Скопски сообраќај (општо)

Козара остана со дупки, чека градежниците да ја завршат Ленинова



Помина 10 јули, денот кога според последната најава од Општина Центар требаше по третпат да биде асфалтирана улицата Козара во Капиштец, во рок од неполна година. Но на улицата работите не се променети. И понатаму има оштетувања и дупки на асфалтот по вторпат поставен во декември минатата година, „збогатени“ со сечења на асфалтот што веројатно дополнително се прават како подготовки за ново асфалтирање.

Реконструкцијата на улицата започна на крајот од јули 2022 година и ја изведуваше компанијата „Гама градба“. Улицата беше во очајна состојба, со многу оштетен асфалт, поради постојаните копања и прекопувања за поставувања инсталации, но и поради тешките товарни возила и механизација што се движеа по улицата во изминатите години, кога на Козара истовремено се градеа неколку згради. Изградбата на нови објекти на местото на некогашните куќи сѐ уште трае.

И кога започнуваше реконструкцијата и сега остана нејасно зошто беше потребно да се прави реконструкција на Козара и да се трошат општински пари, кога на оваа улица сѐ уште се гради, а според најавеното, обновата би чинела нешто повеќе од 8 милиони денари со вклучен ДДВ, односно околу 130.000 евра. Реконструкцијата ја најави екс градоначалникот Саша Богдановски, со образложение дека тоа го барале жителите, а започна во мандатот на Горан Герасимовски.



Но градежните работи не одеа како што се планираше и жителите во изминатата година видоа сѐ и сешто – од затрупани сливници и шахти со асфалт, до нерамен асфалт под нивото на шахтите, за после второто асфалтирање да посведочат и на оштетувања на коловозот кои се појавија по првиот пообилен дожд.

Не верувам дека некогаш ќе се поправи улицата, не верувам. Ај што со месеци правеа, асфалтираа, па пак асфалтираа, па дупки се отворија, сега е ужас повторно. Се изнаголтавме прашина летово – вели една од жителките на улицата.

По реакциите и револтот на жителите насочени кон Општина Центар, во чија надлежност е оваа улица, оттаму пред неколку месеци најавија и трето асфалтирање, кое доколку не е успешно на фирмата немало да и бидат исплатени договорените пари за реконструкцијата.

Излеговме на терен, констатирано беше дека асфалтот не е квалитетен и, според договорот, укажано беше да се повтори постапката односно да се асфалтира од почеток, меѓутоа и вториот асфалт не беше во ред. Затоа Општината нема да исплати средства по таа основа, па сега бараме начин да направиме нова набавка и да се јави друг изведувач, а постапката ние со него на суд да ја продолжиме. Ништо не исполни согласно договорот и друг начин освен неплаќање и продолжување на судска постапка немаме – објасни тогаш Герасимовски.

Сепак, работата не заврши на суд и на „Гама градба“ ѝ се даде и трета шанса на Козара. Во февруари пак истата фирма започна да ја реконструира и улицата Ленинова, на потегот од булеварот Партизански одреди до булеварот Митрополит Теодосија Гологанов. Од Центар велат дека таму се завршени околу 80 отсто од целосната реконструкција, која во согласност со рокот за изведба, треба да биде готова заклучно со 7 август.

Веднаш штом започна обновата на Ленинова, побаравме одговор дали ќе се чека „Гама градба“ да ги заврши работите на оваа улица, па да се врати на Козара. Оттаму ни одговорија дека фирмата паралелно ќе работи на двете улици, но тоа не се случи.

Како што стојат работите, сепак ќе се почека да заврши реконструкцијата на Ленинова, а потоа жителите на Козара ќе мора да истрпат уште едно асфалтирање, со надеж дека ќе биде последно.

https://www.slobodenpecat.mk/kozara-ostana-so-dupki-cheka-gradezhnicite-da-ja-zavrshat-leninova/

Originally posted by The Wild Boy Како што гледам до сега од кога раководи Данела Арсовска со градот... ни еден нов голем инфраструктурен проект, ама баш ни еден (не зборам за оние планирани за време кога Шилегов беше градоначалник) нема започнато.

IMO, поарно да ги заврши прво тековните (кои не се малку) отколку да почнува нов (колку да се рече дека почнала нешто).

