Скопски сообраќај (општо)

Зошто „Димитрие Чуповски“ не стана пешачка зона, а се ветуваше?

Зошто улицата „Димитрие Чуповски“ останува иста и покрај најавите на Град Скопје дека ќе биде само за пешаци/велосипеди и јавен превоз. Прашуваат како планот ќе го демотивира користењето автомобил, а поттикне пешачењето, користењето велосипед и јавен превоз со ставање на нови катни и подземни гаражи во најстрог центар на Градот, па и под плоштад, прашуваат скопски велосипедисти „На точак“.



Групата скопски велосипедисти „На точак“ од Општина Центар и од Градот бараат од надлежните одговори на повеќе отворени прашања во врска со Деталниот урбанистички план „Мал Ринг 1“- каква визија има овој план за сообраќајот, за уредувањето, за јавните простори… Зошто улицата „Димитрие Чуповски“ останува иста и покрај најавите на Град Скопје дека ќе биде само за пешаци/велосипеди и јавен превоз. Прашуваат како планот ќе го демотивира користењето автомобил, а поттикне пешачењето, користењето велосипед и јавен превоз со ставање на нови катни и подземни гаражи во најстрог центар на Градот, па и под плоштад.

– Како ќе го направиме центарот пешачка зона ако од сите страни кон плоштадот се поставени објекти или се спуштаат рампи за коли. Како ќе се евакуираат луѓето од големи настани и како во тесниот простор меѓу рампите и објектите ќе се разминуваат пешаците и велосипедите? Па и сега е веќе тесно! Исто така, ако се изградат сите планирани подземни улици и гаражи во центарот нема да може да порасне ниедна поголема крошна за сенка. Тоа е демотивирачко и за пешачење и за возење велосипед – прашуваат од „На точак“.
Тие сакаат да знаат што ќе се случува со кејот кој е окупиран со возила и како ќе се поврзат долниот и горниот кеј за велосипеди и каде ќе минуваат клучните рути за велосипеди. Од „На точак“ потенцираат дека она што е добро е што планот е на јавна анкета и ова решение не е конечно и е отворено за коментари од граѓаните.

Од Град Скопје појаснуваат дека улицата „Димитрија Чуповски“, како и другите улици се дефинираат во Деталните урбанистички планови само во прв профил (димензии), и при тоа, нема никакво влијание на воспоставувањето на сообраќајниот режим на истата.

– Тоа значи, дека ако на пример утре сообраќајот на некоја улица се пренасочува или се менува (се воведува пешачка зона), тоа нема никаква допирна точка со ДУП на општината и истото се прави со сообраќаен проект. Градот Скопје планира да продолжи со стимулирање на граѓаните да се движат пеш и со велосипед преку континуирано ослободување на јавниот простор и негова пренамена во велосипедски и пешачки зони, каде во посочената локација се планира претворање на пешачка зона – тврдат градските власти.

Што се однесува околу Кејот на Вардар, од Градот додаваат дека, велосипедските патеки и приклучувањето со горниот дел со рампи, исто така, не е нешто што се регулира и дефинира со ДУП, туку со соодветни инфраструктурни проекти. А, тоа, може да се види и во веќе постојните и изградени рампи за приклучување на Кејот на Вардар, кои ги има на повеќе локации, а тие не се прикажани на актуелните ДУП-ови. Што се однесува до изградбата на подземни гаражи под плоштадот, од Градот сметаат дека на тој начин ќе се обесхрабри преминувањето на центарот на градот со автомобили и ќе се овозможи паркирање единствено за лицата кои работат во овој дел од градот.

– Ова е пракса во многу светски метрополи, каде под плоштадите и парковите имаме подземни пакринг-гаражи – децидни се од Градот.
(А.П.)

https://www.vecer.press/зошто-димитрие-чуповски-не-стана/

Патот кон Општина Шутка поврзува три општини, а пропаѓа



https://alsat-m.tv/mk/патот-кон-општина-шутка-поврзува-три-о/

Започнаа активностите за асфалтирање на првиот дел од улицата Фуштанска во населба Ченто.







се вади стариот асфалт на вториот дел од улицата



https://www.facebook.com/opstinagazibaba

Се моли дождот да не врне во Центар повеќе од 20 минути

Пекавме за дожд оти било многу врело летото. Дождот дојде, сега пекаме да престане. Зошто? Па очигледно улиците не ни се подготвени за дожд подолг од половина час.

