Меѓуградски автобуски превоз

АКО Е ОВА БИЗНИС КЛАСА, КАКВИ ЛИ СЕ ДРУГИТЕ?!


Со автобус од Гевгелија до Скопје на една нога!


На бизнис-линијата од Гевгелија до Скопје сообраќа само еден автобус, којшто веднаш се полни со дозволениот број патници, а потоа и се преполнува со уште толку патници. Карта за седење и за три часа стоење има иста цена


Ако си доволно брз и умешен, а имаш и среќа, ќе најдеш место во автобусот и како човек ќе се возиш до Скопје. Ако не, ќе си стоиш два-три часа иако имаш автобуска карта". Вака изреволтираните граѓани реагираат на секојдневните турканици со кои се соочуваат при патувањето од Гевгелија до Скопје.

Всушност, на бизнис-линијата од Гевгелија до Скопје сообраќа само еден автобус, којшто веднаш се полни со дозволениот број патници, а потоа и се преполнува со уште толку патници. Карта за седење и за три часа стоење има иста цена. Бизнис-автобусот од Гевгелија до Скопје тргнува во шест часот наутро и вози директно до главниот град без запирање во Демир Капија, Неготино и Велес. Оваа линија обично ја користат најголемиот број гевгеличани, бидејќи им е битно навреме да стигнат до Скопје на работа, факултет или да завршат некоја деловна обврска. И никој од нив не сака цели два часа да стои на нозе. Еден од возачите за Вечер изјави дека иако знае дека превезувањето поголем број патници од дозволеното е строго забрането, немал друг избор, бидејќи секој што дошол дента да се качи во автобус, морал да стигне навреме во Скопје. А на прашањето зашто автобускиот превозник не пушти уште еден автобус кога заинтересираноста на граѓаните е голема, тој изјави дека тоа засега не е можно поради кризата во која се наоѓаат веќе подолг период, додавајќи дека се надева дека ситуацијата набрзо ќе се реши.

Од Министерство за транспорт и врски велат дека се запознаени со овие случаи и дека преземаат мерки за нивно санкционирање.
- Во согласност со Законот за безбедност на патиштата со моторно возило можат во сообраќај на пат да се превезуваат лица во оној број што е означен во сообраќајната дозвола, односно во потврдата за регистрација. За правното лице кое ќе нареди или дозволи да се превезуваат лица спротивно на овие одредби е предвидена глоба во износ од 480 евра во денарска противвредност, глоба во износ од 300 евра во денарска противвредност е предвидена за одговорното лице во правното лице и глоба во износ од 200 евра во денарска противвредност е предвидена за возачот кој постапува спротивно овие одредби, велат од Министерството за транспорт и врски.

Освен со превозот граѓаните на Општина Гевгелија се соочуваат со уште еден сериозен проблем - немаат автобуска станица, па жителите буквално немаат каде да се информираат дали, кога и каде има автобус. Освен што не можат да дојдат до потребните информации жителите не можат да си купат ни билети, па тоа е решено така што билети се издаваат во автобус и без фискална сметка. Од Општината во Гевгелија велат дека се свесни за проблемот со којшто се соочува градот и жителите, меѓутоа засега се уште се бара соодветна локација.
- Постојат две опции за новата автобуска станица. Едната локација е местото каде што беше старото училиште Владо Кантарџиев", а другата е транспортниот центар на железничката станица. Мора да напоменам дека Општината нема да ја гради и нема да инвестира во самата автобуска, туку инвеститорот кој ќе биде заинтересиран и ќе се јави на распишаниот јавен повик, вели Виктор Гавровски, советник во Советот на Општина Гевгелија. ( И.Р.)


Билетот од Гевгелија до Скопје, што се добива во автобусот во еден правец чини 290 денари, а повратен е 480. Ваков проблем немаат само оние кои патуваат од Гевгелија до Скопје. За илустрација, некои од превозниците кои возат на релација Крушево - Скопје наместо 27, колку што има седишта во минибус, превезуваат и до 40 патници. Цените за повратен билет купен од автобуска станица на оваа релација чини 630 денари, за неколку километри помалку, купен билет во автобус, од Кривогаштани до Скопје чини 500 денари, но без место за седење. Прилепчани пак, стоечки да стигнат до Крушево плаќаат 100 денари.

Izvor: Večer, http://www.vecer.com.mk/?ItemID=D54D7D1D9FE8F344BE698F64D79439E2

Бизнис / Македонија
Времено одземени 30 возила на нелегални превозници


Скопје, 23 март 2012 (МИА) - Во акциски контроли на Државниот инспекторат за транспорт од 5 март досега се одземени 30 возила на превозници кои не ги почитувале законските обврски, од кои еден автобус, пет минибуси, 17 патнички комбиња и седум автомобили, соопшти денеска Министерството за транспорт и врски.

