Скопски сообраќај (општо)

СЕ РЕКОНСТРУИРА УЛИЦАТА НИКОЛА КАРЕВ, КАЈ ЖЕЛЕЗНИЧКА

На улицата Никола Карев од денеска се изведуваат градежни работи за реконструкција на нејзиниот коловоз. Екипите на Град Скопје во наредниот месец ќе работат на потегот од крстосницата со улицата Трета македонска бригада до булеварот Кузман Јосифовски Питу, на должина од 510 метри. Освен обнова на коловозот, градежните работи ќе опфатат и реконструкција на тротоарите со замена на оштетените рабници и нивелација на постојните шахти и сливници

По изградбата на улицата Есенинова која ја започнавме минатата недела и со реконструкцијата на улицата Никола Карев жителите на општините Центар, Аеродром, Кисела вода и Гази Баба побрзо и полесно ќе стигнуваат до саканата дестинација. На тој начин, движењето од Кисела Вода до Гази Баба ќе биде скратено за нешто повеќе од 10 - на минути – рече денеска градоначалникот Шилегов.

Дополнително, на улицата Никола Карев се предвидени и велосипедски патеки од двете страни, со што ќе се поврзат двете главни велосипедски рути на булеварот Кузман Јосифовски Питу и булеварот Трета македонска бригада, кои ги поврзуваат општините Центар и Аеродром.

За реконструкција на улицата Никола Карев ќе се вложат околу 15 милиони денари, а рокот на изведба е 30 дена.
Шилегов упати апел до граѓаните да покажат трпение додека траат реконструкциите и целосно да го почитуваат привремениот сообраќаен режим кој гарантира максимална безбедност на сите учесници во сообраќајот. Тој изрази уверување дека оваа улица, како и другите, ќе биде завршена и порано од предвидениот рок.
На почетокот на градежните работи за реконструкцијата на улицата Никола Карев присуствуваше и градоначалникот на Општина Центар, Саша Богдановиќ.











https://www.facebook.com/CityofSkopje

ДУПКА ДЛАБОКА 4 МЕТРИ ОТКРИЕНА ПО ГРЕБЕЊЕТО НА АСФАЛТОТ НА БУЛЕВАРОТ АЛЕКСАНДАР МАКЕДОНСКИ НА ВЛЕЗОТ ВО СКОПЈЕ



На дупка длабока 4 метри наишле работниците кои работат на реконструкција на булеварот Александар Македонски, на источниот влез во Скопје. Во текот на денешните градежните работи за гребење на дел од асфалтот, работниците откриле дупка која во делови била длабока до четири метри.

Фотографии од состојбата на терен сподели градоначалникот Петре Шилегов велејќи дека е среќа што досега улицата не продаднала.

„Кога некоја инфраструктура не се одржувала повеќе од 40 години, тогаш изгледа за жал дека е многу нормално при реконструкција да наидете на дупка длабока 4 метри. Само среќа ги чувала сите кои поминувале по булеварот Александар Македонски, а патот не пропаднал. Веќе започнавме со санација и нема да доцниме со реконструкцијата“, напиша Шилегов на неговиот фејсбук профил.

Град Скопје на 5 септември почна со реконструкцијата на булеварот Александар Македонски во општина Гази Баба, на потегот од крстосницата со улица 16 Македонска бригада до пешачкиот мост пред клучката кај Хиподром, која го поврзува овој булевар со автопатот. Градежните работи ќе траат 40 дена, а на терен работат три фирми.

Од Град Скопје апелираат до граѓаните кои се жалат на метежот во овој дел од Скопје, додека траат градежните работи да ја користат обиколницата за влез во градот.

https://sdk.mk/index.php/naslovna/dupka-dlaboka-4-metri-otkriena-po-grebeneto-na-asfaltot-na-bulevarot-aleksandar-makedonski-na-vlezot-vo-skopje/

Зевзекманија- Опасен семафор

Ул.Скупи(Кај Хубо) хаотичност и неисправен семафор

Во прилог линк од видео од хаосот и по некој извадок од истото









https://www.facebook.com/Kanal5Televizija/videos/391290582268131

Метежот за влез во Скопје не престанува, дупката од 4 метри е нов проблем за реконструкцијата











Откако минатата недела почна реконструкцијата на булеварот „Александар Македонски“ за влез во Скопје, речиси нормална појава се колоните возила кои по најмалку еден час чекаат да влезат во главниот град.

Ситуацијата и денеска е иста. Како што може да се види од фотографиите на нашиот фоторепортер Борис Грданоски колони возила возат споро во едната лента, а другата е со изгребан асфалт и по неа се движат возила од механизацијата која работи на патот.

Од Град Скопје неколкупати повикуваа сите што сакаат да влезат во Скопје да одберат други алтернативни патишта, но сепак се создава метеж по главниот пат за влез.

Проодната лента за возила и онаа на која се работи се одделени само со подвижни сигнални столпчиња. Сепак, може да се забележи дека семафорите работат со што се контролира протокот на возила.

