Трајановски ќе почека додека ја пресече првата лента Големите градски проекти како детелината на Битпазар, раскрсниците кај Тутунскиот комбинат и булеварот Видое Смилевски Бато ги пробија роковите, а од градската управа сметаат дека причина за тоа се пречките што не може да се предвидат во проектирањето Трите отворени градилишта што започнаа да се реализираат кон крајот на мандатот на поранешниот градоначалник Трифун Костовски ги пробија роковите за изградба. На новиот градоначалник Коце Трајановски му остана да ги догради клучката „Детелина“ кај Бит-пазар, булеварот Видое Смилевски-Бато во Ново Лисиче и да го доврши градежниот зафат на раскрсниците кај Тутунскиот комбинат бидејќи за сите беа обезбедени пари во градскиот буџет. Иако на одредени периоди имаше мали застои во работата на градилиштата, градската управа тоа го правдаше со менувањето на градоначалничките функции по локалните избори во март, како и со лошите временски услови. Сепак, сé уште нема најави кој објект кога ќе заврши и каде новиот градоначалник ќе ја пресече првата лента. ПОДЗЕМНИОТ КАТАСТАР - СТАР ПРОБЛЕМ На теренот се гледа дека градежните работи ни оддалеку не се пред крајот, освен на булеварот Видое Смилевски-Бато, каде што треба да се стави уште завршниот слој на асфалт. На „Детелина“ кај Бит-пазар работниците забрзано работат на последниот крак од клучката, а се прави и тротоарот на раскрсниците пред Тутунскиот комбинат. Од градот сметаат дека во добар дел проектите не излегуваат до предвидените рокови, но дека нивната реализација е отежната поради пречките што не можат да се предвидат при проектирањето, а кои се последица на непостоење на подземен катастар. - Градоначалникот Коце Трајановски успешно го реши проблемот со дислокација на подземните електроинсталации, а во неговата програма има предвидено и изработка на подземен катастар, со што во иднина трајно би се решил проблемот со непречена реализација на сите градежни проекти - објаснуваат од одделението за односи со јавноста во градот. ПОСЛЕДНИ КРАЦИ НА ДЕТЕЛИНАТА Клучката „Детелина“ кај Бит-пазар почна да се гради на 7 ноември минатата година, а според најавите се очекуваше да се заврши за 120 дена. Но проблемот со преместувањето на подземните инсталации беше главната причина за одложување на градежните работи. Со овој проект градот ќе ја добие првата сообраќајна детелина, форма на клучка, која е многу употребувана во светот и со која се овозможува директен пристап во сите насоки без семафори. Во изминатиот период се работи на изведбата на третиот крак од страната на булеварот Никола Карев, познат како пластичарска улица. Се работи на асфалтирање на лакот и на изградба на сообраќајните острови. Од градот истакнуваат дека поради лошата состојба на делницата што ги поврзува улицата Цветан Димов со мостот и со делот кон пазарот ќе се врши гребење на асфалтот и подготовка за фино асфалтирање. Оттаму додаваат дека по завршувањето на третиот крак ќе се асфалтира и изгребаниот дел на булеварот Никола Карев за да се создадат услови за обележување на клучката и за поставување на сообраќајна сигнализација. Клучката ја гради фирмата „Гранит“, а за неа се обезбедени 40 милиони денари. ЗАВРШЕН АСФАЛТ ВО НОВО ЛИСИЧЕ Булеварот Видое Смилевски-Бато почна да се пробива во февруари, а се планираше градежните работи да завршат за три месеци, односно до мај. Едниот крак од овој булевар е направен уште кога се изградила населбата Ново Лисиче, но досега никој не се нафатил да го доврши овој заборавен проект и со тоа да се намалат гужвите и сообраќајните несреќи во тој дел. Се работи на финалното двослојно асфалтирање, од кои првиот слој со дебелина од шест сантиметри се нанесува деновиве, а потоа ќе се нанесе вториот од четири сантиметри. Со проектот коловозот ќе биде долг 510 метри и широк 23,5 метри. За сето тоа се издвоени 30 милиони денари. РАСКРСНИЦИТЕ КАЈ ТУТУНСКИ СЕ НАЈСЛОЖЕНИ Проектот за проширување на раскрсниците околу Тутунскиот комбинат е сложен градежен зафат, кој опфаќа четири крстосници и десетина сообраќајници. Градежните работи започнаа на 19 март, а за три месеци се најавуваше дека ќе се прошири ова тесно сообраќајно грло, со што за околу 50 отсто ќе се намали метежот на возила. Од градската управа соопштуваат дека во изминатиот период се работи на поставување на бехатон-плочки на тротоарите на делницата од основното училиште „11 октомври “ во насока кон населбата Пролет. На терен може да се забележи дека за финиширање на проектот има уште работа, особено на делот кај влезот на Тутунскиот комбинат, како и на проширувањето на делницата што води кон амбулантата „Пролет“. Реализирањето на овој проект, како што велат од градот, е сложена процедура, особено поради перманентното оптоварување на сообраќајот и дислокацијата на подземната инфраструктура, која се наоѓа на дел од трасите. Изведувач на работите е претпријатието „Маврово инженеринг“, а за проектот се издвоени 12,5 милиони денари од градскиот буџет. Реконструкција на овој простор се најавуваше повеќе од една година, но работите не можеа да започнат поради административно-правни проблеми со одобренија за градба, сообраќајни решенија, усогласувања на деталниот урбанистички план со генералниот и со друга документација.   http://www.novamakedonija.com.mk/NewsDetal.asp?vest=749941196&id=14&prilog=0&setIzdanie=21729

