Луна Парк - Скопје

Ултра-мега-гига-ектра модерен парк со 1,8 милиони евра? Тешко.

ЗА РЕКВИЗИТИ ЗА ЛУНА-ПАРК 1,8 МИЛИОНИ ЕВРА

Градот планира да потроши речиси два милиони евра за нови реквизити во Луна- паркот. Деновиве Град Скопје распиша оглас за набавка, транспорт и монтажа на реквизити за забавен парк – Скопје. Според огласот, проценетата вредност на договорот без ДДВ е 109.217.850 денари, односно околу 1,8 милиони евра. Главен критериум за доделување на договорот за јавна набавка е најниската цена.

http://www.utrinski.mk/?ItemID=7B929A4829587B479F9E808217EE141F

Политичарите: пишете „ултра модерен“.

Медиумите: Скопје ќе добие „ултра модерен“ Лунапарк.

Јавноста: нема поим како ќе изгледа паркот.

фино, но, Ти си кажуваш коректно „јас не сум архитект и предлогот ме бендисува“. Проблемот е во тоа што треба архитекти да оценуваат архитектонски трудови за конкурс, пожелно странски, барем еден бугарин или србин можеме да викнеме. Во тој случај овој труд би бил дисквалификуван. Отприлика исто како конкурс за стан во кој бањата е 40м² а дневната 10м² и нема прозор, ама, важно добро изгледа. Цела среќа што се опаметиле па ќе прават компилација (далеку дека поддржувам крпени работи), всушност се надевам дека второ и трето наградениот личат на нешто. Дајте бе да ги видиме ако има некој.

Kоја е потребата да влезам во некаков си воз зa да го прошетам паркот коj и онака не е нешто преголем по димензии па да ти е потребен некаков си транспорт за да го прошеташ целиот, ниту пак е некоја тешко проодна и тешко пристапна планина па да ти треба било какво превзно средство во воздух или на земја за да можеш да го прошеташ и видиш. Имаш нозе, шетај, тоа ти е доволно за во парк. Идејата за возот е тотална глупост.
Чамците се исто така тотално непотреба идеја без никаква поента. Не мора се' што постои да се стави во некаква си функција на човекот за да има смисла, ако има канали и езерце во паркот не значи дека сега треба да ги направиме пловни и по нив да одат чамци и кајаци, каква глупост. Тие две работи во проектот се еднствена утка и тотално непотребни. На вака фин проект не знам кај им текнале тие две непотреби идеји.

Паркот треба да остане парк, а Луна паркот, Луна парк.

Edited by HugoGoulding - 18-Sep-2015 at 00:39

Поправете ме ако грешам, не сум ги видел другите трудови, уште помалку конкурсните услови и не знам. Колку што разбрав биле 4 труда. Значи еден ненаграден. Значи извенете ако грешам, но не знам, па сакам да прашам:
1. Дали е ова конкурс за архитектонско решение?
2. Дали таа огромна административна зграда е задача од конкурсот или предлог на овој труд? Праиме луна парк или министерство?
3. Дали авторите некогаш виделе во живо roller coaster?
4. Дали постои некаква анализа за трошоци за изведба на проектот и дали е тоа дел од конкурсните услови?
5. Дали просторите наменети за реквизити се според реални димензии на реквизитите?
6. Која е намената на кулата?
7. Возот излегува надвор???!!

Решението е одлично, многу ми се допаѓа. Многу ми се допаѓа што архитектите решиле да направат нешто ново и оргинално, модерно и нетипично. Ми се допаѓа што не тргнале со идеа да создадат типичен Луна парк, односно панаѓур.

Е сега, како тоа ова е победнички првонаграден труд, но проектот ќе биде компилација од три труда? Зарем пак ли ќе прават квази-архитектура и ќе лепат стилови и идеји една врз друга. Или ги правиш работите по една идеја, замисла и сопствен унифициран јазик или не ги прави воопшто. Пак ли ќе гледаме импровизации и мешање на стилови и идеји? Доста со овој Франкенштајн пристап кон дизајнот, аман веќе!