Согласно Законот за превоз во патниот сообраќај предвидена е глоба во износ од 500 евра во денарска противвредност за лица кои вршат јавен превоз без соодветни дозволи и без лиценца. Освен предвидената глоба, предвидено е времено одземање на возилото што било користено за превоз на период од шест месеци до една година.

- Акциската инспекциска контрола во патниот превоз континуирано се одвива во сите градови во Република Македонија со цел воведување ред во превозот во патниот сообраќај и доследно почитување на законските прописи, се вели во соопштението од Министерството за транспорт и врски.
http://www.idividi.com.mk/biznis/makbiznis/758383/index.html

Мислам дека проблемот што го имаат Охрид и Струга не е само со дивите таксисти, туку најмногу со легалните таксисти кои ги имаат дозволите за работа од двете општини. Токму овие таксисти наместо да возат низ Охрид и низ Струга, постојано се наоѓаат пред автобуските станици и нудат услуги за превоз до Охрид, Струга и локалните селски средини. Со тоа им го земаат лебот на легалните автобуски и комби превозници кои добиле дозвола од Министерството за транспорт и врски. Не знам само како ќе го решат овој проблем.

АС Гостивар

Originally posted by BOJAN Ова ќе да е многу одамна, а штом веќе зборуваме за Гостивар, ме интересира зошто веќе не сообраќа ЖАС БУС Гостивар, таа култна автобуска компанија позната по своето име ?

Сликата е од 2003 или 2004 година.Поголем дел возила од на сликава се веќе исечени ...
Жас Бус уште возат, само најверојатно те збунила колор шемата (која практично ја снема) Пред 6-7 месеци ги купи една друга фирма Еуро Турист, истотака од Гостивар, па дел одат со старата колор шема, сите возила беа вака порано (сликано на истата АС, декември 2010)

дел одат со вакви налепници


Други вака, со налепници Жас Бус и Еуро Турист колор шема

А трети без никаква ознака

Изворот пишан на сликите, првата од мене, тие другите без потпис се на колегата Sanos_a

Инаку возат редовни линии за Тетово, Скопје, Маврово - Дебар, сезонски и Тетово - Охрид и Гостивар - Струга.Пред 2-3 години прекинаа со линиите за Белград (2 пати дневно), а пред десетина години секојдневно возеа Истанбул и Софија,а Франкфурт во кооперација со Галеб и Транскоп.
Уште еден школски пример за ослабнување на големите бивши државни фирми, сега со новиот газда доста го подновија возниот парк за наши услови, а доста зрели возила за расход отидоа на сечење и топење...
Скоро целата флота на ЖБ тука

Edited by Тркало - 29-May-2012 at 00:50

Можеби навистина се времено одземени, ама можам да кажам дека никнуваат нови автомобили и комбиња како „печурки по дожд“. Ја поздравувам ваквата акција, но истовремено страшно е што има постојано и постојано вакви појави, едноставно нема барем некаков драстичен пад на дивиот превоз. Ова го говорам од согледувањето на работите надвор на терен, а не во вестите на медиумите.

Originally posted by phenomenon Originally posted by BOJAN Можеби навистина се времено одземени, ама можам да кажам дека никнуваат нови автомобили и комбиња како „печурки по дожд“. Ја поздравувам ваквата акција, но истовремено страшно е што има постојано и постојано вакви појави, едноставно нема барем некаков драстичен пад на дивиот превоз. Ова го говорам од согледувањето на работите надвор на терен, а не во вестите на медиумите. Обично не се обраќам лично, но ова го сметам како провокација и омаловажување, па ќе направам исклучок. Одвој од твоето драгоцено време 2-3 часа и набљудувај ги автобусите и комбињата што доаѓаат и одат од Скопје за Куманово и обратно. Според тебе, затоа што автобусите и комбињата на Југ-Турист и Штуз имаат добиено лиценца од некој партиски апаратчик и полтрон, треба да се возам во нив и покрај тоа што: 1. Стари се и по 30 години 2. Клима-уред за нив е high-tech gadget. 3. Внатре по прашината слободно можеш да црташ 4. Пола од тие автобуси смрдат на нафта, особено задниот дел 5. Удобноста во нив е како да се возиш во трактор, т.е да го изблуеш и она што си го јадел вчера. И немој да мислиш дека претерувам. Провери, влези и вози се и ќе видиш дека ситуацијата е многу полоша, отколку што ти опишувам. И според тебе, ние кумановци, треба да се возиме во овие крнтии? Што сме ние, добиток? Или мислиш дека сме ние сомови кои ќе поверуваат на пропагандата на возвишената МТВ и нејзините сателити и ќе паднеме во екстатичен транс на рекламата од типот:" Со воз е поевтино, но и позабавно". Ние од Марс да не сме паднати или очекуваш дека ќе се фатиме како сомови на јадица. Не се проблем дивите превозници. Никој нема да сака да се вози со нив. Но која е моменталната алтернатива? Да се возиме со легалните превозници кои имаат автобуси и комбиња со горенаведените карактеристики, нели? Или да се возиме со диви превозници, но со нови и чисти комбиња, со клима уред, двд-плеер, тв, не смрдат на нафта, зиме имаат и греење. Тие твои инспектори кога излегуваат на терен ги гледаат ли овие работи или ми гледаат во лингам? Имаш ли прашања?

