Од вчера...

 

 

 

Топлификација“ тужи оти не може да наплати 22 милиони евра од ТЕ-ТО

„Топлификација“ на суд ќе ги наплаќа своите вложувања во ТЕ-ТО, компанијата за производство на топлинска и електрична енергија, објави денеска менаџментот на „Топлификација“. Според нив, ТЕ-ТО не го плаќа долгот на „Топлификација“ врз основа на вложувањето од 22 милиони евра, ниту каматите на долгот и заради тоа одлучиле долгот да го наплатат по судски пат. За менаџерите на „Топлификација“ завчерашната продажба на 23 нивни акции во ТЕ-ТО за помалку од 800.000 евра, кои беа обезбедување за кредит кај НЛБ Тутунска банка, нема да има влијание на реализација на деловниот план за периодот 2013 година – 2017 година. „Топлификација“ како ко-инвеститор во проектот „ТЕ-ТО“ вложи 22 милиони евра од кои сопствени средства се 11,5 милиони евра и уште 10,5 милиони евра се кредит од „Комерцијална банка“.

„Дел од заемите преку кои се инвестирани овие 22 милиони евра во ТЕ-ТО АД достасаа за наплата во текот на 2012 година, а сите заеми достасуваат за наплата до крај на 2013 година. Во текот на 2012 година почна обврската за отплата на кредитот во висина од 10,5 милиони евра кој преку заеми Топлификација АД го инвестираше во ТЕ-ТО. Топлификација започна и судска постапка за наплата на дел од овој долгот бидејќи ТЕ-ТО за достасаните заеми не ги плаќа фактурираните камати и не ги продолжи договорите за заем. Наплатата на дел од достасаните заеми кои Топлификација ги дала на ТЕ-ТО е неопходна и поради обврската за враќање на кредитот кон Комерцијална Банка во висина од 10,5 милиони инвестиран преку заеми“, соопшти „Топлификација“.

Менаџерите на „Топлификација“ тврдат дека ТЕ-ТО по сите основи должи 205 милиони евра од кои на „Топлификација“ за вложувањето должи 22 милиони евра. ТЕ-ТО во изминативе неколку години направил загуба од 25 милиони евра од кои дури 12 милиони евра се загуба направена во 2012 година. Тогаш „Топлификација“ одлучила да покрене судски спор за наплата на своите вложувања во таа компанија. Дополнително менаџерите од „Топлификација“ објаснуваат дека нивниот долг од ТЕ-ТО го отстапиле на „Комерцијална банка“.

„Банките не ги прифаќаа како гаранција за дадените кредити само акциите од ТЕ-ТО, туку при последното преструктуирање на кредитите кај најголемиот доверител Комерцијална Банка беа прифатени како додатна гаранција побарувањата кои Топлификација ги има по основ на дадените заеми“, пишува во нивното соопштение до јавноста објавено денеска на Македонската берза. Освен правото врз долгот за кредитот, „Комерцијална банка“ има во залог и 100.000 акции со право на глас кои се сопстевност на мали акционери од кои голем број се вработени во „Топлификација“.

Проектот ТЕ-ТО

Овој енергетски проект го промовираше, афирмираше и реализираше Димитар Хаџи Мишев, долгогодишен директор и претстедател на управниот одбор на скопска „Топлификација“. Централата чини 110 милиони евра (врз основа на своето вложување од 22 милиони евра „Топлификација“ има 20 отсто од акциите). Предноста на оваа комбинирана енергетска производствена постројка е тоа што произведува електрична енергија и топлинска енергија што и дава висок степен на искористливост и солидна оптимизација. Дополнителна предност е што опремата остава можност за постигнување флексибилност на условите во електроенергетскиот систем за многу кратко време, што е дополнителна заштеда на балансирање. Оваа постројка како погонско гориво користи природен гас што е дополнителен позитивен еколошки ефект за заштита на животната средина. Оваа централа може да произведува струја 326 дена во годината, да произведе до 1,8 милиони гигават часови електрична енергија, а во периодот на грејна сезона да снабди со топлина значаен дел од потрошувачите во градот Скопје.

Оваа централа иако е функционална подолго од две години засега произведува малку топлинска енергија и струја и ретко се вклучува на системот. Причините за нејзината неискористеност се различни, а главно заради високата цена на природниот гас и системската регулатива.

http://www.mkd.mk/makedonija/ekonomija/toplifikacija-tuzhi-oti-ne-mozhe-da-naplati-22-milioni-evra-od-te-to

