Општинска зграда Бутел

Пуштена во употреба новата зграда на општина Бутел

За премиерот Груевски соработката влада-општина Бутел  била одлична е резултирала со повеќе капитални објекти.

- Преземаме подготвителни активности за изградба на тениски игралишта во општината, ги изградивме двата резервоара за вода со што целосно се заокружи проектот за „Изградба на водоснабдителниот систем“ и за многу години се реши проблемот со водоснабдувањето во Бутел, Радишани, Љуботенски пат и околните населени места, истакна Груевски.

Изградбата на општинската зграда го чинела општинскиот буџет 67 милиони денари. Според градоначалникот Петре Латиновски изградбата е нешто  што не било ветено, а  е реализирано.

- Можеби за некои е изненадување денешното пуштање во употреба на новата зграда на Општина Бутел, но јас сметам дека е подобро да исполниш без да ветиш, отколку да ветиш а да не исполниш, рече Латиновски.

Претходно, премиерот Груевски присуствуваше на пуштањето на новото спортско игралиште, во скопската населба Трубарево.

Филип Ѓурчиновски

http://www.sitel.com.mk/dnevnik/makedonija/pushtena-vo-upotreba-novata-zgrada-na-opshtina-butel

Зградава во живо позитивно ме изненади. Некако фино делува во просторот, а и околината е убаво средена.

Нова општинска зграда за Бутел Вчера во присуство на премиерот Никола Груевски и градоначалникот Петре Латиновски свечено беше пресечена црвена лента за новиот административен објект на Општина Бутел, кој се наоѓа кај ОУ „Живко Брајковски”, пред спортската сала „Антон Димитров“. Сепак на објектот сеуште се во тек завршните работи, а од Општината не добивме одговор кога се планира службите да се преселат од дотраените бараки на ул. Босна и Херцеговина. Изградбата на новата административна зграда започна во август минатата година и во нејзе се вложени 67 милиони денари, средства од oпштинскиот буџет. Објектот има корисна површина од 2.700 метри квадратни. Во него ќе бидат сместени сите служби на локалната самоуправа и голема сала за одржување седници на Советот, додека во посебен дел со посебен влез се издвоени просториите на салата за венчавки со Матичната служба. Изведувач на градежните работи беше градежното претпријатие „ДС Галаб“ од Скопје, а надзорот го вршеше Градежен институт „Македонија“.

http://www.build.mk/?p=7591



1


2


3


4


5


6


7

Trebalo vo barok stil da ja napravat,zosto ocigledno ni vaka najobicna( t.e. na nekoj nacin moderen stil) na nekoj lugje ne im se dopaga. Sepak mislam deka sekoj od forumov treba da prati po edna slika od doma,da vidime kakov e stilot sto go preferirat po doma.

Зградата и останатото ми е ОК, функционално и ново, што е доволно.

Тоа што не ми се допаѓа, иако во написот вика дека има 50 паркинг места за администрација, и нешто напред за посетителите, е дека се оградиле со стопчиња и рампи и НЕМА каде да се паркираат посетителите? Барем не гледам на сликите (не сум бил лично).

Иста глупост е напревана и пред Катастар и бројни други институции што е тотална глупост во денешно време, да не планираш каде ќе паркираат тие што го користат објектот!

Во горниот дел од сликава ја гледате постојната ситуација. Секоја институција си има поставено сопствена ограда (црвените линии), и сето тоа делува ужасно нескладно. Ограда нема само помеѓу спортската сала и училиштето.

Во втората слика со сина боја е обележан де-факто центарот на Бутел. Вертикалните зелени линии се Бутелска и Александар Урдаревски, а хоризонталните се само замислени линии (не улици), кои се продолжение на маалските улички. Оттука се гледа дека има доста симетрија, па затоа мојот план го проширив и на источната страна на Бутелска.

Напомена: Градбите пополнети зелено се постоечки, а оние со црвено се или пред реизградба, или се мој предлог.

Источно од Бутелска имаме блок институции: Општина, градинка, забавиште, училиште и амбуланта. Приметете дека салата ја нема, бидејќи освен тоа што е ужасна градба, не се ни совпаѓа ниту со геометријата на просторот, а ни со намената. Затоа ја преместив на западната страна. Измеѓу зградите предлагам да се направи некој мал парк, а каде што е нужно може и мали паркинзи за институциите, но никако кон внатрешноста на блокот.

Во средината единствената промена се однесува на паркингот, кадешто е скратен од северната страна но продолжен на јужната, со цел да се следат замислените линии. Така се дава простор и на споменикот на Никола Вапцаров (обележан со жолта точка) да добие поцентрално место (моментално е поставен централно само спрема влезот на општинската зграда).

Западно имаме претежно комерцијални содржини: Трговски центар (градбите близначки најсеверно), Зелен пазар со придружни маркети, и мој предлог за релокација на спортската сала, т.е. изградба на сосем нова (овојпат со уникатен проект а не copy-paste).

Со ова ќе се добие дополнително урбано чувство на просторот, нешто што моментално е загрозено со очигледно рандом насадените градби. СЕУШТЕ МОЖЕ ДА СЕ СПАСИ ОВОЈ ПРОСТОР.

Коментари, забелешки?

@ alexgizh

А што станува со училиштето во твојот план? Предлагаш да се изгради ново на покомпактна маркица или нешто не сум разбрал добро?

Инаку салата сепак би требало да биде блиску до училиштето, а не од западната страна.