Иако врне непрестано, тргнавме денеска во мала обиколка низ центарот на градот. Поплавени делови од населбите, насобраната вода на улиците која не се повлекува, граѓани кои мораа да вежбаат „скокање“ при преминувањето на улиците и да не бидат испрскани, „бањање“ од расклатените плочки на улиците беа само дел од она што денеска го забележавме по централното градско подрачје.

Но, освен ова, имаше и апсурди токму во самиот центар: површинската фонтана на плоштадот „Македонија“ интензивно работеше и истураше вода иако во исто време на неа се истураа десетици литри дожд на квадретен метар!? Буквално плоштадот станал фонтана, ама и фонтаната ди дурлеше вода. Која била потребата фонтаната да работи и во овие услови треба да објаснат надлежните бидејќи запирањето на нејзината работа не би требало да е поголем проблем, барем додека дождовите не престанат.

Малку подалеку, на улицата „Македонија“ дождот повторно ги откри и наполни дупките околу сите расклатени плочки долж централната градска пешачка улица. Барички и каллива вода ги има на секои десетина метри и пешаците беа принудени да прават „слалом“ долж улицата од која насобраната вода тешко се повлекува бидејќи добро не е решен одводот на дождовницата. Имаше и такви граѓани кои згазнуваа на таквите плочки – правејки си мини фонтани-прскалки.

-Секој дожд на оваа улица е вака. На едно место имате насобрано езерце, на друго бари околу изместените плочки. Веќе се навикнавме и ги избегнуваме тие места. А надлежните се навикнаа да не чувствуваат потреба да ги поправат, ни рече еден граѓанин.

На соседната улица „Свети Кирил и Методиј“ водата беше насобрана најмногу токму на пешачките премини. Па, заради тоа, оние граѓани кои не сакаат чевлите да им се наводенат мораа да скокаат за да ја избегнат водата или за да одбегнат да бидат испрскани од колите што минуваат.

-Ќе мора да вежбаме скок со стап изгледа, во шега-но сепак револтирано ни рече еден скопјанец.

Кај подвозникот кон Црниче сообраќајот се одвиваше нормално. Тука порано постојано имаше длабока вода која го попречуваше сообраќај, но сега веќе не. Се покажува дека интервенциите напревени пред неколку години со решетките на горните делови од улиците функционираат добро.

Но, вистинско езеро забележавме до крстосницата кај Народната банка. Водата од главниот булевар „Крсте Мисирков“ се слива на свртувалиштето од кај Банката кон МАНУ и тука останува. Десетина сантиметри беше длабока несобраната вода, а што предизвикуваше возилата да ја распрснуваат водата на сите страни. Проблемот е очигледно во тоа што надлежните тука не направија одводна шахта иако и на лаик му е јасно дека водата тука ќе се насобира.

Во соседното Маџир Маало во ред беше само главната улица во која неодамна беше направене и канализација. Во споредните беа направени вистински езера.

-Една улица е направена, а за овие чекаме да ни направат одводна канализација. Кога ќе биде тоа никој не кажува. На знаеме ни што се случи со ДУП-от што се предложи за населбава. Сега излегуваме само со длабоки гумени чизми, ни рече еден граѓанин.

Слична глетка видовме и во населбата Пролет. Дел од улицата и тротоарот станал вистинско езеро бидејќи и тука нема решен одвод на вода… Обилните дождови, очигледно, повторно потсетија дека градот го нема решено проблемот со канализацијата. А така ќе биде се додека само 30 проценти од неговото подрачје е покриено со атмосферската канализација…

ул.Ѓуро Ѓоновиќ



бул.К.Ј.Питу




https://skopskoeho.mk/se-moli-dozhdot-da-ne-vrne-vo-tsentar-poveke-od-20-minuti/

Вака изгледа улицата „Арсо Мицков“ во Ѓорче Петров





https://www.vecer.press/вака-изгледа-улицата-арсо-мицков-в/

ПОРОЈНИ ДОЖДОВИ НИЗ ЦЕЛАТА ДРЖАВА, ИЗЛЕВАЊА И ПОМАЛИ ШТЕТИ



https://24.mk/details/porojni-dozhdovi-niz-celata-drzhava-izlevanja-i-pomali-shteti-nevremeto-kje-prodolzhi

Само со гумени чизми може да се помине улицата “Боривое Милошевски“ во Гази Баба



– Сега сме 21 век, Скопје, а нас ни требаат гумени чизми за да стигнеме на работа. Ова не фејсбук го постираше Далибор Коцевски кој објави фотографии како изгледа улицата „Боривое Милошевски“ по обилните врнежи од дожд.
– За овој крак на „Боривое Милошевски“, градоначалникот Борче Георгиевски при неколку средби со граѓаните тука, ветуваше дека ќе биде асфалтиран во најкус можен рок. Поднесувавме и петиции и којзнае, можеби субвенции за кајак ќе добиеме наместо направена улица – вели Коцевски.

