build.mk Homepage
Forum Home Forum Home > Главни теми > Инфраструктура > Градска инфраструктура
  Active Topics Active Topics
  FAQ FAQ  Forum Search   Register Register  Login Login

Скопски сообраќај (општо)

Bookmark and Share
 Post Reply Post Reply Page  <1 2526272829 157>
Author
Message
  Topic Search Topic Search  Topic Options Topic Options
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #521 Posted: 17-Sep-2009 at 15:08

тоа беше варијанта, но сакаа тоа хотелот да го изведе доколку му отстапат простор за подземни гаражи, а бидејќи ова не се случи пропадна и оваа замисла за јужен.

реално сега за сега и проширување горе на бул Митрополит Теодосиј ќе заврши работа, но исклучиво со клучка кај НоМа, вака со кружен ќе биде карамбол, а може и нема, незнам не сум паметен, сигурно има образовани сообраќајни инжињери во градско собрание !?!

Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #522 Posted: 17-Sep-2009 at 15:42
Originally posted by Max

тоа беше варијанта, но сакаа тоа хотелот да го изведе доколку му отстапат простор за подземни гаражи, а бидејќи ова не се случи пропадна и оваа замисла за јужен.

реално сега за сега и проширување горе на бул Митрополит Теодосиј ќе заврши работа, но исклучиво со клучка кај НоМа, вака со кружен ќе биде карамбол, а може и нема, незнам не сум паметен, сигурно има образовани сообраќајни инжињери во градско собрание !?!



Не е баш таква приказната. Гема сакаа да изградат дел од јужен во замена за градежна парцела покрај него. Е сега, градот се слагаше со таа варијанта, но тоа е државно земјиште и министерството за транспорт и врски не се слагаше на таква спогодба. Еве ја целата вест

http://www.build.com.mk/forum/forum_posts.asp?TID=33&PID=32046#32046

А проширувањето на М.Т.Г. е тотална утка поради тоа што моменталниот профил одговара на оној кој се бара во ГУП-от, а со проширување би навлегол во трасата на јужен. А доколку се случи да го прошират, сигурно е дека таквото привремено решение би траело премногу долго и до тогаш хаосот во сообраќајот додатно ќе се зголеми. Тоа е недозволиво, а цената за таквото неодговорно планирање ќе го плаќаме ние.
Помогнете во Македонската Википедија - Слободна енциклопедија!
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #523 Posted: 17-Sep-2009 at 15:50
Од реконструкцијата на патото кон Св. Пантелејмон...

01.


02.


03.


www.skopje.gov.mk
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #524 Posted: 17-Sep-2009 at 16:18

Гема ја сакаа парцелата за предвидената гаража кај тинекс, а бидејќи гема е под капа на инвеститорите на хотелот т.е. еквест трговскиот, фактички дилот во нивно име го фрли Гема...

Originally posted by UrbanFreak

[quote]Инвеститор на новиот трговски ќе биде компанијата “Елан Пропертиес“ која е дел од реномираната групација “Екуест Балкан Пропертиес“ со седиште во Лондон. Изведувач на работите е “Гема груп“ од Скопје... http://www.build.com.mk/forum/forum_posts.asp?TID=307&PID=15135#15135
 

Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #525 Posted: 18-Sep-2009 at 02:29
...
„ГОЛОГАНОВ“ ЌЕ НЕМА СРЕДИШНО ЗЕЛЕНИЛО

Тој најави дека ќе ја прошируваат и улицата Теодосиј Гологанов која води од студентскиот дом „Гоце Делчев“ до зградата на „Нова Македонија“. Оваа улица ќе добие четири ленти, но ќе нема простор за средишно зеленило.

Инаку, според Генералниот урбанистички план на Скопје, за растоварување на метежот во овој дел на градот е предвидена изградба на фамозниот Јужен булевар, долг 17 километри, но градските власти со години го игнорираат поради прескапата изградба. По изградбата на Јужен булевар, улицата Теодосиј Гологанов, која сега ќе се проширува, треба да стане негова сервисна улица.

Трајановски во врска со ова вели дека засега им е важно „Гологанов“ да ја направат попроточна со некоја лента повеќе.

- Во тек е изработка на документација како да се изведе проширувањето. Се појавија неколку имотно-прави проблеми. Се' уште не знаеме дали улицата ќе може да ја прошириме од двете страни, тоа допрва ќе се утврди. Исто ќе се утврди и како ќе биде изграден планираниот кружен тек кај Католичката црква - изјави градоначалникот.

