Конечно нешто позитивно да изненади.

🚧 Градот Скопје во континуитет ги реализира проектите од програмата избрана од граѓаните, која содржи клучни барања за подобрување на градската инфраструктура. ✅ Со исполнување на ветувањето за целосна реконструкција на една од најважните сообраќајници под надлежност на Град Скопје во општината Бутел, улицата „Радишанска“ се обновува во должина од 1.100 метри. 🚏Го реконструираме коловозот на улицата на површина од 7.363 м2, рабниците и тротоарите, а граѓаните од овој дел на градот, ќе добијат соодветно партерно уредување и реконструкција на последната автобуска постојка на линијата број 57.

Ако е до последна 57, тогаш ова би требало да е делницата:



Edited by <Fresno> - 17-Feb-2023 at 17:47

Хаосот по бул.Киро Глигоров кон Бриколаж кој трае 2-3 години







https://www.facebook.com/groups/145337166272043

ФИРМАТА КОЈА ГИ АСФАЛТИРАШЕ ШАХТИТЕ НА УЛИЦА КОЗАРА, ГРАДОНАЧАЛНИКОТ ГЕРАСИМОВСКИ ЈА ИЗБРА ДА ЈА РЕКОНСТРУИРА ЛЕНИНОВА ЗА 670.000 ЕВРА



Фирмата „Гама градба“, која ги асфалтираше шахтите на улица Козара во скопски Капиштец и во повеќе наврати ја раскопуваше целата улица оти не беше добро изведена, ќе ја реконструира улицата Ленинова. Истата фирма и по второто асфалтирање несоодветно ја изведе улицата Козара и таа сега пак е полна со дупки. И градоначалникот на Општина Центар Горан Герасимовски во неколку наврати, по реакциите на граѓаните и објавите во медиумите, велеше дека изведувачот не ја асфалтирал улицата квалитетно и најавуваше казни за него. Но, и покрај toa, не само што нема казни за изведувачот туку доби уште еден тендер од Општина Центар за 670.000 евра.

Реконструкцијата чини 35 милиони денари без ДДВ. Изведувач на работите е компанијата „Гама градба“. Рокот за завршување на работите е 180 денови, односно 6 месеци од почетокот на реконструкцијата“, ни одговорија од Општина Центар на нашите прашања кој ја реконструира улица Ленинова.

Градоначалникот Горан Герасимовски денеска не одговараше на нашите повици ниту на прашањата испратени преку вибер, зошто „Гама градба“ е избрана за изведувач и покрај катастрофалното работење и големиот број поплаки од граѓани, но и зошто не добиле негативна референца за да не можат да конкурираат на тендери?

Градежните работи на Ленинова почнаа минатата недела на потегот од булеварот Партизански одреди со крстосницата со Теодосиј Гологанов. Тогаш градоначалникот Горан Герасимовски не кажа колку ќе чини изведувањето и која фирма ќе ја реконструира.

„Гама градба“ за реконструкцијата на Козара доби 220.000 евра.

https://sdk.mk/index.php/dopisna-mrezha/firmata-koja-gi-asfaltirashe-shahtite-na-ulitsa-kozara-gradonachalnikot-gerasimovski-ja-izbra-da-ja-rekonstruira-leninova-za-670-000-evra/

Originally posted by The Wild Boy Незнам каде точно да прашам, па еве ќе прашам овде.Пробувам да пристапам кон ГУП - от на Град Скопје, поточно GIS системот / порталот, но веќе извесен период нешто не ми дава.Одам овде:https://skopje.gov.mk/mk/gup-na-gradot/па после кликам на тоа последното каде што пишува ГУП, но кога ќе отворам ми се појавува ова:la multi ani gifТоа е на страната:https://gisportal.skopje.gov.mk/gup/Пробано на доста различни пребарувачи, и секаде ист проблем. На почетокот ми даваше да одберам некакви си 3 сертификати на сајтот, но со ниеден од нив не успеав да ја вчитам страната, т.е. GIS порталот. Знае некој некое чаре? Дали и кај вас е ист проблемот?Извинете за off-topic, неможев да најдам друга по - соодветна тема за ова. Сакав да погледнам како се планирани некои од улиците, но веќе подолг период неможам да го направам тоа

До тебе е. Кај мене работи.

