Негрижа за мостовите

Ја отворам оваа нишка со цел да се пишува за нашето неодржување на мостовите, за мостовите кои се пред уривање и за мостовите што веќе се урнати.

Ќе почнам со мостовите во Куманово. Сите мостови што ги има овде датираат од времето на СФРЈ. Ниту еден единствен мост не е изграден од осамостојувањето на Македонија па до сега и ниту еден надвозник, со исклучок на мовчињата и надвозниците на автопатот М-1.

Да го земеме за пример селото Војник. Тука над регионалниот пат Куманово - Крива Паланка постои надвозник. И само надвозник што како споменик се надвиснува над патот, без да биде направен пристап за да може да се поминува преку него.

Во селото Макреш падна мостот на река Петрошница на стариот регионален пат Куманово - Крива Паланка. Жителите од Макреш и Облавце немаат никаков друг избор и мора со трактори да возат по патот Е-871 за да стигнат до своите ниви и да плаќат казни ако ги види полицијата.

Мостот кај село Драгоманце на патот што води до Кокино се урна еднаш. Беше поправен но недоволно. Може да се урне пак. Недостасува и дел од оградата.

Мостот во селото Пчиња имаше оштетен и Паднат столб поради што беа отсечени селата Вак'в и Винце откај кумановската страна.

Мостот во Коинце над реката Пчиња исто така е неодржуван и може да се урне.

Мостот на Крива Река кај селото Коњух нема ограда од страните и не е асфалтиран иако патот што поминува преку него е асфалтиран.

Во кумановската околија, сите мостови што ги знам почнувајќи од мостовите на Кумановска, Липковска и Којнарска Река, а завршувајќи со мостовите на Пчиња, Крива Река и Петрошница од осамостојувањето до денес, оставени се на забот на времето и со прст не е мрднато за нивна реконструкција, па макар тоа било и фарбање на ограда.

Што се однесува до изградбата на нови мостови, за тоа не може да стане ни збор. Тоа кај нас е чиста утопија.

А во кој дел е добра?

Moстот кај „Башкими“ чека реконструкција



http://kumanovonews.com/vesti/mostot-kaj-baskimi-ceka-rekonstrukcija