Јужен булевар е проект стар неколку децении, а од него досега е изграден само еден дел, зад Старата железничка станица. Дел од неговата траса минува покрај Гологанов, каде што сега има парк со тополи, но проблемот е што таму голем дел е узурпиран од привремени објекти и дивоградби, кои стихијно прераснаа во цврсти градби. На прашање зошто улицата не се шири на сметка на дивоградбите, Трајановски рече дека сегашниот проект опфаќа ширење на сметка на тротоарите и на зеленилото. Тој не одговори дали ќе се уриваат привремените објекти.
...

http://dnevnik.com.mk/?ItemID=1E6790CC06214346ADD7BF32846A3489
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #526 Posted: 18-Sep-2009 at 02:41
а ова е стариот кружен што го најавија, погоре во цитатот од првата објава стои дека кружен тек ќе има кај Нова Македонија, што излезе дека новинарот импровизирал несмасно

Edited by Max - 18-Sep-2009 at 02:42
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #527 Posted: 18-Sep-2009 at 02:49
Стариот е, оној што новинариве мешаа радиус и дијаметар така да нека не те чуди што пишува НоМа.
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #528 Posted: 18-Sep-2009 at 03:04
добро битно јас го покудив тој кај НоМа па сега било како било LOL ова со стариве проекти е интересна работа, па дајте бре градоначалници извадете тоа проектите да ги видиме, бар сега имате интерактивна администрација... пример дајте нешто за...
1. Визии - Тунел под Вардар!? - Дневник - 12.11.2003
2. РАСПИШАН ПОВИК ЗА СТУДИЈА ЗА КРУШЕВСКА РЕПУБЛИКА - Градот сака да гради тунел под Вардар кај Сајмиште - Вест - 27.01.2004
Back to Top
igorius View Drop Down
Senior Member
Senior Member


Joined: 13-Nov-2008
Online Status: Offline
Posts: 187
  Quote igorius Quote  Post ReplyReply #529 Posted: 18-Sep-2009 at 09:49

Ќе се шират улиците, ќе страдаат тротоарите

Градските власти со проширување на неколку улици во наредните години ќе се обидат да го направат попроточен сообраќајот во Скопје и се' уште не размислуваат за изградба на примарните брзи сообраќајници како што е Јужниот булевар

Со проширување на неколку улици градските власти во наредните години ќе се обидат да го решат сообраќајниот хаос во Скопје. Улиците ќе се прошируваат на местата каде што нема да има уривања на објекти и нерасчистени имотно-прави односи, односно во најголем дел ќе се одзема простор од тротоарите, а некаде и од зеленилото. Ќе се шират „Илинденска“ и тоа на потегот од Владата до булеварот 8 Септември во Карпош, „Теодосиј Гологанов“, Првомајска и булеварот Србија, каде што градежните работи се веќе почнати.

„ИЛИНДЕНСКА“ ЌЕ СЕ ШИРИ И КАЈ ВЛАДАТА

Градоначалникот на Скопје, Коце Трајановски, рече дека во Градот имаат проект за проширување на Илинденска, која треба да има четири ленти и во спорниот дел од Владата до Градскиот парк. Проектот, според Трајановски, бил нарачан од претходната гарнитура и ќе биде ставен на гласање на следната седница на Советот на Град Скопје. За проширувањето на „Илинденска“ од паркот до Карпош веќе е одбран и изведувач, градежната компанија „Гранит“.

- Штом Советот ќе го усвои проектот за проширувањето на Илинденска кај Владата, ќе одбереме изведувач и за тој дел. Таму веќе е завршено поставувањето на атмосферската канализација. Имаме нерешени имотно-правни проблеми кај Зоолошката градина, со неколку објекти што се дивоградби. Булеварот Илинден треба да биде завршен до крајот на следната година - рече градоначалникот Трајановски.

„ГОЛОГАНОВ“ ЌЕ НЕМА СРЕДИШНО ЗЕЛЕНИЛО

Тој најави дека ќе ја прошируваат и улицата Теодосиј Гологанов која води од студентскиот дом „Гоце Делчев“ до зградата на „Нова Македонија“. Оваа улица ќе добие четири ленти, но ќе нема простор за средишно зеленило.

Инаку, според Генералниот урбанистички план на Скопје, за растоварување на метежот во овој дел на градот е предвидена изградба на фамозниот Јужен булевар, долг 17 километри, но градските власти со години го игнорираат поради прескапата изградба. По изградбата на Јужен булевар, улицата Теодосиј Гологанов, која сега ќе се проширува, треба да стане негова сервисна улица.

Трајановски во врска со ова вели дека засега им е важно „Гологанов“ да ја направат попроточна со некоја лента повеќе.

- Во тек е изработка на документација како да се изведе проширувањето. Се појавија неколку имотно-прави проблеми. Се' уште не знаеме дали улицата ќе може да ја прошириме од двете страни, тоа допрва ќе се утврди. Исто ќе се утврди и како ќе биде изграден планираниот кружен тек кај Католичката црква - изјави градоначалникот.

Јужен булевар е проект стар неколку децении, а од него досега е изграден само еден дел, зад Старата железничка станица. Дел од неговата траса минува покрај Гологанов, каде што сега има парк со тополи, но проблемот е што таму голем дел е узурпиран од привремени објекти и дивоградби, кои стихијно прераснаа во цврсти градби. На прашање зошто улицата не се шири на сметка на дивоградбите, Трајановски рече дека сегашниот проект опфаќа ширење на сметка на тротоарите и на зеленилото. Тој не одговори дали ќе се уриваат привремените објекти.

„ПРВОМАЈСКА“ ШИРОКА ДО ДРАЧЕВО

Според плановите на градските власти, четири ленти ќе добие и улицата Првомајска во Кисела Вода и тоа од месноста Рампа до Драчево. Од Градот информираат дека за ова проширување ќе пречат само два објекта на потегот од Расадник до општината. Се очекува изградбата да почне во наредната година.

