Скопски сообраќај (општо)

 
 
Добри се, во декември објавуваат вест за нешто завршено уште кон крајот на октомври и почетокот на ноември.
 
Па можеби за Нова Година ќе се пофалат со вест за новите споменици кои ги поставија уште во септември или октомври.
 
Како се само во тек со настаните овие од град Скопје, но и од електронските и печатените медиуми, па можеби за наредните редовни локални избори, кои треба да се одржат во 2017 година, свечено ќе ги пуштаат во употреба овие проширени ленти.
 
А гледам ги раскопале пешачките патеки од страната на булевар Александар Македонски кај студентскиот дом Стив Наумов, па можеби и тоа ќе им биде ударна вест на денот за Нова Година.


Edited by Dexter26 - 01-Dec-2014 at 15:42

Originally posted by kultuzin Ако го слушавте Коце во гостувањето кај Јанко. Дефинитивно покрај трговскиот центар каде што сега се кафичите ќе се користи улицата за потребите на Телеком.

стварно? фала му на коце што не извести

Originally posted by alexsend Само што изгуби 10.000 гласа во Скопје (морам вака зошто само таква споредба им е битна)

На секои 10.000 изгубени гласови, купува 20.000 од северните делови на Скопје. Не се секирајте, уште еден мандат ќе го осакатува Скопје.

Originally posted by kultuzin Пред да почнете со лицитација на гласови не е лошо да се дознае кој ја продаде парцелата на Телеком и под кои услови?

точно, работата со кејот е уште одамна запечатена, уште пред да започне и Ск2014 дури... само што на јавноста и се ветуваше подземна сервисна уличка, а добивме нешто друго, поради матни зделки во четири очи, кои да сакаме, нема кој да ги извади на виделина
можеше барем некој (или Телеком, или општината, како сакате) да надокнади со тоа што би го санирал целиот кеј, кој се упропасти со камиони и градежна машинерија, што од објектот на телеком, што од мостовите што ги правеа и кога се заврши објектот

вака, со здравје да си ги користиме културните мостови со културните споменици пред кои ќе врват возила, како од времето уште Тито кога бил жив и кога таму имало и коловоз, нели комуњарското и уништено Скопје...

Се согласувам дека грешките од минатото несмеат да го амнестират Коце да бара друго решение. Јанко Јади Бурек многу добро му кажа онака како лаик дека можеби има можност влез да се пробие одкај гаражата на градскиот трговски центар. Незнам дали е ова можно од статички аспект но секако вреди да се испита и таа можност. Ако не мора да се бара некое друго чајре. На крај на краевите како последно е некој површински коп со кој влезот кон гаражата ќе се реализира под земна. А под земна треба да биде влезот во ГТЦ а целиот тој простор пред собрание заедно со Димитрија Чуповски да биде шеталиште.

Воопшто не сум задоволен од уништувањето на кејот на Вардар за да се движат возила по истиот, но многу повеќе сум незадоволен од тие летни тераси, кои во пракса се целогодишни тераси, а не само преку летото.
 
Лично повеќе би избрал возила повторно да поминуваат и низ улица Македонија и низ Камени Мост, отколку овие кафанџииве да остваруваат профити од тие таканаречени летни тераси.
 
Не ги поддржувам ниту Коце Трајановски, ниту над 90% од сите негови проекти и политики како градоначалник на град Скопје, и иако не го прифаќам уништувањето на кејот на Вардар за да поминуваат возила низ истиот, сепак отстранувањето на тие таканаречени летни тераси спаѓа во тие помалку од 10% од сите проекти и политики како градоначалник на град Скопје кои Коце Трајановски ги спроведува, а кои ги поддржувам.
 
И да, знам дека целиот овој идиотизам започна со Кафе Тренд и Коце Трајановски и неговата политичка партија беа на власт, и да, знам дека постојан сообраќај на возила покрај кејот на Вардар само дополнително ќе придонесе за загадување и уништување на околината, но сепак го прифаќам отстранувањето на тие идиотизми наречени летни тераси.


Edited by Dexter26 - 02-Dec-2014 at 19:25

Originally posted by Dexter26 Воопшто не сум задоволен од уништувањето на кејот на Вардар за да се движат возила по истиот, но многу повеќе сум незадоволен од тие летни тераси, кои во пракса се целогодишни тераси, а не само преку летото.  Лично повеќе би избрал возила повторно да поминуваат и низ улица Македонија и низ Камени Мост, отколку овие кафанџииве да остваруваат профити од тие таканаречени летни тераси.  Не ги поддржувам ниту Коце Трајановски, ниту над 90% од сите негови проекти и политики како градоначалник на град Скопје, и иако не го прифаќам уништувањето на кејот на Вардар за да поминуваат возила низ истиот, сепак отстранувањето на тие таканаречени летни тераси спаѓа во тие помалку од 10% од сите проекти и политики како градоначалник на град Скопје кои Коце Трајановски ги спроведува, а кои ги поддржувам.  И да, знам дека целиот овој идиотизам започна со Кафе Тренд и Коце Трајановски и неговата политичка партија беа на власт, и да, знам дека постојан сообраќај на возила покрај кејот на Вардар само дополнително ќе придонесе за загадување и уништување на околината, но сепак го прифаќам отстранувањето на тие идиотизми наречени летни тераси.

