Антигонеа - Неготино |
Post Reply |
Author | |
Makedonij
Senior Member Joined: 08-Apr-2009 Location: Celje - Виница Online Status: Offline Posts: 2185 |
Quote Reply
#1 Topic: Антигонеа - Неготино Posted: 13-Mar-2011 at 10:31 |
Прв пат слушам за оваа локација, но дефинитивно тоа е античкиот град, денес Неготино, а вероватно и името Неготино потекнува од Антигонеа?
|
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
Makedonij
Senior Member Joined: 08-Apr-2009 Location: Celje - Виница Online Status: Offline Posts: 2185 |
Quote Reply #2 Posted: 13-Mar-2011 at 10:32 |
Откриена античката населба Антигонеа27.08.2005По подолг период истражување на археолошкиот локалитет Чаи рид кај село Тревник, Неготинско - е откриена населбата Антигонеа Ракси, изградена во 222 година п.н.е. од македонскиот Крал Антегондосор. Во моментов се работи на истражување на југозападното плато на локалитетот, а пронајдени се бројни предмети од керамика, стакло, керамички садови и монети, изработени од локалните мајстори. Во тек се истражувањата на трите печки, кои укажуваат на постоење на индустриска зона во тој дел од населбата. Споре Елеонора Петровска, супервизор на археолошките истражувања - ова откритие е од огромно значење за македонската културна историја, а за што се очекува и интерес за странски инвеститори. „Овој простор е доста значаен за општина Неготино, а особено за повардарието. Од голема помош за овие истражувања е градоначалникот на Неготино, кој издвои средства кои помогнаа директно во овие истражувања на овој локалитет“, изјави Елеонора Петровска, супервизор на археолошките истражувања. Пронајдените предмети се изложени во градскиот музеј. На археолошките истражувања работи екипа од археолози од Неготино, Музејот на Македонија и од Републичкиот завод за заштита на споменци. Финансира Министерството за култура и градоначалникот на Неготино Ѓорги Кимов. http://www.a1.com.mk/vesti/default.aspx?VestID=50547 |
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
Makedonij
Senior Member Joined: 08-Apr-2009 Location: Celje - Виница Online Status: Offline Posts: 2185 |
Quote Reply #3 Posted: 13-Mar-2011 at 10:37 |
08 July 2010
ОТКОПАНИ БЕДЕМИТЕ НА АНТИГОНЕА Масивните бедеми долги сто метри, на некои места подебели и од два метра, ги натераа археолозите да веруваат дека се на чекор од сензационално откритие - локацијата на античкиот град Антигонеа, од 3 век пред новата ера. Велат дека етиката се' уште не им дозволува категорично да го потврдат откритието додека не најдат цврст, пишан доказ дека Антигонеа се наоѓал токму на локацијата Градиште кај Неготино, покрај реката Вардар. Сепак, според досегашните откритија - бедемите, керамиката, стаклените предмети, накитот и монетите, тие летово веројатно се најдоа пред бедемите на градот. Археолози од Неготинскиот и од Музејот на Македонија работеа на локалитетот на ридот, на надморска височина од околу 300 метри, од почетокот на август до крајот на септември. Целта на археолошките истражувања беше бедемот на западната и на јужната страна од ридот, кои се видливи од патот од кој се влегува во Неготино. - Откривме стотина метри од ѕидот. Постарите делови од камен и кал биле изградени во хеленистичкиот период, а горните слоеви од бедемот биле наддадени во римскиот период, кога камењата ги спојувале со малтер - објаснува археологот Киро Ангеловски, кустос-советник во Музејот во Неготино, раководител на археолошките ископувања. Постари слоеви се' уште не се откриени. Археолозите не се осмелиле да го спуштат нивото на земјата за да не се урнат масивните ѕидини. Бедемите засега се најкрупниот показател дека Антигонеа се наоѓала токму на неготинското Градиште. Археолозите ја поткрепуваат тезата со многубројните наоди, пронајдени во „стопански“ објект, близу ридот, каде што се наоѓало подградието на античкиот град. - Локалитетот е многу атрактивен. На површината се гледаат остатоци од хеленистичка, римска и доцноримска