Се очекува работата на патот да заврши за 40 до 60 дена, а надлежните повикуваат на трепение кај возачите.

Но, дали проекцијата за должината на изведувањето на работите ќе остане таква не се знае, со оглед на тоа што работниците кои работат на реконструкција на булеварот „Александар Македонски“, на источниот влез во Скопје, наидоа на дупка од четири метри.

Фотографии од состојбата на терен сподели градоначалникот Петре Шилегов велејќи дека е среќа што досега улицата не пропаднала.

Реконструкцијата се реализира фазно, а на терен истовремено се работат три од вкупно четири фази на реконструкцијата. Булеварот ќе се реконструира во должина од 5.300 метри, што претставува најдолга делница на која Град Скопје работи во моментов. (Б.Б.

https://nezavisen.mk/metezhot-za-vlez-vo-skopje-ne-prestanuva-kje-gi-uspori-li-rabotite-dupkata-od-4-metri/

Алтернатива е како во секоја нормална држава да се работи ноќе. А тоа дека не ја користат обиколницата е друг проблем.

Што ќе донесе градежната офанзива на улиците во метрополата

СЕ БАРА ТРПЕЛИВОСТ ПОРАДИ РЕКОНСТРУИРАЊЕТО НА ПАТНАТА ИНФРАСТРУКТУРА
Пандемијата предизвикана од коронавирусот не ги запре инфраструктурните градежни активности што се во надлежност на градските власти. Метрополата е во градежна офанзива, се градат и се реконструираат улици речиси во секоја скопска општина. Скопје ќе се поднови со помодерни и пофункционални сообраќајници по кои граѓаните ќе можат да возат автомобили и велосипеди непречено, а што е најважно – безбедно.
Оваа и наредната 2021 година, Градот планира да инвестира во сообраќајници во вредност од 760 милиони денари.
Во моментов се реконструираат повеќе градски сообраќајници што се од витално значење за секојдневното функционирање на населението. Се градат и се реконструираат улиците Македонско-косовска бригада, Есенинова, Востаничка, Џон Кенеди, Лазар Личеновски, Боца Иванова, Благоја Стефковски и булеварите Александар Македонски и Видое Смилевски-Бато.
Градските власти информираат дека до крајот на годината ќе почне реконструкција и на други сообраќајници.

– До крајот на 2020 година ќе бидат завршени тендерските постапки и ќе се почне со изградба и реконструкција на дел од булеварот Митрополит Теодосиј Гологанов, кај Клубот на пратеници; изградба и реконструкција на булеварот Никола Карев (фазна реализација – до Момин Поток); реконструкција на булеварот Киро Глигоров (фазна реализација); реконструкција на улицата Васил Ѓоргов (од улицата Франклин Рузвелт до булеварот Мајка Тереза); реконструкција на улицата Никола Парапунов; реконструкција на улицата Никола Карев, од раскрсницата со булеварот Трета македонска бригада до раскрсницата со булеварот Кузман Јосифовски-Питу; реконструкција на булеварот 8 Септември (од булеварот Илинден до улицата Скупи); реконструкција на улицата 11 Октомври од раскрсницата со булеварот Кочо Рацин до раскрсницата со улицата Филип Втори Македонски – информираат од Град Скопје.
Граѓаните иако нервозни, сепак велат дека конечно главниот град ќе почне да личи на светските метрополи со улици како што доликуваат.

– Навистина се потребни многу нерви наутро да се стигне на работа. Метеж има насекаде, сите се нервозни, свират, а понекогаш може да се слушне и понекоја пцост. Сепак, факт е дека сите мора да го издржиме ова затоа што се прави за сите нас. Да, знам дека е стресно секое утро да се соочуваме со закочен сообраќај, но кога сето тоа ќе заврши конечно ќе можеме непречено да се движиме до посакуваната крајна цел. Јас не паметам кога во Скопје се случувало вакво нешто. Навистина редно беше да се средат сообраќајниците, особено затоа што градот има веќе милион жители и бројот на возилата е зголемен и не е како порано – вели Владимир Трајковски, жител на Скопје.
Градоначалникот на Скопје, Петре Шилегов, уште на почетокот на годината ги најави овие градежни активности. Тогаш тој истакна дека оваа градежна офанзива ќе се прави за да се ослободат повеќе пари во економијата инвестирајќи најмногу во домашниот градежен сектор, кој е одговорен за голем број вработени и учествува со сериозен дел во БДП на државата.
Неодамна Шилегов истакна дека улици се реконструираат летно време поради намалениот број возила што сообраќаат, меѓутоа годинава, поради пандемијата на коронавирусот, во метрополата немало период кога немало метеж, односно сообраќаен шпиц.

