build.mk Homepage
Forum Home Forum Home > Главни теми > Урбани прашања > Јавен превоз
  Active Topics Active Topics
  FAQ FAQ  Forum Search   Register Register  Login Login

Автобуски постојки и терминали

Bookmark and Share
 Post Reply Post Reply Page  <1234 19>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #21 Posted: 13-Aug-2009 at 20:07
Добра вест: Барем за оваа демпонија знаеме дека ќе се среди со изградбата на новите станбени згради што ќе го активираат на некој начин ппросторов па ќе ја снема депонијава!

Лоша вест: Депонијата ќе си продолжни посзади новите згради. И како ќе се шири Скопје така градот ќе има бедеми од гражен шут и диви демонии.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #22 Posted: 19-Oct-2009 at 23:48

Тешко до нови автобуски стојалишта

Досега од ветувањата за поставување нови постојки има само букви на хартија, односно подготвени студии и елаборати, кои останаа во фиоките на градската администрација, а на терен е се' полошо

И покрај ветувања на тројца градоначалници дека ќе постават униформирани автобуски постојки, скопјани и понатаму автобусите од јавниот превоз ги чекаат стоејќи, најчесто без заштита од ветер, дожд или сонце и без информативна табла за возниот ред. И Ристо Пенов и Трифун Костовски претходно ветија, но не му донесоа на градот нови постојки, а сега и Коце Трајановски се нафаќа да го реши проблемот. Досега од ветувањата има само букви на хартија, односно се подготвуваа студии и елаборати, кои останаа во фиоките на градската администрација, а на терен е се' полошо.

- Болна сум, а автобус морам да чекам стоејќи сонце или на дожд. Морам редовно да доаѓам на клиника на терапија. Редно е конечно да се уредат постојките и да се стават клупи за седење. Тоа ќе биде од корист и на патниците во автобусите, но и за сите други граѓани, бидејќи ќе заличи градот - вели една постара скопјанка, која чекаше автобус со број 50 на последната автобуска станица кај Клиничкиот центар.

Проектот за уредување и унифицирање на 329 стојалишта во центарот на градот, кој беше најавуван пред три години од поранешниот градоначалник Костовски и поранешниот директор на ЈСП „Скопје“, Орце Георгиевски, пропадна поради немање пари и поради тоа што Јавното сообраќајно претпријатие не ја добиваше потребната согласност од општините. Тоа го потврдува и сегашниот директор на ЈСП, Александар Бошковиќ, кој вели дека проектот се одолжува затоа што општините воопшто не им одговориле на нивното барање за согласност за реконструкцијата. Единствено позитивно се изјаснила Општината Гази Баба.

- Според Законот за градба, општините треба во својата програма за работа да ги вметнат автобуските стојалишта како привремени објекти и да се согласат да ни ги отстапат на времено користење и стопанисување. Потребни ни се документи, односно изводи од детаљните урбанистички планови со дефинирање на локациите на автобуските стојалишта, за да почнеме да го реализираме проектот и да објавиме јавен повик за избор на фирма што ќе ги уредува стојалиштата - вели Бошковиќ.

Според проектот, стојалиштата требаше да бидат со унифициран изглед, бојосани во иста боја, со исти настрешници. На секое стојалиште требаше да се постават информативни табли со часот на пристигнувањето на автобусот, возниот ред и со карта на градот, како и клупа и корпа за отпадоци. На некои стојалиште беа предвидени и телефонски говорници. Исто така, на секое стојалиште требаше да биде обезбеден и простор за рекламирање.

Покрај постоечкиот проект, градските власти велат дека сега е во тек јавен оглас за изработка на Елаборат за утврдување на микролокации на автобуските стојалишта и информативни панели за патници во реално време.

- Во тек е евалуацијата на понудите и за сите останати детали граѓаните ќе бидат информирани по завршувањето на јавната набавка - велат од Градот.

Во јавниот оглас, кој може да се види на сајтот на Градот, стои дека понудите можеле да се доставуваат најдоцна до 7 септември, за кога е определено и нивното отворање.

- Штом ќе биде готов елаборатот, Советот на секоја општина треба да го одобри. Понатамошната постапка ќе се препушти на ЈСП, чиј Управен одбор има донесено одлука за јавно-приватно партернство - велат од Градот.

