Виничка Тврдина (Кале) - Виница

Ќе се уредува археолошкиот локалитет Виничко кале

Со средствата од договорот за користење финансиски средства од ИПА програмата во висина од 116.320 евра кој општина Виница официјално го потпиша планирано е асфалтирање на пристапниот пат до Виничкото кале во должина од 800 метри, како и партерно уредување и осветлување на Калето.

Овие средства Општина Виница ги доби врз основа на проект за меѓугранична соработка со Општина Банско од Република Бугарија. Носител на проектот е Општина Банско, додека Општина Виница е нејзин партнер.

Со одобрените финансиски средства Виничкото кале со познатите Теракотни икони стана познат и признат археолошки локалитет во светски рамки и се почесто е посетен од домашни и странски туристи. Асфалтирањето на патот и уредувањето на Калето ќе овозможи реализација на повеќе содржини за презентација на вредностите на овој археолошки локалитет во Источна Македонија.

Понеделник, 27 Јуни 2011 15:34

http://kurir.mk/republika/opstini/34386-Ke-se-ureduva-arheoloskiot-lokalitet-Vinicko-kale

Започна реализацијата на еден од најзначајните проекти на општина Виница во долгорочно менаџирање со културното наследство. Со средства од втората компонента на ИПА фондовите деновиве започнаа градежните активности за уредување на Виничко Кале.

 Со потпишувањето на договорот со фирмата “Бау Инвест“ како најповолен понудувач на тендерот од меѓуграничниот проект со општина Банско, Република Бугарија, во тек се земјените работи за изградба на пристапен пат во должина од 300 метри со паркинг простор, уредување на локалитетот со помошни објекти и пристапни патеки, како и осветлување на бедемите. Покрај инфраструктурен дел, со средствата од проектот се планирани и обуки за менаџирање со археолошкиот локалитет. Аплицирањето за овој проект, чии носител е општина Банско и е со вкупна вредност од 303.409 евра, започна 2009 година, а практичната реализација и во двете општини започнува деновиве. Од вкупниот буџет,125 000 евра се средства кои ги добива општина Виница. Реализацијата на овој заеднички проект беше повод за прва официјална посета на градоначалникот на општина Банско (Република Бугарија), Ѓеорѓи Икономов. Икономов оствари средба со градоначалникот Емил Дончев, го разгледа Виничко Кале, а во Музејот “Теракота“ се информираше околу значењето на археолошкиот локалитет. “Со средствата од проектот и општина Банско ќе уредува локалитет со велосипедски и пешачки патеки“, истакна Икономов. Двајцата градоначалници разговараа и околу тековните развојни правци на општина Виница и стопанските предизвици кои резултираа со посета на неколку фирми во градот.




http://www.opstinavinica.gov.mk/index.php?option=com_content&view=article&id=257%3A2012-06-08-13-05-27&catid=2%3Atop&lang=mk