Инфраструктура (општо)

Ќе се гради мост на Мала Рада во село Драчево

Општината Кисела Вода најави изградба на мост на реката Мала Рада во селото Драчево. Со оваа инвестиција, велат од Општината, ќе овозможи сообраќајна комуникација на селото со населбата Драчево. Досега, како што информираат надлежните, немала коловозна поврзаност меѓу нив, што многу го отежнувало секојдневието на жителите од овој дел.

Велат дека мостот ќе биде во продолжение на улицата Ратко Митровиќ. Според проектот што го изработи Општината, тој ќе биде со должина од 24 метри и ширина од околу 10 метри. Финансирањето на мостот е од буџетот на Кисела Вода за 2011 година и ќе чини 10 милиони денари.

Веќе е распишан јавен оглас за избор на најповолен изведувач на работите.

http://www.time.mk/read/NONE/40593d6f76/index.html

ОСВРТ: Капиталните проекти ни ги градат странски институции Автопати, железница, енергетски објекти се дел од капиталните инвестициски зафати од национално значење кои ни ги градат странски институции од кои прибираме донации и кредити. И малите деца во Македонија ги научија финансиските институции, како што се Европската банка за обнова и развој, Европската инвестициска банка, Светската банка и други. Голем дел од нив ни ги финансираат клучните проекти, додека самите од буџетски средства вложуваме малку во изградба на инфраструктурни објекти битни за целата држава. Проектот „Вардарска долина“ е последниот од низата зафати кои ќе ги градиме со средства однадвор. Во 1,5 милијарди евра вредната инвестиција Македонија ќе учествува со 15% од финансиските средства, додека најголемиот товар за иградба на проектот ќе падне врз Кинеската банка за развој и Кинеската корпорација за управување со води и електрична енергија. Речиси во исто време, Македонија очекува „надворешна инјекција“ за конечното завршување на делницата Демир Капија – Смоквица на автопатот во рамките на Коридорот 10. Европската комисија ќе го финансира овој проект со 45 милиони евра, Европската инвестициска банка (ЕИБ) обезбеди заем од 130 милиони евра, а се очекува и кредит од 107 милиони евра од страна на Европската банка за обнова и развој (ЕБОР). Како делумен партнер во поделба на финансиската конструкција заедно со Светската банка (СБ), Македонија влезе со буџетски средства во проектот за изградба на делницата од автопатот помеѓу Табановце и Куманово, вреден 720 милиони денари. Истовремено, имињата на странските финансиски институции ќе бидат испишани и на таблите покрај регионалните и локалните патишта во земјава, бидејќи дел од нив се изградени со финансиска помош од СБ преку Фондот за изградба на локални и регионални патишта. Од државниот буџет нема да се слеат финансиски средства ниту во реконструкција на дотраената железничка пруга од Коридорот 10. Во октомври 2010 година потпишавме договор за кредит вреден 17,6 милиони евра со ЕБОР за реновирање на 53 километри од пругата долж Коридорот 10. Како во сегашноста, така и во изминатите 20 години од независноста, речиси сите клучни инфраструктурни зафати се финансирани од меѓународни институции. Завршената обиколница околу Скопје е една таква инвестиција. Финансиските средства во вредност од 150 милиони евра се обезбедија во форма на кредити од странските ЕБОР и ЕИБ. И изградбата на автопатот Скопје – Тетово ја финансираше ЕИБ и СБ. Во 1997 година ни беа одобрени 23 милиони евра за првата делница, додека во јули 1998 година добивме 12 милиони евра за завршување на втората делница од автопатот помеѓу Скопје и Тетово. Паралелно со финансиските средства од меѓународните институции, Македонија повлекува кредити и донации од странските влади. Една од најголемите такви вложувања е изградбата на хидросистемот Злетовица финансиран во најголем дел преку обезбедените 80 милиони долари од јапонската влада. Вложувањата на странски субјекти по пат на донации и кредити се добредојдени за развојот на инфраструктурата во Македонија. Навистина, државниот буџет не може да ги издржи стотиците милиони евра потребни за завршување на бројните капитални зафати. Но сепак, зголемувањето на државниот буџет од година во година треба да биде „иницијална каписла“ за зголемување и на процентот на капитални инвестиции предвидени во истиот, за сметка на непродуктивните трошоци, како што е зголемувањето на администрацијата и ставката на услуги. Во прилог на тоа, капиталните зафати финансирани однадвор најчесто се во форма на кредити, кои преку поголема или помала камата, ќе треба да се вратат во иднина од државниот буџет. За разлика од нив, директните средства од буџетот можат да се искористат веднаш и без никакви негативни ефекти од каматите при изградбата на проекти од национално значење. Бојан Блажевски

http://www.build.mk/?p=7258

Кај нас е, делницата Илинден-Расапница. http://www.build.mk/forum/forum_posts.asp?TID=476&PN=4

2-тата фотографија.

Бојан да се осврнам малку на текстот. Незнам зашто таков однос имаш кон кредитот. Тоа не е ништо ненормлано, нема држава што прво собира пари па гради, така само се внесува некоја загушливост во ликвидноста на целото стопанство. Кој не би искористил шанса да за некој едноцифрен процент камата добие некој проект години порано. Од друга страна цел свет така работи, со исклучок на големите држави, барем кај нашиов регион. Тие коридори во Македонија многу поголемо значење имаат за европа одколку само за Македонија, затоа и такво е финансирањето. Некогаш можеби Југославија била друга категорија на држава институциите на Европа биле други и така функционирал светот, денеска е друг модел така да легитимна е дебатата кај се парите домашни за некои проекти, но некои работи воопшто не би ги дискутирал со критички тон, напротив, тоа е.