Од ЈСП објаснуваат дека во елаборатот ќе бидат наведени 329 постојки во центарот на градот и уште 900 постојки на приградските линии. Точно ќе се знае во која општина колку автобуски постројки ќе постојат. Откако општините ќе дадат согласност, тие ќе влезат во програмите за работа на општините.

- На тој начин автоматски добиваме правен субјективитет. Со тоа што дел од автобуските постројки ќе влезат во општинските програми, општините автоматски на ЈСП му го пренесуваат правото на користење и стопанисување. Во таа фаза со Градот ќе одлучиме дали ќе го реализираме проектот сами или пак со јавно-приватно партнерство. Планираме на тие стојалишта да има клупи, настрешници и рекламен простор, преку кој ќе комерцијализира приватниот партнер. На ваков начин се уредени автобуските стојалишта во Виена, Белград, Загреб итн - вели Бошковиќ.

Тој информира дека Координативното тело на градоначалници донело заклучок со кој елаборатот требало да биде изработен уште во мај, но не се надева дека целата процедура би се завршила до крајот на годината.

- Се надевам дека работата ќе се забрза и нема да има повторно кочење, бидејќи на последните две седници на Координативното тело на градоначалниците, на сите им беше укажана потребата од нивната согласност. Колку што сум запознаен, се водат разговори и со градоначалниците на околните општини, како што се Илинден, Петровец итн - вели Бошковиќ.

Во градот Скопје има над 1.200 автобуски стојалишта, од кои 329 се во центарот, а другите се на периферијата на градот или во приградските населби.

http://dnevnik.com.mk/?ItemID=2705E83FA74C114A8153AF6F3DCFA5E7
Back to Top
alexgizh View Drop Down
Moderator Group
Moderator Group
Avatar

Joined: 07-Jan-2009
Location: Skopje
Online Status: Offline
Posts: 1975
  Quote alexgizh Quote  Post ReplyReply #23 Posted: 20-Oct-2009 at 02:56
Originally posted by lslcrew

Во градот Скопје има над 1.200 автобуски стојалишта, од кои 329 се во центарот, а другите се на периферијата на градот или во приградските населби.

 


WHAT??? Ова сериозно?
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #24 Posted: 21-Oct-2009 at 03:42

може са мислеле 32,9 навистина незнам каде во општина центар ја ископаа оваа бројка, дури и со такси постојките оваа бројка нема да ја исполнат! може во скопје на потегот центар-ѓорче без линиите на 5ка и 9ка вкупно се околу 28 постојки, а и центар-н.лисиче без 3ка се 28, значи речиси цело скопје надолж по најпрометните булевари има вкупно 50 станици, па сега види од каде им е таа математика 329 толку џандари нема дневно на улица шала на страна има некој претстава колку отприлика сообраќајци има дневно по скопските улци, со оглед дека речиси и да немем чуство дека се на улица, попрво дека некаде сеир си тераат!?

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #25 Posted: 05-Jan-2010 at 17:44

Охрид ќе добие нови автобуски постојки

Во 2010 година Охрид ќе добие 13 современи автобуски постојки, 40 клупи за седење, 300 корпи за отпадоци, 20 жардиниери за цвеќе и нови пепелници. Ова е предвидено со програмата за поставување на урбана опрема која ја усвои Советот на Општина Охрид. Според неа, со цел да се подобрат условите за урбано живеење во градот, локалната самоуправа, ќе издвои околу 37.000 евра.

За автобуските постојки ќе се потрошат околу 11.000 евра, а за новата урбана опрема околу 20.000 евра. Останатите пари кои се предвидени за разубавување на јавните површини, Општината ќе ги вложи за одржување и поправки на веќе постојната урбана опрема. (Е.Е.)

http://dnevnik.com.mk/?ItemID=D751C737240B2A4986B43EDBC1830BA8
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #26 Posted: 04-Feb-2010 at 03:22
Нови постојки - да ти е мерак да чекаш автобус

Првите стојалишта најверојатно ќе бидат пуштени во употреба до крајот на годинава


Несредените автобуски постојки во Скопје се стар проблем на Јавното сообраќајно претпријатие Скопје. Дел од постојките се поставени на диво, без евиденција или дозвола, бидејќи според Законот за градба тие треба да бидат вцртани во деталните планови како времени објекти и за нив општините треба да дадат согласност дека ги отстапуваат на времено користење. Од друга страна пак, скопјани додека чекаат автобус, немаат каде да се засолнат од снег, дожд, сонце, ниту пак каде да седнат.
- Нема никакви услови, овде во Центар, а замислете какое во Припор, каде што живеам. Таму на улица чекаш. Сум бил во Љубљана, таму брате, да ти е мерак да чекаш автобус, вели пензионерот Томе Петрев.