Реално земено ова се 3 минорни проекти господа! Вакво доцнење веќе не може да се објасни со ништо освен со зашеметувачка неспособност!

Проектот за проширување на раскрсниците околу Тутунскиот комбинат е сложен градежен зафат, кој опфаќа четири крстосници и десетина сообраќајници.

           

Абе остај, вистински мега проект! Слушнав na Discovery Channel ќе имало документарец за проектов.


Не знам како сте ја направиле рачуницава 
Ама секој што поминал од таму можел да види за каков проект се работи. Не мора ни да се поминува, се гледа на фотките постирани на форумов.
Да бевме нормална средина тоа ќе се завршеше за една недела и немаше ни да биде спомнувано по медиумите. А кај нас некои мислат дека можат и да се кочоперат со ова фијаско.


Edited by Cloverstack - 06-Jul-2009 at 17:58

Саниран стариот Качанички пат Општина Бутел ја заврши санацијата на стариот Качанички пат во населеното место Визбегово. Обновен е најруинираниот дел од патот во должина од 500 метри. Од Општина Бутел велат дека стариот Качанички пат е главна сообраќајница во индустриската зона на Визбегово и исклучително значајна за нормалното функционирање на стопанските објекти, кои се лоцирани по целата негова должина. Надлежните информираат дека десно од Качанички пат е пробиен и тампониран нов пат во должина од еден километар, покрај кој минува делницата на новиот водовод, што деновиве беше завршен во Визбегово. Од Општината најавуваат дека на десната страна од стариот Качанички пат наскоро ќе се реконструира и постојниот селски пат, а се планира да му се даде статус на локален пат. Тој ќе биде еден од петте во Општината и ќе ја поврзува индустриската зона со селото, а воедно и Општина Бутел со Шуто Оризари и Чучер-Сандево. http://utrinski.com.mk/?ItemID=4AA45105129438468DC06530A119498A

На раскрсницата кај Тутунски изгледа стартува "фаза 2" 

Прават нова лента покрај училиштето 11 Октомври во правец кон Лисиче.

Во објавава фали информација на кој сегмент Владимир Комаров ќе биде еднонасочна. Но има две „логични“ можности кои доаѓаат во предвид, а и двете горе долу резултираат со сличен неповолен резултат.

Делот во написот каде овој чекор пред се се објаснува со потребата од зголемување на безбедноста воопшто не ми е јасен.

Вистина, со еднонасочниов сообраќај Владимир Комаров значително ќе се растовари (иако мислам дека и до сега не беше критично преоптоварена, особено во споредба со општата ситуација низ градов), но ако главната цел била зголемување на безбедноста, тогаш според мене се работи за тотално промашена работа која ќе има спротивен ефект. На двонасочна улица се вози побавно и воглавно подефанзивно. На еднонасочна може да очекуваме само побрзо возење и повеќе акробации!

Инаку системот еднонасочни улици би правел логика (од друг аспект) кога другата улица што се спомнува (позади „Скопјанка“) би била навистина  компатибилна со Владимир Комаров. Но тоа не е случај... Добивам впечаток дека повторно се прави нешто само колку да се направи, без вистински да се анализира и без вистински да се разберат сите ефекти што ќе произлезат.

