build.mk Homepage
Forum Home Forum Home > Главни теми > Проекти
  Active Topics Active Topics
  FAQ FAQ  Forum Search   Register Register  Login Login

Облакодери во Скопје (општо)

Bookmark and Share
 Post Reply Post Reply Page  123 25>
Author
Message Reverse Sort Order
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1 Topic: Облакодери во Скопје (општо)
    Posted: 22-Mar-2021 at 18:29
Кога би се реализирале 60-катниците...





https://www.facebook.com/UrbanTeror

---------------------------------------

Искрено мислам дека нема баш некој интерес за ваков мега масивен проект среде град кој би го загушил тотално просторот,прашање е дали ќе има интерес за барем две кули до 25 максимум 30 ката.Џеваир чинам заглавија и со продажбата а и со трговскиот слабо им оди така да и тука би било слично.Секако дека не поддржувам и безвезно редење 7 или 10 катници на 2 метра растојание тој концепт и онака веќе доминира низ цел град.Исто така и деловни да бидат кулите пак ќе биде промашено со оглед на ситуацијава и кризата деловни простории поготово во строг центар ретко кој би изнајмил или купил.Така да треба добро да се види што е најдобро и најпогодно да се изгради на паркингот и плус на тој дел од маалото кај што се куќарките,ужас би било да го остават тоа парче од Ново Маало исклучено од оваа целина(ако го остават како посебно тогаш ќе имаме П+5+Пк во комбинација со П+25/35 или 60)
Back to Top
Tooold View Drop Down
Groupie
Groupie


Joined: 22-May-2020
Online Status: Offline
Posts: 83
  Quote Tooold Quote  Post ReplyReply #2 Posted: 13-Mar-2021 at 12:25
А шо им смета на луѓето ако е повисоа зградата? Нека бидат 60, зашто да не. На таа локација ако не се 60 каде
Back to Top
JovanOdGjorche View Drop Down
Senior Member
Senior Member
Avatar

Joined: 13-Oct-2012
Location: Скопје
Online Status: Offline
Posts: 511
  Quote JovanOdGjorche Quote  Post ReplyReply #3 Posted: 13-Mar-2021 at 10:02
Ова ти се вика „неиживеано“ планирање и желба за профит. Нека изградат еден (1) облакодер највисоко што можат (доколку се способни за тоа, а се сомневам дека се) и се наоколу нека биде зеленило, едно две кафулиња и толку. Не знам зошто мора да се комплицира.
And something, somewhere was lost in 1938...
Back to Top
Давид View Drop Down
Newbiе
Newbiе


Joined: 13-Mar-2021
Online Status: Offline
Posts: 2
  Quote Давид Quote  Post ReplyReply #4 Posted: 13-Mar-2021 at 07:30
Ич нека не ги градат ако планираат овде мизерни 20 катници да насадат.

Се уплашија да не заличи Скопје на нормален главен град во 2021 година со 60 катници,сега нека им остане барокот на грујо најдобро нешто што се изградило во Скопјево,иронично.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #5 Posted: 12-Mar-2021 at 18:33
МПЦ и приватни инвеститори чекаат план по мерка за да градат висококатници на паркингот спроти „Холидеј ин“    

На паркингот спроти хотелот „Холидеј ин“, во најстрогиот центар на Скопје, ќе има згради, само нема да бидат 60-катници, како што предвидува актуелниот Детален урбанистички план (ДУП), кој во моментов е на ревизија. Од Општина Центар велат дека постапката за ревидирање на овој план е се уште на почеток, бидејќи три пати планот е враќан откако планерот не постапил по дадените забелешки на Комисијата



На паркингот спроти хотелот „Холидеј Ин“ во најстрогиот центар на Скопје ќе има згради, само нема да бидат 60-катници, како што предвидува актуелниот Детален урбанистички план (ДУП), кој во моментов е на ревизија. Од Општина Центар велат дека постапката за ревидирање на овој план е сè уште на почеток, бидејќи три пати планот е враќан откако планерот не постапил по дадените забелешки на Комисијата.

