Конкурси

Дечки, се организира нов конкурс за фотографија, сличен на тој од есеноска за кој исто така пишував. Овој пат конкурсот е со назив „Вики ја сака Земјата“. Може да учествува секој со фотографии од заштитените подрачја во Македонија, како национални паркови, резервати, споменици на природата и слично. Целосниот список на заштитени подрачја можете да го видите на официјалната страница, на која исто така ќе ги најдете и другите информации, како и големината на наградите.

Пред било што да направите, најдобро е да го погледнете официјалното видео, кое ги објаснува чекорите кои треба да ги направите за да учествувате во натпреварот.

Натпреварот има за цел зголемување на фотографии кои би биле под слободна лиценца за одредени места во Македонија. Воедно овој натпревар е дел од меѓународниот кој се спроведува во десетици земји, па така дел од фотографиите ќе се борат и во меѓународни рамки.

Покрај официјалната страница, функционира и страница на Facebook под името „Вики ја сака Земјата“.