Originally posted by alexgizh Originally posted by daci92 Овој кружен тек го градат многу долго време, односно кога поминав пред месец-два таму сеуште не беше ништо направено освен ископано .. Тоа е сосем разбирливо. Ем бидејќи беше зима, ем бидејќи пред избори „треба да се покаже дека се работи“.

За зимата ама баш воопшто не ги оправдувам ,да беше некоја зима со снегови и студови ајде но за ваква зима се молат сите градежници ,па види Џеваир кулите ги направија овие не мрднаа од место со кружниот тек, а тоа второто е веќе познато

Знае ли некој да каже зошто на повеке скопски сообракајници асфалтот е исечен попречно на улицата во вид на осмоаголници за потоа да бидат залиени со битуменска емулзија. (истото се случува и во Бугарија)

Originally posted by daci92 И мене навистина ме интересира ,бидејќи веќе неколку недели гледам дека улиците по Скопје се кастрат така...

Потврдувам дека низ цела Европа го има ова. Претпоставувам дека се работи за некаква превенција за настанување на дополнителни штети врз коловозот, но навистина не ми е јасно што е точно! Доколку има некој познавање на темава многу би се радувал да чујам објаснување.

фала богу една добра вест

Јас единствено сум видел сензори на крстосници каде што главен пат има приклучок од спореден пат, но со епохална фреквенција, па така доколку ниту едно возило не го премине сензорот на некои 3-4 метри од семафорот, тој ќе остане вечно црвен. Нешто како исклучени семафори па предност има секогаш главниот пат, но во случајов нема опасност со жолто трепкачко светло, туку видно е зелено на главниот пат (некогаш и по 2-3 часа значи во зависност од тоа дали поминало возило на споредниот пат).


Не ја знам цената на чинење, па не би можел да кажам дали вреди тоа во однос на тоа во слабите часови едноставно да свети жолто нон-стоп.

Апдејт, после улицата Ѓорче Петров и сокакот Македонска Војска, сега и 4-ти Јули стана булевар. Терминот „улица“ дефинитивно исчезна од речникот на власта.

е ако де,ако небиди тој ќе имате кичевчанец за градоначалник.малку и наш глас да се чуе во скопјето

ИНТЕРВЈУ: Коце Трајановски – решавање на собраќајните проблеми приоритет за Градот
18/04/2013




Анализите на Градот Скопје покажаа дека подземните сообраќајници во Скопје се вистинско решение за сообраќајниот метеж, за скратување на времето на патување и за зачувување на квалитетот на амбиентниот воздух. Јас и мојот тим во последниве четити години посветено работевме на реализацијата токму на вакви сложени проекти, вели за Економски.мк градоначалникот на Град Скопје Коце Трајановски. Интервјуто може да го прочитае подолу.



Економски: Го добивте вториот мандат како Градоначалник на Град Скопје – веројатно треба повторно да ја оправдате поддршката на скопјани?

Трајановски: Кога пред 4 години првпат ја преземав функцијата градоначалник на Градот Скопје нагласив дека таа можност за мене претставува голема чест, но и голема одговорност. И сега го чувствувам истото и сакам да им се заблагодарам на моите сограѓани за укажаната доверба за вториот градоначалнички мандат.

Уште еднаш ќе им порачам на моите сограѓани дека ќе продолжам да работам за доброто на Скопје и тоа со исто темпо, не од канцеларија, туку на терен, како и досега. За најгорливите проблеми во Скопје на граѓаните им нудам конкретни решенија. Во Скопје има уште многу да се сработи. И во наредните 4 години, јас и мојот тим, ќе работиме со конкретни рокови за завршување на проектите. И досега така работевме, а проектите се завршуваа навреме, без одолговлекувања и без застој. Убеден сум дека ќе ја оправдам добиената доверба од моите сограѓани.

Економски:Кои се приоритетните проекти што ќе ги работите во Градот?

Трајановски:Решавањето на сообраќајните проблеми, одржувањето на комуналната хигиена и зазеленувањето на градот ќе бидат приоритет во мојата работа и во наредните 4 години. Но, и покрај тој приоритет, ниту една област од урбаното живеење во градот нема да биде запоставена.