Во моментов привршуваат градежните работи на раскрсницата кај Тутунски комбинат, како и на булеварот Македонска војска во Ѓорче Петров. Проширувањето на булеварот Србија, од Средното хемиско училиште до улицата Првомајска оди според планот, иако и таму се појавиле имотно-прави проблеми.

За наредната година се планира и обнова на улицата Маџари со нови тротоари и осветление, од семафорите во Ченто до населбата Маџари до мостот. Ќе се санира и патот од Средно Водно до манастирот „Свети Пантелејмон“ и ќе се воведува зелен бран на триесетина раскрсници.

Јорданка Ивановска -Дневник

Back to Top
igorius View Drop Down
Senior Member
Senior Member


Joined: 13-Nov-2008
Online Status: Offline
Posts: 187
  Quote igorius Quote  Post ReplyReply #530 Posted: 18-Sep-2009 at 10:15

Време, број 1774, 18.09.2009




     

РЕКОНСТРУКЦИЈА
Се поправа патот до „Свети Пантелејмон“

Екипите на Јавното претпријатие „Улици и патишта“ вчера почнаа со реконструкција на патот од Средно Водно до манастирскиот комплекс „Свети Пантелејмон“. Како што соопшти Град Скопје, машински се гребе оштетената асфалтна површина која изнесува 1.900 метри квадратни и се прска со битуменска емулзија, по што ќе следува машинско асфалтирање со дебелина од четири сантиметри. Освен крпењето на длабоките дупки, ќе биде извршена и целосна реконструкција на одредени делови од патот со машинско раскопување до десет сантиметри и вадење на асфалтната површина. Машинското гребење на оштетениот асфалт ќе се одвива во наредните десет дена. Потоа следува асфалтирањето, за кое, во зависност од временските услови, ќе бидат потребни две седмици.

Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141
  Quote pbanks Quote  Post ReplyReply #531 Posted: 18-Sep-2009 at 11:17
Доколку навистина се иде на благо проширување на Гологанов неможе да зборуваме мислам за крај на свет или за дефинитивно пропаѓање на Јужен булевар. Таа улица веќе има профил од барем 3 ленти и тоа доста комотни ленти. Така да навистина не би се работело за некоја капитална интервенција од која после нема враќање назад.

Е сега зошто повторно се иде со привремени решенија е друг муабет
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #532 Posted: 18-Sep-2009 at 14:50
Па да се слагам со пбанкс. Колку што знам има тамо и некои тесни ленти ваљда за точаи по крајот на коловозот, а ова е и делумна козметика колку да е добие уште една лента. Само што мене ме загрижува е тоа што првенствено Гологанов и Јужен се најавуваа како исти проект, па сега ме загрижува да не го жртвуваат она преспојување позади НЛБ во форма на клучка.

У секој случај и јас би сакал градов да се зафати со некоја покапитална инвестиција како јужен у скоро време, а ам главен проблем се средтсвата.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #533 Posted: 21-Sep-2009 at 21:27
Originally posted by pbanks

Доколку навистина се иде на благо проширување на Гологанов неможе да зборуваме мислам за крај на свет или за дефинитивно пропаѓање на Јужен булевар. Таа улица веќе има профил од барем 3 ленти и тоа доста комотни ленти. Така да навистина не би се работело за некоја капитална интервенција од која после нема враќање назад.

Кога ќе се земе во предвид како се поигрува со другите два урбани автопати и сите сообраќајни решенија воопшто, јас не би бил ни малку опуштен. На тоа додај ги и ваквите изјави на градоначалникот и мислам дека алармот треба да е веќе уклучен:
На прашање зошто улицата не се шири на сметка на дивоградбите, Трајановски рече дека сегашниот проект опфаќа ширење на сметка на тротоарите и на зеленилото. Тој не одговори дали ќе се уриваат привремените објекти.
И оваа сообраќајница ќе се прави со четири ленти и веројатно еден тротоар до три метри ширина, без средишно зеленило затоа што нема простор каде да се изведат жардиниери и ќе заземе дел од трасата на Јужниот булевар, проектиран во ГУП, но нема да ги загрози кафеаните.

Изјавиве се чудни и изместени во контекст на проширувањето на Теодосиј Гологанов, но тоа што ме загрижува е опипливиот мек став кон времените и дивите објекти на трасата на јужен, во ситуација каде што тие воопшто немало потреба да се мешаат. Уште почудна е мекоста кога ќе се спореди со тоа како се настапи на Илинденска на пример. Дали се ова некакви пробни балони за големи матни игри или само несмасни неуки изјави, во секој случај се крајно загрижувачки индикации кои не оставаат простор за спокојство.

Инаку, јасно е како ден, парите што ќе се трошат на проширување на Теодосиј Гологанов, многу попаметно е да се инвестираат во изградба на сегментите кои недостасуваат на улиците Народен Фронт и Јуриј Гагарин, кои треба да бидат колекторски улици за Јужен Булевар, аналогни на Теодосиј Гологанов од другата страна. Со тоа ќе се почитуваат урбанистичките планови и правилно ќе се оформува сообраќајната мрежа, ќе се направи чекор напред кон изведба на Јужен Булевар, а богами ќе се постигне и огромно подобрување во сообраќајот, значително поголемо од оваа кратковида импровизација што ја форсираат.