Козара ќе се асфалтира и по третпат, „Гама градба“ ќе ги добие договорените 130 000 евра ако „зафатот“ помине успешно



Улицата Козара во Капиштец ќе остане запаметена како улица која за половина година трипати се асфалтира. Двапати поставувањето на асфалтот беше неуспешно, па така по принципот „стави-извади“ реконструкцијата која започна минатото лето можеби ќе финишира до крајот на месецов, доколку фирмата „Гама градба“ конечно успее да ја асфалтира како што треба.

Жителите на Козара во изминативе месеци видоа сѐ – од затрупани сливници и шахти со асфалт, до нерамен асфалт под нивото на шахтите, за после второто асфалтирање да посведочат и на оштетувања на коловозот кои се појавија по првиот пообилен дожд. Нивните реакции и револт разбирливо се насочени кон Општина Центар, во чија надлежност е оваа улица, од каде пак очекуваат дека третото асфалтирање ќе биде успешно, за на фирмата да и бидат исплатени договорените пари за реконструкцијата.

Денеска градоначалникот Горан Герасимовски, посочи дека фирмата е избрана на јавен повик уште пред неговото доаѓање на чело на Општината и дека досега „Гама градба“ веќе има завршено две улици во Дебар Маало и ја изведува реконструкцијата на Козара.

Надзорот си ја врши својата работа, има направено грешка во изведбата во поставувањето на асфалтот. Технички прием не е направен на улицата, во моментов не е исплатена фирмата. Чекаме до крајот на месецот улицата да биде завршена. За тоа како ја добиле јавната набавка гледам одредени написи дека градоначалникот ја дал јавната набавка. Градоначалникот не дава јавна набавка, тоа си оди на тендер, си има одредени услови, има наддавање и слично. Во моментов е почната улицата Ленинова, која што ја прави истата фирма, има одличен надзор кој секојдневно е на терен, за во иднина да не се повтори каква било грешка. Доколку грешките на Козара не се коригираат, при правење на технички прием на улицата ќе и се даде негативна референца – рече Герасимовски.

Тој нагласи дека парите на граѓаните се заштитетни со тоа што фирмата не е исплатена, а исплатата ќе се изврши кога ќе биде улицата целосно реконструирана и доколку надзорот покаже дека сѐ е во ред.

Пред еден месец, во одговор на коментар на жител на оваа улица, Герасимовски рече дека се бара начин да се изврши нова набавка, за нов изведувач, а дека постапката со „Гама градба“ ќе продолжи на суд.

Излеговме на терен, констатирано беше дека асфалтот не е квалитетен и, согласно договорот, укажано беше да се повтори постапката односно да се асфалтира од почеток, меѓутоа и вториот асфалт не беше во ред. Затоа Општината нема да исплати средства по тој основ, па сега бараме начин да направиме нова набавка и да се јави друг изведувач, а постапката ние со него на суд да ја продолжиме. Ништо не исполни согласно договорот и друг начин освен неплаќање и продолжување на судска постапка немаме – објасни тогаш Герасимовски.

Сепак, работата нема да се „тера“ на суд и на „Гама градба“ ќе и се даде и трета шанса на Козара, за чија реконструкција, според договорот, ќе треба на крајот и се исплатат 130 000 евра. Во меѓувреме, на почетокот на февруари, Општина Центар со фирмата склучила и анекс на договорот во вредност од 22 000 евра, според кој фирмата треба да ги направи и краците на улицата.

Неодамна „Гама градба“ започна да ја реконструира и улицата Ленинова. Останува да се види дали асфалтирањето на оваа улица ќе „помине од прва“.

https://www.slobodenpecat.mk/kozara-kje-se-asfaltira-i-po-tretpat-gama-gradba-kje-gi-dobie-dogovorenite-130-000-evra-ako-zafatot-pomine-uspeshno/

Фала богу, оваа калдрма сигурно е од времето на Римјаните поставена.