– Повеќепати беше сугерирано сериозно да се разгледаат поинакви плански концепти. На пример, да се следи карактерот на околните блокови како што се Градски ѕид, Градскиот трговски центар, Комплекс банки, коридорот кон Транспортниот центар итн., со акцент на отворање на просторот кон север, односно кон кејот на реката Вардар, планираниот пешачки мост и плоштад „Пресвета Богородица“ (да се размисли за можност меѓу парцелите да се планираат регулациони линии, со што ќе се гарантираат јавни површини т.е. пешачки коридори) – нагласуваат од Општина Центар за весникот ВЕЧЕР.

Голем дел од површината каде што е паркингот со денационализација е вратен на приватни сопственици, кои потоа ја продале на приватен инвеститор. Дел од сопствениците, меѓу кои е и Македонската православна црква, парцелите ги продале на приватен инвеститор кој согласно Законот за градежно земјиште извршил дооформување на целокупната урбанистичка парцела во согласност со важечкиот Детален урбанистички план – Градска четврт Ц 08, или познат како ДУП „Ново Маало 2“.

Планот кој сега се ревидира беше донесен на Советот на Општина Центар во јуни 2007 година, со кој се предвидува максималната висина на објектите да е до 300 метри. Планот беше донесен по барање на тогашната Влада на ВМРО-ДПМНЕ за да може да го реализираат таканаречениот проект „Менхетн“.

Од општина Центар информираат дека Комисијата од Општина Центар барала од планерот на ДУП-от да се вцртаат повеќе раздвоени објекти меѓу кои непречено ќе се обезбеди проток на луѓе, отворени простори одвоени со земјиште за општа употреба што ќе ја гарантира јавноста на просторот и можноста за непречено 24-часовно користење на јавниот простор, а земено предвид значајноста на локацијата.

– Планерот континуирано го нуди истото решение. Не се направи ни обид да се смени концептот – децидни се од Општина Центар.

Освен тоа, Комисијата барала, согласно генерални насоки за изработување на ДУП доставени до сите планерски куќи кои имаат договорни обврски со Општина Центар, да се заштити државното земјиште, односно да се спречи негова понатамошна продажба. Односно, Комисијата барала поголемите групации на земјиште во сопственост на државата да се изземат од градежните парцели и да се предвидат со намена Д1 – парковско зеленило, но и да се предвидат придружни содржини соодветни на предвидените намени, пример градинка.

Како што објаснија од Општина Центар, планот опфаќа простор од околу 8,7 хектари кој е поделен во три парцели. Едната првата парцела е со намена домување, другата комерцијална и деловна намена и третата е плоштадот. При тоа, наместо порано предвидените 60 катници сега се предвидени вистински кули кои ќе бидат со помал габарит од претходно предвидените, односно ќе бидат тесни и високи.

– Инаку, две од кулите се сега со 20 ката, една има 25 ката, една 30 и една, која е и највисока, 35 ката. Освен тоа се предвидува и градинка, но не и училиште, бидејќи тоа не е предвидено со ГУП. Со ГУП не е предвидена ниту градинка, но како локална самоуправа имаме право да побараме, што веќе и е сторено – објаснија од Општина Центар.

Меѓу заинтересираните да започне изградбата на зградите предвидени со ДУП-от, откако е укинат мораториумот за градба од Уставниот суд, неофицијално е заинтересирана и Македонската православната црка која овде има парцела.

За да се поврзат токму зградите предвидени кај паркингот спроти „Холидеј ин“ исцртан е и мост оттаму до црквата „Пресвета Богородица“. Дека таков мост е предвиден потврдуваат и од Општина Центар.

Од МПЦ потврдија дека овде имаат парцела и дека таа била на двете епархии и тоа: Тетовско-гостиварската и Кумановско-осоговската, преупатувајќи не на повеќе информации кај нив. Но, и оттаму молчат. И од двете епархии се бранат со тоа дека наводно не се запознаени со ништо.

