Ректоратот:







Uploaded with ImageShack.us

На ректоратот пред 1.мај се работеше внатре.

Ако може некој админ или мод, нека ја среди нишката по правилно. Фала.


Edited by Makedonij - 16-May-2010 at 09:07

ЗАПОЧНА ПОСТАПКАТА ЗА ИЗГРАДБА НА ОБЈЕКТ ЗА МАШИНСКИОТ ФАКУЛТЕТ

Со еден воздржан глас помина предлог- одлуката за покренување постапка за изготвување на Државна урбанистичка планска документација за гимназијата „Ванчо Прќе“ во КО– Виница на државно земјиште кое претставува јавен интерес за Општина Виница. Вкупната површина на предвидениот опфат изнесува 18.293 m2 или 1,83 ха, а истиот ќе биде наменет за изградба на високообразовна институција (Машински факултет). Како што беше наведено во предлог- одлуката, трошоците за изработка на изготвувањето на документацијата ќе ги сноси Универзитетот “Гоце Делчев“.

http://www.opstinavinica.gov.mk

Простории на Ректоратот

Реконструкција на објектот во Кампус 2 ( ФРГП, Педагошки факултет и Земјоделски факултет - Штип)

Јас мислам дека ова паркетов е тотална грешка во таков објект како што е факултетот,подобро би било да биде поплочено,иначе еден мал дожд може скроз да го уништи целиот паркет.

Пред некој месец бев ваму, имаше работници, ама ништо не работеа... може ги фатив на пауза, ама сепак уште од првите слики кои ги имаме од објектот, нема никаков напредок.

Денешна вест на друга тема:

Турски бизнисмени сакаат да градат студентски дом во Штип Виолета Кожинкова Коментари (0)    29.09.2010 11:47 Саша Митрев   Поради големиот интерес на студенти од Турција да студираат на штипскиот универзитет „Гоце Делчев“-Штип, турски бизнисмени сакаат да градат студентски дом во Штип. Целиот проект е околу 4 милиони евра, а би го завршиле за една година. „За почеток планираме капацитет од 1000 легла, а подоцна тој број може и да се удвои. Но освен за студентски дом, заинтересирани сме да го осмислиме и целиот тој простор со спортска сала или објекти за дружење“, вели Ерџан Артан, универзитетски професор од Турција. Од ректоратот на штипскиот универзитет им понудиле локација, сега ги чекаат деталите на договорот „Предиспозиците постојат, ние имаме локација, има намера од инвеститорите за градба, уште да се усогласат деталите“, вели д-р Саша Митрев, ректор на универзитет „Гоце Делчев“. Преку програмите за размена на студенти на штипскиот универзитет веќе се запишани 100 студенти од Турција, но интерес за студирање на државните универзитети во Македонија покажале најмалку уште 3000 студенти.

http://www.a1.com.mk/vesti/default.aspx?VestID=128050

Штипскиот Универзитет Гоце Делчев наскоро со нов ректорат

14 февруари, 2011 ·09:22

Штип- Училиштето „Гоце Делчев“ во Ново Село е во завршна фаза. Проектот е предвиден на повеќе од 50 милиони денари, а се финализираат последните детали. Во него ќе биде сместен ректоратот на штипскиот универзитет.

„Овој објект сакаме да биде репрезентативен објект на Универзитетот, затоа не ја брзаме неговата изградба“- изјави ректорот на Универзитетот, проф. д-р Саша Митрев.

Во објектот меѓу другото ќе биде направена и спомен соба на големиот револуционер Гоце Делчев кој учителствувал во ова школо.

http://efakt.com.mk/archives/1290

Споменик  на големиот револуционер и учител Гоце Делчев , висок 3 метри ќе биде поставен пред новата зграда на ректоратот на штипскиот универзитет.

Гоцевото училиште во Штип со нов лик

Освен објектот е предвидено и уредување на дворот. Тоа е втора фаза во која ќе биде вклучено поплочување на површините со гранит, уредување со парковско зеленило, поставување на канделабри и клупи, како и изработка на фонтана. Во самиот двор е предвидено да биде поставена и скулптура на Гоце Делчев.

Беше потребна одлука училиштето во Ново Село во Штип да биде ново седиште на Ректоратот при Универзитетот "Гоце Делчев" во Штип, за да се запре неговото пропаѓање. Потсетникот на автентичната македонска архитектура од славното штипско Ново Село, дополнително засилено со фактот што таму своевремено учителствувал и македонскиот револуционер Гоце Делчев, беше оставен на немилост на времето.