Генералниот директор на ЈСП, Мишо Николов, информираше дека уредувањето на станиците е една од приоритетните активности на Јавното претпријатие и на Град Скопје, што ќе се реши со јавно-приватно партнерство.
- Во моментов фирма избрана на тендер изработува студија за микролокации во сите скопски општини која би требало да биде промовирана до крајот на месецов. На тој начин сите постојки ќе се официјализираат и ќе се проектираат во зависност од локацијата каде се наоѓаат и во зависност од фреквентноста на сообраќајот. Така, сите стојалишта ќе добијат унифицирани настрешници, клупи и корпи за отпадоци, информативни табли со возниот ред и карта на градот, а оние каде што сообраќаат поголем број возила, ќе добијат билетарници и киосци, информираше Николов. Студијата за микролокации, појаснува тој, ќе биде основа за спроведување на постапката за јавно-приватно партнерство.
- Тоа значи дека постојките ќе ги градат приватни фирми кои ќе имаат задача да ги постават и информативните панели на кои ќе се покажува за колку време ќе пристигне автобусот. Тие чинат 4000 евра по парче, сума која ЈСП реално не може да ја обезбеди. За возврат концесионерите ќе го добијат атрактивниот простор за рекламирање, вели Николов. Тој не прецизира кога скопјани ќе можат да ги очекуваат новите постојки поради долгата и сложена процедура, но се надева дека првите постојки ќе бидат пуштени во употреба до крајот на годинава.

Од Градот Скопје информираат дека градските советници уште минатата година изгласаа Правилник за уредување на автобуските постојки и со него генерално се утврдуваат стандардите на урбаната опрема и привремените објекти што ќе бидат дел од уредувањето на вкупно 960 автобуски стојалишта од кои 330 во урбаниот дел. Овој документ претставува појдовна основа ЈСП понатаму да ја преземе севкупната активност за регулирање и уредување.

http://dnevnik.com.mk/?ItemID=3713B1B445258347A07036412775E2D0
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #27 Posted: 05-Feb-2010 at 20:16
дали некој знае за што е поставена постојка на „Кочо Рацин“ пред олимписки? ќе се преместува онаа кај Југодрво што е?
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #28 Posted: 05-Feb-2010 at 22:10
може и да се сели постојната, што е добро, а може ја тимарат и за постојка за приградските кои минуваат од тука за да не се прави гужва, како што е случај со постојките кај нбм, и така и вака југодрво сега како што е кај корчагин, е преблиску и до автобуската кај зоил и до автобуската кај градка, а ваму пак се создава и непотребен хаос...
Back to Top
The Man View Drop Down
Senior Member
Senior Member


Joined: 06-Oct-2009
Online Status: Offline
Posts: 135
  Quote The Man Quote  Post ReplyReply #29 Posted: 09-Feb-2010 at 12:36
Сликано вчера вечер:



Ова е кај задниот дел на Железничката станица, што гледа кон Аеродром. Не се гледа на сликата, но има уште еден идентичен столб десно од овој, со исти димензии. Пред еден месец се постави и струен cabinet (навистина не знам соодветен македонски термин, нека ме поправи некој), видете слика подолу за да имате идеја за што зборувам.



Има некој идеја за што ќе служат овие столбови?
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #30 Posted: 09-Feb-2010 at 13:59
Па најверојатно за сигнализацијата што треба да се поставува со тие монтираните железни греди. Нели имаме најава за ЦУКС.

Кај нас ги викаат електрични ормари.
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #31 Posted: 13-Feb-2010 at 00:51

Скопјани ќе добијат нови настрешници на постојките

Долгонајавуваниот проект за 330 микролокации наменети за изградба на нови автобуски постојки со настрешници годинава ќе биде реализиран. Оптимистичките прогнози доаѓаат од Градот и од ЈСП „Скопје“. Тие ветуваат дека скопјани нема повеќе да накиснуваат по секој дожд додека чекаат автобус на постојките. Веројатно, уште летово ќе можат да се засолнуваат од жешкото сонце под новите настрешници. Старите жолти печурки ќе бидат дислоцирани на други локации во приградските населби.