https://www.vecer.press/мпц-и-приватни-инвеститори-чекаат-пла/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #6 Posted: 04-Mar-2021 at 22:16
Мислам дека веќе е промашена работа и на ништо нема да личи бидејќи и 60 катни да бидат ќе бидат на паркингот а овој дел со куќарките ќе бидне некои 5 катни голубарници и ништо не сме добиле. Патем макетите не се многу релевантни бидејќи не се од некое официјално тело правени така да можеби не ја отсликуваат реалноста а мислам и дека никој не би се нафатил да гради такво нешто.
За Ново Маало,Маџир маало и Крњево имаше огромен потенцијал но за жал ништо за Маџир маало реално треба да се рушат тие 15-тина згради што никнаа и да се почне со нешто ново од почеток но тоа нема шанса да се случи,во Ново Маало сега за сега само Луна градат така да не е се изгубено има шанси за некои си барем просечни згради но рано е да се каже бидејќи допрва ќе се појавуваат разни инвеститори во тој дел. Крњево за сега стои нечепнато ама по сите планови и нови и стари концептот е повеќе од лош. Сигурно сега овој пад на мораториумот ќе се искористи за во брзо време да се издадат многу дозволи за овие делови и со тоа тотално ќе заминат во неповрат.
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #7 Posted: 04-Mar-2021 at 22:01
И пак се критикува самиот факт што пустелијава ќе се изгради, наместо да се критикува тоа што се гради нездраво. Огромна штета е што потегот Ново Маало-Маџир Маало-Крњево не се оформи во голема, функционална и репрезентативна целина на деловни, административни и образовни објекти со мал дел станбени единици, туку се сади со криви голубарници.

Мислам дека има простор за 2-3 згради од 25-35 ката тука, уште 1-2 во Маџир Маало и 1 во Крњево, десетина со висина на Банката и уште нешто пониско. Многу подобро од голубарници.
Градот убав никна, но го откорнаа
Back to Top
MKDSTRUGA View Drop Down
Senior Member
Senior Member


Joined: 20-Jun-2018
Online Status: Offline
Posts: 455
  Quote MKDSTRUGA Quote  Post ReplyReply #8 Posted: 04-Mar-2021 at 20:23
Originally posted by Staro Skopje

Инвеститорот најави една кула од 35 ката и неколку помали.

За ваков комплекс нема исплатливост, а веројатно не ни постои вон Азија.


Takvo nesto ubavo bi doslo za Skopje. Edna od 35 i dve so po 30 i 25 ke bide taman.
Back to Top
Théoden View Drop Down
Senior Member
Senior Member
Avatar

Joined: 31-May-2018
Location: Р. Македонија
Online Status: Offline
Posts: 527
  Quote Théoden Quote  Post ReplyReply #9 Posted: 04-Mar-2021 at 19:45
Би наликувала по малку во својот габарит на Абраџ ал-Баит. Ако се изгради Скопје би станал и буквално Мека на градежништвото. Big%20smile

Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #10 Posted: 04-Mar-2021 at 18:43
Ова ако се изгради ќе биде најгрдата и најмасивната зграда во цел свет. Не знам уопште дали е возможно било каде на светот вакво чудовиште да се изгради.
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #11 Posted: 04-Mar-2021 at 17:52
Мислам дека скицата излезе од некој портал или фејсбук, не беше никаква официјална анимација од општина/влада.
Back to Top
Staro Skopje View Drop Down
Senior Member
Senior Member


Joined: 07-May-2013
Location: Skopje
Online Status: Offline
Posts: 2692
  Quote Staro Skopje Quote  Post ReplyReply #12 Posted: 04-Mar-2021 at 15:06
Инвеститорот најави една кула од 35 ката и неколку помали.

За ваков комплекс нема исплатливост, а веројатно не ни постои вон Азија.
Градот убав никна, но го откорнаа
Back to Top
MKDSTRUGA View Drop Down
Senior Member
Senior Member


Joined: 20-Jun-2018
Online Status: Offline
Posts: 455
  Quote MKDSTRUGA Quote  Post ReplyReply #13 Posted: 04-Mar-2021 at 14:43
Ne veruvam deka ima firma so ima interes da vlozi vo vakov megalomanski proekt vo Skopje. So segasnite demografski tendencii Skopje do 2035 godina koga bi bil proektov realiziran bi spadnal na pod 600.000 ziteli od koi grotot postari i imotno zasiteni. Po realno mi e da ima 40 do 50 kada dve do tri zgradi so mnogu pomal gabarit i nikako spoeni kako dzid. No iskreno mislam deka ni za toa nema da ima interes.
Back to Top
<Fresno> View Drop Down
Senior Member
Senior Member
Avatar

