Предлог идеја: Езеро Јазирци (брана Радишани)

Message Topic Search Topic Options Post Reply Create New Topic Printable Version

   Ми падна една интересна идеја на памет. Скопје во својата околина нема некое лесно и брзо достапно вештачко езеро кое би можело да биде стопанисувано по целата своја обала, а да е блиску до Скопје. Од една страна да, го има Козјак, ама тоа и не баш нешто особено блиску до градот па треба специјално да се оди, има некаква туристичка зона која сега го почнува развојот. Ок е, ама некако е првенствено за енергетски потреби, на неповолен терен, неможе човек да се бања во него, нема нешто многу риболов. Од друга страна секако тука е и езеро Треска со исклучиво туристичка намена, ама во очајна состојба, еколошка катастрофа, мултиетнички специфични односи, неоддржувано, практично не постои.

Идејава е Скопје да добие уште едно езеро од мал формат, големината по површина би му била нешто колку две езера Треска. Ако езеро Треска е околу 140.000 м2, ова би било околу 300.000 м2. Би се наоѓало во делот на Скопје кој не е блиску ниту до Козјак, ниту до Треска или Матка, односно би се наоѓало на просторот каде некогаш се наоѓало селото Јазирци. Тоа е веднаш над населба Радишани низводно по течението на река Серава. Кота на браната и на езерото би била 475м надворска висина. Овој дел од Скопска Црна Гора е доста населен со оформени села кои функционираат како приградски населби, па тоа значи дека езерото би било супер искористено како туристичка зона. Од знаменитости има доста манастири во овој дел претежно од средновековната српска држава, но меѓу обиколница и Скопска Црна Гора нема буквално ништо како содржина, а ова може да биде добро дополнување на тој простор. Затоа мислам дека овакво езеро кое би требало да биде идното езеро Треска по функција, би требало да биде баш тука. Поволностите кои би ги нудело не се само туристички, туку може да се користи и за други намени како на пример водоснабдување или риболов. Луѓе сега идат и по загадените железарски езера на риболов, а тука би можело да биде многу подобро. Езерото би имало пристојно поволен водостој заради предвидените зафати од соседните мини-сливови, би било доста проточно и не би го имало проблемот со застоена вода што се има појавено во езеро Треска. Дури мислам дека овакво нешто може да биде и економски исплатливо и да се изгради со приватен капитал со некоја децениска концесија. Цел аквапарк, со кафани, рибници и што-све-не моќе да се извади од оваква потенцијална локација.

Втора фаза би биле два канала по планината на двете страни од сливот на Езерото (сливот на Серава) кои би прибирале атмосферски води во сливот на езерото, како и би функционирале за заштита на Скопје од поплави како таа што беше во Стајковци. Каналите би се граделе фазно, прво западниот канал во две подфази на кота од некои 650м надморска висина кои би ги прибирал водите над селата Кучевиште па потоа и над село Бањане. Втора фаза со неколку подфази би било изградба на источниот канал на висина од некои 700м со прибирање на води над селата Љуботен, Раштак, Булачани, Црешево. Ваков сличен канал има изградено над Атина за заштита на градот од поплави, овој барем го знам, има и над многу друи градови, а во Македонија мислам дека има нешто слично на Шар Планина што зафаќа води за полнење на Мавровско Езеро. Скопје нема ваков систем од страна на Скопска Црна Гора, на Водно има некакви канали кои можат да зафаќаат бујица (стогодишна вода), ама Водно и не е некое големо сливно подрачје.

Еве нека биде ова една интересна идеја за наредните локални избори за политичките партии да си ја стават во своите изборни програми, особено десничарската партија која претежно е популарна во овие суб-урбани средини.