керамика, од 2 век пред новата ера до 4 век. Според историските извори, токму во тој период живеел градот - вели Ангеловски. Акрополата на градиштето зафаќа површина од 5 хектари, а заедно со подградието градот се простирал на површина од 8 хектари. На тврдината археолозите направиле една контролна сонда во земјата и наишле на објект од хеленистичкиот период. Не продолжиле да работат, имајќи предвид дека се наближува зимата и дека нема да има време да го заштитат објектот. - На акрополата пронајдовме атрактивна керамика, што покажува дека жителите на градот богато живееле - вели Ангеловски. Од движните наоди, археолозите пронашле стаклени унгвентариуми (мали издолжени шишенца во кои се чувале мирисливи масла), стаклени чаши, керамички луцерни (ламби) од 1 век пред новата ера, фибули (украсна безопасна игла) карактеристични за тиквешкиот регион и две што се сосема некарактеристични за Македонија. Пронајдени се и монети на македонските кралеви. Дел од нив биле пронајдени во осамен детски гроб, во подградието. Постојат три локалитети околу Неготино, на кои научниците сметаат дека се наоѓал градот Антигонеа - Чаир рид кај Тремник, неготинско и војшанско Градиште. Според археологот Елеонора Петрова-Митевска, супервизор на проектот, најголемо внимание во археолошката наука предизвикале првите два локалитета, особено неготинското Градиште. „Населбата имала континуитет уште од архајскиот период, а нејзиниот вистински процут е сврзан со класичниот и почетокот на хеленистичкиот период. Многубројната сива керамика со хеленизирани форми и реткиот увоз на антички сликани вази укажуваат дека градот најинтензивно живеел во 5 и 4 век пред новата ера. Поврзувањето на локалитетот со Антигонеа изгледа сосема логично“, вели Петрова-Митевска. Македонскиот крал Антигон Трети Досон (229-221 г.п.н.е.) ја основал Антигонеа во 222 година п.н.е. за да ја заштитува северната македонска граница. Според Петрова-Митевска, до тој период границата меѓу Македонија и Пајонија веројатно била појужно. Археолошките истражувања на локалитетот ги финансираше општината Неготино со 300.000 денари, уште толку донирале спонзори, а Министерството за култура одвоило 150.000 денари. - Целта е да заживее културното наследство во регионот. Општините треба да си ги преземат обврските не само на полето на археологијата и грижата за културното наследство туку и за развој на културно-историскиот туризам - вели градоначалникот на Неготино, Ѓорѓи Ќимов. Во археолошките ископувања учествуваа и археологот Антонио Јакимовски од Музејот на Македонија, препараторот Петар Ризов и академскиот сликар Методија Ангелов. Во потрага по Антигонеа Во потрага по Антигонеа24.05.2010Потрагата по античкиот град Антигонеа продолжува. Иако се уште нема потврда дека овој град се наоѓа на локалитетот Големо Градиште, неготинско досега сите наоди укажуваа дека тука се крие античкиот град изграден од кралот Антигон во третиот век пред нашата ера. Изминатите години беа откопани бедемите долги сто метра а некој места достигнуваат ширина од два метра, кои ги наведе археолозите да веруваат дека се на чекор од историско откритие. Град кој ги поврзува Стоби и Стенае, сегашна Демир Капија, и бил направен да ја заштитува северната македонска граница. Засега на археолошкиот локалитет Градиште работат 12 стручни лица, а од август се очекува помасовно ископување кое ќе овозможи темелно истражувањење. На Градиште се откриени слоеви и од четвртиотр век пред нашаата ера, а едно од најсензационалните откритија е сребрената кочија. Археолозите се надеваат дека за две години овој локалитет ќе биде туристичка атракција. ВИДЕО: http://www.sitel.com.mk/dnevnik/makedonija/vo-potraga-po-antigonea |
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
Makedonij
Senior Member Joined: 08-Apr-2009 Location: Celje - Виница Online Status: Offline Posts: 2185 |
Quote Reply #4 Posted: 13-Mar-2011 at 10:42 |
Slikite odstarneti poradi baranje!