Во една човечка заедница има нешто што се вика правила на игра. Се собрале еден сончев ден нашите претходници и се решиле дека не треба секој да си го тера ќеифот и работата по свое, бидејќи се јавува хаос и дека треба заеднички да определат определени рамки во кои сите ќе бидат еднакви. Подобро би било како граѓани да реагирате со петиција до Министерството и до Општина Куманово, да им укажете на хаосот и лошите автобуси и ако има правила во државава (а треба да има) министерството ќе ги одземе доделените дозволи.

Но, тоа не е изговор секој да си купи комбе и да почне да вози рути низ Македонија без дозвола. Ако јас плаќам данок, тогаш мојата цена е поскапа но и истовремено го полнам буџетот од кој се градат патиштата по кои возам. Ако не плаќам данок, јас сум поевтин и не ми е гајле ама баш за никој друг во државата освен за самиот мене. Тоа е себично!

  Да нема забуна, овие квазиавтобуси не се невидливи ниту возат во интердимензионален простор, туку секојдневно може да се видат на релација Куманово-Скопје и обратно на автопатот и на главните булевари. И наместо инспекцијата да ги заплени, да им ја земе лиценцата и да ги "одере" гореспоменатите претпријатија, тие ми измислуваат некакви Сиви пајтони и слични демагогии. Нека повелат да се провозат со овие de luxe возила.

Да надополнам дека истите возила овие дена почнаа да возат и на сезонски линии Куманово - Ск - Те - Гв - Ки - Охрид и обратно.

Истовремено, овие возила се користат и на линиите:
* Скопје - Куманово - Крива Паланка
* Куманово - Кр. Паланка
* Куманово - Свети Николе - Штип
И особено битно Скопје - Куманово - Кратово (скоро па монопол, со најголем број тргнувања дневно, возат Југ Турист и едно тргнување превозник од Пробиштип, со оглед дека во Кратово не е активен автобуски превозник).

Очигледно Кумановци (и дел од околината) во смисла на автобуски превоз се најзагрозени, прво во смисла на квалитет и второ во смисла на линии(најчесто само до Скопје, па користат секакви крнтии).
Со Западна Македонија се поврзано само од 25.6-1.9 до Охрид, а со Источна 2-3 пати дневно до Штип, Кр.Паланка и нешто почесто Кратово.

Струмица, Кочани, Велес, Битола, Прилеп ништо.

Иако сум против здружување на поголем број превозници (лесно е во Македонија да станиш монопол во еден град за кратко време), за Куманово имам некоја идеја дека сите овие Југ Турист, Штуз, Мамли Травел (имево ), ДеЛукс Турс, Јоцо Турс итн. можат да се спојат во заедничка фирма и ете за да не постојат проблеми со интереси, за почеток директорувањето нека е на 6 месеци со менување на претставник на секоја фирма.

Нека ги испродадат старите возила и нека набават помалку ама понови, тие малку на број кои се вредни да ги задржат, нека ги задржат и нека земат поголем број линии.
Секако се блиску до Скопје можат да работат и линии од таму (веќе ги возат Ск-Ку-К.Паланка/Св.Николе/Кратово)и да почнат сервис од Куманово за Велес-(Кавадарци)-Прилеп-Битола (на лето до Преспа), Охрид преку цела година (преку Кичево или Ку-Ск-Те-Гв-Мав-Деб-Стр-Ох), Штип-Радовиш-Струмица-(Гевгелија) итн.Ова како за почеток.
Со оглед на дека се погранично место можат да ги обноват линиите на Југ Турист за Врање-Лесковац-Ниш-Белград, кои најмногу ги возат сега Ниш Експрес,а патници секогаш имало.Исто можат и за Софија, а и за Зап.Европа во иднина со поголем број возила со оглед на големиот број иселеници.