Во целава ситуација многу е чудно и тоа што на крстосницата со ул. Никола Карев (накај новиот мост) кога се оди во правецот што сега се укинува, вртење десно е ионака забрането (претпоставувам највеќе поради лошата геометрија на крстосницата која произлегува од импровизаторското решение кое се надеваме е привремено). Епа господа, во правец на вашите дискутабилни замисли, доволно ќе беше навистина да се спроведува таа забрана на терен (сите ја игнорраат, а никогаш не сум видел некој да биде санкциониран) и ќе се постигнеа најголем дел од ефектите што ги барате, а со помалку нусефекти.


На крајот на краиштата кој ја потегнал и одобрил работава?

зачестија барањата на Општина Аеродром, особено на граѓаните за воведување еднонасочно возење по оваа улица

Епа сега општината или граѓаните? Или заедно сме посилни (во глупоста)
„Граѓаните“ можат да бараат што сакаат, ама не значи дека се во право. Ниту треба да се очекува дека една поголема нехомогена група има вистинско разбирање на проблемот. Ниту треба да се очекува дека голем дел од нив општите интереси би ги ставиле пред маалските (не дека во случајов ќе се офајдат, баш напротив). И конечно што значи тоа „граѓаните“? Можеби на секој „граѓанин-сообраќаен експерт“ што наводно барал вакво решение, има по пет граѓани кои тоа не го сакаат. Значи приказната со граѓаните веднаш отпаѓа и нема никаков легитимитет.
А ако општината стои зад проектов, баш ме интересира какви кадри дале таква препорака, дали подготвиле некаков елаборат и ако евентуално постои таква работа, кој е неговиот квалитет. Бидејќи ова што се прави е очигледно чекор на дезорјентирани луѓе кои не разбираат што е проблемот, а камо ли како да го решат.


Ако господата (и од општината и од градот) сакаат вистинско решение, нека се зафатат со пробивање на врската помеѓу булеварите Гоце Делчев и АВНОЈ. Покрај бројните проблеми што таа врска ќе ги реши, ќе ја реши и ситуацијата на Владимир Комаров која повторно ќе биде мирна локална улица.


За крај морам да ги прокоментирам и лежечките полицајци кај осмолетката „Браќа Миладиновци“. Не ми е јасно од каде тврдењето дека не си ја вршеле функцијата. Тие се нестандардни и крајно груби, па сообраќајот таму буквално се влече. Ама ако сметаат дека не си ја вршат работата, нека повелат нека ги тргнат, барем да не кршат луѓето коли без потреба нели.


Се на се целава работа ми мириса како вообичаена неспособност и неразбирање на работите, а „решението“ за проблемот е првата паушална импровизаторска заебанција на која се сетиле надлежните, пливајќи изгубени и во простор и во време. Демек еве мислиме, работиме... Ништо ново, класика...




Edited by Cloverstack - 14-Jul-2009 at 12:01

Originally posted by lslcrew Град Скопје за потребите на новиот сообраќаен режим ја прошири крстосницата на булеварот „Јане Сандански“ со „Владимир Комаров“

Всушност тоа што го направија е безначајно и несуштинско кратење на неколку метри квадратни од средишното зеленило кои сега ги асфалтираа во вид на тумба, ваљда за тие што не знаат да го заобиколат „проширувањево“ да си ја истестираат амортизацијата.

Ленинова ќе биде еднонасочна Општина Центар нарачала проект за еднонасочен сообраќај од Илинденска до Иво Рибар Лола и од булевар Климент Охридски до улицата Рузвелтова, со кој треба да се дефинира и новиот режим за Ленинова Општина Центар ќе бара од Градот улицата Ленинова да стане еднонасочна. Владимир Тодоровиќ, градоначалник на Центар, вели дека нарачале проект за нов сообраќаен режим на Ленинова и околните улици. Тој објаснува дека одлучил да побара еднонасочен сообраќај на оваа улица, бидејќи по неа не е безбедно да се помине ниту пеш ниту пак со возила, поради хоасот што е направен од паркираните коли на тротоарите и коловозот, како и од летните тераси, кои скоро целосно ја зафаќаат пешачката површина на Ленинова. "Порачавме проект за еднонасочен сообраќај, кој планираме да зафаќа малку пошироко подрачје, но во прво време тоа да биде улицата Ленинова. Планираме еднонасочен сообраќај да се воведе од булевар Климент Охридски до улицата Рузвелтова, како и од Илинденска сe до улицата Иво Рибар Лола", рече Тодоровиќ. Проектот, како што кажа градоначалникот на Центар, треба да биде готов до крајот на месецот, по што Општината ќе даде и официјален предлог до Градот. "Со еднонасочниот сообраќај сакаме да овозможиме паркирање на коловозот, но не и на тротоарите. А откако ќе го решиме проблемот со колите, полесно ќе се справиме и со кафеанџиите да го почитуваат она што им е дозволено за летни тераси", рече Тодоровиќ. Градските власти велат дека кај нив со уште не стигнал предлог од Центар да се вози еднонасочно по улицата Ленинова, и дека откако ќе го добијат барањето ќе го разгледаат и ќе одлучат дали ќе го прифатат. http://www.vest.com.mk/?ItemID=9A8BAC39EB2F624D880F8B3C727D43A9

