Меѓуградски автобуски превоз

Галеб се има пофалено и на нивната интернет-страница за безжичниот интернет во автобусите. После неколку години, конечно барем некој од автопревозниците да се сети на оваа поволност за патниците.

мала радост за кумановци 
нема да имаат веќе подвижни контејнери на линиите за скопје, нов сопственик на југ турист куманово е руле турс скопје

Originally posted by Danndy Originally posted by BOJAN Галеб се има пофалено и на нивната интернет-страница за безжичниот интернет во автобусите. После неколку години, конечно барем некој од автопревозниците да се сети на оваа поволност за патниците. Тоа само на интернет страницата ќе остане изгледа. Последниот пат кога се возев со нив до Охрид, 10тина патници стоеа затоа што немаше каде да седнат, а возачот застануваше на 3-4 места кои не се одбележани како автобуски стоп за да се качат нови патници иако немаше веќе ни 1 празно седиште. Ладење/греење (било какво) е апсурд исто. Безжичен интернет?

Точно е дека некогаш стојат (пример четврток навечер и петок и недела навечер/понеделник сабајле со викенд миграцијата на студентите), штета не размислиле да купат двокатни возила.Cепак се единствени со превоз до/од Охрид до скоро сите поголеми места низ Македонија преку цела година.
За застанувањето ќе отвориш во список на одобрени возни редови на Министерство за транспорт.И мене не ми е мерак така среде некоја пустелија да застанат, па сам возач ако е, па куцај карта, па ако е со багаж патникот слегување долу...
Исто еден иницијатор за гужви се повратните карти;најголем дел патници со повратни на враќање нема да ги заверат, па ќе се качат на некоја постојка низ град* и ај нека ги слезат со повратна.А еве пред дес‘тина дена имаше ситуација да слезат патник поради незаверена повратна, па мораше следниот термин после 2 сати.
Ама за ладење/греење не се сложувам, имам поголем стаж во патување и како студент и за други потреби, евентуално да било моментален проблем.

*Најмногу сум противник на качување патници во град на било кое место освен автобуска станица.Ако на секоја постојка низ некој град за градски, приградски превоз или по паркиралишта се земат патници, џабе постоењето на станиците.Тогаш и авиони ќе можат на постојка, ако некој му е далеку аеродромот

Интересни окрупнувања во меѓуградскиот превоз.
Руле Турс со преземањето на Југ Турист доби скоро монопол на линиите од Куманово и Тетово кон Скопје, (вториве дел ги зеде порано од некогашните Пролетер Скопје и Полет Тетово).
Хисар Туризам ги презеде Охрид Експрес, возилата и неговите линии, најверојатно и линиите на Симекс Кичево.
Струмица Експрес го презеде линиите на Балкан Експрес Радовиш, веројатно и станицата во Радовиш.
Галеб со план за втора линија за Штип-(Кочани), претпоставка да откупат од Берово Транс.Интересно порано правецот тука беше студенти од Источна Македонија кон Охрид и Битола, сега е двосмерно со Штипскиот Универзитет
Засега е добро со оглед дека Радовишани и Кумановци ќе добијат поквалитетни возила, па и подобра фрекфенција и нови линиии од стандардните.
Добро е и враќањето на неозбилните превозници на автобуските станици, посебно овие сезонски превозници со постојки по желба.

Edited by Тркало - 21-Jul-2013 at 16:27

не е добро укропнувањето, ке имаш монопол на линиите и цени какви си сака превозникот - такви ке си става. подобро е (зборувам за патниците) да има силна конкуренција, каде превозниците ке мораат се повеке и повеке да вложуваат во возниот парк, цената на картите ке биде прифатлива за патниците. хаос во никој случај ке нема бидејки инспекторите си ја вршат нивната работа кога се работи за оние кои работат легално, има редовни контроли.

Се согласувам до негде со Санос дека окрупнувањето не е сигурно подобро.Освен во вакви посебни случаи како Југ Турист и Балкан експрес Радовиш, со оглед на нивниот возен парк.

Па најлоши возила и услови имаше пред 10+ години со старите државни фирми, последен жив пример е Југ Турист.Еве и пример од мојот град, во време на државна сопственост Галеб често пати пушташе (при)градски возила до Битола, а понекогаш дури и до Кочани како ‘втора класа линии‘!Кичевски Симекс е уште во тој стадиум.Струшки Југотранс порано со приградски возила како на Југ Турист често возеа Струга - Битола - Скопје...
Тек со влегувањето во игра на помалите превозници квалитетот доби каков таков плус и конкуренција стана нешто реално.Е тука проблемот е со тие нови превозници, во таа група влезе ‘и ќоро и сакато‘ па пак се разводни развојот.

Какви се тие автобуски превозници со возен парк од комбиња, добар дел фургони преправани во патнички, а и некои со 8-12 седишта вршат меѓуградски превоз, за кои законски не смејат да добијат дозвола?

Не е константа ако превозник е со 3-4 возила да е лош и неквалитетен и обратно ако е со 30 возила да е добар.Проблемот е наоѓање соодветен баланс меѓу новокомпонираните превозници и старите бивши државни фирми.