летните тераси според мене, ако некаде се прифатливи, тоа е тука, ако нема такво нешто, многу ќе биде пуста улицата, некако без живот... добро е да ги има, а тоа колку треба да се големи, се разбира дека треба да е изрегулирано, и верувам дека површината треба да им биде смалена барем за половина
дури и со терасите, има доволно простор и за широка пешачка патека, и за велосипедска патека

во зима не треба да има најлони насекаде, во зимно време би дозволил да се користат само терасите кои се наоѓаат пред влезовите, а целиот мебел да биде отстранет од улицата, а не како што е сега, како некој магацин да е

2015 година: најважните проекти во главниот град

Буџетот на Град Скопје за 2015 година е проектиран на 6 милијарди денари, од кои 4 милијарди денари е основен буџет. Ова е развоен буџет, во кој се многу градежни работи- инфраструктурни, истакна градскиот татко Коце Трајановски за Дневник на Сител телевизија. Ова се најважните проекти:

Во Oпштина Аеродром ќе продолжи реконструкцијата и проширувањето на Трета Македонска бригада (втора фаза), ќе биде извршена реконструкција на дел од бул. Јане Сандански, а ќе започне и фазната реконструкција и проширување на бул. АСНОМ на потег од последната автобуска станица број 5 кон населба Лисиче. На територијата на Општина Аеродром ќе биде изграден и колектор долж бул. Видое Смилевски Бато.

Во Општина Центар ќе продолжи проектот за реконструкција и проширување на ул.Јордан Мијалков (поранешна Железничка), како и изградбата на катната гаража на улица Даме Груев. Оваа година ќе започне и реконструкцијата на дел од улицата Тодор Александров (поранешна Салвадоре Аљенде).

Во Општина Ѓорче Петров ќе продолжи реализацијата на проектот за продолжувањето на бул.Партизански одреди до црквата Св.Петар и Павле, а ќе продолжат и активностите за расчистување на имотно правните односи за проширување на улица Борис Сарафов (Поранешна 4-ти Јули).

Во Општина Кисела Вода ќе започне третата фаза од проектот за проширување и реконструкција на ул. Борис Трајковски, а ќе започне и реконструкцијата на дел од улицата Павел Шатев.

Во Општина Шуто Оризари ќе се реши деценискиот проблем со изградба на водовод во Шуто Оризари.

Во Општина Чаир ќе започне реконструкцијата и проширувањето на бул. Никола Карев (т.н. Пластичарска улица), ќе започне фазната реконструкција и проширување на дел од бул. Цветан Димов, како и реконструкцијата на улицата Ќемал Сејфула.

Во Општина Сарај ќе започне фазната реализација на проектот за реконструкција и проширување на улица Сарај.

Во Општина Гази Баба ќе се реализаира проектот за реконструкција на дел од 16-та Македонска бригада и изградба на кружен тек, како и проектот за реконструкција и проширување на улицата Маџари со изградба на нов атмосферски колектор со што ќе се реши проблемот со поплавите на овој дел од Ченто. Дополнително, ќе се работи на изградба на фекална канализација на патот од с.Трубарево до Идризово, како и изградба на фекална канализација во Црешево, Смиљковци, Виниче и Љуботен.

Во Општина Карпош ќе заврши третата фаза од проектот за проширување и реконструкција на бул. Митрополит Теодосиј Гологанов, ќе продолжи реконструкцијата на раскрсницата помеѓу бул. 8-ми Септември и ул.Скупи, како и изградбата на паркот Македонија - 2 дел, а ќе започне и изградбата на фекална канализација на потег од улица Московска до Партизански одреди.

Во Oпштина Бутел ќе биде извршена реконструкција на ул. Александар Урдаревски, ќе се интервенира на атмосферската канализација на подвозникот до кружниот тек Боца Иванова, а ќе продолжат и работите за изготвување на проектната документација и расчистувањето на имотно правните односи за проектот за пробивање на булеварот Христијан Тодоровски Карпош до заобиколницата.

Edited by jyvation - 04-Dec-2014 at 19:07

Со 800 илјади евра ќе се подобрува инфраструктурата во Карпош

Министерот за финансии, Зоран Ставревски и градоначалникот на општина Карпош, Стевчо Јакимовски потпишаа договор вреден 48 милиони денари со кој ќе бидат изработени значајни проекти во општина Карпош, во делот на атмосферската канализација и реконструкција на улици.

Со добиените пари ќе се изгради атмосферска канализација на улиците „Анкарска", „Влае", „Багдадска", Алжирска", „Борка Талевски", „Франц Прешерн" и краците на улиците „Франц Прешерн" и „Корушка". Ќе се изградат и нови тротоари на улиците „Прашка" и „Струшка" и ќе бидат променети асфалтните слоеви на овие улици кои се изградени во 80-тите години.

повеќе на: http://vecer.mk/skopska/so-800-iljadi-evra-kje-se-podobruva-infrastrukturata-vo-karposh

значи е откриена точката на топење на егзотичниот минерал `стефченит`