Originally posted by Max

инаку Коце уште во кампањата најави дека ќе има само проширување на бул Митрополит Теодосиј Гологанов, не дека нешто излажал...
Грешка си... и тоа прилично. Еве го ветувањето на Коце:

http://www.build.com.mk/forum/forum_posts.asp?TID=562&PID=33081#33081
Што се однесува до сообраќајот, во овој мандат ќе направиме напори да почне подземното водење на сообраќајот на булеварот „Партизански одреди“, од „Тифани“ до Комплекс банки и на Јужен булевар зад „Рамстор“, како и на булеварот „Македонија“. Планираме да изградиме подземни пешачки премини на улица „Македонија“, кај „Мекдоналс“, пред „Бисер“, кај Градежен факултет, ТЦ „Карпош“, на Бит-пазар и кај „Алкалоид“ во Автокоманда. Ќе ги прошириме булеварите „Првомајска“, „Србија“, „Митрополит Теодосиј Гологанов“ и „Илинденска“.

Коце, не само што го вети Јужен Булевар (како што е во ГУП-от) туку ни го вети два пати - еднаш како Јужен Булевар, а еднаш како Булевар Македонија (едно те исто)

Е сега дали излажал е филозофско прашање. Дали човек кој што нема појма што збори, всушност може да се обвини за лажење Roll%20eyes

Во секој случај некој треба да му објасни што точно е Јужен Булевар. И некој треба да му објасни дека конкретниот дел на Теодосиј Гологанов не е, ниту треба да биде булевар, туку еднонасочна колекторска улица во функција на Јужен Булевар.
Не бива на „градскиот татко“ да не му се јасни основните планови и смерници за развој на градот, па да аминува страотни урбанистички упади и уште да се фали со тоа  Ohno





Originally posted by Max

тоа беше варијанта, но сакаа тоа хотелот да го изведе доколку му отстапат простор за подземни гаражи, а бидејќи ова не се случи пропадна и оваа замисла за јужен.
Originally posted by Max

Гема ја сакаа парцелата за предвидената гаража кај тинекс, а бидејќи гема е под капа на инвеститорите на хотелот т.е. еквест трговскиот, фактички дилот во нивно име го фрли Гема...
La Linea ти одговори, но гледам повторно имаш некаква чудна реплика која ја мати водата. За работите да не останат нејасни, еве и јас ќе се обидам  да објаснам.

Прво еве ја во целост објавата за понудата на Гема:
http://www.build.com.mk/forum/forum_posts.asp?TID=33&PID=32046#32046
...од таму јасно е дека таа комбинација нема никаква врска со програмата на Коце и неговото ветување за Јужен Булевар.
Понудата била до претходната градска администрација, а била „соборена“ од страна на министерството за транспорт и врски.

Но дури и да имаше врска со Коце, зошто таквото пропаѓање би било оправдување? Многу „згодно“ оправдување за пропаѓање на капитален проект... И каква врска има кој е инвеститор а кој изведувач на Equest Мall? Тоа ама баш ништо не менува во програмата на Коце.

И повторно, чисто за да не продуцираме дополнителни забуни, никаде не е наведено дека Гема ја сакала токму парцелата каде што е предвидена катна гаража и не знам од каде ти е тоа тврдење. Всушност ако веќе нагаѓаме за која парцела се работи, многу е пологично дека Гема ја сакала парцелата која се надоврзува на двете на кои моментално работи, односно парцелата карши Љуц.



Originally posted by Max

реално сега за сега и проширување горе на бул Митрополит Теодосиј ќе заврши работа, но исклучиво со клучка кај НоМа, вака со кружен ќе биде карамбол, а може и нема, незнам не сум паметен, сигурно има образовани сообраќајни инжињери во градско собрание !?!
Originally posted by Max

на најнепотребното место кружен тек, што ги чини една клучка да насадат
Како што подоцна примети и самиот, работите се испомешани, кружен тек нема да прават кај Нова Македонија туку кај католичка црква. За остатокот се слагам со репликата на Линеа. Проширување на Теодосиј Гологанов не е решение туку скапа и опасна диверзија, која имајќи ги во предвид нашиот менталитет и (не)созреаноста на нашето општество, може да се претвори и во епитаф за Јужен Булевар.

Но со оглед на тоа дека ти збориш за кај Нова Македонија, каква е таа клучка таму што би се извела во контекст на тоа што го збореше погоре (без Јужен Булевар според ГУП, а со проширување на Теодосиј Гологанов). Ајде дај некаков графички приказ, да не се сведе работата само на нејасна лабава замисла, нејасно и лабаво заплеткана во зборови.




=====================================




За Бул. 11 Октомври кај црвен крст
Originally posted by lslcrew

Тешко ека може да се спакува проширувањње тука
За плус една лента има доволно простор, не би имало никаков проблем. Всушност доколку и широчината на лентите се намали до 3m, во близина на крстосницата ќе има простор и за уште една плус - вкупно седум ленти.




