Урбанистичко дооформување на Скопје

Одлична тема, Старо Скопје!

Ќе започнам со делот помеѓу УКИМ и Саем. Оваа целина е едно од попознатите т.н. села во Скопје, која се состои од полураспаднати куќи градени пред Првата, односно Втората светска војна и куќи во добра состојба кои се изградени по Втората светска војна, особено во последниве дваесетина години. Тука е и џамијата Кабир Мехмед Челеби, прогласена за културно наследство.


Целинава ја поделив на две помали, студентска (лево) и станбена (десно), кои меѓусебе се одвоени со зеленило и патека која ги поврзува.


Во студентската сместив пристапна улица (веќе постоечка), катна гаража со мал деловен центар, деловна зграда, два студентски дома, дуќани во форма на мала чаршија, како и џамијата (која би служела како уметничка галерија), партер и многу зеленило.


Во станбениот дел има 4 петнаесеткатници, културен центар (кино/театарска/концертна/сенаменска сала и музеј), поврзани со плочник со зелени површини. Тука е и паркингот со катна и подземна гаража.


Утре ќе продолжам со детални описи на секој објект, а кога ќе имам време и рендери (согласно моите можности).

Мини-чаршија


Во комплексот предвидувам изградба на мини-чаршија во стил на оние градени во 1970тите. Би имала 98 дуќани на кат, во најголем дел продавници (маалски продавници за секојдневни продукти, книжарници, бутици...), но и неколку кафе барови и ресторанчиња.


Во неа би имало и неколку хостелчиња. Улиците се широки 10 метри, обиколени со дуќани во кафено-беж боја, а гледаат кон зеленило, со што се создава чувство на пространост и природност.


Мини-чаршијата е поставена меѓу двата студенстки дома и зеленилото кое го одделува студентскиот од станбениот дел.


Фасадата е решена во комбинација на фасадна тула со дрво обоено во беж боја. Кровот е покриен со ќерамиди. Дуќаните се со површина од 50 m2 приземје и уште толку кат и подрум, а сопствениците сами би одлучиле за ентериерниот распоред.


Edited by Staro Skopje - 27-Feb-2016 at 23:02

Еден од двата студентски дома. Се одлучив да му го дадам името Јордан Хаџи Константинов Џинот, македонски просветител кој од 1848 до 1858 бил учител во Скопје.


Се наоѓа близу бул. Гоце Делчев, а во непосредна близина се и другиот студентски дом и чаршијата.


Главниот влез е од широкиот партер кој го поврзува просторот со булеварот, како и со УКИМ.


Од задната страна, која гледа кон чаршијата, нема влез, туку 12 дуќани.

Објектот е решен така што спојува три стила присутни во Скопје во еден. Основата е едноставна и масивна зграда од 1960тите години, чии испакнати големи, бели и чисти површини ја поврзуваат со брутализмот и модернизмот. Пост-модернизмот е претставен преку големите вдлабнатини од зелено нерефлектирачко и непроѕирно стакло на кое се наредени прозорци.

Основа на приземје. Се состои од долг ходник, две пријавници, два ресторана, два пара скали со лифт, четири помошни простории, четири канцеларии, дванаесет дуќани со сопствен магацин, две соби за дружба и два пара тоалети.


Основа на прв кат. Тука се сместени долг ходник, два поголеми ресторана, една голема и две мали соби за дружба, четири помошни простории и по два пара скали со лифт и тоалети.

Основа на 2, 3, 4, 5, 6 и 7 кат. На секој има ходник, скали и лифт, 4 помошни простории од по 29m2, две заеднички соби од 45.5m2 и 40 соби. Тие се со големина од 31m2, од кои 23 се од делот за престој и спиење, 3 од кујничето (kitchenette) и 5 од тоалетот. Една соба е наменета за двајца, така што на секој студент му припаѓаат 15.5 метри квадратни. Со ова, вкупниот капацитет на домот е 480 лица.


Основа на осми кат. Има 4 помошни простории и 4 тоалети, 8 канцеларии, 2 мали и 1 голема соба за дружба, бифе, читална, празна просторија и место каде што студентите кои не се од Скопје може да се информираат за универзитетите, градот и околината.