Ми изгледа дека ги сменале условите за постојките. 50 бода носи времетраењето, 40 бода изгледот, а 10 надоместокот. Најпаметно! За бројот на постојките не сум сигурен, ама мислам дека останаа истите побарувања. Па ај аирлија нека е, до 6 јули ќе знаеме! Башка за 8 месеци се обврзани да завршат со работите.

А за системот за наплата, интересно е што бараат и 40 електронски билетарници низ градот. А критерум има само еден, а тоа е процентот кој фирмата изведувач ќе го бара од продажбата на билети. Не пишува на колкав рок ќе добиваат пари? До крајот на светот ли?

Originally posted by OCB На вчерашното отворање на тендерот за автобуските постојки и електронските дисплеи во очекување од ЈСП да се инсталира лаптоп, присутните не ја видоа видеопрезентацијата како би изгледале моделите на автобуските постојки што ги нудеа двете фирми, чија документација вчера се отвораше. http://www.utrinski.com.mk/default.asp?ItemID=2152F5EF18871046B6B7A1EAA99C448D

Две можни објаснувања за болдираното:
1. Аматери во организација и непрофесионалност
2. пресметан потег за покажување на лажна проактивност за да се дадае позитивен сигнал иако релано не постои тоа што се тврди дека требало да биде презентирано

Искрено чинам дека е под точка два поверојатно.......неможе од сите таму ниеден да не знае или да најде начин да приклучи лаптоп на проектор.

Очигледно има новинарска грешка во статијата која ја постирав погоре. Грчката фирма не се вика „Ремеди абертајнзи АБ“ туку „Керавнос“. Тоа е онаа иста фирма која учествуваше и на претхдниот тендер на кој победи но истиот беше поништен поради технички недостатоци. Името на оваа фирма во денешен Дневник се јавува како „Керадмус“ а во Вечер како „Кераванос“. Извадок од денешен Вечер:

„Комисијата која ги отвори понудите има задача во следниот период на направи евалуација и по принципот бодување да избере која е најприфатлива понуда. Најмногу поени носи времетраењето на експлоатација (за помалку години се даваат повеќе бодови) и месечниот надомест што фирмата е подготвена да го плати на ЈСП. Во двата случаи подобра понуда има грчката компанија која нуди концесионерство во траење од 15 години и 20.400 евра годишен надомест за разлика од Море рекламџик", чија понуда е 20 години и 13.750 евра.“ http://www.vecer.com.mk/default.asp?ItemID=1D0DE92E250AA04CB13B06E88EC16D43

Споредба на понудите од „Керавнос“

Тендер 2010: 18 годишна експлоатација, €4.500 годишен надоместок (€81.000 вкупен надоместок).

Тендер 2011: 15 годишна експлоатација, €20.400 годишен надоместок (€306.000 вкупен надоместок).

- Се врши евалуација на понудите и идејните решенија за изгледот на стојалиштата на двете фирми. Се надеваме дека до крајот на неделава ќе се избере фирма победник - вели Билјана Јанкуловска, шеф на кабинет на директорот на ЈСП. http://dnevnik.com.mk/?ItemID=B980AD9A879D894D9E4A2AB23C23D0EE

Edited by OCB - 26-Jul-2011 at 14:01

Originally posted by Supervisor Што е толку битно што имало новинарска грешка стварно не разбирам?

Една од стратешките определби на Градот е имплементирање мерки коишто ќе овозможат одржлив, чист и енергетско-ефикасен урбан транспорт, истакна на денешната конференција на тема „Решенија за одржлив транспорт во пристапните и претпристапните земји и западен Балкан“, градоначалникот Коце Трајановски.

Конференцијата е дел од проектот „Ренесанс“, со којшто се осовременува јавниот транспорт преку воведување автобуси на гас, имплементирање систем за автоматска локација на возила и поставување информативни дисплеи што го покажуваат реалното време на пристигнување на автобусите на автобуските постројки, како и Центар за управување со сообраќајот. 

Во моментов, АВЛ системот се применува на две градски линии. Во функција се ставени 10 дисплеи, а во наредниот период се очекува истиот систем да биде применет и на преостанатите градски линии, односно во функција ќе бидат ставени 80 дисплеи.
- По согледувањето на позитивните ефекти кои што ќе ги имаат и Градот и граѓаните со имплементацијата на Центарот за управување на сообраќајот, Градот во моментов бара можности системот, којшто е планиран да функционира на 30 крстосници да биде проширен на 100 - рече Трајановски.
Проектот „Ренесанс“ под наслов „Тестирање на иновативни стратегии за чист урбан транспорт во историски европски градови“ е интегриран проект во 5 европски града, меѓу кои е и Скопје.

http://daily.mk/cluster3/9e90e175bb632f58841cc27de3b00d09/894010

Дизајн на веќе поставени постојки од страна на „Ремеди адвертајзинг“:









http://www.remedyoutdoor.gr/en/#/folio/photo

Originally posted by vlatko.mk Подобри се од постоечките што ги имаме

подобри се со самото тоа што се нови и што можеби имаат посовремен дизајн, но колку што гледам, на ниедна нема табла со линии и возен ред, а тоа ни е најмногу потребно на станиците, плус обавезно мора да се опремат и со клупи или било какви потпирачи за одмор
многу е неозбилно од ЈСП што единствен извор на информации им е нивната страна, што воопшто не е ефикасно и достапно за широките маси

Градот Скопје и Јавното сообраќајно претпријатие „Скопје“ утре /12.11.2011 година/ во 12 часот ќе го промовираат новото автобуско стојалиште на свртувалиштето кај поранешниот хотел „Панорама“, на Водно.