За „зелениот бран“
Originally posted by La Linea

Моето прашање е : Ако досега не било можно да се постигне ефектот на зелен бран поради МВР, што точно е превземено сега да тој функционира без прекин?
И јас тоа се прашувам. Проблемот сега е што семафорите освен што не се поврзани во мрежа, имаат и некакви прастари аналогни контролори, кои освен уклучено/исклучено не знаат за ништо друго. Па дури и кога некаде ќе се наштелува зелен бран, доволно е едни семафори да бидат за момент исклучени (дали од полицаец или други причини - небитно) и се да отиде во вода. Во такви услови сите приказни за зелени бранови се приказни за мали деца. А за зелен бран доволни би биле релативно едноставни дигитални контролори со часовник, па не само да можат да останат координирани за бранот, туку да можат да се испрограмираат и за различни циклуси во зависност од периодот на денот/неделата/годината, па во 4 часот наутро да не чекаш „пола саат“ да ти се отвори семафор.
Зошто надлежните оваа прилично едноставна технологија ја третираат како ракетна технологија за која треба години и децении да се совлада, нема да навлегувам...

Во меѓувреме приказните само се рециклираат:
http://www.build.com.mk/forum/forum_posts.asp?TID=338&PID=37694#37694

Дали оваа најновава значи дека конечно се направени набавките и дека се почнало со имплементација, господ знае... На терен секако се гледа што се случува, приказни не поминуваат.


Edited by Cloverstack - 21-Sep-2009 at 21:55
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #534 Posted: 28-Sep-2009 at 09:04
На Партизанска гужва до Универзална...
Back to Top
Supervisor View Drop Down
Senior Member
Senior Member
Avatar

Joined: 28-Jan-2008
Location: skopje
Online Status: Offline
Posts: 1220
  Quote Supervisor Quote  Post ReplyReply #535 Posted: 28-Sep-2009 at 13:07
Јужен булевар ама урбан автопат Крушевска Република и Илинденска 
NewYork-London-Paris-Moscow-Tokyo-Skopje
Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #536 Posted: 29-Sep-2009 at 22:58
Еве еден текст вреден за коментирање и анализа! Препорачувам секој да го прочита.

ИНТЕРВЈУ - ЛАЗО ЧАКАРОВСКИ, ГРАДЕЖЕН ИНЖЕНЕР, ПРОЕКТАНТ НА СООБРАЌАЈНИЦИ

Сообраќајот во Скопје е на умирање

Ако не ги изградиме предвидените брзи сообраќајници, односно средниот ринг, во догледно време ќе дојде до застанување, односно колабирање на сообраќајот. Нема да има движење, а раскрсниците ќе бидат блокирани. Ќе има толку возила колку што има асфалт и ќе нема движење. Работата кај нас е итна

Експертите за сообраќај пред пет години предупредија дека доколку не се изградат примарните сообраќајници во Скопје, градот до 2020 година ќе биде парализиран, односно возилата ќе стојат. Четирите примарни, односно брзи сообраќајници - булеварите Македонија (Јужен булевар), Крушевска република, Никола Карев и Свети Климент Охридски - како и подземниот булевар под градскиот плоштад, со децении постојат само на хартија во Генералниот урбанистички план (ГУП). Надлежните државни и локални власти и покрај предупредувањата не прават ништо конкретно за реализација на овие булевари. Градските власти најавуваат проширување на постоечките улици, а државата е концентрирана на набавка на двокатни автобуси и тоа е речиси се' што прави за унапредување на скопскиот сообраќај.

- Без брзи денивелирани улици, на кои сообраќајот ќе врви без семафори, ќе немаме функционален град - вели инженерот Лазо Чакаровски, кој е еден од авторите на Студијата за примарната сообраќајна мрежа, промовирана во 2004 година. Тогаш експертите проценија и дека граѓаните на семафори губат по половина евро на ден.

l Градот Скопје најави дека ќе ги прошири улиците Теодосиј Гологанов, Илинденска, Првомајска и Србија, а за изградба на брзите сообраќајници не ни помислува. Колку ќе помогне проширувањето на овие улици за растоварување на големиот сообраќаен метеж?

- За сиве овие улици важно е да се каже дека се улици од втор ред и не се дел од брзите транзитни сообраќајници. Тоа се градски собирни улици, кои ќе го опслужуваат градот внатре. Меѓутоа, брзите сообраќајници Јужен булевар, Крушевска република, Климент Охридски и Никола Карев се четирите главни булевари од прв ред, кои треба да го прифатат сообраќајот и да го однесат надвор од градот и обратно. Останатите улици се само помошни и нивната функција е да го однесат сообраќајот до брзите булевари. Така е замислено.

Добро е што ќе се прошируваат секундарните улици. Но, еве, Теодосиј Гологанов беше предвидена како булевар, но на трасата во Влае се изградија згради и сега таму веќе нема место за проширување. Таа во догледно време, во тој дел, ќе стане тесно грло и ќе нема капацитет.


БРЗИ УЛИЦИ ИЛИ КОЛАПС

l Има предвидување дека до 2020 година сообраќајот ќе застане ако не се изградат примарните сообраќајници. Со оглед на тоа колку време треба за изградба, излегува дека сообраќајот е на умирање. Што да очекуваме во 2020 година, на пример, без Јужен булевар?