Edited by Makedonij - 17-Dec-2011 at 15:46 |
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
Makedonij
Senior Member Joined: 08-Apr-2009 Location: Celje - Виница Online Status: Offline Posts: 2185 |
Quote Reply #5 Posted: 13-Mar-2011 at 11:15 |
Не ми јасно зошто медиумите ја повлечуваат локацијата накај Демир Капија кога се работи на ридот над Неготино?
Ova e lokacijata od koji se slikite:
Ova e lokacijata šo ja naveduvaat mediumite |
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
kultuzin
Senior Member Joined: 07-Nov-2010 Online Status: Offline Posts: 3811 |
Quote Reply #6 Posted: 18-Feb-2012 at 11:43 |
СТРАНЦИ ЌЕ ЈА ИСТРАЖУВААТ МАКЕДОНИЈА
Странски археолози, студенти по археологија и љубопитни авантуристи ќе го истражуваат градиштето кај Неготино, каде што археолозите претпоставуваат дека се наоѓа античкиот град Антигонеа откако информацијата ја објави интернет-порталот на Американскиот археолошки институт. Тие ќе работат под надзор на македонски археолози. Потрагата по Антигонеа не е изолиран случај во македонската археологија. Во последните години се зголеми интересот на странските истражувачи да работат на археолошките локалитети во земјава. - Ако во минатото Македонија беше затворена за археолози од странство, сега се случува спротивното. С` повеќе се зголемува интересот за тајните скриени во нашата земја. Полека почнуваме да работиме како западните земји - коментираат археолозите. „Проект Антигонеа - Урбан развој на раноантичката населба“ е насловот на теренската школа закажана за јули. Проектот го организираат нашата невладина организација „Археологика“ и Музејот на Македонија. Огласот е објавен две недели, а досега се пријавиле четири студенти од САД, Kанада и од Холандија. Тие ќе работат во две сесии, во првата и во втората половина од јули. Цената за сесија е 1.080 евра, а секој треба сам да си купи билет до Македонија. Тие што ќе се пријават до 31 март ќе добијат 5 отсто попуст. Учесниците на школата ќе бидат сместени во манастирот „Св. Ѓорѓи“ во Неготино, во реновирани соби со безжичен интернет. Во цената е вклучена храната, а некои од оброците ќе бидат традиционални македонски. Специјална храна ќе се готви за вегетаријанците. - Во цената се вклучени и две викенд-патувања. Ќе ги посетат Гевгелија со локалитетот Вардарски Рид и Исар-Марвинци кај Валандово и во Охрид. Интересот е голем. Двајца од пријавените ќе останат цел месец. Тие лани беа на ископувањата на скопскиот локалитет Бучинци и беа многу задоволни - вели Радомир Ивановиќ од „Археологика“. Секој може да учествува За сите заинтересирани е подготвена специјална програма која на сите учесници ќе им овозможи да се сретнат со основите на методологијата на ископувања на класични и римски локалитети, но и да стекнат знаење за античката историја и археологијата на Градиште и на централно балканскиот регион воопшто. „И покрај неговата големина, стратегиската позиција и хронологијата, името на овој антички град с` уште не е потврдено. Меѓу теориите најпопуларно е врзувањето со античката Аснтигонеа, градот именуван по македонскиот крал Антигон Гоната, во 3 век пред новата ера. „Антигонеа на Аксиос“ е споменат на позната карта Табула Поинтингеријана, еден од најважните антички извори за географијата на Балканот. На оваа карта Антигонеа е лоцирана на 12 римски милји под Стоби и 11 милји над Стенаи. Овие растојанија најдобро кореспондираат со позицијата на Градиште кај Неготино. Сепак, многу научници кои го истражувале Балканот имаат различни мислења за локацијата на градот. Потрагата по античката Антигонеа е предизвик кој никогаш не запира“, пишува на порталот на Американскиот археолошки институт. Истражувањата на локалитетот траат повеќе години. Почнале во 90-тите години, а поинтензивно археолозите работеа од 2005 до 2007 година. Во тој период беше откриен голем дел од доцноримското утврдување. Локалитетот го привлече вниманието на научниците и на јавноста. Во 2009 година почна долгорочниот истражувачки проект на Градиште, координиран од Музеите на Македонија и на Неготино, Институтот за класични и ориентални студии од Валенсија (ИВЕKО) од Шпанија и Универзитетот од Гдањск, Полска. Истражувањата закажани за летово ќе ги раководи археологот Горан Санев од Музејот на Македонија, а во членови на меѓународниот тим се професорите Николас Секунда и Аркадиус Kоперкиевич од Институтот за археологија при Универзитетот во