Скопски сообраќај (општо)

Не приметив дека е скратена една лента. Дали моментално таа е непотребна е небитно, зашто со изградбата на Есенинова сообраќајот тука ќе се зголеми, па и да не треба 4 ленти сега, тогаш веројатно ќе треба. Добро е што Градот ги прифаќа и спроведува современите трендови за нови велосипедски ленти како резултат на корона-рестрикциите, но истите треба да бидат вовед во нова ера каде пешаците, велосипедистите и јавниот превоз ќе имаат предност, а тоа значи целосно нова стратегија за сообраќајот, вклучително и анализа на потребниот број на ленти на секоја улица. Мислам дека тука имаше место за малку поголем зафат со кој би се овозможиле и 4 сообраќајни, и 2 велосипедски ленти и тротоари од двете страни, со кој би се избегнала уште една реконструкција (макар и помала) за додавање сообраќајна лента која Есенинова би ја изнудила.

Во секој случај, подобро е велосипедската инфраструктура малку да одземе од автомобилската, отколку да биде заборавена.


Изгледа добиле поплаки за предвременото пуштање во употреба на бул. Александар Македонски:

Бул.Александар Македонски





се раскопува излезот





https://www.facebook.com/groups/145337166272043/

Минатиот викенд кога минував тек почнуваа и беше доста хаотично(а имаше малку возила) но лошо беше означено,пуштаа да возиш по двете ленти а столбчињата беа ставени во средина но во левата лента почнале со гребење и се додека не се приближиш на 20м од нив нема никакво известување ниту насоки за престројување.Патем на враќање приметив дека одма после новиот надземен пешачки мост што го направија во Хиподром локални мештани си направиле некој див пат и нагло прикочуваат си свртуваат десно и чинам одат накај Инџиково.

УЛИЦИТЕ ЛАЗАР ЛИЧЕНОСКИ И ВОСТАНИЧКА ОД УТРЕ ОТВОРЕНИ ЗА КОРИСТЕЊЕ-ГРАДОТ СКОПЈЕ ГИ ЗАВРШИ РЕКОНСТРУКЦИИТЕ ВО РЕКОРДНО ВРЕМЕ

Екипите на Град Скопје во рекордно време ја завршија реконструкцијата на улицата Лазар Личеноски кај скопското Кале. Улицата се реконструираше на потегот од СРЦ „Кале“ до крстосницата со булеварот Никола Карев, што претставува втора фаза од обновата на оваа значајна сообраќајница. На оваа делница се изврши целосна реконструкција на коловозот во должина од 1.300 метри, реконструкција и проширување на постојните тротоари, како и замена на оштетените рабници.

Со нанесување на завршниот асфалтен слој на улицата Востаничка во општината Кисела Вода, екипите на Град Скопје, ја завршија реконструкцијата на оваа значајна сообраќајница, на потегот од улицата Црниче до улицата Свети Наум Охридски. Во изминатиот период на оваа делница долга 1.100 метри беа обновени коловозот и рабниците, а беа реконструирани и тротоарите со замена на бекатон-плочките, но беа и изработени и 76 нови приклучоци во водоводната мрежа за да се обезбеди континуирано и квалитетно водоснабдување. Улицата Востаничка е продолжение на улиците Бихаќка и Црниче кои беа предмет на реконструкција минатата година.

Во текот на денешниот ден ќе биде завршена реконструкцијата на коловозот на улица Никола Карев кај Нова железничка Станица и тоа на потегот од к-ца со булевар Кузман Јосифовски Питу до к-ца со бул. 3-та Македонска Бригада, со што целосно ќе бидат завршени три скопски сообраќајници. Долж улицата освен реконструкцијата на асфалтот од коловозот во должина од 510 метри, реконструирани се и тротоарите, направена е нивелација на сливниците и атмосферските шахти, како и замена на оштетените рабници. Со пробивањето на улицата Есенинова, реконструкцијата на оваа сообраќајница, па преку улицата Беласица, Град Скопје прави поврзување на три општини Кисела Вода, Центар и Гази Баба, а патувањето на возилата од бул. Борис Трајковски до клучката Континентал се очекува да биде скратено за повеќе од 10 минути.











https://www.facebook.com/CityofSkopje/

Мислам дека има доволно место да обележат велосипедска патека во црвена боја, во двете насоки, до тротоарите.