Joined: 13-Jun-2010
Online Status: Offline
Posts: 1108
  Quote <Fresno> Quote  Post ReplyReply #14 Posted: 04-Mar-2021 at 14:29
Повторно со овие нереални скици што треба само негативна реакција да предизвикаат. Штета што долго време СДС ќе биде на власт во Центар пошто не се способни со притисок од разно разни групи да се изборат и веројатно ќе ја смалат висината на маркицата.
Back to Top
Dzeksi View Drop Down
Senior Member
Senior Member
Avatar

Joined: 01-Apr-2012
Location: Skopje
Online Status: Offline
Posts: 412
  Quote Dzeksi Quote  Post ReplyReply #15 Posted: 04-Mar-2021 at 12:58
dali ja pustaat na dve godini ne e vazno toa vazno e sto ke se igradat
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #16 Posted: 03-Mar-2021 at 19:58
на секои две години ни ја пуштаат водичкава за облакодериве, на секои две години се крева галама и пак ништо... уште побетер, мислам дека „рендериве“ беа идеја на некој од форумашите тука
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #17 Posted: 03-Mar-2021 at 18:25




https://marh.mk/isceznuva-posledniot-sloboden-prostor-vo-centarot-na-skopje/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #18 Posted: 03-Mar-2021 at 18:25
Ќе никне ли комплекс без идеја, без ентитет и далеку од размерите во секаква смисла во строгиот центар на Скопје?

Една од најатрактивните парцели во строгиот центар на Скопје – на паркингот спроти Холидеј Ин наместо во зелен појас, го чека својот ред да се претвори во огромно бетонско здание со згради и до 30 ката, алармираат архитектите, кои стравуваат дека со огромните мегаломански структури комплетно би се задушило Скопје.

Денеска МАРХ, платформата посветена на промоција на македонската архитектура, во соработка со Институтот за комуникации објавија 3Д визуелизација од просторот, со што укажуваат на важноста за правењето сериозна опсервација пред да се направат било какви чекори кон градење на овој простор.

Мартина Штериова, во комуникација со „Слободен печат“ откри дека тие ја подигнале 3Д визуелизацијата сѐ со цел да ја поттикнат јавноста да развие свесност за какви сѐ работи се кријат зад кулисите во институциите. Што сѐ се состои во поединечните ДУП-ови, конкретно во случајов, со ДУП-от донесен од Општина Центар во 2012 би се дозволиле градби што се сосема надвор од тоа што го дозволува Генералниот урбанистички план на Град Скопје.

Таа прецизира дека е сосем неопходно да се креира детална опсервација, да се направи сеопфатна анализа за потребите на граѓаните и воопшто, на градот Скопје, пред да се започне со интервенција на просторот.

Додаде дека несогласувањата помеѓу Градот Скопје и Општина Центар се комплетно небулозни и дека нивната соработка треба да вроди плод во заедничкото планирање на функционални простори.

„Загрижувачка е огромната летаргичност кога станува збор за дејствување во прилог на општественото и колективното добро. Еднакво загрижувачки е тоа што за локација како што е оваа во самото централно подрачје на главниот град со огромни потенцијални вредности и квалитети, се планира комплекс од таков вид, којшто претставува само комплекс што може да постои било каде на друга локација и ништо повеќе од тоа. Комплекс без идеја, без ентитет, далеку од размерите во секаква смисла, без однос кон контекстот, создаден без претходна опсервација и валоризација, создаден според некаков шаблон и без обмислување на консеквенциите што потоа. Со сето ова се доведуваме само до амнезија на градот“, пишуваат од МАРХ платформата.

Тие сметаат дека „преземањето на одговорност за заедницата ни недостига сѐ повеќе, а со тоа е недостижно и созревањето во сите професионални определби“.

-Неопходно е принципиелно поттикнување на културата на развојот, отвореност кон феномените на масовната култура, одговорност за општествениот развој и ширење еден јасен и позитивен став во каков град сакаме да живееме, децидни се од МАРХ.

