Половина час се вози од Цветен пазар до "Нова Македонија" Од Град Скопје се свесни дека на Мито Хаџи Василев - Јасмин владее хаос, но велат дека друго решение нема. Ако работеле ноќе, тоа дупло ќе ја зголемело цената на овој зафат Реконструкцијата на улицата Мито Хаџи Василев - Јасмин го затна центарот на градот. Откако пред три недели Град Скопје почна со поставување нов асфалт на коловозот, сообраќајот на оваа улица е во колапс. Се гребе асфалтот, машини стојат на сите страни, а возилата се движат само по една коловозна лента. Редици автомобили има од пред зградата на "Макпетрол", па сè до крстосницата кај поранешна "Нова Македонија". За да се мине оваа делница, на граѓаните им треба најмалку половина час. "Кога веќе решиле да реновираат улица во центарот на градот, тогаш требало да смислат начин како да се избегне хаосот во сообраќајот. Не знам зошто не дзоволат улицата Железничка, додека траат градежните работи, да стане двонасочна или да се работи ноќе. Па во сите земји кога се реконструираат централни улици, тоа се прави навечер", велат револтирано скопјани. Од Град Скопје се свесни дека на Мито Хаџи Василев - Јасмин владее хаос, но само апелираат до граѓаните да имаат трпение. "Градот е свесен дека при вакви реконструктивни зафати настануваат застои во сообраќајот, и токму затоа градоначалникот Коце Трајановски замоли за трпеливост од учесниците во сообраќајот. Немаме предвидено ноќна работа, затоа што во тој случај рапидно ќе беше зголемена цената на изведбата на реконструкцијата. Ако се реализираше јавна набавка со ноќна работа и работа во неработни денови, граѓаните на Скопје тоа ќе ги чинеше како да се реконструираат две улици како Мито Хаџи Василев - Јасмин" велат од кабинетот на градоначалникот Коце Трајановски.http://www.vest.com.mk/?ItemID=D723225380AF104594A6CBA6F997AF6F

      Сум забележал дека обично работите на патиштата, градењето на водоводна и канализациона мрежа, најчесто се темпираат да се изведуваат во зимски услови и во кал. Не ли можеше да се почека јули и август за реконструкцијата на М. Х. Јасмин (школски одмор, фирмите даваат годишен одмор, добар дел од граѓаните на летување)...

Дали и раскрсницата кај Мито Х. Ј. ќе биде реконтруирана, особено што тоа е најлошиот дел од цел булевар.

Sto bide so rekunstrukcijata na M.H. Jasmin do kade stigna ?

Возачите збунети од првата ротонда       Првата вистинска кружна раскрсница во населбата Ѓорче Петров создава забуна кај возачите, кои тешко се навикнуваат на новото сообраќајно решение. Вклучувањето и исклучувањето од кружниот тек го прават внимателно, со страв во „вртењето“ да не се судрат со друг автомобил             Од градот најавуваа изградба на осум кружни раскрсници: ротондата во Ѓорче Петров Скопјани веќе имаат можност да возат на првата вистинска ротонда во населбата Ѓорче Петров, која почна да се гради пред неколку месеци. Кружниот тек веќе е оформен, а семафорите се исклучени, па возачите мораат да возат како на кружен тек. Возачите се збунети и тешко се навикнуваат на новото сообраќајно решение. Вклучувањето и исклучувањето од кружниот тек го прават внимателно, со страв во „вртењето“ да не се судрат со друг автомобил. Жителите од овој дел од градот велат дека особено е тешко вклучувањето од споредните улици, поради што се принудени да чекаат подолго време да поминат возилата од главната сообраќајница. - Секој ден се возам по таа улица и морам да признаам дека тешко се снаоѓам. Возачите сé уште не се навикнати да возат на кружен тек. Голем дел од нив не го почитуваат правилото на десна страна. Ги мрзи да вртат или, пак, не ги знаат основните сообраќајни правила, па си возат од левата страна. Може да настане сообраќајка, што е страшно - вели Неда Божиновска од Ѓорче Петров. Од градот најавуваа изградба на осум вакви ротонди, од кои оваа е прва, а следна на списокот ќе биде онаа кај Католичката црква, која ќе биде изведена заедно со проширувањето на улицата Митрополит Теодосиј Гологанов. Другите седум ротонди треба да бидат распоредени на улиците 4 Јули со булеварот Партизански одреди, 16 Бригада со улицата Коце Металец, Босна и Херцеговина и Александар Урдаревски. Потоа помеѓу Втората македонска бригада со улиците Лазо Трповски, како и со Кемал Сејфула и 16 Бригада со улицата 808, а една треба да има и кај раскрсницата на булеварот Никола Карев со булеварот Трета македонска бригада. Основа за да почнат планирањата и изградбата на кружните крстосници е големата фреквентност на сообраќајот, велат од градот. - Градот Скопје почна со изградба на кружната крстосница кај СП „Планет“ во Ѓорче Петров. Во тек се подготовките за проширувањето на Теодосиј Гологанов, да се изгради првата турбокружна крстосница во нашата држава. Преостанатите се во фаза на планирање. Основата за нивна изградба е да има голема фреквентност на сообраќајот. Едно од најтесните сообраќајни грла е токму кај Католичката црква. За оваа намена се предвидени 800 милиони денари во буџетот за 2011 година - вели Неделчо Крстевски, портпарол на градот. Сообраќајните експерти велат дека изградбата на кружни текови треба да се прави врз основа на утврдувањето на реалните потреби и секако на условите што ги нуди постојната патна инфраструктура. Во светот кружните раскрсници се градени на улици што не се фреквентни и не се правилни, односно каде што се спојуваат три, а не четири улици, посочуваат тие. - Наутро, кога повеќето одат на работа, оние што возат од спротивните улички, како што е онаа во Хром, нема шанси да излезат и да поминат. Кај Католичката црква на Теодосиј Гологанов може да се прави. Кружниот тек кај „Континентал“ е соодветен зашто нема многу метеж и функционира. На запад ваквите ротонди ги практикуваат на сервисните улички, а не на експресни сообраќајници - велат експерти од сообраќајната полиција. Скопјани досега не можеа да ги вежбаат своите возачки вештини на кружен тек. Единствена таква сообраќајница е онаа во Дебар Маало, каде што кандидатите за возачка дозвола редовно вежбаа правило „десно“ вклучување. Во преостанатите пригоди ретко кој од возачите поминуваа според сообраќајните прописи и кружниот тек го поминуваа по најкраткиот пат. http://www.novamakedonija.mk/NewsDetal.asp?vest=4611858399&id=14&prilog=0&setIzdanie=22250

