Скопски сообраќај (општо)

Originally posted by alexsend Срамота е тоа што се случува во Скопје... да се вози секој ден кон и од работа и по 40 минути е неприфатливо! На Скопје каде живее една половина од населението на државава му е потребен сериозен потфат, проект налик СК2014 исклучиво за сообраќајна инфраструктура. Несериозноста/Незаинтересираноста на власта Централна и Локална е неприфатливо! Со цртање на велосипедски патеки на постоечки коловози, тротоари, менување на бекатон со асфалт и обнова на асфалт на постоечки улици + набавка на 20-30 електрични автобуси НЕ МЕНУВА НИШТО. Време си поминува, само се цртаат проекти и се одложуваат проекти... Луѓе седнете и направете план, Град Скопје + Влада 5 годишен план: 3 сообраќајни моста, 3 новопробиени булевари, 5 кружни текови 2 надвозници 1 тунел ... + цртајте си велосипедски патеки... Мора времето на патување да се скрати, нови автобуски линии по новопробиени улици! За тротинети, електрични автобуси и велосипеди никој не спори... Ама каде со овој ентузијазам и темпо!?

!!!

Ул.Лондонска во Тафталиџе,ни година дена не издржа новиот асфалт а веќе почнаа со прекопувања,тотална некоординација владее при реконструкција на улиците поготово во оние делови каде се градат згради и каде неминовно улиците се прекопуваат по неколку пати за разни инсталации(пример за ова се и улиците Руди Чаевац,Прашка)





https://www.facebook.com/Taftalidze1/?

СЕ АСФАЛТИРА УЛИЦАТА БИХАЌКА

Во тек е финално асфалтирање на улиците Бихаќка и Црниче, на потегот од раскрсницата кај подвозникот, па се до улицата Востаничка во должина од 810 метри.

Наскоро оваа значајна сообраќајница што се протега во две општини Центар и Кисела Вода ќе биде целосно реконструирана.







https://www.facebook.com/CityofSkopje/

Ова што денес се случува по улиците низ Скопје во 16:00 часот е недопустливо. Треба да се засрамат сите кои биле на функција градоначалник за оваа ситуација каде десетици илјади возила стојат буквално во место од стара рампа да се до карпош... СРАМОТА!

Ако возиш електричен тротинет на улица ќе платиш 80 евра казна

Електрични тротинети ќе можат да се возат само по велосипедски патеки и тротоари. Нивното возење на улица ќе се казнува во противвредност од 80 евра. Ова е предвидено со промените во Законот за безбедност во сообраќајот кои вчера поминале на владината седница. Со промените се предвидува тротинетите првенствено да се движат по велосипедските патеки, а во случај да ги нема на сообраќајниците, тогаш е дозволено да се возат и по тротоарите.

Максималната дозволена брзина за движење по велосипедска патека е 25 километри на час, додека на тротоар само 6 километри на час. За поголема безбедност, граѓаните кои управуваат тротинет треба навечер да носат зелени флурорцентни елеци, за да можат да бидат видливи за пешаците и учесниците во сообраќајот. Предвидено е и лицата под 14-годишна возраст да не смеат да возат електрични тротинети.
Казната ако не се носи елек е 50 евра, за движење по улица 80 евра, а доколку се вози со поголема брзина од дозволената 120 евра.

https://skopskoeho.mk/ako-vozish-elektrichen-trotinet-na-ulitsa-ke-platish-80-evra-kazna/?fbclid=IwAR1kve39mMCjwx9quImRbHAFLDMsBdM_r_CQZtjYFZobgBCw35mXM_VdYX0

Originally posted by alexsend ОК е да се регулира, 25км/ч е во ред, но 6 на тротоари е многу малку, додека флуросцентен елек е малку понижувачки.

Во Британија а мислам и цела Западна Европа не смееш на точак ноќе да се качиш или џогираш ако немаш флуросцентен елек...тоа за понижувачки е дојам присутен само во нашава затуцана вукојебина.

Ако важи и за велосипеди елек тогаш ок, во спротивно е идиотски. Освен тоа ок е законот, само што очекувам со амандмани да уфрлат уште нешто непотребно колку да се каже „држава сме, контролираме“.

Велосипедите си имаат одредби во законот, односно навечер треба да поседуваш светло позади и напред, како и катадиоптери („мачкини очи“), што е целосно различно од ова што го тврдиш дека треба и велосипедистите да имаат елеци.