Инаку парцелата кај Холидеј Ин со месеци е под лупа на Антикорупциска комисија која смета дека деталните урбанистички планови треба да водат сметка за стандардите и нормативите со кои се обезбедува системот на хуманост на живеењето, со плански одредби кои ќе ја штитат приватната сопственост, но на начин на кој што нема да го повредат јавниот интерес.

https://www.slobodenpecat.mk/ke-nikne-li-kompleks-bez-ideja-bez-entitet-i-daleku-od-razmerite-vo-sekakva-smisla-vo-strogiot-czentar-na-skopje/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #19 Posted: 02-Mar-2021 at 14:57
Исчезнува последниот слободен простор во строгиот центар на Скопје





Јавниот простор во еден град ги манифeстира културолошките процеси на општеството и треба да биде колективно право загаранитирано за сите граѓани. Наместо прогрес и ослободување на јавниот простор во град Скопје, сѐ се движи во обратна насока. Сите процеси што се случувале изминативе години секако влијаеле врз поимањето на тоа што е јавен простор. Прашањето денес е: Дали, кога се зборува за јавен градски простор, постојат компромиси? Поради значајноста на прашањето и одговорот, ќе се обидеме да ви ги доловиме минатото, сегашноста и иднината за слободниот простор пред хотелот „Холидеј Ин“.
Паркингот пред ГТЦ/Холидеј Ин е едно од последните најголеми слободни јавни градски простори во централното подрачје на град Скопје. Ја има клучната позиција на поврзување на источниот дел на градот со центарот. На северната страна веднаш се граничи со кејот „13 Ноември“ и реката Вардар. На југоисток е близу до булеварот „Кочо Рацин“, на југозапад се врзува со блоковите и кулите на Градски ѕид, а на северозападната страна веднаш се наоѓаат хотелот „Холидеј Ин“ и Градскиот трговски центар.

Значаен сегмент во предлог урбанистичкото решение на Кензо Танге
По земјотресот во Скопје 1963 година, реконструкцијата на центарот на градот била од клучно значење. На меѓународниот конкурс за изработка на урбанистички план за централното градско подрачје, меѓу четирите меѓународни групи на автори бил и Кензо Танге од Токио, Јапонија кој добил најголем дел од наградата. Идејата на овој план (метаболички, футуристички, утописки, постфункционален, со симболичка, оптимистичка визија дека градот може да се развива) за конкретната локација била да се оформи Републичкиот плоштад, којшто каскадно се спушта и се отвора кон природата, кон реката Вардар. Тој се протега и на едната и на другата страна на реката со објекти кои како да го прегрнуваат плоштадот, со само една силна вертикала која треба да биде една урбана доминанта. Овде била предвидена познатата пешачка платформа која води од транспортниот центар, преку трговската зона сѐ до Градскиот плоштад, за да овозможи непрекинато движење и пристап, ставајќи голем акцент врз пешакот.
ажно е да се напомена дека тенденцијата на планот била кон јавните простори (како што е ГТЦ), иако станува збор за големи структури што претставуваат парче урбанизам, транспарентност и достапност на објектот за секој минувач со различни потреби. Постои однос кон природата, не се затвора просторот за обичниот граѓанин, претставува јавен простор, кејот е оставен на јавноста. Истото се случува и на другата страна, еден огромен јавен простор којшто е на граѓаните, којшто амфитеатрално се отвора кон една широка платформа и каскадно се спушта кон реката, што е веројатно најдобриот пристап за планирање, најдобриот однос кон природата, реката, што некогаш го имало Скопје.

Вредноста на планот е што предвидува јавни содржини што му служат на човекот, претставуваат хуман простор, тоа што објектите се ориентирани еден спрема друг, како се отвораат кон градот и имаат исклучителна вредност со нивната пропустливост и транспарентност.









Предлог урбанистички план 2012



Во 2012 година, Општина Центар предложи детален урбанистички план за Голем ринг исток, којшто го третираше и просторот пред хотел „Холидеј Ин“. Првично во овој предлог- план, општината не го поимаше овој дел како јавен градски простор.
Во овој реон постои мораториум, но прашањето е дали мораториумот е долгорочно решение или повторно замајување на вистината пред очите на жителите. Тој е можеби единствено нешто што го спречува градењето на овие мегаломански објекти, но урбанистичкото планирање не треба да биде за краток рок бидејќи е основа за тоа колку ќе биде хуман просторот за живеење, но постапката за донесување нов ДУП е прилично комплексна и долга.
Локацијата се наоѓа во зона со највисока сеизмичка активност. Препораките по земјотресот биле оваа зона да остане неизградена, а тоа е целата зона по течението на реката Вардар. Зоната на подземните води околу Вардар е многу висока и сите објекти коишто се сега изградени имаат поплавени подруми. Кај нив постојано, 24 часа, работат пумпи што вадат вода надвор од причина што се изведени без да ги земат хидролошките услови во предвид. ГТЦ има два ката под земја, но никогаш не бил поплавен.