Мислам дека кружниов тек е навистина подобро решение, бидејќи доминатната линија секогаш ќе си биде доминатна и на кружен тек, без да мора да чека на семафори. Двата споредни правци не можат да создадат поголем метеж, исто како што и во автокоманда на кружниот, претежните правци се вртењата десно (од саем-автокоманда и од битпазар-саем).

Тажно. Хаос. Би го ставил и во нишката за подземната уличка, сепак за тоа разговараме и отприлика овој дел кај Соборна е опфатен во дискусијата и споредбата на двате решенија. Но нејќев да ја трујам, па затоа тука ќе ја ставам, поопшта нишка. Ако сакате модератори препостирајте го по потреба и таму.

http://on.net.mk/makedonshtina/skopje-kabul-ti-kje-bidesh


Edited by FoSsiL - 06-Apr-2011 at 19:17

ЕБРД ќе издвои 5,6 милиони евра за Проект за Менаџирање на сообраќајот во Скопје

Македонија планира да отвори тендер за изработка на Проект за менаџирање на транспортниот сообраќај во главниот град, кој ќе биде ко- финансиран со 5,6 милиони евра од страна на ЕБРД.

Според процените вкупните градежни работи се проценуваат на 8,03 милиони евра (11,5 милиони долари), вклучувајќи набавка и инсталација на системи за управување со сообраќајот и реконструкција на скопската улица „Првомајска“, се вели во податоците на ЕБРД, а пренесуваат странските медиуми.

Со остатокот од средствата, градот Скопје ќе ги извршува клучните инвестиции потребни неопходни за подобрување на градскиот превоз и безбедноста на улиците ширум градот.

Објавата на тендерот се очекува да се објавен во вториот квартал од 2011 година.

http://www.mkfondovi.com/mk_MK/news/22036-%D0%B5%D0%B1%D1%80%D0%B4-%D1%9C%D0%B5-%D0%B8%D0%B7%D0%B4%D0%B2%D0%BE%D0%B8--5,6-%D0%BC%D0%B8%D0%BB%D0%B8%D0%BE%D0%BD%D0%B8-%D0%B5%D0%B2%D1%80%D0%B0-%D0%B7%D0%B0-%D0%BF%D1%80%D0%BE%D0%B5%D0%BA%D1%82-%D0%B7%D0%B0-%D0%BC%D0%B5%D0%BD%D0%B0%D1%9F%D0%B8%D1%80%D0%B0%D1%9A%D0%B5-%D0%BD%D0%B0-%D1%81%D0%BE%D0%BE%D0%B1%D1%80%D0%B0%D1%9C%D0%B0%D1%98%D0%BE%D1%82-%D0%B2%D0%BE-%D1%81%D0%BA%D0%BE%D0%BF%D1%98%D0%B5.html

Originally posted by fichot Инаку, подобро ќе беше кружен тек да направат кај Црквата кај што завршува Партизанска и има голем проток на движење од неколку правци (од Геге, од Ѓорче по 4ти Јули мислам се викаше улицата и од Партизанска и самата раскрсница е многу изобличена и во јадна состојба. Со овој кружен тек би додал и проширување на Партизанска со уште 2 ленти, а најубаво секако ќе биде да е со истиот профил како и до Порта Влае.

Мислам дека кај црквата се планира кружен тек и ќе биде брзо. Поготово сега кога се најавени избори.

        Не знам зошто клучката кај Континентал ја сметате за кружен тек. Кружен тек би била, само доколку булеварот Александар Македонски влегува во неа. А тој ја премостува и затоа таму воопшто не се создаваат гужви.