Никогаш нема да ми биде јасно што толку лошо направил Шилегов за да не добие втор мандат кога градоначалници пред него, кои беа 10 пати полоши, добиваа повеќе отколку што заслужуваа.. А уште помалку ми е јасно како Арсовска ја сметавте за "независен кандидат" кога цела кампања и' беше финансирана од вмро.. Кловн од кандидат беше, со нај meme-worthy изјави икад..

Ваму бекатонче, на Гологанов асфалт за тротоари, хаос.

Радишанска






Edited by <Fresno> - 08-May-2023 at 15:57

ШТО „УВИДЕ“ АРСОВСКА НА ДИМО ХАЏИ ДИМОВ? Мал дожд, улицата и подрумите повторно поплавени!

По седуммесечна реконструкција на улицата Димо Хаџи Димов од вчера се раскопуваат и тротоарите, а граѓаните револтирано коментираат дека и по не толку интензивниот дожд улицата повторно беше полна со вода. Поради тоа прашуваат што увиде градоначалничката на Скопје, Данела Арсовска која пред два дена вршеше увид на градежните работи, токму на оваа улица.

Новата атмосферска канализација што беше причина за раскопување на улицата Димо Хаџи Димов во скопска Кисела Вода и „скапиот“ асфалт за којшто се чекаше потопло време, не го издржаа првиот дожд, а дел од сопствениците на куќи повторно се бореа со поплавените подруми.

– Тамам се израдувавме дека повеќе нема да слушаме багери, барем на овој дел од улицата, кога заврна и пак поплава! И еве, од вчера повторно багери. Сега ни ги раскопуваат тротоарите кои веќе беа готови. Што ли се прави овој пат – прашува чичко Благоја.

Скопјанката Билјана, која живее на оваа улица, револтирано вели дека малку им била прашината што ја дишеле 7 месеци од копањето на улицата, местењето и преместувањето на шахтите.

– Еве втор ден како ги раскопуваат тротоарите. Не ни е јасно што се случува? Ние како граѓани бараме одговори од градот, зошто улицата беше пола со вода и зошто сега се копаат тротоарите – вели Билјана.



Градоначалничката на Град Скопје пред два дена изврши увид во завршните работи на улицата Димо Хаџи Димов каде се реконструира коловозот со што се овозможува зголемена безбедност за жителите на овој потег, но и за прв пат по целата должина и поврзаните краци се изгради атмосферска канализација. Во моментот на вториот дел од трасата се реконструира и водоводната мрежа.

„По секое невреме на оваа траса детектирани се поплави, а со сериозна инвестиција и изградбата на атмосферската канализација се отстрануваат овие недостатоци во интерес на граѓаните, со цел да се превенираат во иднина несакани последици предизвикани од невреме“ – информираа од Град Скопје по посетата на Арсовска на оваа улица, која важи за сообраќајна артерија за населбата Кисела Вода.

Претходно Плусинфо пишуваше токму за оваа улица бидејќи загрижените граѓани прашуваа што се случува со реконструкцијата на улицата Димо Хаџи Димов, иако скопската градоначалничка Арсовска им вети дека ќе го реши деценискиот проблем. Жители од оваа улица ни рекоа дека интервенциите започнале во септември лани, а работите требало да бидат завршени во октомври, како и што пишува на информативната табла на која како инвеститор е наведен Град Скопје.



– Ја раскопаа улицата еднаш од едната страна, па таа страна ја покрија со песок за да се копа другата страна. Откако двете страни ги ископаа и ги покрија со песок, на големо изненадување на граѓаните, улицата повторно беше раскопана. На прашање до работниците кога планираат да завршат, одговорот што го добивавме беше „ехеее има време до декември“. По второто копање, улицата беше повторно затрупана со песок за повторно да ја раскопаат на одредени делови – ни кажаа тогаш жителите на оваа улица.

Како одговор на нашите прашања, градските власти нѐ информираа дека на посочената улица се извршувале неколку зафати, па поради тоа се одложил рокот за завршување на проектот, а и временските услови не биле на нивна страна за нанесување на завршниот слој асфалт.