Од позначајните проекти ќе ги споменам проектите за изградба на подземна сообраќајница под кејот на реката Вардар и зад Старата железничка станица, проектите за изградба на повеќе кружни текови, проектот за проширување на булеварот Партизански одреди до Ѓорче Петров, проширувањето на улицата 3.Македонска бригада, изградба на водоснабдителен систем за населените места Ченто, Стајковци, Сингелиќ и Инџиково, водовод за Шуто Оризари, изградба на нов Луна-парк, гасификација на Скопје, изградба на ски-патека на Водно и многу други…

Економски: Кои се деталите за подземната сообраќајница за таа од мостот „Гоце Делчев“ до комплекс банки и онаа на Јужен булевар?

Трајановски:Јавниот повик за избор на изведувач за изградба на подземната сообраќајница што ќе се протега од Комплексот банки до мостот „Гоце Делчев“, под кејот на реката Вардар, е во тек. Според повикот, предмет на изградба ќе биде подземна сообраќајница од булеварот Кузман Јосифовски-Питу со раскрсницата со улицата Никола Карев до булеварот Кочо Рацин; од булеварот Кочо Рацин преку кејот „13-ти Ноември“ и раскрсницата со булеварот Илинден и булеварот ВМРО; и трасата на сообраќајниот коридор до булеварот Партизански одреди преку булеварот ВМРО и дел од булеварот Илинден.

Подземната сообраќајница треба да биде долга 1 300 метри, од коишто 900 метри се под земја, а 400 метри над земја.

Во врска со подземната сообраќајница зад Старата железничка станица, Градот Скопје склучи договор со компанијата „Лимак“ од Република Турција со којшто се уредуваат односите за изградба на овој подземен булевар, во согласност со Деталниот урбанистички план за овој дел на градот.

Новата сообраќајница ќе се гради на длабочина од 6 метри. Булеварот ќе биде долг 800 метри и ќе има по три коловозни ленти во секоја насока. Компанијата „Лимак“, според договорот, откако ќе ја изгради подземната сообраќајница има обврска да ја предаде во владение на Градот Скопје.

Анализите на Градот Скопје покажаа дека подземните сообраќајници во Скопје се вистинско решение за сообраќајниот метеж, за скратување на времето на патување и за зачувување на квалитетот на амбиентниот воздух. Јас и мојот тим во последниве 4 години посветено работевме на реализацијата токму на вакви сложени проекти.

Економски:Долго време се најавува трамвај во Скопје- ќе има ли наскоро негово воведување?

Трајановски:Градот Скопје не се откажува од идејата за воведување трамвај. Јавниот повик за договор за воспоставување јавно-приватно партнерство за проектирање, изградба, финансирање, трансфер и стопанисување со трамвајска линија за превоз на патници во Скопје е во тек. Огласот вклучува изработка на елаборат за заштита на животната средина, изградба на трамвајски станици, депоа и целата потребна инфраструктура. Се надевам дека постапката ќе заврши во најдобар ред.

Економски: Дали има проблеми со финансирање на проектите

Трајановски:Градот Скопје е подготвен за реализација на планираните проекти. Нивната реализација во дел ќе се финансира од Буџетот на Град Скопје, а во дел ќе добиеме финансиска поддршка од Владата, како што е проектот за изградба на подземната сообраќајница под кејот на реката Вардар. За проектите за обнова на Луна-паркот и за изградба на ски-патеката на Водно ќе склучиме договор за јавно-приватно партнерство.

Јас стојам на ставот дека парите собрани од граѓаните мора да се вратат во заедницата и да се вложат за решавање на нивните конкретни проблеми.

http://ekonomski.mk/?p=35866

Се убаво ама некако упорно се избегнува да се каже со каков профил ќе биде подземната улица под кејот 11 октомври. 

Исто така никаде не кажа на која длабочина ќе оди таа подземна сообраќајница , иако за таа што треба Лимак да ја гради кажа дека ќе биде 6м под земја.

И ништо за продолжување на Илинденска, или ја добро не видов.