Не викам дека треба возачите на тротинети да имаат елеци, но дефинитивно треба да бидат осветлени (напред и позади). Реално, предни светла имам видено кај нив, но позади немаат никаква ознака, што е небезбедно и поради тоа се сложувам за елеците.

Патем, возам велосипед цело време до работа и назад, и прашање на време е кога ќе почнат несреќи со тротинетите.

е-точаци и е-тротинети чим развиваат брзина на 30 км/ч мислам треба и да се регистрирани т.е. имаат таблички, ем да подлежат на технички преглед, а корисниците да треба да се контролираат и со алко-дрога тест, како нема засебни патеки за вакви брзи направии и како утре на младите од мали нозе ќе им легнуваат на срце просто поарно со време да се збрчи ваква стандардизација него да се чека на немили случки за да се осигура безбедност по тротоари и улици ... друг битен момент е да се едуцираат деца уште низ образование дека и Веспа е супер опасна работа за под нозе во костец невнимание на автомобилисти а не пак е-бајкои и тротинети, можеби скоцкани со мит’бастерс’тајп серијали со краш’тест’дамис урнеци за да попластично им се доловува колку супер-склет е кога пола тон авто тенеќе со брзина и од 30 км/ч влета и само во макази на е-тротинет, конечно чаре е засебни ВЕЛО АВТОПАТИ да пуштат градоите по средини на булеварите, што во случај да се стегне градскиот авто сообраќај ќе биде и повеќе од неопходно ...

Дупки место пат од Маркова Сушица кон Сопиште



Сопствениците на викендички и жителите на Маркова Сушица, место Перковец, Општина Студеничани, веќе подолго време имаат проблем со патот од продавницата поставена на крстосницата за Марков манастир, Козјак кон Добри Дол во нагорнина од наредните 500 метри. Наведениот дел од патот е во катастрофално лоша состојба, со огромни дупки, скоро и невозможно за одвивање на сообраќајот.

Скопјанецот Никола Р., кој најчесто вози по овој пат за време на викендите или за празници за да стигне до Марков манастир вели дека на тој дел од патот речиси и да нема асфалт, состојбата трае веќе подолг период, а никој не презема ништо.

– Колите ги искршивме, цел пат е со дупки. Тоа не се дупки, туку кратери. Еве може да видите и сами. Треба да се стави нов асфалт. Дупките да се пополнат или нека ја асфалтираат улицата, ни изјави Никола.

И луѓето кои деновиве помагаат за подготовка на манастирската слава по повод празникот Свети Димитриј (Митровден) се жалат дека практично е невозможно со натоварено возило да се достават потребните работи до манастирот и мора да се бараат алтернативни заобиколни патишта.

Жителите нè информираа дека пред извесно време оствариле средба со претставници на Општина Студеничани, по што добиле препорака нивниот проблем да го стават во писмена форма и да го достават до градоначалникот Азем Садики.

Жителите од градоначалникот Садики и од општината бараат да се излезе на терен со цел подобро да се запознае и утврди лошата фактичка состојба на патот. Бараат итно пополнување на дупките за да може да се одвива сообраќајот, дури не се пристапи со квалитетно решавање на проблемот.

– Бараме сеопфатно решавање, квалитетно реконструрирање со проширување на улицата и асфалтирање за нормално разминување на две возила според сите стандарди. Условите на теренот лесно овозможуваат да се изврши проширување со мали активности и финансии. Ова наше барање сакаме да влезе во проектите за 2020 година, за да може навреме да се обезбеди буџет и негова реализација, велат жителите на Маркова Сушица.

Граѓаните истакнуваат дека се подготвени да се вклучат на кој било начин да помогнат за решавање на проблемот.

Од Општина Студеничани за МИА информираат дека имале средба со месното население, ги слушнале нивните проблеми и од нив добиле писмено барање кое ќе се разгледува на седница на Советот. Информираат дека нивните служби излегле на терен и оти за 2020 година ќе се потрудат да се изнајдат доволно средства за реконструкција на овој локален пат.

Од Општина Студеничани додаваат дека тие се приградска, рурална општина надвор од Град Скопје и се обидуваат да го решат проблемот во најкраток можен рок.

Од Општина Сопиште за МИА изјавија дека иако овој локален пат е на територија на Општина Студеничани, тие се подготвени за соработка и би се вклучиле во изработка на заеднички проект.

Жителите, пак, изразуваат надеж дека нивниот проблем ќе се реши наскоро, а дотогаш останува да возат по дупки.

https://denesen.mk/dupki-mesto-pat-od-markova-sushica-kon-sopishte/