„Геинг-гребс енд Кифер интернешенел“ е фирмата што го доби тендерот за изработка на елаборатот за микро и макролокации за автобуски постојки. Елаборатот треба да биде готов до средината на март, по што постојките ќе бидат изградени со јавно-приватно партнерство. Фирмата што ќе ги изгради ќе го добие просторот под концесија и ќе може да го користи за рекламирање.

„Проектот со постојките ќе ни донесе финансиска добивка и на Градот и на ЈСП“, констатира Мишко Николов, генерален директор на ЈСП.

Од одделението за односи со јавноста во Градот велат дека наскоро треба да биде склучен договорот со фирмата што ќе го изработува елаборатот, кој треба да биде изготвен за 25 дена. Со него ќе се утврдат сообраќајните решенија за микро и макролокациите. По изработката на елаборатот, Советот на Скопје ќе усвои програма. Двата документа ќе ја утврдат рамката за формата на натстрешниците, урбаната опрема и слично.

Од Градот објаснуваат дека откако ќе биде усвоена програмата, ЈСП ќе објави тендер за реализација на проектот за автобуските постојки и нивното уредување. (Сн.К.)



http://www.utrinski.com.mk/?ItemID=91D6BBC303C1FE44B8C0D6B36B22B905


Edited by La Linea - 13-Feb-2010 at 00:52
Помогнете во Македонската Википедија - Слободна енциклопедија!
Back to Top
Djole88 View Drop Down
Senior Member
Senior Member
Avatar

Joined: 28-May-2008
Location: Skopje
Online Status: Offline
Posts: 611
  Quote Djole88 Quote  Post ReplyReply #32 Posted: 05-Mar-2010 at 17:31
Ај и ова чудо да го видиме

Наскоро 330 нови унифицирани автобуски станици

Нови унифицирани автобуски станици со киосци ќе поставува фирмата „Геинг“ на 330 локации во урбаното подрачје на Скопје. Директорот на јавното сообраќајно претпријатие „Скопје“ (ЈСП), Мишо Николов, вели дека во тек се преговорите со Градската управа за тоа дали новите станици ќе ги води претпријатието или градот
      
- На тендерот за опремување на микролокациите е избрана фирмата „Геинг“ и таа ќе ги постави новите унифицирани автобуски станици, кои во еден дел ќе имаат и киоск. Со Градската управа треба да решиме дали одржувањето на новите постојки ќе е по принципот на јавноприватно партнерство или ќе се дадат под концесија. Ако се избере првата варијанта, тогаш ЈСП ќе стопанисува со нив, а ако се дадат под концесија, тогаш за нив ќе се грижи друга фирма што ќе му дава отчет на градот – вели Николов.

...

http://novamakedonija.com.mk/NewsDetal.asp?vest=35101039316&id=14&prilog=0&setIzdanie=21926


Edited by Cloverstack - 17-May-2010 at 01:22
Back to Top
SkyBoy View Drop Down
Senior Member
Senior Member
Avatar
Suspended

Joined: 24-Feb-2010
Online Status: Offline
Posts: 738
  Quote SkyBoy Quote  Post ReplyReply #33 Posted: 19-Apr-2010 at 23:29
КОНЕЧНО, ЌЕ СЕ СРЕДУВААТ АВТОБУСКИТЕ СТАНИЦИ
Новите стојалишта без билетарници

