Cредно училиште Јахја Кемал - Боговиње

Почитувани,

Ве информираме дека денес Министерот за транспорт и врски, Миле Јанакиески и директорот на приватното средно училиште „Јахја Кемал“ – Скопје потпишаа договор за отуѓување на градежно земјиште сопственост на Република Македонија во општина Боговиње со вкупна површина од 38.021 м² со намена за изградба на јавни институции – образование и ученички дом кое беше отуѓено по пат на јавно наддавање на ден 29.07.2010 година.

Договорот беше потпишан во просториите на општина Боговиње во присуство на Потпретседателот на Владата на Република Македонија, Абдилаќим Адеми и градоначалникот на општина Боговиње Хазби Идризи. Согласно договорот, најповолниот понудувач е должен во рок од 9 месеци од солемнизација на договорот да обезбеди одобрение за градба, а градбата да јазаврши согласно одредбите од Законот за градење.