Инаку, за поздрав и пофалба е што Луна паркот останува во рамките на својата сопствената парцела, вклучувајќи ги тука само дискотеките, киното и бараките, не задирајќи во идентитетот на паркот и не нарушувајќи го постојниот и препознатлив изглед и зелен пејсаж на паркот со сите негови зелените површини, дрва, патеки, клупи итн. Најголем страв и револт ми беше дека ќе почнат и во паркот да сечат дрва, без разлика дали тоа биле 2, 5, 10 или 100, и да бетонираат и оградуваат зелени површини кои и онака се помалку ги има низ градот па сега уште и во паркот да почне да ги снемува што е повеќе од неприфатливо.



Edited by HugoGoulding - 17-Sep-2015 at 02:44

предлог и тоа лош. овде дизајн и идеја не гледаме. веројатно на време им текнало дека треба на друг да го дадат основниот проект. Е сега ако не знаеме (барем јас не знам) какво решение е втората награда. да не е уште полоша.

Победничкото идејно решение за „Луна парк” /Група автори 2015


Конкурс за избор на идејно решение за изглед на ЛУНА ПАРК -Скопје

Освоена награда: 1

Шифра: „ЛУНАР”

Година: 2015

Автори: Климент Патчев, Филип Конески, Марјан Димиќ, Борис Јурмовски, Борко Георгиев

По завршениот тендер за избор на фирма која ќе го изработува основниот проект за Луна парк-Скопје и информациите излезени во неколку интернет портали, победничкиот тим „Лунар”, реши јавно да го сподели својот конкурсен труд.

Според веста, основниот проект го доби фирмата која го изработи второнаградениот труд „Билд Урбан“, која во последната информација беше спомната дека ќе работи основен проект – компилација од трите наградени решенија.

Конкурсот претставуваше повик за идејно решение, што значи фаза пред идеен проект, со релативно краток временски рок за негова изработка. Тоа овозможи послободен пристап во презентацијата на идејата, за која тимот изработи и насока за брендирање на паркот (постер, лого, карти, флаери), земајќи в предвид дека на сето тоа во иднина следи доработка и прецизирање.

Текстуалното образложение го споделуваме во оригиналната форма, како и панелите приложени на конкурсот.



Голем број на генерации низ годините, пораснале со игра во забавниот парк, длабоко врежан во сеќавањата на граѓаните на Скопје.

Луна Парк е место кое сеуште се прераскажува во моменти кога се навраќаме на забавните денови поминати во детството, сеќавања исполнети со возбуда , тема на разговор секогаш исполнета со позитивна енергија .

Зборот ЛУНА е коренот на целосната инспирација во ова решение на забавниот парк. Всушност, футуристичкиот поглед прераскажан во минатото е базата од која новото решение е добиено при процесот на размислување.



Во овој проект, главен симбол врз кој се темели неговата изработка е месечината. Сета нејзина симболика и фигура како космички објект е обликовно употребена. Месечината претставува наративно средство, лебдечки сигнал над локацијата во текот на работните часови на забавниот парк. Лоцирана над едукативниот центар, илуминирана, доминира физички над паркот. Нејзината поставеност, го потенцира дополнителното информирање, упатено кон заинтересираната публика.



Месечината овозможува брендирање на забавниот парк, правејќи го комерцијално интересен, лесно вклоплива во графичките помошни средства (лого, мапирање, билети, флаери и постери).



Природниот изглед на Месечината, учествува во обликовното уредување, партерното решение и организација на сите објекти, реквизити и помошни елементи. Притоа се внимава на функционалниот аспект на обликувањето.

Забавниот парк е подолго време во запуштена состојба, со дотраени реквизити кои претставуваат безбедносна опасност и со содржина која не ги задоволува потребите на современото општество губејќи го чекорот на времето. Истовремено, поширокиот регион не поседува забавен парк кој е туристички привлечен. Токму ова и регионалната локација на Скопје, не насочи кон смело решение- Забавен парк кој ќе понуди содржини привлечни за сите генерации и посетители на градот. Тоа значи сегменти на забава од лежерен до адреналински тип.



Поради недостатоците на постоечкото решение, на пр. реквизитот „Воз” кој зафаќа половина корисна површина од забавниот парк, дотраени реквизити со мал капацитет, запуштено и дотраено кино, администрација сместена во несоодветен објект, одлучивме да направиме целосно ново решение.

