Автобуски постојки и терминали

Искрено, ако ова се случи до крајот на 2012, јас ќе бидам изненаден. Според мене, шансите се 0,1%.

Originally posted by HugoGoulding Малце офтопик, не знам дали некој ја има видено автобуската станица спроти архитектонски и градежен факултет. Демек ги тргнаа трафиките и ќе ја уредеа со клупи и фонтани, и кога ја видов како изгледа сега ... Погрдо нешто и да сакаат да направат, не можат. А како шлаг на целата грдосија, клупите се без ослонување позади, т.е. ако сакате да се потпрете по навика ќе се превртите на бетон позади, да не зборам што самото седење на таква клупа е лошо за рбетот, посебно за постари луѓе што сакаат да седнат додека чекаат. Страшно и грдо, и визуелно и функционално.

Би се согласил со тебе. Тие таканаречени фонтани не се соодветни ни за нечиј двор... Се надевам дека оваа автобуска ќе биде уредена од страна на фирмата која победи на тендерот.

неверојатно е како секој ден низ рака ви поминуваат огромни проекти, каде се игнорираат разни катастрофи, за на крај да цепидлачите за нешто минорно како малечка фонтана...
не е ништо посебно фонтаната, ама вака како што ја опишувате некој ќе помисли дека е којзнае каква штета на просторот, навистина е пристојна и не знам што очекувате воопшто
а наслон за клупа никогаш не бил задолжителен, битно е да се седи на нешто додека да ти дојде автобусот и се друго останува на дизајнерот... а постарите воопшто не ги ни жалам како и да е, мене секој ден 'рбет ми се искривува на долги релации поради нив...

Originally posted by alexgizh Originally posted by zabegan неверојатно е како секој ден низ рака ви поминуваат огромни проекти, каде се игнорираат разни катастрофи, за на крај да цепидлачите за нешто минорно како малечка фонтана... не е ништо посебно фонтаната, ама вака како што ја опишувате некој ќе помисли дека е којзнае каква штета на просторот, навистина е пристојна и не знам што очекувате воопшто а наслон за клупа никогаш не бил задолжителен, битно е да се седи на нешто додека да ти дојде автобусот и се друго останува на дизајнерот... а постарите воопшто не ги ни жалам како и да е, мене секој ден 'рбет ми се искривува на долги релации поради нив... Прво, кој рече дека се согласуваме со тие „огромни проекти“? Второ, срање е фонтаната. Не е ни фонтана. Срање е. There, I said it. Трето, покажи почит кон постарите, грешката е во ЈСП

не можам да имам почит кон постарите, бидејќи на велико сум дискриминиран од истите, ЈСП помага во тоа, но не е и причината... затоа не гледам причина за тоа да се вознемирувам дали имал некој наслон да се потпре или не, кога секој ден си кривам кичма поради другите проблеми на ЈСП и градот и ценетите пензионери за кои се притресувате... затоа и спомнувам, клупата е за седење и тоа е основно, се друго е работа на дизајн
(патем, секоја чест на цивилизирани исклучоци кај пензионерите)

и уште една работа која ми боде очи, поради коментари каок „срање е“ и „грдо е“ дискусииве на форумов отиоа у неповрат, а сега ги читам и од модератор... покрај другото, мене таков коментар не ми дава повеќе простор за реплика од едно „пристојна е“
барем кажете што толку ви боде очи ако ништо друго, ако не ви се допаѓа по личен вкус, тоа не е проблем на фонтаната...
а инаку зошто воопшто не ја сметаш фонтанава за фонтана? не исполнува некаква дефиниција

Originally posted by alexgizh Малце драматично реагирав, меѓутоа сметам дека целиот тој комплекс на автобуската воопшто не бил предмет на некаков „интелегентен дизајн“, туку се работи за ад-хок решение на изведувачот кој пред се требаше да ја израмни автобуската по отстранувањето на трафиките. Се работи за сомнително дело, за кого само може да се прашуваме колку чини на хартија, а колку изведеното. Мислам дека грдо делува и е сосем нефункционална. Се работи за четири квадари од најефтините железни лајсни, со мрежи измеѓу и налупани речни камења, во чија средина поминува најефтиното можно црево, од кое тече вода со слаб притисок, и се разлева по камењата надолу, притоа натопувајќи го најефтиниот бекатон во радиус од 2 метри околу, одземајќи ја главната функција на автобуската (да стојат луѓе и да чекаат автобус). За клупите се согласувам, не е нужно да има потпирач. Реагирав за тоа што го кажа за постарите, како ги етикетираше како сите да се исти (не би требало, макар и дури 90% да се такви).

па добро, не значи дека ако решението е ефтино, дека по автоматизам е неоправдано, ниту пак треба да се трошат многу средства на вакви ситници
искрено, јас реагирам вака затоа што за мене тие четири мокри столпчиња за мене се нешто тотално ирелевантно и неповрзно со тоа каков ќе биде развојот на автобуската, ако веќе се дискутира за постојката, нека се дискуира за тоа како не е покриена барем со стреа и нема никакви индикатори дека таму има постојка, како и возилата кои упорно се паркираат и поминуваат од таму
јас повеќе сум загрозен од тоа да не ме испогази некој, одколку што ќе си го намокрам ѓонот на чевлите...

