Автобуски постојки и терминали

Originally posted by Navigator Originally posted by Danndy лол. Просек. 2.5/5 Просек? За наши услови или за западноевропски? Веројатно не си видел како изгледаат другите станици низ Македонија. Или па сакаш да си интересен со коментарот...

Да, интересен сакав да бидам

Кои се овие дупли стандарди? Од една страна се**те сите како сме заостанати, како доцниме за разлика од целиот Балкан и во 2014 се избацува автобуска во стилот на лименка со плафон за во викендичка, и оп супер била затоа што во Куманово автобуската била за никаде.

Епа cute баш, за некоја година ќе видиме на што ќе личи и оваа автобуска, нали сме познати по реновиранје, одржување на објекти.

Ете така, сега за наредните 50тина години Прилеп си доби автобуска, и ако вам ви е супер, баш ми е и мене мило дека си живеете во средина која ве исполнува.

п.с-„Западноевропски“ и други придавки од тој калибар се веќе клише и на форумов, find a better argument. А и истите тие, во градови од размер на Прилеп имаат далеку подобри, сигурно и не многу поскапи, пристојни автобуски.

Билетарниците се иста „шема„ како во Штип. Немам ништо против да се вовеадат некој основни стандарди со кој во сите автобуски станици во Македонија лесно би се снаоѓале и странци.

Не заборавај да сликаш! Сакаме уште фотографии!

Валкани клупи за чекање автобус!



http://vecer.mk/skopska/valkani-klupi-za-chekanje-avtobus

Edited by Џоле - 16-Aug-2014 at 13:58

АВТОБУСКАТА СТАНИЦА БУЊАКОВЕЦ ОКУПИРАНА ОД ЃУБРЕ И ВОЗИЛА



Бојан Шашевски

Автобуската станица спроти Градежен факултет е се' освен урбана постојка. Неуредениот простор е забарикадиран од паркирани автомобили и е продукт на неплански и недефинирани зафати кои создаваат сообраќаен хаос. Возилата го узурпираат буквално целиот тротоар, па патниците нема каде да чекаат автобус, а оние што се симнуваат од автобус, пак, не можат нормално да зачекорат на тротоарот. Истовремено сите фрлаат догорчиња и хартија во украсните фигури и така ги претвораат во канти за ѓубре.

А, оваа слика почна со поинаква иницијатива. Пред три години Општина Центар реши да и' даде нов лик на автобуската станица до ТЦ „Буњаковец“. Замислата беше да се постават клупи, жардиниери, канти за отпадоци, да се направи хортикултурно уредување. Беа поставени и четири каменесто-жичени фонтани со декоративна цел, а за локацијата да добие нов имиџ беа срамнети со земја билетарницата на ЈСП и сендвичарницата. Со „чистката“ покрај „Партизанска“ ја снема и децениската трафика, природниот амбиент на весникарството.

Локалната самоуправа смени две раководства, но фонтаните со железна мрежа уште од почеток останаа запуштени, а со време и целосно ’рѓосани. Наместо вода, се распаѓаат и од нив извираат камења и ѓубре. Нивната основна функција сега е да собираат отпад од студентите, вработените од Буњаковец или минувачите, иако меѓу коцкестите форми има и канта за ѓубре, која, пак, во духот на апсурдот и иронијата е празна. Луѓе седнуваат и на скапаните клупи, чиј долен дел исто така е со распадната декоративна жица, па отпадоците може да се фрлат незабележано, директно под нозе. И таму остануваат. Автомобилите, пак, се паркираат буквално на 30-40 сантиметри од жичените фигури, врз недефинирана автобуска станица. Ја попречуваат сета фреквенција на пешаци, патници на ЈСП, но и на велосипедисти.

Многумина оправдано се прашуваат која е, всушност, намената на оваа локација. Фонтаните работеа само неколку месеци. Нема заштитни столпчиња против возила, нема продажни објекти, изостанува соодветна автобуска постојка, нема функционално пешачко, ниту сообраќајно решение!

„За овие каменесто-жичени ’чудовишта‘ Општина Центар направи и цела водоводна инсталација, постави бекатон-плочки, а водата од едната фонтана дури беше и за пиење. Сега се чека само жицата да до’рѓоса и камењата да се струполат и да искршат некој фар, или, пак, уште полошо, некому да му паднат на нозе“, укажа неформалната заедница „Анфас“.

ЈП „Градски паркинг“ има на располагање само осум „пајаци“ за да се справува со прекршоците на близу 150.000 скопски возила. Од претпријатието не одговорија, туку не' препратија кај директорот Борче Јакимовски да каже што презема пајак-службата кон непрописно паркираните возила кај Буњаковец. А, директорот не се јавуваше.