Тој сугерира вакви мали улички веќе одамна во руралните средини низ Македонија ги решаваат и со бекатон плочки. Значи само треба малку волја.

https://www.vecer.press/само-со-гумени-чизми-може-да-се-помине-у/

Денес, на вкупна површина од 3233 метри квадратни, започнавме да ја реконструираме улицата „Периша Савелиќ“ на Водно.
Досега, во овој дел од општината ги реконструиравме улиците „Загребска“, „Караорман“, „Бигла“, „Димитар Пандилов“, потоа „Ганчо Хаџипанзов“, „Капештец“, „Питу Гули“ и други, а наредна за реконструкција е улицата „Тодор Александров







https://www.facebook.com/sasha.bogdanovikj

Драчевци возат како „Англичани“: Добиле нова цевка, „изгубиле“ една лента од патот! (ФОТО)







Жителите на улицата „Киро Фетак 2“, која ги поврзува скопските населби Драчево и Долно Лисиче, многу се израдуваа кога на почетокот на мај видоа дека багери и камиони почнаа да ја раскопуваат нивната улица. Тие уште во 2018 година поднеле инцијатива до Општина Кисела Вода за да им се смени лошо изведената и изгмечена канализациска цевка, која се затнуваше, па при секој поголем дожд отпадните води им се враќаа во дворовите и во споредните улички. Но, нивната радост не траеше долго. Сега улицата е оставена до половина раскопана, а возилата се движат по една лента, и тоа левата, како во Англија. Ситуацијата е многу полоша кога ќе заврне и целата улица плива во кал.

– Еден месец не можевме да поминеме од багерите и од камионите што копаа, но мислевме, добро, општината се смилува, и барем пред избори реши да ни ја поправи канализацијата. Но, штом завршија изборите, уште истиот ден целата механизација ја собраа, си заминаа и ја оставија улицата раскопана. Не може човек да појде до продавница, ако е суво од прашина, а ако заврне, од кал. Возилата се туткаат сите на една страна – вели пензионерот Миле Мојсоски, еден од подносителите на инцијативата за менување на канализација.

Тој вели дека собирал потписи низ цела населба, но надлежните ниту некогаш ги викнале на разговор ниту им се јавиле. Само на едно од нивните многу телефонски јавувања одговориле дека иницијативата „ќе се разгледа“. Во тоа „разгледување“ поминале цели две години. Граѓаните се задоволни што цевката е сменета, и тоа се покажало при неодамнешните обилни дождови, кога канализацијата кај никого „не вратила“, но сега им остана раскопана улицата.

– Ова не е работа, ова никаде го нема! Кога ќе се почне нешто, треба и да се заврши, а не вака! Сега изгледа треба да чекаме некои нови избори за да се смилуваат и да го вратат асфалтот – вели Мојсоски.

Марјан Б., сосед на Мојсоски, вели дека си ја искршил колата возејќи по оваа улица.

– Возиме како Англичани од лево, зашто ќе ги искршиме колите. Како и сите, и јас возам на лева страна, додека не ми дојде некој отспротива, па нагло вртам да го избегнам. Некогаш не е прегледно, па вистинско чудо е како досега не се случил директен судир – вели Марјан.

Во Општина Кисела Вода тврдат дека за еден месец улицата ќе биде комплетно завршена и асфалтирана. Но кога ќе почне асфалтирањето, нема прецизен одговор.

– Досега не беше извршено асфалтирање поради честите дождови. Будно ја следиме временската состојба, затоа што мора да поминат 10 дена од последните дождови за да се пристапи кон асфалтирање – велат од Кисела Вода.

Значи, на жителите им останува да одбројуваат до решавање на нивниот проблем, да се надеваат дека нема повторно да врне во наредните денови и да ги држат за збор општинарите. Веќе два дена не врне во Скопје, па ако се исполни најавата од надлежните од Кисела Вода, асфалтирањето би требало да почне околу 20 август.

https://www.slobodenpecat.mk/drachevczi-vozat-kako-anglichani-dobile-nova-czevka-izgubile-edna-lenta-od-patot-foto/

Раскопување на крајната десна лента на бул.Борис Трајковски во правец кон Кисела Вода заради поставување вреловод,поточно реконструкција и зголемување на капацитетот

Имаше и поставена табла