОКНА ЗГРАДА ШТО Е САМО ЗА СЛАБИ И НИСКИ ЛУЃЕ

Биинг Џон Малкович

Чудесна идеја!

Судство.мк во обиколка на новиот Кривичен суд.

ПРЕСЕЛБАТА ВО НОВИОТ АНТИЧКИ КРИВИЧЕН СУД ВО МАРТ

По седум години градба и опремување, многу шпекулации околу доцнењето, конечно ќе биде пуштена во употреба новата зграда на Кривичниот суд во античка градба. Како што дознава „Утрински весник“ од судски извори, преселбата во новиот објект кој се наоѓа веднаш до сегашните простории на Основниот суд – Скопје 1 се планира за март. Во испразнетите простории на сегашниот Кривичен суд треба да се преселат нивните колеги од Одделението за прекршоци од бараките во Градскиот парк, како и Управниот суд, кој неколку години е потстанар во простории на „Македонски пошти“.

Од Министерството за правда не можеа да ни ги потврдат овие сознанија, бидејќи и покрај неколкуте телефонски разговори и испратениот мејл со барање за повеќе информации, добивме само ветување, но не и повратен одговор од кабинетот на министерот Валдет Џафери. Останавме покуси за информации не само околу точниот датум на преселбата, туку и околу тоа дали се отстранети недостатоците во градбата, кои го забавија техничкиот прием и колку тоа ќе влијае на вкупниот износ во затворањето на финансиската конструкција.

Во писмениот одговор, пак, добиен од прес-службата на Кривичниот суд ни беше кажано дека новата зграда на Основен суд Скопје 1 - Скопје е направена по сите параметри и стандарди и ги задоволува потребите за ефикасно функционирање, според препораките на Европската комисија за ефикасност во правосудството ЦЕПЕШ.

Од таму појаснуваат дека како дел од судската зграда е опремениот прес- центар за претставниците на медиуми што се наоѓа спроти најголемата судница од каде ќе може да се следат судските рочишта преку ЛЦД-монитори. На тој начин, како што велат од Кривичниот суд, нема да се нарушува мирот во судницата, а новинарите истовремено ќе можат да ја следат работата во судницата и непречено да ја вршат својата работа.

Новата судска зграда опфаќа посебен коридор за доведување обвинети и осомничени лица, со посебен лифт и влез до сите судници што е одвоен од останатите влезови. Како што се наведува во дописот, на тој начин ќе се избегне откривањето на идентитетот на осомничените и обвинетите лица што неретко досега поради условите во старата зграда се случуваше овие лицата да бидат снимени или фотографирани при влезот и излезот на зградата. Покрај ова, предвидени се и простории за прифаќање и приведување лица пред судии на претходна постапка, како и посебни простории за адвокати и обвинители опремени со ви-фи. Од Кривичниот суд информираат и дека архивата е направена според најмодерни стандарди. Во составот на зградата се предвидени и простории за „корпора деликти“, како и за сослушување заштитени сведоци од каде што преку видеоконференција ќе може да се сослушува лицето и за надворешни потреби, односно за судски постапки во други земји. Ќе има и посебни лифтови за вработени, за обвинети и за посетители, како и посебни влезови и тоалети за да можат инвалидизираните лица да имаат непречен пристап до зградата.

Од Кривичниот суд информираат дека во објектот е поставен и безбедносен систем со современа опрема со над 116 камери што следат надвор и внатре со посебни контролни соби контролирани од судската полиција. Системот е направен така што доколку има дефект преку СМС стигнува сигнал до определено службено лице.

Она што е особено значајно е што судот ќе располага со 25 судници, од кои најголемата има капацитет до 150 лица и е одвоена со галерија.

Изградбата на новата зграда на Кривичниот суд беше најавена уште во февруари 2010 година од страна на тогашниот министер за правда, Михајло Маневски, кој на посебна прес-конференција го објасни целиот проект. Тој тогаш рече дека „секаде судските згради се изградени во монумалентален стил“. Изградбата почна во мај истата година, кога беше речено дека ќе биде готова за 18 месеци.

Зградата е со вкупна корисна површина од 9.000 квадрати, има 10 нивоа - две подрумски нивоа, приземје, шест ката и потпокрив. Проектната документација за скопскиот Кривичен суд ја изработија македонска и италијанска фирма. Како што беше тогаш најавено, целиот проект за реновирање на судовите требаше да чини 10 милиони евра, позајмени од Светска банка, а државата учествува со 16 отсто.

http://www.utrinski.mk/?ItemID=8727174B1A8D1B4E9DA862F9C5757A16

БАРОКНАТА ФАСАДА НА КРИВИЧЕН СУД ЌЕ ДОБИЕ РЕФЛЕКТОРИ

Се чини дека се одбројуваат денови до пуштање во употреба на новата барокна зграда на Кривичниот суд, која е изградена кај комплексот судови во близина на МРТВ. Моментално се врши доопремување на објектот во кој „кривичарите“ требаше да се вселат уште пред 3-4 години. Министерството за правда, кое е инвеститор на објектот, пред некој ден склучило договор за набавка на лед-рефлектори (светилки) за фасадата на судот. Договорено е Акционерското друштво за производство и промет „ЕЛ КОМ“ од Скопје за околу 30.000 евра да ги испорача и да ги монтира рефлекторите.

Со оваа набавка, вредноста на објектот се искачи на речиси 9,5 милиони евра, а првично беше најавено дека ќе чини 8,3 милиони евра. Објектот почна да се гради во 2010 година и беше ветено дека ќе се комплетира до крајот на 2011 година. Но, и по толку време, зградата се' уште не е вселена. Досега никој официјално не објасни кои се причините зошто судот се' уште е под клуч.

Објектот на Кривичниот суд е лоциран меѓу барокната катна гаража на Општина Центар и комплексот судови. Има 10 нивоа, со вкупна површина од 8.862 квадратни метри. Планирано е во него да се сместат седум оддели на Кривичниот суд, кои ќе се распоредат во 74 судски кабинети, а ќе има 22 средни и две големи судници што ќе можат да примат по 100 и 200 лица.

Зградата ја градеше скопски „Гранит“, а надзорот го вршеше „Геинг Кребс унд Кифер интернешнл“.

http://www.utrinski.mk/?ItemID=4C47468F174496419DA7CBCCBAF39B7E

Originally posted by Џоле Новата зграда на Основниот суд Скопје 1, која требаше да биде изградена по највисоки стандарди за потребите на еден современ кривичен суд, уште не е пуштена во употреба, поради тешки промашувања на основните стандарди кои се однесуваат на една градба. http://www.vest.mk/default.asp?ItemID=E2EBFC60C8D1494D88903036EB73322F

само неколку поста погоре е и веќе влезе во заборав?