Месни заедници

Message Topic Search Topic Options Post Reply Create New Topic Printable Version

   Се распаѓаат месните заедници низ Македонија

Месната заедница во Тафталиџе се распаѓа чекајќи судска разврска

Социјалистичката партија на Македонија и општината Карпош со години водат спор за тоа чиј е објектот изграден во 1971 година, па тој не може да се реновира додека трае оваа постапка.

2010-03

2010-03

2010-03

2010-03

И една вест од 2006 година која може слободно да се копира и денес

Пропаѓа зградата на месната заедница во Тафталиџе

Емилија Јовановска 08.05.2006

Графити, заклучена врата, скршени прозорци, руинирана фасада. Ова е се што е останато од Домот на месната заедница во Тафталиџе.

Мештаните обвинуваат дека откако пред 15 години зградата е дадена на Социјалистичката партија на Македонија, започнало уништувањето.

На Месната заедница и припаѓа само мала подрумска просторија. Сега Општината и мештаните водат судски спор за да си го вратат целиот објект.

„Борбата на мештаните не е да го добијат мештаните за себе, туку да го добие Општината. Постојат огромен број документи од кои се гледа дека објектот е финансиран од Градот од, граѓаните на Карпош и од Општината“, вели Славчо Филипчев, советник во Општина Карпош.

Во Домот на месната зедница имало библиотека и сала. Се собирале мештаните, играле пинг-понг и шах. Објектот некогаш бил центар на културниот живот во овој дел од Скопје. Сега е руиниран затворен и пуст.

Само таблата на КУД „Цветан Димов“ потсетува на времето кога тука се одржувале културните манифестации. Сега и тие се принудени да вежбаат во салата на училиштето „Јан Амос Коменски“.

Постарите жители на Тафталиџе со носталгија се сеќаваат на времето кога вратите на Месната заедница биле отворени за сите.

„Овде порано се одвиваа сите активност: младина, културно-уметничко друштво, пензионери, актив на жени; се беше тука вклучено“, изјавија жителите на Тафталиџе.

По земјотресот, во Скопје, наменски, со иста фасада изградени се само четири згради: Студентскиот дом „Гоце Делчев“, Универзитетот, Универзитетската библиотека и Домот на месната зедница.

Но, поради нерасчистените сопственички односи, само Месната зедница во Тафталиџе оставена е да ја нагризува забот на времето.

http://www.a1.com.mk/vesti/default.aspx?VestID=62356 