Туш маркети

Словенечки Енгро Туш во Прилеп постави камен-темелник на голем хипермаркет од 1.200 квадратни метри. Ова е трета инвестиција на Енгро Туш во Македонија, по изградбата на супермаркетите во Штип и Куманово. Инвестицијата од над 2,5 милиони евра ќе обезбеди вработување за четириесетина лица. Министерот за транспорт и врски, Миле Јанакиески нагласи дека македонската влада дава целосна поддршка за изградба на хипермаркетите на Туш.
- Тие значат зголемена конкуренција, повеќе вработувања и ангажман на градежниците од земјава. Важно е што Македонија нуди поволна бизнис клима за инвеститорите и заслужено, според последниот извештај на Светска банка е осум места погоре, односно се искачи на 71-то место, и е меѓу првите 20 земји - реформатори до јуни годинава- рече Јанакиески.

Генералениот директор на Туш холдинг, Александар Светелшек истакна дека високите стандарди на работење ќе се следат и во Прилеп за да се обезбеди врвна услуга на производи по поволни цени, сигурни вработувања и долгорочни партнерски односи со добавувачите.
За прилепската локална самоуправа оваа инвестиција е чекор напред во придобивање на нови странски инвеститори. Комплексот на Енгро Туш ќе понуди и простор за изнајмување и придружни објекти, а се очекува да биде завршен до јуни наредната година.