Скопски сообраќај (општо)

Originally posted by stef4o Од асфалтирањето на Бихаќка и дел од Огњан Прица

Една улица не знаеме да направиме

Новиот асфалт на Бихаќка е дефектен – цело езеро среде улица

Првиот ситен дожд ги покажа слабостите на новиот асфалт на крстосницата на Јордан Мијалков со улицата Бихаќка, која беше асфалтирана минатиот викенд после повеќе од 40 дена откако беше раскопана.

Пред семафорите е формирано езерце со вода и на секое поминување на возилата, особено во средната коловозна лента, се креваат високи бранови со вода кои ги прскаат другите возила, но досегаат и до тротоарите.





https://plusinfo.mk/%d0%bd%d0%be%d0%b2%d0%b8%d0%be%d1%82-%d0%b0%d1%81%d1%84%d0%b0%d0%bb%d1%82-%d0%bd%d0%b0-%d0%b1%d0%b8%d1%85%d0%b0%d1%9c%d0%ba%d0%b0-%d0%b5-%d0%b4%d0%b5%d1%84%d0%b5%d0%ba%d1%82%d0%b5%d0%bd-%d1%86%d0%b5/

Хаос на „Рекорд“ во Скопје – Принцот го нема, остана само коњот!



https://www.ubavinaizdravje.mk/ekstra/foto/haos-na-rekord-vo-skopje-printsot-go-nema-ostana-samo-konot/

Добро бе, за месец и пол сме 2020 г., а се' уште се користи боја што за помалку од недела избледува. Се прашувам до кога ќе го тераат истото...
Зарем е толку тешко секоја улица во градот да е убаво (и трајно) обележана?

Пластичарска улица ќе добие канализација, а напролет проширување

Од Градот информираат дека со овој проект е предвидено целосна реконструкција на коловозот и негово проширување, промена на електричните инсталации, како и реконструкција на канализациониот систем на овој потег



Скопскиот градоначалник го најави почетокот на реконструкцијата и проширувањето на улицата „Никола Карев“, или позната како Пластичарска улица.

Тој информираше дека тендерот за избор на фирма која ќе ги изведува градежните работи е завршен, но не обелодени која е таа и колку ќе чини реализирањето на овој проект, со образложение дека е меѓу период кога сè уште не е истечен рокот за жалби по тендерската постапка, по што и официјално ќе се склучи договорот со фирмата, кога и ќе биде обелоденето сè.

Од Градот одговорија дека се во завршна фаза постапките за почеток на реконструкцијата и проширувањето на улицата „Никола Карев“, на потегот од клучката „Детелина“ во близина на Бит-пазар, до касарната „Илинден“.

Во моментов се работи на проектите за сообраќајни режими и очекуваме градежните работи на терен да започнат во текот на овој месец – истакнаа градските власти.

Првата фаза од проектот опфаќа поголем број на сегменти.

– Со истиот се опфатени целосна реконструкција и проширување на коловозот на потег од клучката „Детелинка“ до улицата кај влезот на касарната „Илинден“, во вкупна должина од 1.440 метри. На овој потег ќе се добијат четири сообраќајни летни, пешачки и велосипедски патеки, а на делови и разделно зеленило -објаснија градските власти.

Освен тоа, булеварот ќе довие ново осветлување со канделабри во висина од 9 метри, а ќе се дислоцираат електричните и телекомуникациските инсталации. Предвидено е и поставување на нова атмосферска канализација со променлив профил, во вкупна должина од 2.162 метри, како и водоводна мрежа на двата крака, во вкупна должина од 2552 метри.

Како што информираше Шилегов прво ќе се работи на поставување на канализационата мрежа, па од мај наредната година ќе се работи на проширување на улицата.

Проширување на улицата „Никола Карев“ за уште една сообраќајна лента најавуваше и претходниот градоначалник Коце Трајановски уште во 2013 година.

(А.П.)

https://www.vecer.press/пластичарска-улица-ќе-добие-канализа/

Без одвоени насоки (не мора зеленило), столпчиња и места за привремено паркирање ефектот ќе биде 0.

Зошто новиот булевар Чаир – обиколница со години чека бел ден?



На скопјани никако не им е јасно кој е виновен што новиот булевар – кој треба да значи директен излез од Чаир на обиколницата, без да се влегува во Бутел, со години не се завршува и стои онаму каде што застана кога се промени власта.

– Уште само малку остана, а никако да го завршат. Кога прашуваме во општината Бутел ни велат оти градоначалникот на Скопје е одговорен и тука завршува приказната, вели за „Скопско ехо“ Соња М. жител на Чаир.

– А што да се каже, кога кај нас има се уште населби кои немаат канализација, немаат вода за пиење, немаат асфалт… кога вака набројуваме, булеварот му доаѓа како луксуз, ни вели нејзиниот сограѓанин Исмаил Р. кој живее на улицата Џон Кенеди.

Медиумите бараат одговори од Петре Шилегов, односно тоа го бара и од неговиот претходник. Имено Коце Трајановски го обвинува Шилегов дека требал да заврши нешто што било речиси 90 проценти готово. Барем така најави Трајановски своевремено кога почна со градењето 2015 година, па вети дека за 13 месеци ќе биде готово. Сега сме 2019 година, а булеварот не е мрднат понатаму.

Актуелниот градоначалник доцнењето го образложи со тоа дека ако проектот се реализира како што е предвиден, пола Скопје ќе остане без вода и електрична енергија. Алтернатива, не даде.