На промоцијата на новото стојалиште ќе присуствуваат градоначалниците на Град Скопје и на општината Центар, Коце Трајановски и Владимир Тодоровиќ.

На новото стојалиште ќе застануваат автобусите на линијата со број 3.

http://www.skopje.gov.mk/ShowAnnouncements.aspx?ItemID=4640&mid=482&tabId=1&tabindex=0

Булеварот "АСНОМ", којшто поминува покрај кејот на Вардар во Општината Аеродром е интересен поради две работи - на едниот крај се гради парк, се сади трева и дрвца, на другиот крај пак никнува вештачка планина од ѓубре, шут и исфрлена земја. За да биде ситуацијата уште поапсурдна, пред купот земја висок над четири метри Општината Аеродром има поставено табла на која ги предупредила несовесните компании дека на оваа локација е забрането да се фрла ѓубре. Сепак, граѓаните сведочат дека секојдневно камиони доаѓаат и ја исфрлаат ископаната земја и сметот. Токму еден камион затекна и екипата на ВЕЧЕР додека беше во посета на локацијата на аголот на булеварот "АСНОМ" и улицата "Февруарски поход". Овој дел од Општината Аеродром е едно големо градилиште, а најмногу се градат станбени згради. Граѓаните се сомневаат дека токму од градежните компании потекнува и најголемиот дел од земјата што се фрла на оваа локација.

Во најлоша ситуација поради дивата депонија во Аеродром се вработените во ЈСП, бидејќи веднаш до купиштата земја се наоѓа автобуската станица. Тие се принудени да се гушат во ѓубрето секојдневно. Некои од вработените коментираа дека повеќе пати реагирале до општината.
- Секој што има вишок ѓубре дома овде го исфрла, што значи дека вработените што се овде, работат во депонија, а не во чиста средина. Од општината имавме телефонски број и повеќепати пријавивме кога доаѓаа камиони и исфрлаа шут и земја овде - вели еден од вработените во ЈСП, кој сака да остане анонимен.

Од Општината Аеродром велат дека се запознаени со настанувањето на дивата депонија покрај булеварот "АСНОМ". Оттаму информираа дека досега казниле неколку од компаниите што ги фатиле како шутот го исфрлаат на оваа локација. Уште еднаш истакнуваат дека фрлањето земја на јавни површини е казниво со закон.
- Фрлањето земја на јавни површини е противзаконско и општинската инспекција досега има интервенирано и казнето повеќе фирми што го сториле тоа. Земјата таа ќе биде искористена за пополнување на бројните дупки што се наоѓаат покрај кејот на Вардар на територијата на Општина Аеродром уште во времето кога се градел автопатот Скопје - Тетово - истакнуваат од општината.

Казните за фрлање ѓубре на јавни површини се движат од 50 евра за граѓаните до 4.000 евра за компаниите. Највисока казна е таа за оставање градежен шут, која изнесува од три до четири илјади евра, а одговорното лице ќе треба да плати од 500 до 1.000 евра.

http://www.vecer.com.mk/?ItemID=C9E16A3448508848B7795DFE644BE7EC

Edited by dule - 09-Sep-2012 at 15:02

Значи и по скоро 5 месеци од изборот на најповолен понудувач, договорот се уште не е потпишан. Разбирам дека има рокови за жалби, но не разбирам зошто целата постапка по завршување на тендерот и изборот на компанијата која ќе ги поставува постојките трае толку долго.

Нови автобуски станици за девет месеци

Грчката фирма „Ремеди адвертајзинг“ ќе стопанисува со нив 15 години и по тој период е должна да ги пренесе на ЈСП без надомест




Новите автобуски постојки, со нови клупи, канти за отпадоци, рекламни паноа и информативни табли градот ќе ги добие за околу девет месеци, а проектот ќе се реализира преку јавно-приватно партнерство.
Сегашните станици се во лоша состојба, повеќето се оштетени и патниците нема каде да се засолнат.

- Да не ти се погоди да чекаш автобус подолго време, особено на снег или дожд. Нема каде да се засолниш, а уште помалку каде да седнеш. Станиците само фигурираат како обележје каде да чекаш автобус. Во руралните средини, доколку не знаеш каде е станицата, нема да знаеш каде да застанеш - вели Милка Тонева, која редовно користи градски превоз.

Од Јавното сообраќајно претпријатие информираат дека постапката е во завршна фаза, избран е приватен партнер, грчката фирма „Ремеди адвертајзинг“, и останува да се допрецизираат уште некои детали и во текот на овој месец да се потпише договорот.

- Приватниот партнер потоа е должен за период од осум месеци да ги постави автобуските постојки и заклучно со 2012 година и електронските информациски табли. Ќе се поставуваат три типа постојки, во зависност од локацијата, односно вкупно 275 автобуски постојки и 80 електронски дисплеи - ни изјави Ана Груевска, раководителка на маркетинг во ЈСП.

Тендерска документација подигнале четири фирми, но од нив само две поднеле понуди. Грчката „Ремеди адвертајзинг“ со новите постојки

ќе стопанисува 15 години и по тој период е должна да ги пренесе на ЈСП без надомест. Оттаму додаваат дека старите станици ќе се префрлат во руралните средини на локации на кои се врши јавен превоз на патници.

http://www.novamakedonija.com.mk/NewsDetal.asp?vest=2312931364&id=14&setIzdanie=22496