По 10 години вон функција, во Македонија заживеа инвестиција од 20 милиони евра Објавено во: Економија 19 Мај, 2020 Комбинираната централа која од природен гас може да направи три производи - струја, топлинска енергија за греење и пареа „Когел Стил“ на отварањето во летото 2009 година беше промовирана од тогашниот политички естаблишмент како значајна странска инвестиција во која беа вложени 20 милиони евра. Во меѓувреме „Комерцијална банка“ ја заплени како имот ставен под залог од „РЖ Услуги“, а откако комбинираната централа од кругот на поранешна Железарница беше понудена на пазарот, истата беше купена и ставена во функција за 13 милиони евра од АД ЕСМ за по 10 години повторно да проработи изминатата грејна сезона. Ефектот на рестартираниот „Когел“ со своите 30 мегавати на час и интегриран во подружницата „Енергетика“, според податоците кои „Фактор“ ги доби од АД ЕСМ, е производство на електрична енергија од 23.300 мегават-часови струја на пазарот, нешто повеќе од 10.000 мегават-часови топлинска енергија за домаќинствата во околните населби, компании и училиштата, како и околу 2.300 тони технолошка пареа потребна за производствените процеси на правните субјекти во железарскиот комплекс. Остварена реализација од планот за производство во сезонскиот период октомври 2019 - април 2020 е 85 отсто. Во АД ЕСМ искажуваат задоволство од работата на заживеаниот енергетски капацитет во својата прва сезона кај „новиот газда“. Преку „Когел“ со парно греење се снабдуваат околу 3.500 домаќинства, 17 основни и средни училишта и градинки, како и повеќе од 75 правни субјекти од населбите Автокоманда, Железара, Триангла, Маџари и Хиподром. Во иднина се очекува поврзување со новоизградените објекти во населбите Хиподром, Бутел и Чаир. Централата се состои од 10 гасни мотори со вкупна електрична моќност од околу 30 мегавати, што можат да оддадат топлинска моќност од околу 26 мегавати. При евентуален недостаток на електрична енергија од останатите капацитети како што се термоелектраните, хидроелектраните, истата може за брзо време да се стави во функција и да произведува струја затоа што работи на гас. На пазарот на електрична енергија нуди техничката сигурност во исполнувањето на договорите без да се прават големи отстапувања. Точно пред 11 години на 19 мај 2009 во „Рудници и Железарница“ беше пуштена во употреба универзалната централа како прв комерцијален проект за комбинирано производство на електрична и топлинска енергија на природен гас, а доби и меѓународна дозвола да тргува со јаглерод диоксид. А.К. https://faktor.mk/po-10-godini-von-funkcija-vo-makedonija-zazivea-investicija-od-20-milioni-evra

Ова ли е Когел   42° 0'32.17"N 21°27'59.99"E

?

Originally posted by user8642 Не сум ни знаел дека ова не работи, ме збуни прво со Те-То а знам дека преку зима чури пареа. Ако не работело досега како имаа парно во железара??

За овие населби како извор на топлинска енергија се спомнуваше термоелектраната „Енергетика“ во кругот на железара.

Ама еве читам на сајтот на ЕСМ, тоа е всушност подружница „Енергетика“ и се состои од когенеративна електрана и од две трафостаници:
https://www.esm.com.mk/?page_id=3582

Дали е тоа друга когенеративна електрана (штом „Когел“ до сега не работела) и дали ЕСМ сега има две такви електрани во кругот на железара ???


Edited by Cloverstack - 21-May-2020 at 00:56

Originally posted by Cloverstack Ова ли е Когел   42° 0'32.17"N 21°27'59.99"E

Taa e, taka vika katastar

Грчката компанија „Митилинеос“ ќе гради централа за струја во Скопје вредна 211 милиони евра, Владата ја одобри инвестицијата

Владата одлучи да додели статус на стратешка инвестиција на компанијата „Митилинеос“ ДООЕЛ Скопје, фирма-ќерка на грчкиот индустриски конгломерат Митилинеос, која ќе гради постројка за производство на електрична и топлинска енергија, чија вредност се проценува 211 милиони евра.

„Вредноста на инвестицијата се предвидува да биде 211 милиони евра и според предвиденото, се состои од постројка за електрична енергија (со моќност 90-105 мегават) и топлинска енергија (со моќност од 135-150 мегавати). Годишното производство на електрична енергија се очекува да изнесува околу 1 150 гигавати и околу 275 гигавати топлинска енергија, коишто, се очекува да бидат испорачани во соодветните енергетски системи – МЕПСО и системот за пренос на топлина на Град Скопје“, соопштија од Владата.

Одлуката е донесена согласно Законот за стратешки инвестиции, а по јавен повик за поднесување барање за утврдување стратешки инвестициски проект кој беше објавен на 31 јануари годинава.

Грчката инвестиција ја најави уште поранешниот премиер Зоран Заев, непосредно пред оставката од функцијата лани, кога тој најави дека „Митилинеос е пред одлука за изградба на гасна електрана со капацитет од 110 мегавати во Скопје, а во главниот град ваква постројка ќе изгради и државното АД ЕСМ со 54 мегавати“.

Од Владата додаваат дека донесената одлука е во насока на нејзините определби за создавање услови за зголемување на домашното производство на електрична и топлинска енергија.

Инвестицијата се најавува во период кога Македонија е дел од европските планови за диверзификација и за намалување на зависноста од рускиот гас, додека истовремено планот е поврзување со терминалите во Александрополис.

Грчката компанија ја регистрираше дејноста во Македонија на крајот на април. Евангелос Митилинеос, претседател и извршен директор на холдингот, кој беше меѓу бизнисмените кои во 2019 го придружуваа тогашниот грчки премиер Алексис Ципрас во Скопје, рече дека „Северна Македонија како мала земја не може да се опише како Ел Дорадо, но дека очигледно има можности за бизнис“.

https://www.slobodenpecat.mk/grchkata-kompanija-mitilineos-kje-gradi-centrala-za-struja-vo-skopje-vredna-211-milioni-evra-vladata-ja-odobri-investicijata/

Од 2007 само лага до лага , веројатно никој више и не верува дека нешто ќе се изгради..