Булеварот требаше да го реши хаосот што се создава во сообраќајот во овој дел од Скопје. Дали ќе види бел ден или ќе остане желба до некаде остварена, па заборавена во политичките пресметки?

https://skopskoeho.mk/zoshto-noviot-bulevar-chair-obikolnitsa-so-godini-cheka-bel-den/?fbclid=IwAR0tQw38EFrbThSssNCHzoMNLrG8oxFjUZSOU9PeCfKyr-fP6R10ebsAF0g

Конечно!!! Особено нема веќе кабли да висат а истотака ќе добие булеварот нов лик. Да #чекор по чекор!

Originally posted by MKDSTRUGA Mn biten proekt se i tunelite na kale. Tie bi oformile kruzen tok nad semaforite koi sega postojat, pa taka ako ne se lazam od kasarnata do avtokomanda ke imame bulevar na nivo na urban avtopat, bez semafori i pesacki. Se razbira se ova paga vo voda ako divjaci parkiraat po vtorata lenta. Toj haos neznam kako kje go resat samo inace super e ova i treba da se razmisluva za prosiruvanje se do obikolnicata i avtopatot prema Kosovo.

За жал таквите ко тебе од провинција и го уништија Скопје...
Како за почеток разгледај го проектот за тунели под Кале и што тоа ќе значи за зелените површини во делот кај Градски Парк.

Ќе има кружен тек, но не се знае кога



Кружен тек со надвозник кај Судска палата е решението што може да го растовари сообраќајниот метеж на оваа семафорска раскрсница, низ која се спојуваат Бит-пазар и градот и која е главниот излез на Скопје кон север и југ од Македонија. Градските власти сега прават анализи каков би бил пристапот со кој ќе се интервенира на семафорската раскрсница меѓу Судската палата, ТЦ „Мавровка“, Националната библиотека и универзитетот „Кирил и Методиј“. За потребите на проектот се вршеа мерења колкава фреквенција на возила има сега, а бројките достигнаа до рекордни 180 илјади за едно деноноќие.

Сообраќајните експерти се едногласни дека оваа крстосница е една од најоптоварените, ако не и најоптоварена во градот. Експертите сметаат дека не на сите семафорски раскрсници кружните текови би биле најсоодветното решение и затоа претходно треба да се направат анализи. Освен кружните текови, потребно е проширување на дел од скопските булевари. Преку тие зафати треба да се растовари сообраќајот и да го олесни секојдневието на возачите што постојано се заглавени во колоните од возила на многу сообраќајници низ градов.

– Градот Скопје презема големи активности за растоварување на сообраќајниот метеж. Раскрсницата кај Судска палата е најфреквентната, каде што дневно поминуваат помеѓу 70 и 80 илјади возила. Пред неколку седмици од страна на Центарот за управување и контрола на сообраќајот се евидентирани рекордни 180.000 возила во текот на 24 часа. Во моментов се прават анализи за конкретната сообраќајница и пристапот кон кој би се интервенирало на неа. Паралелно со ова, градот Скопје работи на повеќе проекти што директно треба да го намалат сообраќајниот метеж во оваа конкретна точка, преку зголемување на капацитетите на постојните сообраќајници, како и изградба на нови сообраќајни алтернативи.

Како најважен во овој сегмент можеме да го наведеме проектот за мост во центарот на градот, тунели под скопското Кале и кружен тек што ќе го поврзува булеварот Свети Климент Охридски со булеварите Никола Карев и Македонско-косовска бригада. Еден од главните бенефиции со реализацијата на овој проект е токму намалување на метежот на раскрсницата кај „ТЦ Мавровка“ преку давање сообраќајна алтернатива за возилата што доаѓаат од центарот од Бутел и Чаир. Тука, секако, е и проектот за проширување на булеварот Никола Карев, таканаречената Пластичарска улица, кој започна со реализација изминатиов период и значително ќе го зголеми протокот на возила и директно ќе влијае на намалување на бројот на возила што сообраќаат на крстосницата – објаснуваат од градот Скопје.

Сообраќајни експерти велат дека кружниот тек со надвозник кај Судска палата е веќе вцртан во Генералниот урбанистички план на Скопје и тој, секако, ќе се реализира, а целта е сообраќајно да се олесни овој дел од градот.
– Мерењата на Центарот за управување и контрола на сообраќајот покажаа дека оваа семафорска раскрсница е преоптоварена. Кружен тек со надвозник ќе биде идеално решение. Но не може секојпат кружниот тек да биде решение. Мора да се направат сериозни анализи за да се проектира конечно решение – објаснува Николче Спасовски, дипломиран сообраќаен инженер и проектант.

Во насока на растоварување на сообраќајниот метеж е изградбата на булеварот Босна и Херцеговина, како и втората фаза од проектот за изградба на булеварот Христијан Тодоровски-Карпош, на потегот од улицата Натанаил Кучевишки до скопската обиколница. Но и сега, наместо по обиколницата, многу товарни возила поминуваат по градските сообраќајници и создаваат дополнителен метеж.

Кружен тек беше планиран и на крстосницата кај поранешна НИП „Нова Македонија“, а, според планираното, тој требаше да е најголем од сите што се изградени досега. Тој би ги поврзал булеварите Kлимент Охридски, Мајка Тереза, Јордан Мијалков, Свети Kирил и Методиј, Митрополит Теодосиј Гологанов, сѐ уште незавршениот подземен булевар на фирмата „Лимак“ и улицата Васил Ѓоргов. Кога ќе биде готово тоа, никој не може да каже со сигурност.

https://www.novamakedonija.com.mk/makedonija/skopje/ќе-има-кружен-тек-но-не-се-знае-кога/?fbclid=IwAR183tIbv0XxCv4GKkadZYakiZDbeI33-nUpZqPpVuDJmJt1lrHPFgPbuvQ