Луксузните автомобили одат како алва

понеделник, 04 април 2011, 16:54

ИНТЕРЕСОТ ЗА УВОЗ НА ПОЛОВНИ ВОЗИЛА НЕ СТИВНУВА

Од септември лани увезени 38.463 возила со Еуро 2

Од нив најмногу се патнички автомобили и тоа 31.072 употребувани и 5.390 нови, потоа 1.253 половни товарни возила и 660 нови, како и 187 користени автобуси и само 53 нови

Интересот кај македонските граѓани за набавка на употребувани возила од Европската унија не стивнува. Според податоците што ги објавува Царинската управа на Македонија во првата половина од годинава во земјава се увезени вкупно 21.257 возила, од кои 16.964 се половни патнички автомобили, а само 3.214 се нови, околу илјада се товарни моторни возила, а стотина се автобуси и минибуси.

Минатата година во првите шест месеци биле увезени 29.491 возила, од кои 25.060 биле половни, а 4.431 нови. Речиси 90 проценти од увезените возила во првото полугодие од 2010 година се употребувани, со што е јасно дека владината мерка за олеснување на увозот на половни возила од март 2010 година ги дава очекуваните ефекти.

Од септември 2010 година во земјава можат да се увезуваат само возила со стандард Еуро 2, кој дозволува само увоз на возила до 16 години старост, но со подобри перформанси во однос на возилата со Еуро 1 стандардот. Според податоците на Царината заклучно со јуни годинава во земјава влегле вкупно 38.463 возила со Еуро 2 стандард. Од нив најмногу се патнички автомобили и тоа 31.072 употребувани и 5.390 нови, потоа 1.253 половни товарни возила и 660 нови, како и 187 користени автобуси и само 53 нови. Од бројките на Царината може да се забележи дека до септември лани интересот за увоз на товарни возила и автобуси со Еуро 1 стандард бил поголем отколку по забрана досега кога во земјава влегувале во просек по десет користени возила месечно, додека воопшто немало интерес за увоз на нови со повисок стандард. И кај увозот на автомобилите состојбата е горе-доле слична, односно има преполовување на влезот на користени патнички возила со Еуро 2 стандард. Од статистиката се гледа дека пред септември 2010 се увезувале во просек околу шест илјади користени возила со Еуро 1 стандард, а потоа увозот двојно опаѓа.

Над 15.000 половни возила чекаат купувачи

Причина за опаднатиот интерес за користени возила е неконтролираниот увоз, кој го блокира малиот македонски пазар и сега има огромна понуда, но нема купувачи

Македонскиот пазар е преплавен со увезени половни автомобили. Официјалните бројки велат дека повеќе од 15.000 увезени стари возила чекаат купувачи на автоплацовите што никнаа низ државава. Според Царинската управа, до 1 август годинава се увезени 25.057 употребувани возила. Сопствениците на автоплацовите за половни возила велат дека последниве неколку месеци драстично е опаднат интересот на граѓаните за да купат стар автомобил. Причина за малиот интерес е неконтролираниот увоз, кој го блокира малиот македонски пазар. Сега има огромна понуда, но нема купувачи. Најмногу се бараат автомобили со италијански таблички, а втори на листата се возила од Германија и од Холандија. Најмалку се бараат автомобили од Словенија и од Бугарија.
- Секој ден цариниме по неколку возила, најчесто донесени од Словенија. Крајната цена до регистрација е од две до четири илјади евра во зависност од состојбата на возилото и од годината на производство - велат во една скопска шпедиција. Во шпедициите велат дека најчесто како увозници се јавуваат граѓани, кои потоа автомобилите ги оставаат за препродажба на автоплац.
Екипа на „Дневник“ посети некои од автоплацовите низ Скопје. Она што можеше да се види на нив се возила од средна категорија од типот на „пежо 206“, „опел корса“, „фиат пунто“ и понекоја „сеат ибица“.
Во Царинската управа велат дека годинава, за разлика од лани, се влезени помалку возила.
- Во јули годинава увезени се речиси 3.800 половни возила, за разлика од лани истиот месец кога влегле три пати повеќе - велат во Управата.
Сопствениците на плацови за половни автомобили велат дека побарувачката е преполовена за разлика од почетокот на годинава.
- Конкуренцијата си го направи своето. Сега граѓаните имаат избор и бараат исклучиво сервисирани половни возила, по можност со сервисна книшка. Вакви може да се увезат само од Италија или евентуално од Германија каде што има регистрирани салони за половни автомобили - вели еден сопственик на плац за половни возила.
Според него, многу малку се продаваат старите возила од Словенија и од Бугарија.
- Тоа се најчесто возила кои од европските држави се увезени во Словенија или Бугарија, а потоа оттаму завршуваат кај нас. Најчесто се со километража која не е оригинална - велат на автоплацовите.
Освен половни автомобили, се увезуваат и половни минибуси, автобуси и камиони. Но и кај нив, како и кај автомобилите, опаднати се и увозот и пласманот. За разлика од лани кога се увезле 2.483 товарни возила, главно камиони од повисока класа, годинава увезени се едвај 700 употребувани камиони. Кај автобусите разликата е драстична. Лани биле увезени 734 автобуси за разлика од годинава кога до август во земјава влегле само 79 половни автобуси.

Според Царинската управа на Македонија до крајот на септември увезени се 25.803 употребувани возила, а само 4.675 нови автомобили

Преполовена е продажбата на стари и нови возила во земјава, бидејќи до септември годинава увезени се вкупно 32.113 возила, од коишто 4.675 нови автомобили, 25.803 употребувани автомобили, товарни моторни возила 1.569 (стари-нови) и автобуси 266 (стари-нови). Увозниците сметаат дека бројките се должат на актуелната светска криза што се рефлектира и во земјава, а поради несигурноста и нискиот стандард поголем број на граѓани се одлучуваат да купат возило за коешто ќе дадат помалку пари.

Како што вели Златко Калеников, претседател на Сојузот на стопански комори на Македонија, 2011 година е една од најслабите години во однос на продажбата на нови автомобили во земјава.
- Годинава забележавме пад од 9 % на увозот на нови возила во споредба со лани, иако реално за купувачите имаше бројни поволности што ги нудеа увозниците - вели Калеников. Според него тоа се должи на последиците од светската криза, но и зголемениот увоз на стари возила, иако голем број на граѓани согледале дека погрешиле при изборот.

Калеников појаснува дека многу од старите возила при техничките прегледи во сервисите се покажале во многу полоша состојба отколку што очекувале купувачите.
Тој потсети дека рено" и дачија" имаат акција за еколошки возила "старо за ново", но сепак, прогнозите за периодот до Нова година не се толку оптимистички.

Од Царинската управа на РМ, каде што имаат преглед на увозот на возила по месеци, утврдиле дека надобар месец годинава бил март кога во земјава се увезени и најмногу нови и најмногу стари возила. Бројот на стари возила достигнал 3.100, а на нови 608. Во пролетните месеци март, април и мај се купувале и употребувани товарни моторни возила и тоа во просек нешто повеќе од стотина.

Рекорден увоз од 107 нови автобуси е регистриран годинава во август, кога се обнови значително возниот парк на ЈСП со автобусите од Украина и двокатните од Кина.
Според табеларниот приказ на Царината, конечната бројка на увезени возила лани достигнала 62.519, од коишто 51.399 стари автомобили, 7.183 нови автомобили, товарни моторни возила 3.357 и 580 автобуси, од коишто речиси сите се нови.

Македонија со најмалку автомобили во Европа по бројот на жители