Подземна улица (К.Ј.Питу - Илинденска)

Колку многу-малку пари. Лично сметам дека поарно ќе беше да ги откупат објектите кој им сметаат на нивните планови за преуредување на центарот на Скопје. Па дури посодветно ќе беше да им ги откупат становите пред се во во блоковите на Градски зид па нека ги пренаменат во канцеларии, имаат подземни гаражи кој со малку имагинација можеа да ги спојат и да прават подземни улици (некаков фетиш). Имаат подземни скривници за партиски штабови. Поефтино ќе беше, а и ќе останеше некое дрво. Целиот проект подземна сообраќајница е смешен, за неинформираните за кој 1993 е далечно минато, си имаше улица покрај Кејот 13 ноември, со мали интервенци можеа пак да ја оспособат за сообраќај. За многу помалку пари, нормално  доколку им е тоа намерата. Вака тоа е само уште еден Бел Слон.

Важно ќе имаме панорамски тркало.

Добро е што куртуливме од овој фаличен проект.

Сигурно никогаш не беше сериозно земена во предвид изградбата на оваа подземна сообраќајница, а најверојатно воопшто не ни била планирана.
 
Но важно е тоа дека плоштад Македонија се збогати со нова Дарт Вејдер административна зграда на истата локација на која порано се наоѓала зградата на Народната Банка.
 
Услов за изградба на зградата беше претходно да се изгради оваа подземна сообраќајница, но кој се сеќава и на кого му е гајле, сега кога глупоста веќе е преточена во реалност ?

Замислете што ќе се случеше ако ја изградеа оваа улица со фушерски одвод за атмосферски води? После невреме како она од вчера, сигурно ќе имаше десетици, ако не и стотици удавени.

ПОДЗЕМНАТА СООБРАЌАЈНИЦА „ПРОПАДНА“ ВО ЗЕМЈА

Ниту во предложениот буџет за наредната година нема предвидено средства за изградба на тунелот од Влада до Комплекс банки

Елена Вељановска

Градот очигледно нема намера набрзо да ја гради подземната сообраќајница од Владата до Комплекс банки. Во предлог-буџетот за 2015 година, кој сега треба да се разгледува на седница на градскиот совет, овој проект воопшто не е ставен.

„Десетици милиони евра се трошат на изградба на панорамски тркала, фасади, споменици и за изградба на новата барокна зграда на ЈП ’Водовод и канализација‘, а се нема пари за подземната сообраќајница. Минатата година овој проект беше ставен во нацрт-буџетот на Градот, за подоцна таа точка да биде тргната“, вели Дамјан Манчевски, координатор на советничката група на СДСМ во Советот на Скопје.

Проектот за изградба на подземна сообраќајница која што требаше да се протега под Кејот на Вардар и на тој начин да се намали сообраќајниот метеж во центарот на градот, беше една од капиталните инвестиции кои ги најавуваше градоначалникот Коце Трајановски.

„Откако беше најавен овој капитален инфраструктурен проект, ние му дадовме огромна поддршка, бидејќи неговата реализација би била од огромно значење за Скопје“, вели Манчевски.

Тој појаснува дека советничката група на СДСМ во Советот на Скопје ќе поднесе амандман со кој ќе бара да се издвојат средства за овој капитален проект за кој, како што вели, мора да се обезбедат средства.

Од Град Скопје велат дека не се откажале од изградба на подземната сообраќајница.

„Проектот е целосно документиран и во моментов е ставен во мирување, но се предвидени средства во развојниот буџет на Град Скопје за неколку наредни години. Покрај подземната сообраќајница се разработуваат и идејни решенија за проширување на инфраструктурата“, велат од Одделението за Односи со јавност на Град Скопје.

Од таму објаснуваат дека освен изградба на нови и проширување на постојните сообраќајници за да се намали метежот се работат повеќе проекти кои се поврзани со сообраќајот во центарот на градот.

Инаку, подземната сообраќајница требаше да се гради од крстосницата на булеварот „Илинден“ со булеварот „Гоце Делчев“ и од тука да понира под кејот „13 Ноември“ и повторно да излезе над земја кај крстосницата на булеварите „Крсте Мисирков“ и „Кочо Рацин“. Проектот предвидуваше сообраќајницата да биде долга 1.300 метри, од кои 900 метри под земја, а 400 метри над земја. Вредноста на овој проект се проценуваше на околу 45 милиони евра.

За реализацијата на овој проект Градот распиша два тендера, но ниту еден не беше успешен. Заинтересираните фирми понудија повисоки суми од предвидените 45 милиони евра, поради што градските власти го ставија во мирување. Тогаш најавија дека станува збор за проект кој е од особено значење за градот и ќе се обидат да најдат алтернативен начин на финансирање, односно дека ќе се обидат да добијат средства од европските фондови.

Според направените студии, со изградба на оваа подземна сообраќајница, во шпицот на возење ќе има растоварување на три од четири главни улици во центарот на градот, што ќе придонесе и за помалку издувни гасови во овој дел од Скопје.

http://www.utrinski.mk/?ItemID=9035A5534DAC2645950D845B5744220A

Edited by Џоле - 11-Nov-2014 at 08:42