Edited by Тркало - 22-Jul-2013 at 18:50

Не би се сложил со вас, не мора да одиме надвор од светот, доволно е да го видиме регионот, за да забележиме дека најдобро организирани се големите автобуски компании, кои во моментов се во приватни раце. Не велам дека не треба да има помали компании, но мислам дека апсолутен приоритет во одржувањето на линиите треба да им се даде на поголемите превозници. Се работи за систем, организиран сервис, платени и искусни работници, работење според законски прописи, почитување на возен ред, набавка на автобуси. Според мене, ова би требало да биде синоним за една една компанија, која не би можела да го оствари ако има 2-3 комбиња и еден автобус.

Конечно се градат нови меѓуградски автобуски станици

Автобуските превозници бараат стриктно применување на критериумите за категоризацијата на станиците, кои во најголем број се ставени во прва категорија, иако се неспоредливи, на пример, со скопската автобуска станица

Се напушта моделот на автобуска станица „стреа плус два-три шалтери“

Општините се сетија

Меѓуградските автобуски станици во државава и во екот на оваа летна туристичка сезона се крајните точки на патувањето за многу граѓани. Но летово кога станува збор за овие станични објекти има и една друга карактеристика - конечно кај нас почнуваат да се градат и нови станици. Неодамна беше пуштена во употреба новата автобуска станица во Гевгелија, пред извесно време почна изградбата на станиците во Прилеп и во Делчево, а според некои најави наскоро треба да се очекува да се градат или да се модернизираат станиците во повеќе градови. Заедничко за сите овие активности е што полека но сигурно се напушта моделот на автобуска станица „стреа плус два-три шалтери“, а наместо тоа се оди на економска целина за прием и испраќање на автобусите и патниците, со угостителски и други придружни функции, слично на автобуската станица во Скопје.

Категории

На јавноста ѝ е недоволно познато дека постојните, но и новите автобуски станици, се градат или се реновираат и модернизираат за да добијат една од четирите категории (нешто како ѕвездичките кај хотелите) што ги дава специјална комисија за категоризација при Министерството за транспорт и врски, во која членуваат и претставници од локалната власт. Имено, со категоризацијата на автобуските станици, која е процес што трае веќе петта година, се опфатени сите 25 меѓуградски автобуски станици во Македонија. Тие веќе имаат добиено решение од Министерството за транспорт и врски во кое им е впишана категорија од еден до четири, во зависност од критериумите што ги исполнуваат и врз чија основа наплатуваат за услугите што им ги даваат на автобуските превозници, односно на патниците. За да добијат одредена категорија претходно комисијата за категоризација врши мониторинг на нивната опременост, во согласност со Законот за превоз во патниот сообраќај, при што, од вкупниот број, досега седум станици влегоа во првата категорија, осум во втората и по пет автобуски во третата и во четвртата категорија. Законот, пак, вели дека за да се добие најдобрата - прва категорија, услов е автобуската станица да е климатизирана, да има покриен перон, чисти тоалети, јавна телефонска говорница, разглас, возниот ред да е испишан на дигитални дисплеи, да поседува трафики и објекти за брза храна, како и претставништва на туристички агенции. За четвртата и најлоша категорија државата бара исполнување само на три услови, станицата да има само перон, чекалница и тоалети.

Разлики

Во првата категорија, покрај скопската, се и станиците во Штип, Битола, Кавадарци, Велес, Струмица и во Тетово. Во втора категорија се автобуските станици во Гостивар и Берово, во третата Охрид, Куманово и Кочани, а во четвртата е Свети Николе. Токму категоризацијата на автобуските станици се смета дека е значаен чекор напред во нивното функционирање, но, сепак, има мислења и дека добивањето на првата категорија за некои од нив и не е толку според заслугите, а за што можеби влијае и големата разлика во квалитет меѓу најголемата и најопремена автобуска станица во државава, скопската, и другите.

Здравко Цоневски, кој го предводи автобускиот превозник „Автоатом“ од Кочани, има забелешки во однос на издадените категории за некои станици.

- Впечаток е дека првата категорија им е дадена на премногу станици, а меѓу нив и на некои што не ја заслужуваат - вели Цоневски.

Според него, недостига да се исполнат некои други услови и подобро да се уредат и опремат станиците.
- Ние тоа им го плаќаме, како превозници, при што услугата што ја добиваме на таквите автобуски станици не одговара на платеното - вели Цоневски.

Борис Трајковски од кумановскиот автобуски превозник „Штуз“ се залага за стриктна примена на критериумите за добивање соодветна категорија на станиците. Тој посочува дека е забележливо и дека на некои автобуски станици се направени само нови стреи и нема никакво друго подобрување.

-Па, и во таквите објекти, 30 отсто од приходите од т.н. перонизација остануваат на станицата, а и 10 отсто од приходите од секој продаден билет. Од друга страна, легалните автобуски превозници, односно оние што работат според сите правила и прописи, на кои инсистираат надлежните органи, токму и поради давачките што ги имаат за станиците не можат да се носат соодветно со дивите превозници, кои ни ги преземаат патниците - вели Трајковски.