Роза Петкова


Скопјани, конечно, може да се надеваат дека ќе чекаат автобус седнати на клупа, на пристојни станици, со кошници за ѓубре и со стреи. ЈСП „Скопје“ го објави долгоочекуваниот оглас за јавно - приватно партнерство со кое би се изградиле 329 нови автобуски станици. Според огласот, јавното претпријатие бара партнер за поставување на станиците од три типа. Од првиот тип ќе се поставуваат 134 станици опремени со стреи, клупа, кошница за отпадоци, рекламно пано, светилки, информативни табли за времето на пристигнување на автобусите и табли за број на автобусите што застануваат на станицата. Вториот тип станици, вкупно 95, ќе ги имаат сите елементи, но не и клупи за седење. Сто автобуски станици од третиот тип ќе бидат двојни и ќе се направат со спојување на две станици од првиот вид. На новите станици нема да се градат киосци и билетарници, како што беше најавувано досега. - Се решивме да немаме вакви објекти затоа што тие ги нагрдуваат автобуските станици. Другите градови од соседството веќе ги отстранија киосците, па и ние ќе го направиме тоа. Граѓаните ќе ги купуваат билетите во трафиките, а нови билетарници нема да градиме - вели директорот на ЈСП, Мишо Николов. Според него, со објавениот оглас потенцијалните партнери само се повикуваат на разговор во кој заеднички со претпријатието ќе ги утврдат условите на тендерот што треба да биде распишан за две до три недели. - Ние не смееме да кажеме каков да биде изгледот на станиците, туку само ги даваме димензиите, за да не не обвинат дека преферираме некого. Затоа заинтересираните лица ќе треба да предложат идејно решение за изгледот, рок на изградба и рок на времетраење на стопанисувањето со нив. Ние, пак, ќе бараме станиците да бидат со убав изглед, не многу скапи, да се изградат што побрзо и да се изнајмат за пократок рок - објаснува Николов, кој очекува да има заинтересирани за огласот. Тој вели дека ќе се разгледа можноста партнерот да ги постави и информативните табли на тие станици каде што ги нема. За почеток ЈСП постави десет табли од кои во моментов функционираат три, а другите треба да проработат следната недела. Директорот најавува дека за нив ќе организира официјално пуштање. Фирмата што ќе ги опреми станиците за возврат ќе го добие рекламниот простор на паноата, но ќе има обврска и да ги одржува. Одлуката за изградба на нови автобуски станици со јавно - приватно партнерство е донесена пред неколку години, но многу бавно се реализира. Прво сопирачка беа општините, кои требаше да дадат одобрение за станиците што се наоѓаат на нивно подрачје, а потоа се чекаше да се избере фирма за да изработи елаборат во кој ќе се утврдат микролокациите за станиците.

Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #34 Posted: 20-Apr-2010 at 00:08
Сè во ред, ама без клупи? По која логика па сега тоа?
Arguing on the internet is like running at the special olympics. Even if you win, you're still retarded.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #35 Posted: 05-May-2010 at 01:15
ПРЕМЕСТУВАЊЕ НА АВТОБУСКАТА СТАНИЦА КАЈ ЈУГОДРВО

По барање на граѓаните, Град Скопје донесе решение за дислокација на автобуската станица на булеварот Кочо Рацин, кај “Југодрво“, во насока кон крстосницата со комплексот банки.

Од 06. мај станицата ќе се дислоцира на просторот пред Олимпискиот базен.

Градот Скопје го уважи барањето на граѓаните поради зголемувањето на безбедноста на патниците коишто  користат јавен превоз, но и поради економичноста во искористувањето на станицата.

http://www.skopje.gov.mk/ShowAnnouncements.aspx?ItemID=3325&mid=24&tabId=1&tabindex=0
Back to Top
ArchiTechTone View Drop Down
Senior Member
Senior Member
Avatar

Joined: 19-Jan-2009
Online Status: Offline
Posts: 280
  Quote ArchiTechTone Quote  Post ReplyReply #36 Posted: 15-May-2010 at 22:06
За десет дена ЈСП ќе избере фирма за „смарт“-тикетите

     
На 25 мај ќе заврши тендерот што јавното сообраќајно претпријатие „Скопје“ го распиша за избор на „смарт“-картичките, кои ќе ги заменат хартиените билети во автобусите на ЈСП
     

     
     
На тендерот досега се пријавени 20 заинтересирани фирми, меѓу кои има и неколку странски од Хрватска, Турција и од Словачка. Мишо Николов, директорот на ЈСП „Скопје“, вели дека со овој вид билети ќе се олесни возењето со градските автобуси. Во автобусите нема да се чека за да се наплати автобускиот билет, а со тоа ќе се намали нервозата и кај патниците кај возачите.

- На овој тендер се пријавија дваесетина фирми, од кои неколку наши и неколку странски. Се надевам дека овој пат тендерот ќе биде успешен и дека конечно ќе можеме да ги воведеме овие „умни“ тикети и кај нас - изјави Николов.