- Ако не ги изградиме, во догледно време ќе дојде до застанување, односно колабирање на сообраќајот. Нема да има движење, раскрсниците ќе бидат блокирани. Скопје се' уште се гради, се прават нови згради, населби. Замислете уште колку автомобили ќе има, а не се градат улици. Ќе има толку возила, колку што има асфалт и ќе нема движење. Работата кај нас е итна. Семафорите едно време го решаваа проблемот, но понатаму нема да можат. Ќе има ситуации кога еден семафор ќе ги пропушти возилата, но следната раскрсница ќе биде тотално закрчена и така во низа. Семафори вршат работа до одреден степен на оптовареност на сообраќајот. Штом ќе се оптовари повеќе, тие стануваат кочница. Потребни се кружни раскрсници без семафори.


НЕМА ИДЕЈНИ ПРОЕКТИ

l Зошто никој не се нафаќа со изградба на брзите сообраќајници кои индиректно ќе се исплатат и со заштеда на гориво и на амортизација?

- Проблемот со брзите сообраќајници е што за нив нема идејни проекти кои ќе се внесат во Генералниот план за Скопје. Прво се планираат улиците, се утврдуваат регулационите и нивелационите линии на брзите сообраќајници, па потоа се предвидуваат другите содржини на градот. Штом тоа ќе биде утврдено, лесно ќе се прават детаљните планови кои нема да ги загрозуваат трасите на брзите улици. Кај нас е обратно. Ние сега не знаеме прецизно каде минуваат овие булевари. Треба да донесеме ГУП кој ќе гледа во иднината и треба да ги сочуваме трасите. Тие улици потоа ќе се градат според приоритетот.

Но, на овој начин како што се гради и работи сега, ако не ги направиме плановите и не ги дадеме регулационите и нивелационите линии, ќе се случи тие да се заземат со згради. Тоа значи дека во иднина тие згради или ќе мора да ги уриваме или да го карикираме градот и да се снаоѓаме со тесни улици. На пример, се дозволи да се изгради објектот до „Рамстор“, каде што сега е сместена Тутунска банка. Тој објект е точно на местото на кое идниот Јужен булевар ќе се вкрстува со „Климент Охридски“ и ја оневозможува изведбата на вкрстувањето. Ние ќе мора да потрошиме многу повеќе пари за да изведеме некаква друга клучка, отколку што чини таа зграда. Ќе излезе дека е подобро да ја срушиме и да платиме обесштетување. А зошто да се случува тоа? Зошто си правиме такви проблеми? Работиме обратно од целиот свет. Повторно ќе кажам, прво се решава сообраќајот, а потоа се' останато во градот. И тоа не само улиците, туку и се' што оди под нив - водовод, канализација, други инсталации. Еве на пример, како ќе ставиме сега гасовод во Скопје?

Значи, мора да има проекти. Мора да знаеме што сакаме во иднина.
l Како да се дојде до идејни проекти кои ќе се внесат во ГУП?

- Градот нема доволно капацитет, нема луѓе што ќе се изборат за солиден ГУП, со решени сообраќајници. Еве, ние се нудиме идејните решенија да ги направиме како донација, за еднаш засекогаш Скопје да го направиме како што треба, за да не ни пропаѓа градот. Тврдам во името на мојата фирма „Чакар парнерс“, во името на „Прима инженеринг“ и на „Балкан консалтинг“ дека ќе се сложиме бесплатно да ги направиме идејните решенија за примарните сообраќајници. Нас не' боли, сакаме да придонесеме да се сочуваат трасите.

l Некои претходни градоначалници дури се осмелија да речат дека можеме и да го избришеме Јужен булевар од ГУП.

- За да зборува некој за сообраќајот треба да е специјализиран за тоа. Несериозно е за тоа да зборуваат политичари. ГУП го прават експерти, а примарната мрежа е утврдена одамна. Од десната страна на Вардар во ГУП само Јужниот булевар е брза сообраќајница и несериозно е таа да се избрише. Особено што не се реализира подземната сообраќајница под плоштадот. Јужниот булевар е продолжение на автопатот кон Тетово и е предвидена како еден вид јужна обиколница. На север е само „Никола Карев“, а тие се врзуваат со „Крушевска република“. Ако пак не се изгради „Крушевска“, од градот нема да може да излезе брзиот сообраќај.

l Колку би чинела изградбата на примарната сообраќајна мрежа? Од каде да се најдат пари?

- Брзите сообраќајници во деловите што минуваат низ центарот формираат таканаречен среден ринг, кој се наоѓа меѓу малиот и големиот сообраќаен ринг. За изградба на овој Среден ринг, кој е долг околу шест километри, ќе бидат потребни до 120 милиони евра. Сметам дека не е проблем да се направат. Имало и заинтересирани странски компании што се нуделе да ги направат.

l Тоа значи концесионери, кои би сакале да наплатуваат патарини, што не е популарно решение.

- На пример, кој и да ја земе подземната сообраќајница, ќе си ја врати инвестицијата брзо. Нормално тоа ќе значи дека за да помине граѓанинот на таа сообраќајница ќе треба да плати надоместок, но од друга страна, со тоа што некаде ќе стаса побрзо, нема да губи на бензин и нема непотребно да троши време. Секако, не е популарно со плаќање, но сепак треба да се има избор. Ако дел од граѓаните поминуваат по подземната улица, другите улици автоматски ќе бидат растоварени.


