Автобуски постојки и терминали

Не можев да им поверувам на очиве!

Мала исправка - се вика постојка, а не постројка.

Originally posted by alexsend После цела вечност. Незнам дали да кажам браво или фала богу.

Фала богу, дефинитивно.

„ДЕЛФИНА ТУРС“ ЌЕ ЈА ГРАДИ НОВАТА АВТОБУСКА СТАНИЦА ВО ОХРИД

Охрид - Скопската транспортна компанија „Делфина турс“ ќе ја гради новата автобуска станица во Охрид. Градоначалникот Никола Бакрачески и претставникот на фирмата, Аднан Исмаил, вчера го потпишаа договорот. Оваа компанија стана сопственик на парцелата со површина од околу 12.000 квадратни метри откако го купи земјиштето на лицитација за 3.487 денари за квадрат.

Како што истакна градоначалникот Бакрачески, инвеститорот „Делфина турс“, на сметката на Општина Охрид, веќе уплатил 41.833.540 денари, или 80 проценти од вкупните средства, додека другите 20 отсто одат на сметката на Министерството за транспорт.

Според предвиденото, новата автобуска станица во Охрид ќе биде современ објект на приземје, четири ката и поткровје. Инвеститорот има обврска да изработи архитектонско-урбанистички проект со кој ќе бидат дефинирани сите намени во градежната површина на автобуската станица.

„Моментално работиме на потребната проектна документација и добивање дозволи за почеток на изградба. Се надеваме дека тоа ќе го реализираме во најкус можен рок и потоа да започнеме со изградбата. Ќе ја оправдаме довербата на граѓаните и ќе работиме на афирмација на прекрасниот Охрид, кој ќе добие најмодерна автобуска станица не само во Македонија туку и пошироко во регионов“, рече Исмаил.

Изградбата на новата автобуска станица во Охрид треба да му даде еден нов лик на овој дел од градот, но и да претставува позитивен впечаток за туристите кои ќе пристигнуваат на неа. Во изградбата ќе учествуваат и локални компании што ќе претставува поттик за нови работни места. Новата автобуска станица ќе треба да биде готова и комплетно ставена во функција за најмногу четири години.

http://www.utrinski.mk/?ItemID=A4DAC83A0A2EE84C94DDC91AD169763A

ДОЈРАН ЌЕ ДОБИЕ НОВА МОДЕРНА АВТОБУСКА СТАНИЦА

Општина Дојран денеска најави дека ќе гради нова автобуска станица со која ќе се реши тридеценискиот проблем на туристите за полесно пристигнување и заминување од ова туристичко место.

Досега функционираа неколку автобуски линии, но не и автобуска станица.

- Изработката на документацијата за издавање на одобрение за градба е при крај и веруваме дека до почетокот на шпицот на летната сезона новата автобуска станица ќе профункционира и ќе се реши најголемата забелешка што ја имавме од туристите изминативе неколку години. Ќе добиеме убава и модерна автобуска станица која на туристите ќе им овозможи многу полесно да доаѓаат во Дојран, изјави градоначалникот Борче Стамов.

Старата автобуска станица во Дојран не функционира од 1988 година така што се верува дека со новата станица и воведувањето на дополнителни редовни линии ќе се зголеми бројот на туристите кои ќе летуваат во Дојран.

http://www.utrinski.mk/?ItemID=14A2C5645E3BC044AB713F50A75AD4C9

Нови натстрешници за 50 стари постојки

Скопската фирма „Бауер БГ“ доставила најповолна понуда на тендерот што го распиша ЈСП за изградба на автобуски постојки на градски линии во градот. Таа понудила околу 236.000 евра за изградба на 50 нови постојки по булеварите. Новите натстрешници ќе бидат како оние што беа поставени минатата година и ќе ги има два типа единечни и дупли, во зависност од тоа колку линии тука застануваат и колку патници ги користат.



Како што пишува Утрински, на тендерската документација, нови автобуски натстрешници ќе добијат сите стојалишта по должина на булеварот „Партизански одреди“, од кои најголемиот дел ќе бидат дупли, потоа двете постојки на „Рекорд“ на улицата „Димитрие Чуповски“, на бул. „Кочо Рацин“ на постојките на „Југодрво“ и пред Олимписки базен, на бул. „Кузман Јосифовски-Питу“ кај „Веро Џамбо“ пред НБМ. Нова двојна натстрешница ќе добие и стојалиштето пред ТЦ „Скопјанка“. И во Аеродром ќе има нови постојки, на булеварот „Јане Сандански“ кај слаткарницата „Палма“, пред „Три бисери“, пред Мајчин дом и пред ТЦ „Капитол“. Сите ќе бидат со двојни натстрешници.