Гдањск. Санев вели дека е позитивно отворањето на Македонија за странските археолози. Тој потенцира дека програмата е отворена - може да се пријави и во истражувањата да учествува и аматер. Условот е да има повеќе од 18 години. Така работи цел Запад Според Санев, важно е што доаѓаат и странски студенти по археологија - на тој начин ја отвораме Македонија и за странските универзитети. Ова е и еден од начините археологијата да се самоодржува. Дел од парите уплатени за секоја сесија ќе биде искористен за да се намири престојот на студентот во земјава. - Дел ќе биде уплатен на Музејот на Македонија за археолошките истражувања - вели Ивановиќ. Странските тимови с` почесто се присутни на археолошките локалитети во Македонија. Во изминатите години на локалитетот Kнежје кај Свети Николе истражуваа археолози од Тексашката фондација за археолошки и историски истражувања. Тие во деведесеттите години работена и на Вардарски Рид. Бугарската невладина организација „Балкан херитиџ“ организира теренска школа на Стоби. Странските истражувачи сметаат дека македонското културно наследство е интересно за истражување бидејќи нуди историски податоци кои не можат да ги пронајдат на друго место. Весна И. Илиевска Извор: Дневник http://www.time.mk/read/bb208d49c6/d3e97d5b8e/index.html |
|
Makedonij
Senior Member Joined: 08-Apr-2009 Location: Celje - Виница Online Status: Offline Posts: 2185 |
Quote Reply #7 Posted: 08-Apr-2012 at 12:45 |
Античката кочија од Антигонеа била од сребро
Тоа покажува дека покојникот почивал во гробот имал висок општествен статус во текот на својот живот, велат археолозите од Неготино
Сребрени токи ги краселе коњите чии скелети лани беа пронајдени на археолошкиот локалитет Градиште кај Неготино. Тоа покажува дека покојникот што почивал во гробот имал висок општествен статус во текот на својот живот, велат археолозите од Неготино. Материјалите во моментот се на испитувања во Скопје, соопшти археологот Кирил Ангеловски, директор на неготинскиот музеј. Материјалот се чисти, конзервира и се реставрира. - Украсните токи на коњите биле од сребро. Во почетокот мислевме дека се изработени од помалку скапоцен материјал. Бидејќи беа со наслаги, не можевме да препознаеме од што се изработени. Имаше осум токи, по четири од секоја страна - вели Ангеловски. Археолозите годинава работеа во подградието на Градиште. Масивните бедеми на локалитетот, долги сто метри, на некои места подебели и од два метра, ги наведуваат археолозите да веруваат дека го истражуваат античкиот град Антигонеа, од 3 век пред новата ера. Веројатно е македонскиот град Антигонеа. Сепак во археологијата не може да нагаѓаме. Тоа не може сигурно да се потврди додека не најдеме пишани докази - вели Ангеловски. Годинава археолозите пронашле многу наоди од метал, керамика, теракотни фигури. Монетите се од 3, 2 и 1 век пред новата ера, односно македонско-хеленистички и раноримски период. Археолозите пронашле и многу лажички, виљушки, ножиња, чија вистинска функција археолозите допрва ќе ја откриваат.- Можеби се медицински прибор, но може да се и занаетчиски алатки - вели Ангеловски.Истражувачите веќе се сигурни дека градот бил центар за изработка на керамика во регионот. Пронашле многу калапи за керамика, особено за изработка на теракотни фигури на божицата Кибела. Од земјата излегле покрупни и поситни делови од дваесетина фигури.Очигледно е дека тука се изработувала керамика, такво е подрачјето, земјата е глинеста. Тоа покажува дека жителите на градот ја користеле тулата како градежен материјал уште во класичниот период, можеби и претходно - објаснува Ангеловски.Целта на ископувањата на Градиште е Неготино да стане атрактивно за развој на културниот туризам. Музејот има голема поддршка и од локалната самоуправа во реализацијата на таа идеја. Според Ангеловски, Градиште е интересен локалитет бидејќи се наоѓал на Виа Игнација, главниот пат во античко време кој од Стоби, преку Антигонеа, Стенае водел кон Вардарски Рид. Во тоа време тоа бил еден од најфреквентните патишта.Археолозите годинава имале на располагање само 120.000 денари. Деновиве ги посетил директорот на Управата за заштита на културното наследство, Паско Кузман. Тој им ветил дополнителна поддршка и инсистирал да се интензивираат ископувањата на масивниот бедем.Разговаравме да го отвориме бедемот, да направиме конзервација на еден дел, за да биде видлив. Мислам дека ќе биде импозантно.
