Скопски сообраќај (општо)

Originally posted by phenomenon Има и полошо Дака Лагос Kaрачи

Жемска градовиве што си ги навел се по 10-20 милиони.

Се разбира дека има и полошо, но со нив ли дојде да се споредуваме. Скопјепосле земјотресот беше проектиран да биде модерен широк град, а ови тогаш не знаеја што се коли и асфалт.

Нема шанси да дозволам булевар да ми поминува под зграда!

10 септември 2014 - 15:33
Градските власти и сопственикот на зградата "Макотекс" низ која треба да помине проширувањето на булеварот "Даме Груев" се уште немаат договор за спорниот дел. Наместо да се руши дел од зградата се разгледува и опција булеварот да поминува под неа, но оваа решение сепак не е прифатливо за сопственикот на зградата


Наместо рушење на зградата "Макотекс" каде што на половина од објектот треба да поминува проширувањето на булеварот "Даме Груев" градските власти бараат решение да се направи премостување на зградата и да се вози под неа. Зградата треба да е шест метри над булеварот.

Оваа е една од опциите што Институтот за земјотресно инженерство (ИЗИИС) ја има понудено до градот по негово барање да се произнесат за стабилноста на зградата. Сепак, ова решение, како што ни кажа сопственикот на зградата, не е прифатливо, бидејќи како што вели, кој сака да седи во зграда под која поминува булевар. Бидејќи договор меѓу градските власти и приватниот сопственик се уште нема, целиот проект засега е на стенд бај.

Со пуштањето на новата катна гаража "Тодор Александров" спроти поранешно Беко оваа сообраќајница се очекува полека да стане пофреквентна и да го растеретува сообраќајот во центарот, особено на улицата "Димитрие Чуповски" кај Рекорд.

- Улицата "Димитри Чуповски" е сообраќајно оптеретена и тоа на потегот од Порта Македонија па се до булевар "Климент Охридски", а особено кај ТЦ "Палома Бјанка". Булеварот Даме Груев како потреба е осознаен и предвиден од поодамна и за таа цел е направен сообраќаен проект, а почнува да се прави и основен градежен проект. Проблем претставува зградата на поранешен „Макотекст" која зафаќа половина од булеварот. Исто така ангажиран е ИЗИИС да направи испитување на стабилноста на приземјето и катот, во висина од 6 метри, да поминува тука сообраќајница, а над него да остане зградата, информираше градоначалникот Коце Трајановски на една од седниците на Град Скопје.



Со изградбата на овој булевар тој ќе биде бај-пас и ул. "Димитрие Чуповски" ќе може да се пренамени во пешачка зона.

- Проблемот е и што тука има многу улички од кои треба да се влегува и излегува од тој булевар (излез од ТЦ „Плаза", во катната гаража, влез-излез од задната страна на зградата на Парламентот и сл.). Но, останува и покрај се овој булевар да биде направен, посочи тогаш градоначалникот.
Сопственикот на зградата Мите Јовановски, вели дека не се согласува со оваа решение.

- Не се согласувам под зградата да ми поминува булевар, кој сака да седи во таква зграда. Нека ми изградат зграда со иста квадратура, нека направат ако треба само карабина, барам квадрат за квадрат, не сакам да сум оштетен. Цената на квадрат на оваа локација оди од 700 до 1500 евра, а тие ми нудат 90 евра, јас барам барем 300 евра да ми платат за метар квадратен, посочува Јовановски.




Од Институтот за земјотресно инженерство, велат дека тие доставиле три мислења како да се изведе решение за зградата на "Макотекс". Премостувањето над булеварот нешто како што е Стоковна куќа "Мост" е едното, а другите варијанти се да се скуси дел од зградата. (С.М.)

фото:Д.Митрески


http://vecer.mk/skopska/nema-shansi-da-dozvolam-bulevar-da-mi-pominuva-pod-zgrada

јас би му предложил од вториот кат да си направи продолжување преку улица и да се залепи до зградата преку улица,и фактички да се добие еден вид на урбан тунел(како под куќата на робевци во Охрид).Ем ќе се оформи булевар ,ем и тој ќе добие плус квадрати него тие што ќе ги изгуби.

материјали за звучна изолација,фала богу денес има на претек

Originally posted by kultuzin "премостување на зградата и да се вози под неа„ Може некој да ми помогне но мислам дека ПРЕмостување значи некој да оди ПРЕКУ додека в оовој случај би требало да се примени некој друг збор на пример ПОДмостување. СИгурно има и посоодветен израз но не ми паѓа сега на ум.

Добар си е изразот, зашто во случајов се мисли на премостување на зградата над булеварот. Значи, зградата ќе се наоѓа над булеварот. Вакви премостувања сум видел во многу земји. Некаде тоа се прави зашто зимскиот период трае долго, па луѓето одат од една до друга зграда без воопшто да излезат од затворен и загреан простор.

ДЕНЕСКА СЕ СЛАВИ ДЕНОТ НА ОПШТИНАТА
Со асфалтирањето на "Црногорска", Ѓорче го доби најубавото маало!

