Zdravo,

Blagodarime za vasiot interes za nasiot region-PIJANEC

Crkvata vo Delcevo e edna od najgolemite crkvi vo republikata i stoi vo taa faza veke 9 godini. Lokalnata samouprava i gradonacalnikot a vo sorabotka so MPC planira ovaa godina da zapocne aktivnosti okolu ureduvanje namalata crkva(krstilnica i istata do naprolet da bide zavrsena i stavena vo funkcija.

Inaku vo Delcevsko se vo izgradba dva manastira i toa vo s Zvegor i s.Gabrovo

Blagodrnost do Opština Delčevo

Општина Дечево одобри 300 илјади денари од својот буџет за доизградба на соборниот храм „Св.Кирил и Методиј“

Делчево, 5 март 2011 (МИА) - Општина Делчево ќе додели финансиска помош во износ од 300 илјади денари за доизградба на соборниот храм „Св. Кирил и Методиј“. Одлуката е донесена на последната седница на Советот на Општината.

Средсвата ќе бидат обезбедени од буџетот на локалната самоуправа за  2011 година, односно од ставката „Трансфери до здруженија на граѓани и фондации„. Ќе бидат наменети за доизградба и ставање во функција на еден дел (крстилницата) од новата градска црква, посветена на основоположниците на македонската и сесловенска писменост, просвета и култура светите солунски браќа Кирил и Методиј.

Новиот соборен храм е лоциран во центарот на Делчево на десниот кеј од реката Брегалница.

Изведувач на работите ќе биде градежната компанија „Гранит„ која ја започна изградбата пред дваесетина години, но поради недостиг на финансиски средства, градбата се пролонгира.

За првпат одбележан празникот "Св.Кирил и Методиј" како патрон на градот Дeлчево

Четврток, 24 Мај 2012 13:11

Во четврток 24.05.2012 година во Делчево со низа на свечености и повеќе настани, за првпат беше одбележан празникот "Св.Кирил и Методиј" како патрон на градот.

Свечената програма започна во 08.00 часот во црквата во изградба Св.Кирил и Методиј, каде Неговото Високопреосвештенство Митрополитот Брегалнички г.Иларион служеше света архиерејска литургија по повод овој голем празничен ден, пред неколку стотина граѓани кои за првпат ја посетија оваа црква на богослужба која 12 години е во изградба.

На литургијата присуствуваа градоначалникот на општина Делчево Горан Малешевски, со повеќе претставници од општинската администрација, Претседателот на Советот на општина Делчево Николче Трајановски, со дел од советниците во советот, претставници на повеќе локални институции, Тони Трајановски-пратеник во Собрание на РМ, како и претставници на политички партии од Делчево.

По завршувањето на светата архиерејска литургија, поворка од неколку стотина граѓани тргнаа кон местото на урнатата црква во дворот на СОУ ММ Брицо, со вршење на света божествена литија каде на местото на кое се наоѓала црквата Св.Кирил и Методиј која во 1961 година била срушена пред налетот на безбоштвото на бившиот комунистички режим, со кршење на славски колач и водосвет од страна на владиката г.Иларион се возобнови споменот за оваа црква. Од страна на Митрополитот Брегалнички г.Иларион заедно со Градоначалникот Малешевски беше најавена изградба на мал црковен параклис на темелите на урнатата црква, кој ке сведочи за овој древен верски храм кој повеќе го нема. Параклисот ке го носи името на ученикот на светите браќа Кирил и Методиј-"Св.Климент", со што во Делчево ке се заокружи еден духовен и просветителски круг во чест на овие светци и просветители.