Типична руина, која ниту оддалеку не се вклопуваше во заедничкиот двор со црквата "Пресвета Богодорица". Напротив, со мини игралиштето и поставените руинирани и дотраени кошови, тоа беше повеќе глетка на буниште отколку на локација достојна за своевиден историски монумент во спомен на легендата на македонскиот непокор. Универзитетот "Гоце Делчев" во Штип ја препозна важноста на овој објект и одлучно презеде активности со кои ги спои во едно модерното, практичното и историската оставштина. Најверојатно до крајот на оваа година, по завршување и уредување на внатрешноста на објектот, Ректоратот на Универзитетот ќе се пресели во ова училиште, со што на веќе реконструираното и импозантно обновено Гоцево училиште ќе му дадат и своевидна живост.

Замислено е во спомен собата да бидат изложени документи кои се пронајдени, а кои се со потпис на Гоце Делчев, како и други предмети кои директно или индиректно зборуваат за периодот во кој тој бил учител во Штип. На новата фасада доминираат новите дрвени прозорци, со што е зачувана автентичноста, а и главниот влез, чии потпорни столбови со настрешница се обновени. На левата страна на објектот, останува само споменик-релјефот на Гоце Делчев, каде бројни делегации му оддаваат почит одбележувајќи го денот на неговото раѓање и на неговата смрт. Освен објектот, е предвидено и уредување на дворот. Тоа е втора фаза во која ќе биде вклучено поплочување на површините со гранит, уредување со парковско зеленило, поставување на канделабри и клупи, како и изработка на фонтана. Во самиот двор е предвидено да биде поставена и скулптура на Гоце Делчев. Со оглед на тоа што објектот дели заеднички двор со црквата "Пресвета Богородица" во кој најкарактеристична е малата и трошна куќарка во сопственост на Брегалничката епархија, е планирано да се уреди и комплексот со црквата, односно старата куќичка на црквата да биде обновена во традиционален македонски стил, со претходно одобрување од страна на Епархијата, во фазата кога ќе се уредува надворешниот дел на објектот. Со оглед на тоа што дел од црквата веќе беше обновен, на овој начин, целиот комплекс ќе биде уреден и обновен со што ќе добие препознатлив белег, достоен за посета и престој.

http://porta3.com.mk/index.php?option=com_content&task=view&id=3250&Itemid=74

ТУРСКИ СТУДЕНТИ МАСОВНО СТУДИРААТ ВО ШТИП

Бурак, Емине и Гизам од Турција крснозе седеа во паркот пред ректоратот на универзитетот „Гоце Делчев“ во Штип. Се топлеа на сонцето, си муабетеа и појадуваа. Кога ги здогледавме оддалеку, за миг нѐ потсетија на нивните колеги од големите европски и светски универзитети, кои, како и тие, одмораат во парковите на паузите меѓу предавањата.

Им пријдовме. Им кажавме дека сме новинари во весникот „Нова Македонија“. Им подаривме и еден примерок. Почнаа да ни се смешкаат, а дваесетгодишната Гизам Бајдоган збунето извади речник од чантата за да види што значи зборот „весник“. Си помисливме, одлично, овие млади луѓе се љубезни и сигурно ќе бидат расположени за разговор.

Македонците се како нас

Ве молиме, не ни зборувајте на англиски. Да зборуваме на македонски, ни рекоа. Се согласивме, седнавме до нив. Овие студенти од Анкара, Истанбул и од Измир веднаш почнаа да ни раскажуваат за животот во Штип. Разговаравме за тоа, зошто ја избрале токму Македонија како земја во која сакаат да се стекнат со високо образование.

- На Државниот медицински факултет во Истанбул многу тешко се совладуваат испитите. Но освен тоа, откако ќе завршиш средно училиште, мора да полагаш испит. Ако не го положиш, немаш право да се запишеш во државното високо образование. Студии, пак, на приватен турски универзитет чинат 10.000 евра за една година, што за мене лично е премногу. Малку истражував, се распрашав и го избрав Медицинскиот факултет во Штип. Овде е одлично, Македонците се слични на нас, има дружба - вели Гизам.

Студирањето на штипскиот универзитет за странски студенти чини 1.500 евра годишно, што е неколкукратно поевтино.