а инаку, ова што го викаш за самиот дизајн на финтаните е само твојот вкус, фонтаните се такви какви што се, нити треба да имаат силен млаз вода, ниту пак се имуни на излевање  поради тоа што немаат класично корито и се лесно достапни на минувачите (свесните и несвесните)
а бекатонот е веќе signature look на целиов град, не само на овие бедни два метри квадратни

а инаку, ако има нешто сомнително во проектов, тоа е веќе нешто друго, јас мислев збориш чисто за изгледот на фонтаната...

Јавното сообраќајно претпријатие Скопје, потпиша договор за јавно приватно партнерство со грчката компанија „Ремеди Адвертајзинг“ за поставување и доведување во функционална состојба на автобуски стојалишта и електронски информациски дисплеи на подрачјето на Град Скопје.



Грчката компанија за осум месеци треба да постави и доведе во функционална состојба 275 автобуски стојалишта, а до крајот на годинава 80 електронски информациски дисплеи, соопшти ЈСП Скопје.

Автобуските постојки ќе бидат со антрацит сива боја, опремени со клупа за седење, канта за отпадоци и табла со информации за возниот ред на ЈСП Скопје.

Договорот за јавно-приватно партнерство на ЈСП со Меди Адвертајзинг е со времетраење од 15 години.

извор Курир

Ако не е баш за темата, избришете го.Изгледа дека грчката фирма, реално е македонска.
http://www.time.mk/read/cac4ee9128/55e9f33e4d/index.html
Објавено 14 март 2012, 08:45, во Македонија
ВЧЕРА ОСНОВАНА ФИРМА ДЕНЕСКА ДОБИВА ТЕНДЕР!

Јавното сообраќајно претпријатие Скопје склучи договор во времетраење од 15 години со грчката компанија Ремеди aдвертајзинг за поставување и доведување во функционална состојба на автобуски стојалишта во градот.
Оваа компанија, според податоците на Централниот регистар, е основана само ден пред склучувањето на договорот. На 12 март е регистрирана фирмата Ремеди Интернатионал ЛТД, а на 13 беше јавно објавено дека ја добила зделката.
За осум месеци таа треба да постави и да доведе во функционална состојба 275 автобуски стојалишта, а до крајот на годинава 80 електронски информациски дисплеи.
Како сопственици на компанијата се јавуваат Јаниз Арманитис и грчката Ремеди адвертајзинг. Управител на фирмата е Михаил Кирков.

нека ги направат како што треба и нека ги одржуваат тековно во сите 15год, па ако сака и нелегална нека е фирмата, ако сака и на владата и на опозиција нека е важен е крајниот резултат и квалитетот на изработката

БАРАЊЕ за ИЗЈАВУВАЊЕ НА ИНТЕРЕС во врска со Избор на приватен партнер за поставување на автобуски стојалишта на подрачјето на Општина Битола Општина Битола , ул.Булевар 1-Ви Мај бр.61, согласно планот на активности за 2012 година има намера да отпочне постапка за јавно приватно партнерство за поставување на 101 автобуско стојалиште на подрачјето на Општина Битола поточно на локации на кои се превезуваат патници во градскиот линиски превоз и тоа: 58 автобуски стојалишта во урбаниот дел сосоставени од еден, два, три или повеќе еднакви, истообразни, самостојни модули во кои може дополнителн да влезе киоск. Стојалиштата содржат конзола, настрешница, клупа за седење, корпа за отпадоци, два сити лајта (едниот за ознака на стојалиштето, а другиот за рекламирање), а може да се постави и киоск за комерцијална намена. За овие автобуски стојалишта постои и електрика која се снабдува со електрична енергија од градската електрична мрежа за осветлување на сити лајтовите и греење на киосците. 43 во руралниот дел, на локации на кои се превезуваат патници во општинскиот линиски превоз. Овие стојалишта се користат само дење и затоа не е предвидено електрифицирање. Во Програма за поставување на автобуски стојалишта на општински линиски превоз на патници на подрачјето на општината Битола е предвидено демонтажа на стојалиштата од урбаниот дел и нивно репарирање со цел поставување во руралниот дел на општината. Се известуваат заинтересираните страни дека во стојалиштата има можност за комерцијални активности согласно ДУП. Се повикуваат заинтересираните домашни и странски физички и правни лица да достават Изјава за интерес најдоцна до 05-05-2012 година. Изјавите за интерс може да се доставуваат по писмен пат на адреса на Општина Битола , како и електронски на следната адреса: slavica.nabavki@bitola.gov.mk По истекот на рокот за доставување на Изјавите за интерeс ќе биде одржан состанок со сите заинтересирани субјкети, за што истите дополнително ќе бидат известени. За подетални информации, заинтересираните субјекти можат да се обратат на: Славица Димитровска-лице за контакт Тел. + 389 47208326,+38947234234, E-mail: slavica.nabavki@bitola.gov.mk Комисија за спроведување на постапката за доделување на договор за јавно приватно партнерство за поставување на автобуски стојалишта и опрема.

http://bitola.gordsys.net/?InteresAvtobuskiStojalista

Еве многу убави автобуски постојки: