ТЦ Капиштец (Сектрон)

Почитувани,

Ве информираме дека денес, во просториите на Министерството за транспорт и врски се одржа јавно наддавање за оттуѓување на градежно земјиште сопственост на Република Македонија кое се наоѓа во Скопје, на атрактивна локација во Општина Центар, наменето за изградба на трговски центар со вкупна површина од 385 м².

Во јавното наддавање учествуваа 8 понудувачи, а почетната цена изнесуваше 7.000,00 денари од метар квадратен. Најповолниот понудувач, компанијата „Sectron“ понуди цена од 80.000 денари за метар квадратен, односно вкупно 30.800.000 денари, што е до сега највисока понудена цена при отуѓување на државно земјиште.

Најповолниот понудувач е должен во рок од 15 дена од приемот на писменото известување кое Комисијата го издава по завршувањето на Јавното наддавање да ги уплати средствата согласно постигната крајна цена од наддавањето, како и да ја достави банкарската гаранција во висина од 50.000,00 евра. Во цената се засметува и уплатениот депозит, намален за трошоците на постапката во износ од 10 % од депонираните средства.

Доколку најповолниот понудувач не ги уплати средства во утврдениот рок, ќе се смета дека градежното земјиште не е оттуѓено, нема да се пристапи кон склучување на договор за оттуѓување и депонираните средства на најповолниот понудувач нема да бидат вратени.