Осум кружни крстосници за помал метеж

Градските власти наредниве три години ќе изградат осум кружни раскрсници за да се намали сообраќајниот метеж во градот. Тие веќе подготвиле седум идејни решенија за вакви раскрсници, а осмата е во крајна фаза на идејно проектирање.

Ова е уште една мерка со која Градот, поради недостиг од пари за изградба на градските булевари, планира да го ублажи горливиот проблем со сообраќајот. Покрај кружните текови, како бај-пас сообраќајни решенија се планираат проширувања на неколку улици и воспоставување зелен бран на 36 раскрсници.

Во главниот град се' уште нема кружни текови на местата каде што се вкрстуваат булеварите и другите улици со поголем обем на сообраќај, туку ги има само низ населбите. Главната придобивка од вакви сообраќајни решенија е што нема потреба од семафори. Најголем број од идните кружни текови ќе бидат во населбите Бутел и во Чаир, но, како што објаснуваат од Градот, приоритет ќе им биде изградбата на т.н. турбораскрсница кај Католичка црква, на улицата Теодосиј Гологанов. Таму изминативе години се создава невиден метеж, затоа што раскрсницата не е регулирана ниту со семафори.

- Веќе се готови идејните решенија за кружните раскрсници кај Католичката црква, помеѓу улицата 4 Јули и Партизански одреди, помеѓу 16 бригада и Коце Металец, Босна и Херцеговина и Александар Урдаревски, понатаму, помеѓу Втора македонска бригада и Лазо Трповски, Втора македонска бригада со Кемал Сејфула, како и помеѓу 16 бригада и улицата 808. Се привршува со изработката на идејното решение за вкрстувањето меѓу булеварот Никола Карев и булеварот Трета македонска бригада - објаснуваат од Службата за односи со јавноста во Градот Скопје.

Приоритет за градските власти, односно први ќе почнат да се градат раскрсниците кај Католичката црква, на улиците 4 Јули и 16 бригада и на булеварот Никола Карев. Сепак, како што истакнуваат од Градот, ова се идејни решенија, кои зависат и од реализацијата на проширувањата на некои сообраќајници.

- Почетокот треба да се очекува од наредната буџетска година, а проектот ќе се реализира до крајот на мандатот на градоначалникот Коце Трајановски - велат градските власти.

Од сите овие решенија најспецифична е раскрсницата кај Католичката црква. Таа ќе биде првата кружна турбораскрсница во Скопје, каде што со смалување на големината, насоката и влезот на возилата ќе се зголемуваат брзината и ефикасноста во кружниот тек.

Сумата што ќе биде потребна за реализација на овие идејни решенија, ќе биде позната по изработката на изведбените проекти.

Градот ќе гради осум кружни раскрсници

Некои раскрсници зависат од проширувањата на улиците, кои веќе се планирани

Сања Наумовска

Градот Скопје ќе гради осум кружни раскрсници заради олеснување на сообраќајот на критичните точки во центарот, но и во населбите. Моментно се изработени седум идејни решенија за кружни раскрсници, а во тек е изработката и на осмото. Во следната година во буџетот на Градот ќе се предвидат пари за конечни проекти, со кои ќе се знаат и потребните финансии за нивна изведба.

Според градските власти, приоритетни се кружните текови кај Католичката црква, на улицата „4 Јули“ со „Партизанска“ во Ѓорче Петров, на улиците „16 Бригада“ со „Коце Металец“ во Железара, како и меѓу булеварот „Трета македонска бригада“ и улицата „Никола Карев“, кај Тутунскиот комбинат, за кој моментно се подготвува идејната документација.

Голема е веројатноста, доколку за овие кружни раскрсници се направат проекти, нивната реализација да почне во текот на следната година, коментираат од Градот, при што нагласуваат дека, сепак, се' ќе зависи од конечното прекројување на градскиот буџет, што ќе се случи на седницата на Советот во декември.

Покрај овие четири локации, Градот има подготвено идејни решенија и за изградба на кружни текови на улиците „Босна и Херцеговина“ и „Александар Урдаревски“ во населбата Бутел, потоа две кружни раскрсници на улицата „Втора македонска бригада“, едната со улицата „Лазо Трповски“, а втората со улицата „Кемал Сејфула“ во Чаир. Последната кружна раскрсница се планира на пресекот на улиците „16 Бригада“ со „808“, кај објектите на Пиварница и на „Алкалоид“ во Автокоманда.

Дел од кружните раскрсници зависат и од реализацијата на проширувањата на некои сообраќајници, кои се веќе планирани, поради што почетокот на реализацијата кај нив ќе биде пролонгиран за некоја друга година, велат од Градот.

„Најспецифична и веројатно прва на списокот за реализација е раскрсницата кај Католичката црква, која ќе биде првата турбо кружна раскрсница, кај која со намалување на големината, насоката и влезот на возилата ќе се зголемува брзината и ефикасноста во кружниот тек“, објаснуваат од Градот.

Приоритет ќе има и изведбата на кружните сообраќајници: на улицата 4 јули со Партизанска во Ѓорче Петров, во Железарница на крстосницата на 16 Македонска бригада со Коце Металец и булеварот Никола Карев со 3 Македонска бригада (на крајните семафори на Пластичарската улица)

Со турбокружна крстосница ќе се решава сообраќајниот метеж на крстосницата кај Католичка црква што се создава поради недефинираното приклучување на возилата од улиците Мито Хаџивасилев Јасмин кон Митрополит Теодосиј Гологанов. Од Град Скопје информираат дека проектот има идејна рамка, а наскоро треба да се изработи и главниот изведбен проект. Сообраќајните експерти велат дека станува збор за специфична крстосница каде со смалување на големината, насоката и влезот на возилата ќе се зголеми брзината и ефикасноста во кружниот тек.
- Имаме изготвено седум идејни решенија за кружни крстосници, а осмата е во финална фаза на идејно проектирање. До сега, освен за локацијата кај Католичка црква се направени идејните решенија за повеќе крстосници на територијата на градов. Кружен тек ќе добие улицата 4 јули со Партизанска, 16 Македонска бригада со Коце Металец, Босна и Херцеговина и Александар Урдаревски, 2 Македонска бригада со Лазо Трповски, 2 Македонска бригада со Кемал Сејфула, 16 Македонска бригада со улицата 808. Се привршува со изработката и на идејното решение за крстосницата меѓу булеварите Никола Карев и Трета македонска бригада - информираат од Одделението за односи со јавноста на Град Скопје. Тие велат дека прироритет ќе биде изведбата на кружните текови кај Католичка црква, на улицата 4 јули со Партизанска во Ѓорче Петров, во Железара на крстосницата на 16 Македонска бригада со Коце Металец и булеварот Никола Карев со 3 Македонска бригада (на крајните семафори на Пластичарската улица).
- Сепак треба да напоменеме дека се работи за идејни решенија кои зависат и од реализацијата на проширувањата на некои сообраќајници и затоа почетокот на реализацијата треба да се очекува во период од наредната буџетска година па до крајот на мандатот на градоначалникот Коце Трајановски - појаснуваат од Град Скопје.

Висината на средствата кои се потребни за реализација на овие идејни решенија, ќе се знае откако ќе се изработат изведбените проекти.
Скопскиот градоначалник најави дека следната година приоритет ќе имаат сообраќајните проекти кои ќе се реализираат со средства од буџетот, а ќе се искористи и позитивниот кредитен рејтинг што го има Град Скопје за кредитно задолжување во некоја од комерцијалните банки.