Сум кружел и преку обиколница само да не ја возам оваа улица. Подобро 1 литро гориво плус отколку испокршено цело подвозје на колата.

Edited by FiLo - 03-Mar-2023 at 23:26

НА ЖИТЕЛИТЕ НА КИСЕЛА ВОДА ИМ ЗБОКТИСАА БАГЕРИТЕ Улицата Димо Хаџи Димов веќе 6 месеци е раскопана, Град Скопје не дава одговори



Што се случува со реконструкцијата на улицата Димо Хаџи Димов во скопската населба Кисела Вода, прашуваат збунето граѓаните, иако скопската градоначалничка Данела Арсовска им вети дека ќе го реши деценискиот проблем.

Сепак, тие со месеци цапаат во кал и дишат прашина.

Во разговор за Плусинфо жителите од оваа улица велат дека интервенциите започнале во септември минатата година, а како што ни кажаа работните задачи требало да бидат готови во октомври, како што и впрочем пишува на информациската табла на која како инвеститор е наведен Град Скопје.

Ја раскопаа улицата еднаш од едната страна, па таа страна ја покрија со песок за да се копа другата страна. Откако двете страни ги ископаа и ги покрија со песок, на големо изненадување на граѓаните, улицата повторно беше раскопана. На прашање до работниците кога планираат да завршат, одговорот што го добивавме беше „ехеее има време до декември“. По второто копање, улицата беше повторно затрупана со песок за повторно да ја раскопаат на одредени делови – вели револтирано Марија.

Жителите ни откриваат дека кога завршила и третата интервенција, некаде околу Новата година, на улицата бил поставен „времен асфалт“, на што работниците им одговориле дека тоа е „колку да помине зимата“.

Сега, новиот асфалт се копа еднаш неделно. Работниците прават дупка и чекаат со денови, раскажуваат нашите соговорници. Бекатон блочките од тротоарот се извадени, дупките се затрупани со песок и бекатон плочките никој досега не ги поставил повторно.

– Буквално секој ден се отвора нова дупка во „времениот асфалт“ и наводно рокот до декември бил продолжен за март, без никој да ги извести граѓаните коишто не можат да пристапат до своите живеалишта, а за калта и прашината што ја дишат, тоа е друга работа – ни вели Драги.

Според моменталната состојба на терен која ја забележавме, и покрај тоа што веќе сме во втората недела на март, работите како да тапкаат во место, па поради тоа тешко дека и овој рок ќе биде исполнет, бидејќи треба повторно да се промени целиот асфалт и тротоарите.

Инаку, улицата Димо Хаџи Димов е една од главните артерии во населбата Кисела Вода по која минува и автобусот со број 24, а исто така ја користат и жителите од Пржино.



За потсетување, на 28 септември минатата година градоначалничката на Град Скопје, Данела Арсовска, изврши увид на почетокот на градежните работи за реконструкција на улицата Димо Хаџи Димов.

– Градот Скопје ја реконструира улицата Димо Хаџи Димов, на потегот од крстосницата со улицата Антон Попов до улицата Народни Херои, која е една од најфреквентните улици во општината Кисела Вода. Барањето за реконструкција е истакнато како децениски проблем од страна на жителите кои редовно транзитираат по овој дел на градот, при што со проектот дополнително се зголемува безбедноста на учесниците во сообраќајот. Улицата Димо Хаџи Димов целосно се реконструира во вкупна површина од 6.520 метри квадратни на должина од 800 метри, се заменуваат оштетените рабници, се нивелираат шахти и сливници, планирано е и соодветно хортикултурно уредување. Истовремено, Град Скопје инвестира и во нова атмосферска канализација во должина од 900 метри, а се врши и целосна реконструкција на водоводната мрежа – изјави тогаш градоначалничката Арсовска.

https://plusinfo.mk/arsovska-veti-reshava-e-deceniski-problem-a-im-ostavi-kal-i-prashina-zhitelite-na-kisela-voda-so-meseci-chekaat-ulicata-dimo-ha-i-dimov-da-bide-rekonstruirana/

Ова е одлична вест. Ама овие паметниве што се вадат дека го оплемениле земјиштето, и јавно промовираат дека тоа е треба да има некаква правна важност, некакво стекнато право, па уште се фалат колку години го имаат запоседнато. Сега треба да им се прати фактура, 1 евро/квадрат/месец узурпација.