ДРЖАВАТА МОРА ДА ПОМОГНЕ

l
Факт е дека градските власти не можат сами да ги изградат овие улици со својот буџет и дека треба да се вклучи и државата.

- Државата мора да има удел во изградбата на брзите сообраќајници. Таа е концентрирана на поврзување на регионите, а не внатре во градовите, каде што всушност е најголемиот сообраќај. Еве, се изгради Северната обиколница, но што реши таа? Добро е што се изгради, но лошо е што се потрошија над 100 милиони евра, а обиколницата се' уште не може да се оптовари со полн капацитет. Можеби можеше да се направи само како магистрален пат, а подоцна да се прошири како автопат. Агенцијата за патишта треба да ги преземе брзите улици внатре во градовите, како што се Скопје и Битола. Таму има стручњаци и за проектите, а може да најдат и инвеститори.

Во Скопје дневно врват 60.000 возила, а на автопатите се неколку илјади. Јасно е кој е приоритетот и што треба да се гради побрзо.

Но, не се проблем само парите, туку и експропријацијата на земјиштето што е на трасите на брзите улици. Поради тоа што нема идејни проекти, не се знае колку експропријации ќе има. Треба да се направи попис колку приватни парцели лежат на трасите и да се пресмета колку пари ќе треба за обесштетување на сопствениците. Тоа треба да го направи Градот Скопје. Штом ќе биде готово тоа, инвеститорите сами ќе дојдат. По наша процена, ако за изградбата требаат 100 милиони евра, уште толку ќе требаат за експропријацијата.

l Колку време би се граделе овие улици кога би биле решени сите проблеми? Доцна ли е за Скопје?

- Ако имаме проекти, мислам дека македонската градежна оператива може да го изгради средниот ринг за две до три години, како и подземната сообраќајница. Изградбата ќе се подели и наеднаш ќе се гради на неколку фронта.


Ни требаат автобуси со ниски подови

l Трамвај или двокатни автобуси - кое е најдоброто решение за јавниот превоз?

- Јавниот транспорт е зависен од улиците. Штом нема брзи улици, нема ни брз јавен превоз. Со нивната изградба и јавниот транспорт ќе се реши лесно, без разлика дали ќе биде со трамваи, дали со автобуси. Моето лично мислење е дека на Скопје не му одговараат ниту двокатни, ниту обични автобуси. Потребни му се автобуси со ниски подови, во кои патниците лесно ќе се качуваат и симнуваат, односно автобуси на кои вратите ќе им бидат на ниво на тротоарите.

Во Украина на пример, има приватни такси-автобуси. Тоа се возила за 15 до 20 луѓе, кои одат по маршрута и може да застанат каде што сакаат патниците, оти булеварите се широки. Тие многу го растоваруваат сообраќајот бидејќи многу луѓе ги користат. Кај нас, каков автобус и да донесеме, со вакви улици не сме направиле ништо.

Соња Христовска

Помогнете во Македонската Википедија - Слободна енциклопедија!
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #537 Posted: 29-Sep-2009 at 23:14
Previous

l Трамвај или двокатни автобуси - кое е најдоброто решение за јавниот превоз?

... Штом нема брзи улици, нема ни брз јавен превоз. ...

Чуна реченица, за ЛРТ или транвај чак не треба улица !


Edited by Vladimir P - 29-Sep-2009 at 23:16
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Max View Drop Down
Senior Member
Senior Member
Avatar

Joined: 07-Jun-2009
Online Status: Offline
Posts: 3603
  Quote Max Quote  Post ReplyReply #538 Posted: 30-Sep-2009 at 17:16

   Previous

да но кај нас се се' проектира строго за на улица ЛРТ.

што е до брзите улици нема друго завршување на мрежата е неопходно, но прашање е кој ќе се најде истото да го финансира, колку и да се атрактивни за финансирање овие делници не ми се верува дека ќе се најде друг инвеститор освен државата, а таа за сега ама ич не му се замара околу скопската инфраструктура, можеби декларативно, но реално истата потезите ги влече исклучиво кон републичката инфраструктура.

 

Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #539 Posted: 02-Oct-2009 at 01:16
За поздрав се заложбите на г-дин Чакаровски околу примарната сообраќајна мрежа. Делам многу од неговите ставови, особено околу потребите, приоритетите и редоследот на работите, начинот на планирање... Исто така ја делам загриженоста околу неодговорниот пристап на надлежните, бесконечното одлагање на овие круцијални проекти, повиците за бришење на некои од нив, узурпирањето на нивните траси...

Симнувам капа и за овој дел:
Градот нема доволно капацитет, нема луѓе што ќе се изборат за солиден ГУП, со решени сообраќајници. Еве, ние се нудиме идејните решенија да ги направиме како донација, за еднаш засекогаш Скопје да го направиме како што треба, за да не ни пропаѓа градот. Тврдам во името на мојата фирма „Чакар парнерс“, во името на „Прима инженеринг“ и на „Балкан консалтинг“ дека ќе се сложиме бесплатно да ги направиме идејните решенија за примарните сообраќајници. Нас не' боли, сакаме да придонесеме да се сочуваат трасите.