Новото решение е поставено слободно во просторот, нагласувајќи ги двете дијагонали „Југоисток-Северозапад” и „Североисток- Југозапад”. Низ првата го усмеруваме движењето, влезот и излезот, додека на втората ги поставуваме вертикалите. Целата површина е дефинирана со смелиот потег на „Лудата Железница„ создавајќи единствена атмосфера во внатрешноста (инспирација- силуета на природен пејзаж), комплетирајќи ја сликата со присуството на светлечката месечина. Конструктивното јадро на roller coaster-от претставува површина со можност за различно обликување (аквадукт, исполнета површина-подлога за проекции и цртежи, интегрирање на функционален простор и др. можности кои се тема на дефинирање во следните фази)



Административниот објект е поставен аголно во Југозападниот дел како најнеатрактивна позиција, изолирајќи ја надворешноста, со цел формирање на фронт, потребен за обликување на пристапно-собирен плоштад на влезот. Од тука движењето се усмерува странично кон останатите содржини на паркот, слободно расфрлани низ посторот асоцирајќи не на месечевото обликување.





Реквизитите се организирани зависно од тоа дали се од детски, едукативен, фамилијарен или адреналински тип. Користејќи го негативното искуства на возот од досегашното решение со цел ослободување површина за дополнителни содржини, го подигнуваме на столбови.



Покрај содржините и реквизитите кои се во пракса во поголемите забавни паркови, во скопскиот „Луна Парк„ предвидуваме едукативен и мултимедијален центар. Во него може да дознаеме повеќе за Месечината, небесните тела, астрономијата, низ активностите во мултифункционалниот простор, интерактивниот простор наменет за холограмски и 3D проекции, планетариумот, амфитеатарот за предавања, и кино-салата.



ИЗВОР

Градот Скопје со нов архитектонски конкурс за Луна паркот

По неуспешниот завршеток на првиот архитектонски Конкурс, градската власт денеска го распиша вториот по ред повик до архитектонската јавност за доставување идејни решенија за идниот Забавен парк што би се градел во Градскиот парк во Скопје. Од авторите се бара економичност на решението, инвентивност во пристапот на обликувањето, изводливост и одржливост на проектот и целосно почитување на програмските барања. Архитектонските трудови треба да се достават до Градот Скопје најдоцна до 9 јуни.



На авторот што ќе го изготви најуспешното идејно решение е предвидено да му се додели прва награда во вредност од 200.000 денари, втората награда е во висина од 100.000 денари, додека третонаградениот труд ќе се стекне со 80.000 денари. На првичниот Конкурс од декември минатата година пристигнаа две идејни решенија, но градските власти одлучија дека ниту еден од нив не ги исполнува условите и барањата од конкурсната документација.

http://www.build.mk/?p=44313

Се плашам дека некој му фрлил око на овој простор и намерно го минира секој тендер за евтино да го „лапне“ и да си изгради нешто по свој мерак, а не Луна парк.

ПРОПАДНА ТЕНДЕРОТ ЗА НОВ ЛУНА-ПАРК

Скопје нема брзо да добие нов Забавен парк. Најмладите скопјани се' уште ќе се забавуваат во стариот Луна-парк, во кој се забавувале и нивните родители кога биле деца. Тендерските постапки во Градот ја одолжија изградбата на нов забавен парк, а пропадна и последниот конкурс за избор на идејно решение. Тоа значи дека допрва ќе се одлучува за постапката според која треба да се изработи идејно решение, а потоа и за изградба на нов луна парк. Кога конечно ќе почне да се менува ликот на Забавниот парк, стар речиси половина век ќе зависи од тендерските тeкови.

„Постапката за прием и отворање на пристигнатите понуди заврши и конкурсната комисија по спроведената евалуација го поништи конкурсот, бидејќи ниту еден конкурсен труд не ги исполнува условите и барањата од конкурсната документација. Град Скопје дополнително ќе донесе одлука како ќе продолжи постапката за изработка на идејно решение, а потоа и за изградба на нов забавен парк“, објаснија од канцеларијата за информирање во Градот.

Луна-паркот во Градскиот парк е најстар во земјава и е единствен од ваков тип. Располага со повеќе реквизити, како што се мал и голем автодром, рингишпил, ракети, потоа робот, мини вртелешка, воз на шини, мини воз, трамбулина, банџи, игротека, пеинтбол и мал туристички воз за патување околу Луна-паркот. (Сн.К)

http://www.utrinski.mk/?ItemID=5CA8CF22BFEE8D498CDC388C5FE8FC7D