БУЛЕВАРОТ БОЦА ИВАНОВА ВО БУТЕЛ Е КАПИТАЛЕН ПРОЕКТ И ЌЕ СЕ ГРАДИ, А СЕДУМТЕ ЗГРАДИ ГИ НАЦРТА ВМРО-ДМПНЕ, РЕЧЕ АРСОВСКА

Булеварот Боца Иванова во Општина Бутел е капитален проект за Скопје и затоа мора да гради, рече денеска на прес-конференција градоначалничката Данела Арсовска откако изминатите два дена жители од овој дел на градот заедно со градоначалникот на Општина Бутел Дарко Костовски протестираа против проектот. Тие велат дека булеварот ќе им минува пред куќите односно за изградба на сообраќајницата ќе им биде одземено дворното место. Заедно со Костовски обвинија дека Арсовска го прави булеварот за да може да никнат седум нови згради.

Арсовска денеска на граѓаните им одговори дека земјиштето каде ќе минува булеварот е државно и дека овој проект е стар со години односно предвиден со Генералниот урбанистички план 2012-2022 кој го правеше ексградоначалникот Коце Трајановски, кадар на ВМРО-ДПМНЕ.

„Булеварот се простира на државно земјиште, но сепак, во еден дел од трасата каде што треба да се изгради овој булевар постојат десетина семејства кои ги прошириле своите дворови на тоа државното земјиште врз кое е предвидена изградбата на овој булевар, а со тоа и го узурпирале земјиштето, што според член 225 став 1 од Кривичниот законик е казниво дело. Градот Скопје нема намера да врши кривичен прогон на граѓани, но сакам да апелирам до граѓаните во овој дел на општина Бутел да не потпаѓаат под политичките игри и манипулации на политиканти кои се обидуваат да ги инструментализираат во својата нечесна политика. На крајот, одговорноста за узурпацијата на земјиштето нема да биде на градоначалникот на општина Бутел Дарко Костовски, туку на оние кои го узурпирале земјиштето“, рече Арсовска.

Арсовска кажа дека градоначалникот Дарко Костовски во изборната кампања додека шетале заедно им ветувал на граѓаните исполнување на сите проекти од програмата „Модерно Скопје“ во која е и овој проект.

„Деталниот урбанистички план на Општина Бутел со кој се предвидува изградба на седум згради кои излегуваат на булеварот Боца Иванова го направил тогашниот градоначалник Петре Латиновски, а го изгласале во 2015 токму советниците во советот на Општина Бутел од редовите на ВМРО-ДПМНЕ. Овој ДУП за изградба на 7 згради кој го изгласале токму од ВМРО-ДПМНЕ е сè уште на сила и во ниту еден момент во оваа измината година Дарко Костовски не реагирал да ги поништи овие 7 објекти ниту на вцртувањето на нови згради во Бутел. Ова значи дека, ВМРО-ДПМНЕ не само што дозволиле да се впишат за изградба седум згради на овој булевар, туку тие и го донеле планот за изградба на овие згради“, додаде Арсовска.

Арсовска кажа дека булеварот ќе почне да се гради во текот на овој месец. Според проектот на трасата ќе биде изведена нова водоводна и атмосферска мрежа како и ново улично осветлување. На булеварот се проектирани и велосипедска патека, пешачка патека и соодветно партерно уредување по целата негова должина.

https://sdk.mk/index.php/dopisna-mrezha/bulevarot-botsa-ivanova-vo-butel-e-kapitalen-proekt-i-ke-se-gradi-a-sedumte-zgradi-gi-natsrta-vmro-dmpne-reche-arsovska/