Ќе се заменат старите жолти печурки и на улицата „11 Октомври“ кај Градска болница „Св. Наум Охридски“ и пред Зелено пазарче. Потоа во продолжение на улицата „Васил Аџиларски“ ќе се поднови и постојката пред Работнички дом. Единечни натстрешници на новите постојки ќе има кај Тутунски комбинат од двете страни на улицата „Трета македонска бригада“, како и кај старото седиште на Општината Аеродром и пред СУ „Димитар Влахов“. Планирани се пет нови единечни постојки на бул. „Борис Трајковски“ и тоа од двете страни кај Стакларница и кај ОХИС, и во Пинтија во правец кон Драчево. И на улицата „Теодосие Гологанов“ се' уште опстојуваат старите постојки кои сега ќе си заминат во минато и тоа двете пред студентскиот дом „Гоце Делчев“, двете во Тафталиџе, тие кај комплексот „Гранд престиж“ како и оние пред некогашна „Алумина“. По нив ќе се обнови и постојката кај кружниот тек во Хром на улицата „Воин Драшковиќ“. На ред за менување се и старите натстрешници на постојката кај ОУ „Страшо Пинџур“ и „Даме Груев“ на улицата „Лука Геров“. Нови стојалишта ќе добијат и жителите на Радишани, кај третиот влез во населбата и кај бензинската пумпа. Во Чаир веќе има нови натстрешници на неколку локации, а сега нова ќе добие постојката кај ТЦ „Мавровска“. И студентите од Европски универзитет ќе чекаат автобус на нова постојка на булеварот „Климент Охридски“.

Како што е и до сега пропишано, на постојките ќе има заштитни стакла, информативни табли, клупи за седење и кошници за отпадоци. Задолжително ќе има табли со името на постојката и со броевите на автобусите кои тука застануваат, како и со податоци за возниот ред. Според предвидената динамика, 15 постојки ќе бидат изградени до октомври годинава, 15 до ноември, исто толку до декември и пет до крајот на јануари 2016 година.

http://www.skopjeinfo.mk/gradot/918659177/novi-natstresnici-za-50-stari-postojki-

Не се лоши. Далеку од добри, ама барем не се лоши.

Originally posted by mr bombastic Добро што се дешава со ЈСП, пола од ново поставените постојки сеуште се без информативни табли и абер немаат да стават како да се работи за некоја квантна физика па се чудат ли чудат

Тоа не е ништо во однос на она што допрва ќе се дешава кога ќе стават валидатори.
Ќе се случува валидаторот да откаже и оние што се со Моја Скопска ако сакаат да се возат ќе мора да си платат билет. Ако не, ќе мора да го чекаат следниот автобус со исправен валидатор. Ова во градот и нема да е толку голем проблем, но замисли ли како ќе биде на селските линии.

Ќе ставале луѓето валидатори, сакаат да изигруваат Руле-Турс кој е светлосни години пред нив.

ДЕЛФИНА ТУРС ЌЕ ГРАДИ АВТОБУСКА И ТРГОВСКИ ЦЕНТАР ВО ОХРИД



Охрид 1 дојде до едне од повеќе планови кои ги прави инвеститорот на новата автобуска станица во Охрид, реномираната компамнија ”Делфина Турс” од Скопје.

Според неколкуте планови кои се во игра, автобуската ќе биде еден ултрамодерен објект, кој покрај делот со перони на кој ќе пристигнуваат и тргнуваат автобусите, ќе има и трговски центар и дурги содржини предвидени за објектот.



Од компанијата ”Делфина Турс” ни потврдија дека се предвидува и трговски центар, а деновиве Охрид 1 ќе објави повеќе детали околу плановите и инвестициите на ”Делфина Турс”.





















http://ohrid1.com/delfina-turs-kje-gradi-avtobuska-i-trgovski-centar-vo-ohrid/

Наместо возен ред, простор за реклами

Од каде да почнам за одлукава. Ги укинале хартиените возни редови и ќе имало реклами, за полесно одржување постојките

Значи не само што не ги наместија сите автобуски постојки, не само што на пола од нив имаше вакви возни редови, не само што овие возни редови се однесуваат на првата и последната постојка, Град Скопје заедно со најнеодговорното јавно претпријатие во Македонија донеле одлука да ги укинат хартиените возни редови бидејќи цитиран „биле непотребни“. Да, непотребни во такво издание.

Замената биле информациските дисплеи кои ги има само во центарот на градот, пораката за другите е веројатно, кој ве врти, снаоѓајте се