ДУП Ц 08, 2012 наспроти ГУП на Град Скопје, 2012 – 2022
Разликата во решенијата помеѓу ГУП и ДУП од 2012 година е повеќе од евидентна. Недоследните спроведувања на законските решенија е, за жал, вистината за ова потпишување и одобрување на ДУП, а прекршувањето на начелата за урбанистичко планирање се чини како да не може да биде поголемо.





Урбанистичко-планската документација за ова подрачје била направена за само 1 денар на м². Ова остава доволно простор да се запрашаме дали понатаму се води кон поинакви игри коишто се веќе предвидени во потесните кругови или претставува повторна соработка зад затворени врати на општините, планерските куќи и инвеститорите.

Од друга страна, се јавува потребата од посочување на законските регулативи што ја одредуваат иднината на урбаното планирање и квалитетот на животот. По многупати докажаната нехумана состојба со деталните урбанистички планови, не само за овој регион, доаѓаме до заклучок дека постои и пропуст поради отсуство за докажување дека планерите постапиле по забелешките на Комисијата за урбанизам. Поради фактот дека е препуштено на очекувањата дека забелешките треба да бидат коригирани, планерските куќи ја користат ситуацијата во некаква полза.

На оваа локација, ако се чита намената на површината која е приватизирана, определена со ДУП во 2012 година, предвидени се станбени и деловни објекти и нема никаков јавен интерес. Според законот, кога се продава едно земјиште, сопственоста што се стекнува над него не се однесува само за она што се наоѓа над земјата, туку и за тоа што се наоѓа, односно што е предвидено да се гради под земјата. Под површината на ова место приказната е сосема поинаква, како што покажува и самиот генерален урбанистички план; предвидено е да поминува подземна траса на трамвај и тоа не може да се промени со деталниот урбанистички план како план од понизок ранг.

Јасно е дека јавниот градски превоз е прашање на јавен интерес и во самиот закон стои дека кога на едно земјиште се предвидува објект од јавен интерес, за продажба е потреба одлука на Владата, а не на Министерството за транспорт и врски. Законодавецот напишал дека објектот дури и не мора да постои, доволно е да биде предвиден со постојните планови.

Интересите на бизнисот или на граѓаните за хуман простор
Зачудувачки е фактот како ова предлог-решение било потпишано и одобрено од институции што треба да се стремат кон се подобар и подобар развој на градот, со формирање на визија и стратегија. Немаме никаква поврзаност и отвореност на објектите кон градот, нема однос кон природата, нема никаква интеграција на околината и таа е далеку од хуман простор за живеење.







Потребите на градот
Делувањата спротивно на законските регулативи секако не се потребата на градот. Инклузивноста, партиципативноста и јавноста во процесот на урбанистичко планирање, за жал, во моментов се утопија за која сите ние мечтаеме. Да нема недопирливи места и јавни простори да се појавуваат секаде. Тоа е она кон што треба да тежнееме, а не кон затворање простори; кон инклузивност, а не кон ексклузивност. Потребно е заедничко и транспарентно делување за иднината на градот, особено во овие простори како паркингот пред „Холидеј Ин“, Маџир Маало, Ново Маало итн. Кои имаат голем потенцијал, а конкурсите да бидат една од алатките за заедничкото делување.



https://samoprasaj.mk/naacik/1916-2021-03-02-09-55-14






Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #20 Posted: 21-Feb-2021 at 13:01
Супер би било местово да е со висококатници, ама не премногу високи, некаде околу 30-35 ката. И нормално, неколку (три-четири), а не десет по 30-35 ката.

Edited by skopskodete - 21-Feb-2021 at 13:02
Back to Top
 Post Reply Post Reply Page  123 25>

Forum Jump Forum Permissions View Drop Down



This page was generated in 0.109 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.