Како што е познато, проектот за реконструкција и уредување на централното градско подрачје вклучува неколку фази на реализација и активности од кои прва и доминантна се однесува на конструкција на пет паркинг платофрми и уредување на коритото на река Отиња. Со уредувањето е предвидено и шеталиште од 1 километар и платформи со капацитет за паркирање на 140 возила. За таа цел, локалната самоуправа веќе работи на својот дел од обврските кои меѓу другото предвидуваат и уредување на коритото на Отиња на потегот од црквата Свети Никола до вливот на Отиња во реката Брегалница во должина од 500 метри. Кредитот ќе биде земен под поволни услови, со 3 години грејс период и рок на отплата од 10 години. Гарант за кредитот веќе е даден и од Владата на РМ.

Утврден е и моделот на наплата за користење на паркинзите кој според градоначалникот Алексов гарантира собирање на средства за враќање на кредитот. Со проектот се предвидува и реконструкција на градскиот плоштад и санација на некои од мостовите. Што се однесува до реконструкција на улицата „Ванчо Прке“ која треба да се претвори во шеталиште, се подготвува соодветно сообраќајно решение.

Градоначалникот не ја исклучи можноста некои од мостовите да бидат украсени со споменици на видни личности, бидејќи во Штип, освен споменикот на Александар Македонски кој е приватна донација, нема атрактивен споменик на ниту една маркантна личност од македонската или штипската историја. Меѓутоа, во моментов е најважно да се заврши постапката за добивање на кредитот и да се конструираат платформите, а за останатите идеи дополнително ќе се размислува.

Штип воедно е една од петте општини во Македонија која наскоро ќе добие и кредитен рејтинг, што е особено важно за овој проект.

Во дневните весници ќе биде објавен јавниот повик, по што заинтересирани домашни и странски фирми ќе можат да конкурираат за изведување на градежните активности. Повикот ќе трае 4 седмици, по што следи жалбена постапка во рок од седум дена. Тоа значи дека на почетокот на октомври, започнува уредувањето на руинираниот градски плоштад.

Средствата се обезбедени преку кредитот од Светска банка, но распишувањето на меѓународниот тендер е со одобрување на ова институција по разгледување на тендерската документација. Имено, средствата од 2 милиони евра кредит кои ги дава Светска Банка за уредување на централното градско подрачје, изградба на пет паркинг платформи и средување на коритото на река Отиња, предвидува и реконструкција на плоштадот. Конкретно документацијата до Светска Банка за реконструкција и обнова на градскиот плоштад беше доставена на крајот на јуни.

Александар Арсовски од Одделението за Локален економски развој (ЛЕР) при Општина Штип вели дека во присуство на претставниците на Светска банка, министерството за финансии и раководството на градежната фирма „Бетон“ почна реконструкцијата на плоштадот, која е предвидено да се одвива четири месеци.

- Плоштадот ќе биде поплочен со нови гранитни плочи, потоа ќе има нова фонтана, која ќе биде поставена, каде што сега е споменикот на Александар Македонски, а споменикот ќе се помести кај постојните трафики. На плоштадот ќе има клупи, нова водоводната и електрична инсталација и во април ќе видиме модерен Градски плоштад - рече Арсовски.

Реконструкцијата на штипскиот плоштад „Слобода“ ќе чини околу 310 000 евра и е дел од прокетот„ Реконструкција и санација на речното корито и изградба на платформи над реката Отиња“, кој е финансиран од кредитот од Светска банка.

Арсовски најави дека наскоро ќе се распише меѓународниот тендер и за изградбата на платформите и уредувањето на  коритото на реката Отиња.

Штипјани денеска беа задоволни што по 40 години се реконструира плоштадот „Слобода“, кој е локација  за сите политички и културни настани.

http://www.stip.gov.mk

Четири фирми конкурираат за изградба на коритото на река Отиња во Штип

Во општина Штип денеска беа отворени понудите од градежните фирми за изградба на пет платформи и уредување на коритото на реката Отиња.

- Првата понуда беше од скопската фирма „Синтек“, а вредноста изнесува 101.241.339 денари. Втората понуда беше на бугарската фирма „Кибилд“ од Софија, со вредност од 98.365.910. Третата понуда е на фирмата „Бетон“ од Штип со вредност од 92.932.199 денари и последната е на бугарската фирма „Трејс Груп“ со вредност од 162.460.900 денари, информираше Арсовски.

Тој појасни дека во рок од 10 дена треба да се одлучи која фирма ќе биде избрана да ги изведе градежните работи, во кои се вклучува санација на постојните мостови, но и изградба на пет платформи за паркирање на возилата над реката Отиња.

Општина Штип зеде кредит од Светска банка во висина од околу два милиони евра за реконструкција и изградба на платформи над Отиња и за реконструкција на градскиот плоштад „Слобода“.

http://kurir.mk/republika/opstini/61265-Cetiri-firmi-konkuriraat-za-izgradba-na-koritoto-na-reka-Otinja-vo-Stip

Реконструкторите на градскиот плоштад,  експресно го дислоцираа споемникот на Александа Македонија, и тоа на локација веднаш до Уни Банка во Штип.

Дислокацијата и не беше проблем ,колку нечие неодговорно однесување и самовластието на надлежните. Денеска сопствниците на деловни објекти кои се наоѓаат во близина на сегашната локација на Александар Македонски , реагираа  на поставувањето на споменикот. Имено тие се жалат дека со поставувањето на споменикот, пдигното е нивото на локацијата згора шахтата во која се слеваат атмосферски и други води, а уништена, и сега сета вода од врнежите се слева во  деловните објекти, во кои сопствениците волжиле значителни суми на пари. На тој начин им е нанесена штета на сопствениците на објектите.Тие побараа и да се најде соодветно место за посменикот поради што има реални проблеми. Но одговорот од локалната самоуправа е негативен, со образоложение дека  ситуациите со реконструкцијата на плоштадот и  дислоцирањето на споменикот  ги следи Светската банка.Сопствениците нема да престанат со реакциите па сметката од уништувањето на нивните деловни објекти ќе ја испорачаат на локалната самоуправа, а зошто не и на светкста банка која ги следи ситуациите со реконструкцијата на плоштадот во Штип.

http://www.radiostip.com.mk