Но имам и две големи замерки во однос на искажаното:


1.
Иако не е детално образложено како би функционирале некои делови од примарната сообраќајна мрежа доколку се дадат да се градат под концесија, многу сум скептичен за сообраќајната логика на таков модел и не гледам каде конкретно тоа би можело да се примени ефикасно. Мислам дека погрешно се извлечени паралели од некои многу специфични и ретки примери во градски средини и дека во случајот на Скопје таков систем би бил комплетно промашување од сообраќајна гледна точка.
Наместо тоа, мислам дека е крајно време сериозно да се посветиме овие проекти да ги изградиме на нормален начин, без авантури. Цената не е мала, но добивката е многу поголема и ќе се осети дури и краткорочно. Всушност да бевме сериозна држава, па наместо приоритетни проекти да се нечии непродуктивни хирови, досега ќе имавме изградено голем процент од она што недостасува во примарната сообраќајна мрежа. На ова додајте ги и средствата кои ги даваме за импровизации во инфраструктурата, кои импровизации претставуваат само невешто одолговлекување на проблемите... Тие средства исто така не се мали и доколку биле насочувани кон правите проекти, ќе придонеселе значително. Вака самите се доведуваме во ситуација „сиромавиот плаќа два пати“. Поентата ми е дека доколку сме одговорни и посветени, можеме и самите да си ја градиме примарната сообраќајна мрежа.

Во краен случај, се работи за приоритети од таков ранг и толку многу исплатливи инвестиции, што би оправдал и задолжување за оваа намена. И тоа ми звучи далеку подобро отколку експерименти со концесии на градски сообраќајници.



2.
Семафорите едно време го решаваа проблемот, но понатаму нема да можат. Ќе има ситуации кога еден семафор ќе ги пропушти возилата, но следната раскрсница ќе биде тотално закрчена и така во низа. Семафори вршат работа до одреден степен на оптовареност на сообраќајот. Штом ќе се оптовари повеќе, тие стануваат кочница. Потребни се кружни раскрсници без семафори.

Не можам да се изначудам на кажаново... Дури и да се тргаше од валидни аргументи, самата логика е крш...

Макар и со површно пребарување по интернет, секој може да дознае со какви проблеми се соочуваат кружните текови при интензивен сообраќај и цела низа други недостатоци...
До кога ќе се вртиме во круг со овие кружни текови? До кога ќе ни се претставуваат како универзално и волшебно решение за гужвата? Каков е овој фетиш?
Кружните текови со своите специфики прават сообраќајна логика само во одредени, мал процент случаеви. Да не беше така, ќе ги имаше во многу поголем број низ светот. Всушност и таа мала бројка не е репер, бидејќи ги има во поголем број отколку што треба, токму поради тој фетиш кој што очигледно не е присутен само во Македонија. Ама кај нас е екстремен! Во 21 век, кога овие теми се толку апсолвирани и кога располагаме со толку напредна технологија за управување на сообраќајот преку семафори, ние требало да воведуваме кружни текови на секој ќош и особено на главните сообраќајници каде што најмалце им е местото... и тоа најчесто се претставува како некакво напредно решение и како некаков „апгрејд“ Roll%20eyes


Во контекст на кружните текови е и овој став:
се дозволи да се изгради објектот до „Рамстор“, каде што сега е сместена Тутунска банка. Тој објект е точно на местото на кое идниот Јужен булевар ќе се вкрстува со „Климент Охридски“ и ја оневозможува изведбата на вкрстувањето. Ние ќе мора да потрошиме многу повеќе пари за да изведеме некаква друга клучка, отколку што чини таа зграда. Ќе излезе дека е подобро да ја срушиме и да платиме обесштетување.
Како што кажав, со г-дин Чакаровски генерално ја делам загриженоста околу узурпирање на просторот за сообраќајните коридори, но во конкретниов случај апсолутно не се сложувам. Објектот на НЛБ Тутунска Банка воопшто не пречи за цела низа решенија со клучки кои доаѓаат во предвид, ами пречи за кружен тек. Не сум запознаен дали кружен тек некогаш бил влезен во плановите, но дефинитивно не е точно дека изградба на клучка со кружен тек е поевтина или прави некаква сообраќајна логика.
Еве го планот на Чакаровски за кружен тек на таа локација кој го ископав од едно негово друго интервју, па проценете и сами:

Интервјуто за Утрински Весник




Мислам дека се работи за клучка, а Јужен Булевар поминува денивелирано под кружниот тек. Доколку и Јужен Булевар е приклучен на кружниот тек, тогаш навистина е во одредена мерка поевтино, но од сообраќаен аспект апсолутно неприфатливо.
Сепак, како и да се земе, очигледно планот не чини, а горната изјава не прави логика.

За ДУП-от Стара Железничка имаше и постапка пред уставен суд, ми се чини токму за ова прашање, но ДУП-от „преживеа“.



Edited by Cloverstack - 02-Oct-2009 at 01:48
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #540 Posted: 02-Oct-2009 at 13:41
Можда не му е баш тука местото, но рекламава зборува се



Мислам дека се е тука речено за во иднина каде треба да се насочиме
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
 Post Reply Post Reply Page  <1 2526272829 157>

Forum Jump Forum Permissions View Drop Down



This page was generated in 0.445 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.