Се проширува дел од булеварот „Трета македонска бригада“ Проектот за проширување на раскрсницата ќе чини 12 милиони денари Реконструкцијата на раскрсницата кај Тутунски комбинат продолжува со проширување на булеварот „Трета македонска бригада“, во делот кај основното училиште „11 Октомври“. Моментно екипите на градежното претпријатие „Маврово инженеринг“ работат на тампонирање на проширениот дел, каде што се поставуваат и нови рабници. По завршувањето на тампонскиот слој сообраќајницата ќе се подготвува за асфалтирање. Во меѓувреме, информираат градските власти, се очекува ЕВН да изврши санација на електричните кабли во близина на трафостаницата на потегот кој се реконструира. Проектот, кој Градот Скопје ќе го чини 12 милиони денари, ќе се реализира во фази, за да се избегне попречувањето на редовното одвивање на сообраќајот. Проширувањето, по асфалтирањето, ќе продолжи и од другата страна на булеварот, во правец од Центар кон Мичурин. Проширувањето на раскрсницата кај Тутунски комбинат е услов за реализација на Јужен булевар и „Крушевска република“, кои се зацртани во Генералниот урбанистички план на Скопје. Како што информираат од Градот Скопје, неизвесно е кога и како ќе бидат изградени овие сообраќајници, а дополнителен проблем претставува и немањето детален план за овој дел од градот. Заради тоа, велат од Градот, за обезбедување на полесно одвивање на сообраќајот на овој потег се наметна потребата од проширување на раскрсницата. http://utrinski.com.mk/?ItemID=D30643303C60F54DBF9052C12BE18361

Проширувањето на раскрсницата кај Тутунски комбинат е услов за реализација на Јужен булевар и „Крушевска република“, кои се зацртани во Генералниот урбанистички план на Скопје.

ОТВОРЕН ЗА СООБРАЌАЈ ПРОШИРЕНИОТ БУЛЕВАР ВИДОЕ СМИЛЕВСКИ БАТО Градоначалникот на Град Скопје, Коце Трајановски и градоначалникот на општината Аеродром, Ивица Коневски, денеска /31.07.2009 година/ свечено го отворија за сообраќај проширениот булевар Видое Смилевски Бато, во населбата Ново Лисиче. - Булеварот Видое Смилевски Бато е проширен во должина од 510 метри на потегот од крстосницата со булеварот Србија до крстосницата со булеварот Февруарски поход. За градежните работи беа потрошени 30 милиони денари, а се градеше пет месеци. Ова е модерно булеварско решение, со вградена атмосферска канализација и штедливи светилки. Очекуваме сообраќајот во овој дел од градот значитечно да се растовари, а граѓаните да го скратат времето на патување – изјави денеска градоначалникот Трајановски. Со проширувањето на десната лента од булеварот Видое Смилевски Бато се доби булевар широк 23,5 метри. Коловозните ленти се широки 10,5 метри, а пред раскрниците ширината изнесува 14 метри. Зелениот појас е широк 6,5 метри, а велосипедските патеки ќе зафаќаат 2,5 метри. Тротоарите ќе бидат широки 4 метри. Одведувањето на атмосферските води е решено со секундарна атмосферска мрежа на сливници со вкупна должина од 400 метри. По должината на трасата на Видое Смилевски Бато е поставено и ново осветлување со нови штедливи светилки. Градежните работи за проширувањето на булеварот Видое Смилевски Бато ги изведуваа екипи на компанијата „Конструктор“. www.skopje.gov.mk