– На улицата Димо Хаџи Димов не се работеше само на реконструкција на коловозот туку и на комплетна изведба на атмосферска канализација и нов водовод, при што се завршени и сите водоводни приклучоци кон околните објекти кои беа многу на број. Следи асфалтирање на улицата и тоа предвиден е завршен слој асфалт СМА за чие вградување, согласно техничките стандарди, потребно е суво, неврнежливо време, и температурата на воздухот и на тлото над 15 степени Целзиусови во текот на денот – рекоа од Град Скопје за Плусинфо.

За целосната реконструкција на улицата Димо Хаџи Димов, како што изјави градоначалничката Арсовска во септември лани, Градот ќе издвои 41 милион денари.

Жителите на оваа улица повторно се прашуваат за што точно биле потрошени овие пари, бидејќи Арсовска вети ќе им го реши деценискиот проблем, но при најмал дожд улицата Димо Хаџи Димов повторно беше поплавена. Тие стравуваат што ќе се случи со улицата и нивните домови при интензивен дожд, дали повторно ќе мораат со кофи да ја вадат водата од своите домови и подруми?

https://plusinfo.mk/shto-uvide-arsovska-na-dimo-ha-i-dimov-mal-dozhd-ulicata-i-podrumite-povtorno-poplaveni/

бул.Киро Глигоров раскрсница кај Бриколаж(од твитер)

Завршени 60% од реконструкцијата на улицата „Ленинова“!
На улицата се поставува нова атмосферска и водоводна канализација, нови тротоари и еколошки ефикасно ЛЕД улично осветлување, а ќе се воведе и резидентно паркирање.



https://www.facebook.com/OpstinaCentar

ГРАД СКОПЈЕ ПОЧНА ДА МЕНУВА АСФАЛТ НА РУЗВЕЛТОВА БЕЗ ДА НАЈАВИ ДЕКА ДЕЛ ОД УЛИЦАТА Е ЗАТВОРЕН



Град Скопје денеска почна со градежни работи за реконструкција на улицата Рузвелтова. Градежна механизација од неколку камиони од утрово работи на корнење на стариот асфалт на потегот од крстосницата со булеварот Илинден до крстосницата со улицата Орце Николов. Заради градежните работи на овој потег затворена е една коловозна лента.

Од Град Скопје вчера не најавија ниту денеска информираа дека се почнува со реновирање на оваа улица и дека ќе биде воведен посебен режим на сообраќај. Информации нема на веб страната на Град Скопје, ниту на фејсбук профилите на Градот и на градоначалничката Данела Арсовска.

Град Скопје во моментов во центарот на градот ја реновира и улицата Теодосиј Гологанов кај Клуб на пратеници. Градежните работи на оваа делница почнаа во 22 септември и тогаш градоначалничката Арсовска кажа дека ќе биде готова за пет месеци. Рокот е поминат, а улицата уште не е пуштена и дел од неа е затворен за сообраќај. На овој потег истовремено и Општина Центар работи на реновирање на улицата Ленинова, со што секојдневно се создава метеж.

https://sdk.mk/index.php/dopisna-mrezha/grad-skopje-pochna-da-menuva-asfalt-na-ruzveltova-bez-da-najavi-deka-del-od-ulitsata-e-zatvoren/

Се гради кружен тек на влезот во општината Илинден



Започна изградбата на кружен тек на влезот во општината Илинден. Како што информираат општинските власти, станува збор за нов кружен тек на важна крстосница, кој ги опфаќа главните улици ,,2“, ,,8“, „9“ и новопроектирана улица ,,10“ на влезот во Илинден.
– Со изградбата на овој кружен тек ќе се растовари сообраќајниот метеж во овој фреквентен дел од општината, а наедно ќе се зголеми безбедноста на сите учесници во сообраќајот. Во рамките на проектот е планирана изградба на кружен тек со партерно и хортикултурно уредување, како и јавно осветлување на просторот – истакна градоначалникот Александар Георгиевски.
Како што нагласи тој, улиците и кружниот тек ќе бидат сообраќајно хоризонтално и вертикално обележани во согласност со сообраќајниот проект за траен режим на сообраќај.

https://novamakedonija.com.mk/makedonija/skopje/se-gradi-kruzhen-tek-na-vlezot-vo-opshtinata-ilinden/