Билети преку Интернет

Според Златко Кочовски, управител на СИЗ „Македонија сообраќај - АМЕРИТ“, транспортна асоцијација, која има повеќе членки-автобуски превозници, а кои се наедно и сопственици на автобуски станици, категоризацијата на овие станични објекти е појдовна одредба и регулација, која требало одамна да се направи за да се подобри квалитетот на нив.

- Автобуските станици во минатото беа со многу лош квалитет, немаше ред во влегувањето и излегувањето на автобусите, а исто така често се правеа малверзации со тоа што можеше да се продаваат и купуваат билети на кое било место, пред автобус, во автобус, пред автобуските станици и во нив... Сега се направи ред и во начинот и во постапката за купување на билетите, а повеќето од автобуските станици сега станаа пристојно место каде што патниците можат и соодветно да го почекаат автобусот за дестинациите каде што патуваат. Освен ставањето на станиците во одредена категорија, според која понатаму се одвиваат нивното работење и наплатата на надоместоците, мислам дека тенденцијата што државата ја пројавува со новите станици, како на пример онаа во Прилеп, чија изградба почна неодамна, или во Гевгелија, е уште повеќе да се подобри состојбата со автобуските станици, затоа што превозот на патници во Македонија во најголем процент е со автобуси - вели Кочовски.

Според Масар Омерагиќ, директор на скопската меѓуградска автобуска станица и на автобускиот превозник „Руле турс“, а кој истовремено е и претседател на групацијата на автобуски станици при Стопанската комора на Македонија, во целиот овој процес на категоризација на автобуските станици позитивно е што со него се стави ред во контролата на возните редови и во нивното одржување.

- Сега на превозниците секогаш им се исплаќаат средствата од наплатените билети од први до петти во тековниот месец, за превози во минатиот месец, а ако на некои превозници им треба помош, дури и им исплаќаме аванси, бидејќи интерес на патниците, но и наш, е тие непречено да ги извршуваат превозите и да ги одржуваат линиите. Категоријата, пак, е менлива работа, зашто секој превозник бара повисока категорија, а доколку не ги задоволува критериумите, ресорното министерство може и да му ја намали категоријата. Практично, категоризацијата и ги подигна критериумите со кои автобуските станици секојдневно треба да работат на подобрување на квалитетот на своите услуги во приемот и во испраќањето на автобусите и на патниците - вели Омерагиќ.

Тој додава дека автобуските станици не се ништо друго туку сервис на превозниците и на патниците.
- Со новите измени на Законот за патен сообраќај автобуските станици се должни до крајот на 2014 година да воведат интернет-продажба на билети, што исто така е голем чекор напред во зголемување на квалитетот на автобускиот превоз на патници - вели Омерагиќ.

Автор: Благоја Јанев Фотографија: Дарко Андоновски

http://www.novamakedonija.com.mk/NewsDetal.asp?vest=81913953233&id=10&prilog=0&setIzdanie=22956#.UhHu_UBK1EY

тоа за автобуските станици е точно дека на некои им е дадена 1-ва категоријаа не го заслужуваат тоа како на пример автобуска станица велес каде не може на перон да влезе двоспратен автобус

еве ги категориите на автобуските во македонија

КАТЕГОРИЗИРАНИ АВТОБУСКИ СТАНИЦИ

 ВО РЕПУБЛИКА МАКЕДОНИЈА

 1.-Скопје-Руле Турс-прва категорија 

 2.-Тетово-Сат Бус-прва категорија

 3.-Битола-Транскоп –прва категорија 

 4.-Струмица-Струмица Експрес- прва категорија

 5. -Штип-Анго- прва категорија 

 6.-Кавадарци-Сам Вел- прва категорија

 7.-Велес-Го-Ма-Бус- прва категорија 

 8. -Гостивар-Еуро Турист-прва категорија

 9.-Кочани-Авто Атом  - втора категорија 

10.-Радовиш-Балкан Промет-втора категорија

11.-Струга-Вакчаре- втора категорија

12.-Куманово-Југ Турист во стечај- втора категорија 

13.-Неготино-Памела-втора категорија

14.-Прилеп-AД Пелагонија Транс- втора категорија 

15.-Демир Хисар-Транскоп- втора категорија

16.-Охрид- АД Галеб- трета категорија 

17.- Берово-Берово Транс- трета категорија

18.-Кичево-Симекс Превоз Автотранспорт-трета категорија 

19.-Гевгелија-Трансбалкан-трета категорија

20.-Пробиштип-Црешово Топче- трета категорија

21.-Гостивар- Дурмо турс-трета категорија 

22.-Крушево-Скорпион-четврта категорија

23.-Крива Паланка-четврта категорија

24.- Свети Николе-РеиСк- четврта категорија 

25.-Виница-Стела- четврта категорија

26.-Кичево-Баљи Комерц- четврта категорија

27.-Валандово – четврта категорија