Плоштад Скендербег

А сега замислете колку се проневерило во целиот проект Сопје 2014...

„УРБАН СТИЛ ИНЖЕНЕРИНГ“ ЌЕ ГО ПРОЕКТИРА СКЕНДЕР-БЕГ

Фирмата „Урбан стил инженеринг“ од Скопје ќе го работи основниот изведбен проект за втората и третата фаза од изградбата на плоштадот Скендер-бег кај трговскиот центар „Мавровка“. Општина Чаир го потпишала договорот вреден околу 27 милиони денари, односно 436 илјади евра.

Според договорот, фирмата е должна да го изработи проектот во рок од пет месеци.

- Основниот проект за втората фаза треба да ни биде предаден за два месеца, по што ќе се распише тендер за изведувач. Очекувам, работите на втората фаза да почнат кон крајот на август или на почетокот на септември, а да се завршат во февруари наредната година - изјави Џенгис Хани, раководител на Секторот за урбанизам во Општина Чаир.

За втората и за третата фаза ќе се распишуваат одделни тендери за избор на изведувачи бидејќи се работи за голем зафат, кој целосно ќе го блокира сообраќајот.

Втората фаза ќе се состои од изградба на мост врз булеварот Гоце Делчев. Имено, целиот булевар ќе биде во тунел, бидејќи плочникот ќе почнува од крајот на Старата чаршија, а ќе завршува кај платото на новата Филхармонија и зградата на МОБ. Пешачкото плато ќе биде подигнато на 4,5 метри над булеварот, за да можат под него да минуваат камиони и автобуси. Во третата фаза од изградбата на плоштадот ќе се гради подземен паркинг пред стоковната куќа „Илинден“, кој ќе биде на повеќе нивоа.

За втората фаза се обезбедени 150 милиони денари односно 2,4 милиони евра од Владата, а за пари за третата допрва ќе се размислува.

Првата фаза од плоштадот е завршена лани во март кога беше преуреден просторот помеѓу булеварот Гоце Делчев и улиците Kазанџиска и Бит-пазарска. Оваа фаза опфати покривање на постојните дуќани со масивни плочи за движење на граѓаните и изградба на амфитеатар. Станува збор за површина од 3.000 квадратни метри, а изградбата чинеше 2,5 милиона евра. Плоштадот почна да се гради на 24 декември 2011 година.

http://dnevnik.mk/?ItemID=3F8DF36DBCBD12438F964C2E670CE08E

Се испитува почвата дали ќе го додржи плоштадот "Скендер-бег"

Од октомври се планира да започнат градежните работи за покривање на булеварот "Гоце Делчев" до зградата на Македонската опера и балет. Во моментов екипи на терен работат на испитување на носивоста на почвата, а наскоро ќе се распише и оглас за избор на фирма. За една година ќе заврши оваа втора фаза, а овој потег дотогаш ќе биде затворен за сообраќај.
Се испитува носивоста на почвата на булеварот "Гоце Делчев" кај стоковната куќа Мост" за темелите на плоштадот "Скендер-бег". Оваа активност е дел од втората фаза на плоштадот "Скендер-бег", која треба да вклучи покривање на булеварот "Гоце Делчев". Според работниците коишто вчера копаа на тротоарот на булеварот, досега се направени три бушотини од едната страна, а во наредните денови ќе се направат уште три од другата страна на булеварот за да се утврди носивоста на почвата за темелите на плоштадот. Од Секторот за урбанизам на Општина Чаир информираа дека основниот проект за втората фаза од плоштадот е направен и наскоро ќе биде објавен оглас за избор на градежна фирма која ќе го изведе проектот. Сите согласности, велат оттаму, се добиени и се очекува да им се издаде и одобрението за градба. Градежните активности на терен Општината е во план да ги започне од октомври.
- Плоштадот над булеварот ќе ја има потребната висина за слободно да поминуваат автобуси и камиони. Одозгора на плоштадот, кој е дел од втората фаза на овој проект, ќе има фонтана, урбана опрема, настрешници, инсталации и клупи - вели раководителот на Секторот за урбанизам во Општина Чаир, Џингис Хана.

