Соборен храм Св. Петка - Кавадарци

На шо точно мислеш? Јас како шо гледам се граде камен по камен?

http://www.kavadarci.info

Соборниот храм ќе биде прекрасен (според ова што до сега го гледам).
Стилот навистина ми се допаѓа.

А за изградбата... па можеби ќе има внатрешни ѕидови на кои ќе одат фреските, но кои ќе се малку оддалечени од ѕидовите (нешто како Кнауф). Можеби така ќе го решат тој проблем.

Maj 2011

http://utrinski.com.mk/?ItemID=1F558EA2D1A36F4D9232C3DB48822E63

Кавадарци ќе се поднови со нов храм


Ангел Данов


КАВАДАРЦИ - Интензивно се работи на изградбата на храмот посветен на Света Петка, што започна да се гради во Кавадарци во почетокот на оваа година. „Ако со нешто може да се пофали македонската земја и македонскиот христијански народ тоа е вековното градење на овие храмови посветени на Бога и неговите светии“. Ова, меѓу другото, го изјави во Кавадарци, Архиепископот на МПЦ, Стефан. Тој го посети градот заедно со Митрополитот Агатангел за да видат до каде е изградбата на „Света Петка“.

Градоначалникот на Кавадарци, Александар Панов и донаторите на црквата, бизнисмените од градот, потенцираа дека црквата ќе биде готова до 8 август, кога ќе се постават и темелите на камбанаријата.

Новата црква е лоцирана во центарот на Кавадарци, во близина на хотелот „Фени“. На оваа локација требаше да се гради црква од поодамна, но поради огромните димензии на тогаш проектираната црква, изградбата никогаш не започна.

Фасадата на црквата ќе биде од камен кој рачно се обработува на самиот објект. Работата е доверена на искусната тајфа на мајсторот Ристо Гроздановски од Мала Преспа, Албанија која брои деветмина искусни мајстори ѕидари. Каменот со светла боја кој се набавува од Мариово и има одличен квалитет е исклучително добар за изградба на фасади. Иконостасот ќе се гради од мермер.

Во изградбата на црквата донира најголемиот дел од бизнис заедницата, а главните донации се од „Фени индустри“ и „Кожувчанка“. Општина Кавадарци бесплатно и' го отстапи градежното земјиште на МПЦ на трајно користење. Од иницијативниот одбор за изградба нагласуваат дека во новата црква ќе има венчавки и крштевки.

„Имаме и два параклиси. Едниот посветен на Св. Јован Крстител , а другиот на Св. Климент Охридски. Очекуваме до 8 август на денот на Света Петка црквата да биде изградена до ниво на карабина, а и да бидат оформени параклисите“, најави претседателот на иницијативниот одбор Митко Јанчев, сопственик на„Кожувчанка“.

Два милиона денари за новата црква

Општина Кавадарци од својот буџет одвои два милиона денари за изградба на црквата „Св. Петка“. Претседателот на кавадаречкиот Совет, Илија Тренчев, рече дека со изградбата на црквата Кавадарци ќе добие духовен храм со кој ќе се гордеат не само кавадарчани, туку сите Македонци.

Новата црква се гради исклучиво од камен и е меѓу ретките такви градби во Македонија, а на неа работат искусни македонски мајстори од Мала Преспа. (А.Д.)

http://www.utrinski.com.mk/?ItemID=F5FB31287DBDBC49886ECC151DA4D90D

prekrasna crkva