Директорот на ЈСП исто така информира и дека наскоро ќе се постават и 80 нови информативни табли, кои на станиците ќе го покажуваат точното време на пристигнување на автобусите.


- Идната недела ќе се одржи презентација на веќе постојните табли.


На некои од поставените сé уште се случуваат грешки, па ќе ни треба една недела за решавање на проблемите. Во план ни е вакви табли да поставиме на сите автобуски станици во градот- најави Николов.


Од ЈСП информираат и дека е при крај и тендерот за уредување на 329 автобуски станици, на кој треба да се избере фирма што ќе ги прави новите стојалишта. Фирмата избрана на тендерот за возврат ќе го добие рекламниот простор на автобуските. На тендерот засега се пријавени 14 заинтересирани фирми, од кои две француски фирми, една шпанска и една од Австралија.      
       
Автор: А.М.Д.

http://www.novamakedonija.com.mk/NewsDetal.asp?vest=515101042116&id=14&setIzdanie=21984

Edited by Cloverstack - 17-May-2010 at 01:41
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #37 Posted: 15-May-2010 at 23:17
А оти ЈСП да не крене еден кредит, да ги направи сите постојки, и после ЈСП да си ги зема парите од рекламите? Ете, нека нема ЈСП кредитен рејтинг, или нека има катастрофален, ама затоа нека влезе градот со гаранција за кредитоспособноста на ЈСП, ако ништо друго од македонска банка ќе дигнат пари, не треба некоја астрономска сума за 329 постојки! Не ми е јасно како можат да дозволат толку пари да им се излеваат (зборуваме за билборди на постојки), а за возврат да добијат 329 нови стреи. Велам стреи, бидејќи ете дисплеи сами ќе си инсталирале од ЈСП, клупи нема да има на сите постојки, тогаш што остана?

Значи сакам да кажам дека некако не сум убеден дека ова е толку голем залак за ЈСП да мора да го дава на други, и не сум убеден дека е најдобра финансиска одлука.
Arguing on the internet is like running at the special olympics. Even if you win, you're still retarded.
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #38 Posted: 05-Jul-2010 at 05:31

ЈСП бара партнер за уредување на автобуските

Неделава ќе биде распишан тендер, а концесионерот ќе ги добие постојките на 35 години

Сања Наумовска

Јавното сообраќајно претпријатие „Скопје“ неделава ќе распише тендер за избор на партнер што би ги уредил автобуските станици. Долгонајавуваниот проект, конечно, влегува во завршна фаза, бидејќи во јавното претпријатие се надеваат дека лесно ќе најдат инвеститор. На повикот за заинтересираност се јавиле многу компании, од кои четири странски, што за ЈСП е значи дека скопските автобуски станици наскоро ќе заличат на европските.

Советот на Скопје на последната седница ги утврди конечните локации на над 300 постојки што ќе треба темелно да се преуредат. На нив ќе има рекламни паноа што ќе ги користи приватниот партнер, а за возврат ќе треба да постави урбана опрема. Што ќе има на автобуските станици, ќе зависи од проектот на компаниите што ќе се јават на тендерот. Во секој случај, коментираат од Јавното претпријатие, моменталната очајна состојба ќе се промени на подобро, а корист од проектот ќе имаат, пред се', граѓаните, но и ЈСП и приватниот партнер.

Во ЈСП очекуваат свое место на автобуските станици, покрај стандардните елементи, како што се натстрешници и канти за отпадоци, во иднина да има и клупи, информативни табли, фонтани или чешми, киосци, различни штандови и друга опрема, во зависност од големината на станицата.

„Колку побогата понуда за опрема, толку повеќе поени“, вели директорот на

ЈСП, Мишо Николов, за условите на тендерот. Ќе се бодува и квалитетот на материјалите, како и понудата за висината на надоместокот што ќе треба да го плаќа приватниот партнер на ЈСП за користењето на постојките. Концесијата може да трае најмногу 35 години.

„Во зависност од фреквентноста на станицата, е одредена и нејзината големина. Има големи, средни и мали постојки што ќе се разликуваат по просторот одреден за реклами, како и по видот на урбана опрема. Во конечниот број на автобуски станици овој пат ги додаваме и локациите на новите сообраќајници, како што е ’Илинденска’“, вели Николов.