Од Општината најавија дека деновиве ќе го објават изгледот на втората фаза од плоштадот, кој треба да биде пешачка зона. Според планот, во втората фаза плоштадот "Скендер-бег" предвидува покривање на булеварот и тоа до зградата на Македонската опера и балет. Оваа етапа од проектот, која е најголем зафат од целокупните активности, се очекува да заврши за една година. Додека трае покривањето на булеварот на потегот од улицата "Филип Втори" до стоковната куќа Мост" ќе биде пренасочен и сообраќајот. Овој дел од булеварот е еден од најфреквентните, бидејќи најголем дел од автобусите кои сообраќаат кон булеварот Партизански одреди" поминуваат по него.

Првата фаза од проектот беше завршена со покривање на дуќаните во Старата чаршија. Третата и последна фаза, пак, од проектот предвидува изградба на подземен паркинг на две нивоа на местото на постојниот паркинг, каде што сега е споменикот на "Скендер-бег". Со последната фаза, како што велат од Општина Чаир, ќе се реши и проблемот со паркирањето во Старата скопска чаршија.

http://www.vecer.mk/?ItemID=E9CB6591F27D3F4CB17BB9D8687D2A44

Originally posted by Djole88 значи ќе трпиме една година ненормални гужви, зошто оваа собраќајница ако се затвори тоа значи цел сообраќај од СК низ Рекорд ќе проаѓа.

и сето тоа затоа што на некој така му текнало некој ден пред спиење, да прави плоштад на таа локација...

ВО ПОДГОТОВKА ВТОРАТА ФАЗА ОД ИЗГРАДБАТА НА ПЛОШТАД СKЕНДЕР-БЕГ

НАЕСЕН ЌЕ ПОЧНЕ ПОКРИВАЊЕТО НА БУЛЕВАР ГОЦЕ ДЕЛЧЕВ



Наесен ќе биде позната компанијата што ќе ја изведува втората фаза од изградбата на плоштадот Скендер-бег. Основниот проект за оваа етапа е веќе завршен, а повикот за изведувач се очекува да биде распишан неделава. Во оваа фаза ќе се гради плато со кое ќе се премости булеварот „Гоце Делчев“. Тоа ќе биде пешачка врска меѓу Старата чаршија и објектот на Македонската опера и балет, а булеварот ќе биде покриен. Рокот за изградба е една година.

Во првата фаза беше изведено плато над дуќаните во чаршијата, а во третата фаза, која допрва ќе се проектира, предвидена е реализација на подземен паркинг на две нивоа, за решавање на проблемот со паркирањето во чаршија.

Пред изведба на плоштадот, беа направени и испитувања на почвата, поточно на нејзината издржливост за темелите на плоштадот. За време на градежните работи од втората фаза, сообраќајот ќе биде пренасочен по улицата Филип Втори, која поминува покрај МОБ и Градска болница.

Kако што најавија надлежните, самото плато ќе ја има потребната висина за под него да може да поминуваат автобуси и товарни возила. Вкупната површина на плоштадот Скендер-бег е 28.674 квадратни метри. Планирана е фонтана, уредување на просторот со урбана опрема, клупи и амфитеатар пред Даут-пашиниот амам. Дел од плоштадот ќе биде хортикултурно среден, а преостанатиот ќе се поплочува.

Идејното решение за изградба на плоштадот Скендер-бег го изработи бирото „Архинг груп“.

http://www.dnevnik.mk/?ItemID=08FC7E15DAE487458F16B8F1BB01CCEC

Не ми се допаѓа. Не можам да ја сфатам смислата на плоштадот и потребата за „премостување“. Hideous.

Edited by Danndy - 01-Aug-2014 at 10:34

Што е ова со скалите секој метар скала. Толкав простор буквало угушен со милион скали. Мислам дека ова си нема врска со првичната презентација на проектот а како што гледам ниту не е продолжен кон МОБ. Ќе ги чекаме другите фази да видиме но ова до сега е апсолутно нефукционално а и естетиката е под знак прашање.

Originally posted by phenomenon Зошто некој воопшто би се искачувал по овие скали за да иде на плоштадот? Што ќе види и што ќе прави горе?

Плочки, плочки, повеќе плочки и плочки. А да, и тие тендите во форма на печурки.

На бетонски High Line NYC ме подсеќа.

И уште потребата од плоштад до други 2 плоштади не ми е јасна.

Јас се плашам дека плоштадот со својата масивност целосно ќе ја засени чаршијата. Вака барем еден дел од неа може да се види кога си на спротивната страна, но ако го изградат како што намериле, и тој дел нема да се гледа.

Веќе си замислувам едно педесетина скулптури по рабовите на плоштадов...