Тој нагласи дека не може во исто време да се реконструираат улици и да нема метеж.
– Ги замолувам граѓаните да бидат трпеливи – истакна Шилегов.
Годинава беа реализирани капиталните проекти што беа почнати минатата година за проширување и реконструкција на булеварот Никола Карев (Пластичарска), изградба на булеварот Христијан Тодоровски Карпош – втора фаза и негово поврзување со обиколницата, проширување на булеварот АСНОМ – прва фаза, а во тек е втората фаза за изградба на мост преку Вардар, како и изградбата на булеварот Босна и Херцеговина. Исто така, реконструирана беше и улицата Борис Сарафов.

https://www.novamakedonija.com.mk/makedonija/skopje/што-ќе-донесе-градежната-офанзива-на-у/

ПОЧНА РЕКОНСТРУКЦИЈА НА БУЛЕВАРОТ 8 СЕПТЕМВРИ, КРСТОСНИЦАТА КАЈ МОМИН ПОТОК ЌЕ ПОЧНЕ ДА СЕ ГРАДИ НАПРОЛЕТ



Град Скопје денеска почна со реконструкција на булеварот 8 Септември, на потегот од булеварот Илинден до улицата Скупи. Во текот на градежните работи ќе се изврши комплетна реконструкција на коловозот, обнова на тротоарите со замена на оштетените рабници и нивелација на постојните шахти и сливници, во двете насоки, во должина од 980 метри.

„Реконструкцијата ја почнуваме со тротоарите и велосипедските патеки, а во текот на неделата ќе се префрлиме и на коловозот. Станува збор за релација долга 980 метри, која претставува главна артерија што ги поврзува населбите Карпош 2, 3 и 4 со Злокуќани, Бардовци, Момин Поток и другите населби во северниот дел од градот. Ќе изведеме и нова велосипедска патека, ќе формираме и нов дрворед од околу 100 дрвја, а ќе уредиме и средишна жардиниера“, рече денеска градоначалникот Петре Шилегов.

Шилегов кажа дека при крај е проектирањето на големата крстосница кај Момин поток, а градежните ќе стартуваат напролет.

„Сега го реконструираме овој дел до улицата Скупи, кон крајот на годинава ќе почнеме со проширување на втората фаза на Пластичарска. На пролет ќе стартува реализацијата на големата крстосница каде што се спојуваат овие две улици. Година и половина по стартот на градежните работи ќе немаме никаков проблем со гужвата во овој дел од градот“, кажа Шилегов..

За реконструкција на булеварот 8 Септември ќе се вложат 43 милиони денари со вклучен ДДВ, а градежните работи треба да завршат во рок од 40 дена.


https://sdk.mk/index.php/dopisna-mrezha/pochna-rekonstruktsija-na-bulevarot-8-septemvri-krstosnitsata-kaj-momin-potok-ke-pochne-da-se-gradi-naprolet/

Originally posted by Macedonicus Originally posted by JovanOdGjorche Алтернатива е како во секоја нормална држава да се работи ноќе. А тоа дека не ја користат обиколницата е друг проблем. Најди ја логиката да се работи ноќе кога луѓето спијат и да се прави непотребна бучава. Во Чешка има закон против бучава меѓу 22 - 6, и тука градежните работи се преку ден од 6 наутро до вечер и луѓето не се среќни но разбираат дека мора да се трпеливи...

а кога се работи навечер за да се изградат трговски центри и станбени објекти или кога ќе збрчи некој дивјак со мотор/кола, или кога лаат џукели и урлаат рандом луѓе не смета?

Би било одлично ако се држат во рамките на тие 40 дена,иако негде прочитав во некоја друга изјава дека се очекува да биде готов за 40 до 60 дена.Во принцип лошо е што доста се доцнеше со оваа офанзива која почна ден или два по изборите и сега среќа е времето да ги послужи да не врне за да тераат работа и да не се развлекуваат реконструкциите до зимо.Досега почна околу 10 улици а треба уште отприлика толку да ги започне следниот период се надевам негде до ноември ќе финишираат.Крајот на јули и почеток на август ќе им беа топ за работа оти градот речиси беше празен ама тоа е...
За работењето ноќе не сум против бидејќи се додека не се скроти уличното дивеење и турирање по семафори излишно е да се буниме дека багерот и ваљакот се пребучни и чинам навечер може да си дозволат поголема комоција при работење бидејќи нема гужви и свирење од колоните од страна а и ноќите се топли така да барем може да асфалтираат тој период(ова зборам за пофреквентните артерии низ градот кои е недозволиво да се влечат со месеци)

ЗАБРЗАНО СЕ РЕКОНСТРУИРА УЛИЦАТА ВОСТАНИЧКА
Реконструкцијата на улицата Востаничка во општината Кисела Вода е во тек. Екипите на Град Скопје работат на потегот од улицата Црниче до улицата Свети Наум Охридски. На оваа делница долга 1.100 метри се обновуваат коловозот и рабниците, а се реконструираат и тротоарите со замена на бекатон-плочките, онаму каде што е неопходно.Деновиве интензивно се работи на новите приклучоци во водоводната мрежа, за да се обезбеди континуирано и квалитетно водоснабдување на граѓаните од овој дел од градот. Според планот, на овој потег треба да се изработат нови 76 приклучоци во водоводната мрежа со што ќе се реши горливиот проблем на околните жители.









https://www.facebook.com/CityofSkopje