Од Општина Центар велат дека проблемот со нелегално паркираните возила покрај главните улици е во рацете на Град Скопје. Во однос на уредувањето на просторот, моменталната инсталација донирана од Шпаркасе банка се покажала како нефункционална.

„Затоа во планот за 2015 година Општина Центар ќе го доуреди овој простор што започна со поставување канти за отпадоци и чешма за пиење вода. Ќе се уреди просторот, ќе се отстранат нефункционалните инсталации“, соопштуваат од Центар.

http://www.utrinski.mk/?ItemID=D969C42A2F3DBE4093098BCD4B148BD5

Edited by Џоле - 21-Nov-2014 at 00:51

ПРЕТПРИЈАТИЕТО НЕ МОЖЕ ДА ГИ ОДРЖУВА СИТЕ ПОСТОЈKИ

ЈСП БАРА ФИРМА ШТО ЌЕ ГИ ЧИСТИ СТОЈАЛИШТАТА



Јавното сообраќајно претпријатие „Скопје“ одржувањето на автобуските постојки ќе ја препушти на друга фирма. Распишан е оглас со кој претпријатието бара фирма со најповолна понуда за чистење на сите 226 нови автобуски стојалишта во градот за што ЈСП првично проценило дека ќе чини 1,5 милион денари, односно 24.271 евра. Времетраењето на договорот со избраната фирма ќе биде на една година. Заинтересираните своите понуди треба да ги достават најдоцна до 15 декември.

Според директорот на ЈСП, Мишо Николов, на ваков чекор се одлучиле затоа што не можат сами да постигнат да ги одржуваат стојалиштата.

- Новите автобуски постојки се нагрдуваат со тоа што на нив се лепат огласи и се чкртаат со графити. Имавме ангажирано двајца работници и возило за да ги чистат стојалиштата, но не можеме да постигнеме. Ние ќе исчистиме, граѓаните повторно ги чкртаат и ги лепат со огласи - изјави Николов.

Тој вели дека на постојките поставиле налепници со информација дека со закон се казнува чкртањето и лепењето огласи на тие јавни површини.

- Досега не сме успеале да фатиме некој на самото место како ги оштетува новите стојалишта.

Ако видиме, веднаш ќе пријавиме во полиција. Апелирам до граѓаните да не го уништуваат имотот на ЈСП, во спротивно ќе ги преземеме сите законски мерки за негова заштита - нагласи Николов.

Тој досега неколкупати реагираше за оштетувањето на автобуските постојки и за неколкуте случаи во кои беа искршени стаклата. Последен пат, пред еден месец, беа искршени стаклата на стојалиштето на булеварот Александар Македонски. Според Законот за јавната чистота, за уништување урбана и друга опрема е предвидена глоба од 50 евра, а исто толку се предвидува и за чкртање по јавните површини.

http://www.dnevnik.mk/?ItemID=B28A60AC19E5F2459B0C884E4587E16B

На многу места низ градов уште има од старите постојки или воопшто нема никакви. Нека не те чуди тоа, ЈСП има побитни работи, меѓу кои и финансирање панорамски тркала.

По бул.Партизански одреди на некои места нема да.

Покрај булевар Илинден, дефинитивно сметам дека и булевар Митрополит Теодосиј Гологанов треба во иднина да добие нови автобуски линии. Тука е населбата Капиштец и Тафталиџе, кои се густо населени и на кои им е многу далеку да одат до Партизански одреди за да фатат автобус. Дефинитивно ќе треба да се направат нови линии или да се смени трасата на постоечките

„РУЛЕ ТУРС“ ЌЕ СТОПАНИСУВА УШТЕ 15 ГОДИНИ СО АВТОБУСКАТА СТАНИЦА СКОПЈЕ

Компанијата „Руле турс“ и во наредните 15 години ќе стопанисува со Автобуската станица Скопје.

На денешното усно јавно наддавање за закуп и стопанисување со Скопската автобуска, што се одржа во просториите на Град Скопје, досегашниот концесионер „Руле турс“ понуди највисока понуда, 213 милиони денари, плус ДДВ. Вкупната постигната цена изнесува над 4 милиони евра.

На јавното наддавање учествуваа и компаниите „Вардар експрес“ и СИЗ за патен сообраќај (Македонија сообраќај – АМЕРИТ) Скопје.

Од Град Скопје соопштуваат дека за јавното наддавање биле заинтересирани 7 компании од кои 5 ги исполнија условите. До денот на јавното наддавање, од овие пет компании, гарантен депозит што беше услов за учество во усното јавно наддавање доставиле 3 компании.

http://www.utrinski.mk/?ItemID=276A7EC01680384CABBC82330CC6A0C1