Веројатно затоа што приближно 70% од буџетон ни го лапат буџетарите, па така оние 30% што ќе останат за што попрво да одат. Ни во сон со тие пари не би можеле да почнат некој поголем инфраструктурен проект па така парите одат на ситни проектчиња по некое локално патче и слично.Освен тоа тука имаш здравство, па земјоделие и разни други трошоци. Единстено што останува е големите инфраструктурни проекти да се решават со задолжување. И тоа не е воопшто страшно со оглед на тоа дека и не сме многу задолжена земја со споредба со останатите во соседството.
Но секако на крај ќе се сложам дека сепак МОРА повеќе енергија и средства да се вложуват во инфраструктурата и енергијата како основа за понатамошен развој на економијата.

Originally posted by Cloverstack Завршија тие времиња. Македонија и официјално го надмина прагот на задолженост од 60% од БДП, со што влезе во групата високозадолжени земји: http://www.vesti.alfa.mk/default.aspx?mId=37&eventId=37116Така да во иднина ќе мораме многу подомаќински и со кредитите и со буџетот.

Долгот на државата е 1,4 милијарди, а останатото во оваа анализа на алфа се однесува на приватен долг на индивидуи, банки и фирми во Македонија (приватен сектор и инвестиции).

Со други зборови Македонија е многу ниско задолжена држава, некаде под 25%.

За споредба, кога изби кризата во Ирска, приватниот сектор должеше некои си 600% од БДП, а државата Ирска е задолжена некаде околу 95% од БДП.

Edited by krale - 19-May-2011 at 23:04

Originally posted by гитардемон А кај слушна дека целата сума од 4,25 билиони се однесува и на приватни индивидуи и фирми, а не само на државниот сектор? Во анализата на Алфа? Туку од кај ти е податокот дека долгот е 1,4 милијарди, да не се смеша со буџетот?

Не сум помешал. Податокот е изнесуван јавно повеќе пати, дури и на алфа... фигурира и во циа фактбукот, а и во теодора, што превзема од циа и други извори: http://www.theodora.com/wfbcurrent/macedonia/macedonia_economy.html

Алфа



п.с. Билиони во македонскиот јазик се 10на3та милијарди, и не може како ќе ни текне да ги вметнуваме таму кајшто на МК треба да стои милијарди. Извини, ама веќе смачено ми е да гледам и медиумиве како грешат.

Edited by krale - 19-May-2011 at 23:59

Македонија де факто е сеуште ниско задолжена земја. Особено ако го земеме фактот дека претходната влада успеа најголем дел од долгот на Македонија да го врати. И овие прво враќаа, па тек после извесен период почнаа да се задолжуваат.
Факт е дека секоја земја мора да се задолжува, видете ги само Србија, Хрватска и Словенија колку се задолжени. Жално е што кај нас се задолжуваме за непрофитабилни проекти. Единствено реконструкцијата на градски колку толку може да се каже дека е профитабилна. Во разговор со еден професор, го прашав дали е добар хрватскиот модел и на мое изненадување ми рече дека е сосема ок да се задолжи земјата ако гради автопатишта кои ќе донесат свежи пари од граѓаните и од туристите но и потенцијал за нови инвеститори. Така да дај боже да се задолжиме за уште 300 милиони, но само ако се гради инфраструктура. Ирците тој просперитет го доживеаа преку средување на земјата и носење на инвеститори. Проблемот со земјите што банкротираат е што не знаат за граници, како Грците, каде не се знае кој пие кој плаќа. А ако се задолжиш, разумно трошиш и не му даваш премногу бенефиции на народот, ондак можеш добро да функционираш и под долгови.
А и она што малце ме изнервира од вестите на алфа е дека не можат они заедно и јавен и приватен долг. Си се знае ако државата е многу задолжена ќе се види колкав е јавниот долг, па дури после тоа се заедно.

И јас мислам дека не е штетно во оваа фаза државата да се задолжува, но исклучиво за инфраструктурни и развојни проекти. Никако за купување социјален мир, градење музеи и културни институции, споменици, спортски објекти. Не дека сум против нив, но сепак тие премалку или воопшто не придонесуваат кон идниот економски развој, па затоа можат и да се финансираат од тековниот буџет.

Edited by UrbanFreak - 20-May-2011 at 09:44

Добро, крале веројатноп нема сега и обејктивен факт како бројки да го преправиш.

Македонија има задолженост пола од таа алфа што ја прикажува. Ќе си најдат некоја погодна бројка и ќе и дадат друг наслов за медиумски потреби. Кловер незнам дали го прочита мојот пост убаво пишува дека државата не е дете со касичка, односно нема држава што прво собира пари па после наеднаш ги пушта. Тековен процес е тоа на негативна нула се оддржува преку дефицитот во буџетот кој што има разни начини на финансирање. А инаку Македонија имаше едно раздолжување пред неколку години кога комплетно се раздолживме и кон Парискиот клуб кој беше од сукцесијата на Југославија, и други долгови, па потоа се задолжи со нови. Македонија е ниско задолжена земја со тенденција да стане среднозадолжена, но растот на бдп за истата сума задолженост ќе ја смести во нискозадолжена како процент кога се мери, така да тука се оддржува некаде границата.