Тој објаснува дека заинтересирани, пред се', се компании од областа на рекламирањето, но и неколку градежни фирми. На повикот за искажување заинтересираност се појавиле и две француски, една шпанска и една фирма од Австралија. Една од овие компании работи исклучиво со уредување на станици и веќе има искуство во повеќе европски градови.

http://www.utrinski.com.mk/?ItemID=AACA3CEB7AA931439758CDED456434C6

Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #39 Posted: 22-Jul-2010 at 08:00

ЈСП бара инвеститор за нови стојалишта

Ќе бидат уредени вкупно 292 автобуски постојки, а најголемиот дел од нив ќе имаат настрешник, клупа за седење, кошница за отпадоци, рекламно пано, светилки и информативни табли

Јавното сообраќајно претпријатие „Скопје“ бара приватна форма што ќе ги уреди и ќе стопанисува со автобуските стојалишта во градот. Тоа вчера распиша јавен повик за доделување договор за јавно-приватно партнерство за поставување на 292 постојки. Доколку овој повик успее, се очекува скопјани конечно достоинствено да чекаат автобус, без да бидат принудени да стојат на секакви временски услови.

Оној што ќе победи на повикот, треба да изработи, да постави и да доведе во функционална состојба вкупно 292 автобуски стојалишта на локациите на кои се врши јавен линиски градски превоз. Од нив, 63 од таканаречениот тип А, опфаќаат настрешник, клупа за седење, кошница за отпадоци, рекламно пано, светилки, информативни табли и табла со броевите на автобусите што стојат на станицата. Најголем број, 129 стојалишта, ќе бидат уредени со настрешник, кошница и се' останато како претходниот тип, но нема да имаат клупи. Деведесет и пет постојки ќе бидат двојни, односно ќе се добијат со спојување на две стојалишта од типот А. Освен стојалиштата, предмет на јавно-приватното партнерство е и изработка и поставување на 80 електронски информативни дисплеи.

Според конкурсот, проценетата вредност на концесијата изнесува 1,5 милион евра. Инвеститорот ќе си ги врати парите со тоа што ќе го издава под закуп рекламниот простор на стојалиштата и на електронските дисплеи.

Предвидено е за изгледот на опремата на стојалиштата и за материјалот од кој ќе бидат направени да реши самиот инвеститор, што му носи максимум 30 поени на конкурсот. Најмногу поени - 35, се добиваат за времетраењето на договорот за јавно-приватно партнерство, а за рокот во кој ќе бидат изработени и поставени стојалиштата можат да се добијат максимум 230 бода. До пет бода се добиваат за надоместокот што приватниот партнер ќе му го плаќа на ЈСП „Скопје“.

Краен рок за доставување на понудите, кога и ќе бидат отворени, е 15 септември. Право на учество имаат домашни и странски правни лица, како и група понудувачи, односно конзорциум
 
Back to Top
axel View Drop Down
Senior Member
Senior Member
Avatar

Joined: 08-Dec-2009
Location: kumanovo
Online Status: Offline
Posts: 3654
  Quote axel Quote  Post ReplyReply #40 Posted: 05-Aug-2010 at 14:50
НА ОГЛАСОТ НА ЈСП „СКОПЈЕ“
Шест фирми заинтересирани за постојките Шест фирми се заинтересирани да ги уредат автобуските постојки во градот. Дознаваме дека толку до сега се пријавиле на објавениот оглас на јавното сообраќајно претпријатие „Скопје“, со кој се бара фирма со која ќе се склучи договор за јавно приватно партнерство за поставување на автобуските постојки. Преку јавно приватно партнерство треба да се постават и да се доведат во функционална состојба 292 автобуски станици низ Скопје. Сите стојалишта ќе бидат современи, со стреа, канта за отпадоци, информативни табли, табла со број на автобусите што стојат на станицата, урбани светилки, а некои од нив ќе имаат и рекламно пано и клупи. Крајниот рок за доставување на понудите е 15 септември, а истиот ден, точно на пладне, ќе бидат јавно отворени во просториите на јавното сообраќајно претпријатие „Скопје“.

http://www.vreme.com.mk/DesktopDefault.aspx?tabindex=0&tabid=1&EditionID=2086&ArticleID=145824
Back to Top
 Post Reply Post Reply Page  <1234 19>

Forum Jump Forum Permissions View Drop Down



This page was generated in 0.143 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.