19 септември 2014 - 15:03
Овој дел од општината беше најзапуштен, личеше на буниште и собиралиште на смет, но со финална реализација и асфалтирање на улицата "Црногорска" и на нејзините краци овој простор целосно се оформи, заедно со реонското игралиште на овој потег и со кружниот тек кој е во изградба. Сега овој дел од населбата е најпрепознатлив и најубав, вели градоначалникот Митровски


Улицата "Црногорска" доби нов изглед. Во чест на празникот на општината Ѓорче Петров вчера официјално беше пуштена во употреба улицата "Црногорска" со нејзините краци 1, 2 и 3. Улицата доби нов асфалт, коловозот е со широчина од 5,5 метри, уредени се тротоарите и покриени со бекатон-плочки. Таа е во должина од 650 метри, од улицата "Радушка" до улицата "Лука Геров", а вкупната инвестиција е 4,6 милиони денари. Со свечено сечење на лента градоначалниците на Град Скопје и на општина Ѓорче Петров, Коце Трајановски и Сокол Митревски, ја пуштија во употреба улицата. Првиот човек на Градот истакна дека овој проект е ветен во предизборието, а ветувањето е исполнето.

- Во чест на празникот на општината Ѓорче Петров го пуштаме во употреба патот кој што е крак од улицата "Црногорска", крак 1, 2 и 3. Тоа е од улицата "Црногорска" до улицата "Лука Геров" во должина од 650 метри. Реализацијата на овој проект е наше предизборно ветување и на општината Ѓорче Петров. Вкупната инвестиција е 4,6 милиони денари, од кои 2,3 милиони денари инвестираше Градот, а 2,3 милиони денари општината. Реализацијата и организацијата е преку Општината и на задоволство на сите нас, а пред се, на задоволство на граѓаните коишто живеат и гравитираат на оваа улица, свечено ја пуштаме во употреба улицата и со тоа сакаме да покажеме дека Градот Скопје и Општина Ѓорче Петров имаат добра соработка и благодарение на таа соработка реализирани се бројни проекти - изјави Трајановски. Тој потенцираше дека и во иднина ќе ги поддржуваат проектите на Општината Ѓорче Петров.



Градоначалникот Митровски посочи дека овој дел на општината пред шест месеци личел на буниште и собиралиште на смет, а дека денес е најубавиот дел во општината.

- Овој дел од општината беше најзапуштен, личеше на буниште и собиралиште на смет, но со финална реализација и асфалтирање на улицата "Црногорска# и на нејзините краци овој простор целосно се оформи, заедно со реонското игралиште на овој потег и со кружниот тек кој е во изградба. Сега овој дел од населбата е најпрепознатлив и најубав - вели Митровски. Тој додаде дека улицата ја предаваат на граѓаните на еден значаен ден за сите жители на општината, а тоа е прославата на 69-годишнината од името на општината и 98 години од постоење на населено место Ѓорче Петров.

Градот Скопје во овој момент интензивно работи на изградбата на кружниот тек меѓу булеварот "Партизански одреди" и Ѓорче Петров, проект што ќе придонесе да се отвори широк сообраќаен коридор кон општината и кон излезот на Скопје, а ќе биде и од корист на граѓаните во овој дел од градот. (С.Тр.)

Агенда за прославата

По повод празникот, денеска од 10 до 11 часот Општина Ѓорче Петров ќе одржи свечена седница на Советот на општината во центарот за култура. Еве ги и останатите активности:
11.00-11.30 ч. Традиционален крос
11.30-12.30ч. Доделување признанија за кросот,
обраќање на градоначалникот,
положување цвеќе на споменикот на Ѓорче Петров
12.30-13.00ч. Посета на ликовната колонија
13.00-14.00ч. Ревија на коњичкиот клуб "Тристар"
11.00-14.00ч. Целодневна музичка програма

http://vecer.mk/skopska/so-asfaltiranjeto-na-crnogorska-gjorche-go-dobi-najubavoto-maalo

Originally posted by N23 Originally posted by gjoko Нема шанси да дозволам булевар да ми поминува под зграда! Пријателе а метро некад ако градиме? Не знаеш кој дава поише зелени, газдава или градот. Прво викаат да се растерети Рекорд, а после улицата ќе ја прават пешачка зона. Значи ајде сеа ќе ја заглавиме Даме Груев. Зошто? За да се гледа зградата на финансии, да те натераат да се паркираш у новата катна, а и да ги гледаш идните барокни фасади и згради. И се со цел вештачки да направат некој зафатен европски град од Скопје. Виделе дека низ пола Европа главните улици проаѓаат поред деловни згради, најчесто во стилот кој е најсоодветен за западот и истокот, па и нашиве да не останат покуси. Од таа желба за копирање на Виена, Париз, Берлин, Москва, Рим, ќе добиеме финансиска дупка, крах, а најбитно од се, девалвиран град.

најсмешно од се е што постојат луѓе кои веруваат во тоа дека некаква добивка е тоа да преместиш улица од едно на друго место во истиот простор

не се проширува булеварот, туку додаваат лента за една од раскрсниците... и според оваа вест, ова треба да оди во „грандиозни проекти“

Од кога требаше ова да се среди, дури сега им текна
Влез-излез на Скопје е ова секогаш треба да биде проодно.

Edited by jyvation - 01-Oct-2014 at 22:31

Коце Трајановски вечерва гостин во Јади Бурек еве овде може да поставите некое прашање ако сакате.

https://www.facebook.com/pages/Janko-Ilkovski/134731976531?fref=ts