Министерство за земјоделство

Удрен темел на новата зграда на министерството за земјоделство


Инаку, за реализацијата на новиот објект се обезбедени 4,5 милиони евра обезбедени од Владата на Македонија и Светска банка преку Проектот за зајакнување на земјоделството и пристап кон ЕУ

Премиерот Никола Груевски и министерот за земјоделство, шумарство и водостопанство Љупчо Димовски вчера го поставија камен-темелникот на новата зграда на Министерството за земјоделство, шумарство и водостопанство.

Новиот објект ќе биде со основа од 1.800 метри квадратни и вкупна површина од 5.900 метри квадратни распределена во приземје и три ката ќе треба да се изгради во наредните 17 месеци на постојната локација на Министерството во Градскиот парк.
- Отпочнувањето со градба на овој објект има големо значење за Министерството за земјоделство, шумарство и водостопанство и е од исклучителна важност за зајакнување на институционалниот капацитет при имплементацијата на политиката за развој на земјоделството и соочување на Македонија со предизвиците во процесот на подготовка на земјата за пристап кон ЕУ, рече премиерот Груевски, нагласувајќи дека Министерството со години функционираше на пет различни локации.

Во новиот објект, како што кажа, ќе бидат сместени сите оддели на Министерството со што ќе се зголеми нивната ефикасност.
- Инвестирањето во нови објекти, модернизација и подобрување на опременоста на државните институции, а со тоа и подобрување на условите за работа на вработените претставуваат едни од најважните предуслови за нивна нормална, високо функционална и ефикасна работа. Денешниот чин јасно укажува на посветеноста на Владата за изградба на современи и ефикасни државни институции кои ќе одговорат на потребите на граѓаните, истакна премиерот Груевски.

Министерот Димовски посочи дека изградбата на новиот објект ќе овозможи услови за непречено и професионално извршување на работните обврски на вработените во Министерството и подобрување на квалитетот на услугите кон земјоделците, земјоделските асоцијации и останатите корисници на услугите кои на едно место ќе можат да добијат се што им е неопходно.

Инаку за реализацијата на новиот објект се обезбедени 4,5 милиони евра обезбедени од Владата на Македонија и Светска банка преку Проектот за зајакнување на земјоделството и пристап кон ЕУ

извор

Инаку мене проектот вака првично ми се допаѓа особено поради зеленкастите стакла кои одлично ќе се вклопат во околината. Само една работа не ми е јасна, кај ќе биде паркингот за оваа зграда, се надевам ќе си имаат свој подземен паркинг

Edited by Djole88 - 20-Jun-2010 at 22:26

Еве подетално и со точен податок за вкупната површина:

Камен темелник за нов објект на Министерството за земјоделство Министерството за земјоделство, шумарство и водостопанство за 17 месеци треба да добие нов објект на улица Ленинова бр.2, на местото каде што до неодамна се наоѓаше и старото седиште на ова министерство. Стариот објект почна да се руши во ноември минатата година, а вчера и официјално беше поставен камен темелникот на новата зграда. Таа се гради на основа од 1.800 метри квадратни и ќе има едно подземно и четири надземни нивоа, со вкупна површина од 7.573 метри квадратни. На подземното ниво кое ќе биде со површина од 1.605 метри квадратни е предвиден паркинг простор за 35 возила, додека вон објектот се зацртани уште 40 паркинг места. Изведувач на градежните работи е „Мавровоинженеринг“, а за надзорот е задолжен „Евроконсалтинг“. За реализација на оваа инвестиција се обезбедени 4,5 милиони евра од Владата на Република Македонија и Светска банка преку Проектот за зајакнување на земјоделството и пристап кон ЕУ, а Општина Центар на почетокот на годинава се откажа од 200.000 евра кои требаше да ги наплати по основ на комуналии. Инаку Министерството за земјоделство со години имаше просторни проблеми и функционираше на пет различни локации. Во новиот објект ќе бидат сместени сите оддели на Министерството со што се очекува значително зголемување на ефикасноста, како и олеснување на процедурите за корисниците на услугите. Додека трае изградбата, службите се преселени во зградата на Министерството за економија, во населбата Капиштец. http://www.build.com.mk/?p=4048

1


2


3

И мене бројките ми се нелогични , и чудно што министерство за земјоделие нема да биде во барок стил =)

Пишува дека проектот е кофинансиран од Светската Банка, не од фондовите на ЕУ. Инаку нормално дека елементите на фасадата чинат добри пари, не џабе сите чичковци и кумови на министрите имаат фирми ангажирани во изградбата.

Мене ми е само страв да не испадне ова една катастрофална лименка.

Originally posted by lslcrew Ako e potrben i tuka barok, za nekoja godina ke se rekonstrira objektot i moe da mu se stavi kakva se saka fasada.

Не знам дали ова ти е сарказам или сериозен си. Министерството седеше во едно распад зградиче до вчера, сега ќе си играме овде - за некоја година ќе ја напраиме во (демек) барок (не е ни тоа), па после ако не ни е по кеиф ќе ја вратиме истата - кога станавме Дубаи, а ја не приметив...вакво (политичко) размислување од кое резултат е општава сиромаштија е многу вулгарно да се поставува во ова време кога пола држава крпи крај со крај...

И баш да ми објасниш (дека очигледно не ме научиле до сега) како тоа се определува каде е „потребен барок“? Која е методата? Архитектонска, политичка, кафанска...

Инаку обработки на фасади има мал милион, тоа што во Скопје во моментов гледаме само најефтин алукобонд и квази-барок декорација како друга крајност е рамно на лудило, ама тоа е...зградата на основното училиште Нова е обложена со убави фасадни панели (Trespa веројатно) и уште неколку добри примери како црните панели на Сан Марко на плоштад, потоа стои опција да биде обложена со некои вештачки или природни камења исл. Тоа што во финансирањето учествува Светска банка, не е баш податок за фалење, ама од друга страна може да значи поголема контрола врз финансиите, затоа што познато ни е од поодамна како сите власти се однесуваат со народните пари...со приватни, грабежот оди малку потешко...

Originally posted by lslcrew Види да не се праиме наудрени те молам знаеме сите кои се проблемите на државата, лецемерно е сега вака да глумиме гајле за општа сиромаштија, крпешње крај со крај.

Не знам само во што го виде лицемерието...ниту јас ниту некој мој близок не го ограби народов...
И јас не сакам да одам по државни и општински распаднати бараки, ама па ми се крева коса од к***ање со државни пари...

Точно е дека не ме научиле да лижам (знаеш што) по партии, не ме научиле на местење тендери, подмитување, роднински врски и слични ниски форми на практикување на живот...не седам во партиски штаб, ниту седам дома на двосед, него поштено си ги заработувам парите така како што сум научил да работам, а за расфрлање со пари од народ има и мајки и шајки да фрчат...фрустрација имам, што сум опкружен од мнозинство што нема критички однос кон живеењето, него сака да биде водено како животно со ланец и една малцинство што ги сфаќа сите глупости, ама секој збор му се нарекува ерес...
...во истиот фазон ми се гади од вакви изјави и може малку да седнеш и да размислиш пред да почнеш да пишуваш...

Originally posted by Dave Gahan фрустрација имам, што сум опкружен од мнозинство што нема критички однос кон живеењето, него сака да биде водено како животно со ланец и една малцинство што ги сфаќа сите глупости, ама секој збор му се нарекува ерес...

потпис