Edited by skopskodete - 18-Oct-2020 at 23:50

Originally posted by skopskodete Мислам дека има доволно место да обележат велосипедска патека во црвена боја, во двете насоки, до тротоарите.

еве на пример тука, наместо на булеварите можело да направат таква, со оглед на тоа дека нема простор на тротоарите и дека сообраќајот треба да се одвива со помала брзина и на трасата нема автобуси или места каде што би застанувале возила.. све наопаку се прави

УЛИЦАТА НИКОЛА КАРЕВ ПУШТЕНА ВО СООБРАЌАЈ СО НОВ ПРОСТОР ЗА ВЕЛОСИПЕДИСТИТЕ

Екипите на Град Скопје деновиве ја завршија реконструкцијата на коловозот на улица Никола Карев кај Железничка станица.
Реконструкцијата на потегот од крстосницата со булевар Кузман Јосифовски Питу до крстосницата со булевар 3-та Македонска Бригада, опфати целосна обнова на асфалтот на улицата, во должина од 510 метри, направена е нивелација на сливниците и атмосферските шахти, како и замена на оштетените рабници. Во тек е целосната репарација на тротоарите.

На улицата Никола Карев од четирите постојни сообраќајни ленти сега се направени три со што е обезбеден простор за велосипедистите

Со пробивањето на улицата Есенинова, реконструкцијата на оваа сообраќајница, па преку улицата Беласица, Град Скопје прави поврзување на трите општини Кисела Вода, Центар и Гази Баба, а патувањето на возилата од булевар Борис Трајковски до клучката Континентал се очекува да биде скратено за повеќе од 10 минути.









https://www.facebook.com/CityofSkopje

Баш ме интересира како ќе ги изведат велосипедските, дали ќе се одземе простор од коловозот или ќе бидат на тротоар.

Пошо често возев со точак по Џон Кенеди и се молев дур возам да не ме акнат, ненормални се на тој потег...па додуша цел Чаир е ист.

Претесни се десните ленти за +1.5м велосипедски, а левите пак се широки. Најверојатно ќе се сведе на цртање патека на тротоарот и ставање столпчиња, освен доколку не ги менуваат линиите на коловозот еден месец по нивното цртање.

ОД ПОНЕДЕЛНИК ЌЕ НЕМА ГУЖВИ ЗА ИЗЛЕЗ ОД СКОПЈЕ, ГО ЗАВРШУВАМЕ БУЛЕВАРОТ АЛЕКСАНДАР МАКЕДОНСКИ, ВЕЛАТ ОД ГРАДОТ



За неколку дена ќе заврши реконструкцијата на булеварот Александар Македонски односно источниот влез на Скопје, најавуваат од Град Скопје. Вчера попладне започната е последната фаза од градежните работи со што булеварот целосно ќе биде отворен за сообраќај.

„Почнато е асфалтирањето на коловозот во правецот од Автокоманда кон излезот на Скопје. Очекуваме градежните работи да завршат за неколку дена со што источниот влез на Скопје ќе има нов лик“, велат од Град Скопје.

Реконструкцијата на булеварот Александар Македонски на потегот од крстосницата со улица 16. Македонска бригада до пешачкиот мост пред клучката кај Хиподром, почна на 5 септември. Градоначалникот Петре Шилегов на почетокот на градежните работи кажа дека на овој потег во должина од 5,8 километри работат три фирми за да биде завршен за 40 дена. Долж реконструираниот булевар ќе биде изведена и велосипедска патека.

Во моментов, градежните работи има уште на булеварот „8 Септември“ на потегот од крстосницата со Илинденска до „Хубо маркет“, и на улицата Васил Ѓоргов во Капиштец.

https://sdk.mk/index.php/dopisna-mrezha/od-ponedelnik-ke-nema-guzhvi-za-izlez-od-skopje-go-zavrshuvame-bulevarot-aleksandar-makedonski-velat-od-gradot/