Сите тројца мора прво да завршат курсеви по македонски јазик. Ако го положат испитот, ќе добијат сертификат со кој може да се запишат на факултет. Потоа треба паралелно со студиите да одат на дополнителен курс, за да можат полесно да го совладуваат материјалот што се предава.

Студира фармација и е газда на „Хурем-султан“

Пред да појдеме за Штип ни препорачаа да ги посетиме неколкуте локали што ги држат Турци. Така, без многу талкање стигнавме до „Хурем-султан“, турскиот ресторан чиј сопственик е Булент Ѓузел, кој е родум од Адијаман.

Млади Турци и Македонци седат на ниски фотелји, пушат наргиле и пијат турски кафе и чај. Преполно е. Наоѓаме слободна маса внатре. На телевизорот е вклучена турска програма, а на радио се слуша пријатна турска музика. Се служат донер-ќебап, шиш-ќебап, адана-ќебап, ѓунефе, баклава... Автентична турска кујна среде Штип. Сѐ се готви на ќумур, па јадењата се уште повкусни.

Гостопримливиот Булент седнува со нас на маса. Добро научил да зборува македонски во период од три години, колку што престојува во државава.

Вљубен сум во Македонка

Булент е трета година на штипскиот медицински факултет.

- Студирам фармација. Дома, во Адијаман, имаме наша семејна аптека, но нема кој да работи во неа. Затоа дојдов да студирам овде фармација. Без диплома од овој факултет во Турција нема шанси да работиш во аптека. А македонската диплома таму ќе ми ја признаат - почнува да ни раскажува Булент.
Во меѓувреме, додека студирал, решил да вложи во сопствен бизнис и, како што вели, не жали поради тоа.

- Гледате, има народ. Ми доаѓаат гости Македонци и Турци. Добро ми оди работата. Имам другари-Македонци, кои, верувајте, како браќа ми се. Си помагаме меѓусебно. Им помагам и на моите колеги-Турци, на пример, ако имаат некоја мака на факултет, помагам колку што можам. Факултетот ми е приоритет, бизнисов ми е на второ место. Дали ќе се вратам во Адијаман или ќе живеам во Македонија, не знам. Имам девојка-Македонка, која е од Скопје, многу се сакаме. Не знам што ќе се случува и каде ќе ме одведе животот - подзамислено ни раскажува Булент.

Околу 250 Турци студираат во Штип

Само годинава на штипскиот универзитет „Гоце Делчев“ се запишале околу 80 нови студенти од Турција. На сите факултети во сите години се запишани околу 250 турски студенти, информираат во ректоратот. Освен нив, има студенти и од Грција, Бугарија, Германија. Турците главно се запишани на медицина, на градежен факултет и на англиски јазик.

Од „Гоце Делчев“ учете како треба да изгледа универзитет

Студентите и професорите прават истражувања во 11 нови лаборатории

На штипскиот универзитет има околу 20.000 студенти. Распределен е во повеќе објекти во градот. Има 11 нови лаборатории со апликативна дејност во кои се вршат различни видови истражувања.
Единствено овој универзитет поседува и електронски микроскоп што го набавила државата, а кој чини околу еден милион евра. Во лабораторијата за заштита на растенијата и животната средина, на пример, се испитува присуството на пестициди во зеленчукот и во овошјето.
- Странка ни носи еден килограм домати за да го испитаме присуството на пестициди. Сето тоа го мелеме во блендер, а потоа земаме мостра околу 10 грама што ја испитуваме. Имаме и машина за испитување присуство на тешки метали. Така, кој сака си носи примероци што ние овде ги испитуваме - ни објасни Билјана Ковачевиќ, аналитичарка.
Во близина на ректоратот се наоѓа инфоцентар наменет за студентите, во кој секој од нив може на компјутер да си го провери електронскиот индекс, распоредот на предавањата. Ако нешто не им е јасно, можат да ги консултираат вработените во центарот, кои веднаш им ги разјаснуваат нејаснотиите.

- Ако студентот е од Скопје, не мора да доаѓа овде, туку испитот го пријавува од дома. Овде водиме електронска евиденција за секој студент, се знае точно каков статус има, оценките. Сите активности за студиите ги прават електронски, што многу им олеснува. Овде се гледа и дали студентот платил за студии. Со системот што го имаме ние не може да се случи, на пример, откако студентот ќе заврши со студиите, да му фалат пријави, уплатници и да не може да дипломира - информираат во инфоцентарот.

http://www.novamakedonija.com.mk/NewsDetal.asp?vest=9261384811&id=9&setIzdanie=22987