Но, Градиште е сложен локалитет. За да се истражи целосно, треба многу
пари, време и работа. Археологијата не е работа на норма - вели
Ангеловски. Ископувајќи го бедемот и околу него, археолозите наишле на
три културни хоризонти - од најрана фаза, македонски период, преку
хеленистичко-македонскиот до раноримски период. Се симнале 3 метри во
длабочина, но се' уште не стигнале до здравица (стерилната земја во која
веќе нема културни слоеви). Од поинтересните годинашни откритија,
археолозите го посочуваат погребувањето во питос (голем глинен сад), од 5
и 4 век пред новата ера. Според пишаните извори, македонскиот крал
Антигон Трети Досон (229-221 г. пр. н. е.) ја основал Антигонеа во 222
година пр.н.е. за да ја заштитува северната македонска граница. До тој
период границата помеѓу Македонија и Пајонија веројатно била појужно. http://preminportal.com.mk/content/view/2449/73/ |
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
Makedonij
Senior Member Joined: 08-Apr-2009 Location: Celje - Виница Online Status: Offline Posts: 2185 |
Quote Reply #8 Posted: 08-Apr-2012 at 12:53 |
Антигонеа 2012Опис: За локалитетот: Локалитет се наоѓа на висок рид на северниот влез на Неготино, со
стратешка позиција која ни дава поглед кон долината на реката Вардар и
околината на самиот град Неготино. На зарамнетото плато може да се
забележат остатоци од бедемот. Иако тој обиколува површина од околу 3.5
хектари, сепак изобилува со бројни фрагменти од керамика и други
пронајдоци од различни хронолошки периоди, кои не се наоѓаат само на
платото, туку и во најблиската околина, кои даваат различни импресии за
големината на овој антички град. Од спорадичните истражувачки кампањи
во ‘90 и подоцна во периодот од 2005 до 2007 година, ние дојдовме до
заклучок за постоење на неколку стратиграфски слоеви кои припаѓаат на
различни хронолошки периоди, започнувајќи од калсичниот до
доцноантичкиот период. Според информациите од најраните ископувања на
локалитетот, тест сондите на одредени позиции на платото открија дури и
порани праисториски живеалишта.
Инфо: Вид: Истражување Периоди: Рано римски, хеленистички и класичен Почетна дата: 1 Јули 2012 Сезона 1 – 1/15 Јули 2012
Скопје (Железничка Станица) - Лок. Градиште
Edited by Makedonij - 08-Apr-2012 at 12:54 |
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
Paraxiae
Newbiе Joined: 10-Jan-2012 Location: Sweden Online Status: Offline Posts: 0 |
Quote Reply #9 Posted: 13-Oct-2012 at 13:31 |
Antigoneae kaj Negotino - uste eden
golem lapsus na makedonskite arheolozi!
Arheolozite na
Republika Makedonija se kako slepci koi se drzat za stap, ne gledajki
nisto po daleku od nosot. Do koga so vakvi lapsusi so neosnovana
ubikacija na mnogu anticki gradovi na teritorijata na Republika
Makedonija? Izgleda deka nasite arheolozi se od nekoe minato vreme so
plitki znaenja od oblasta na istorijata i arheologijata i naj
verovatno ne go sovladuvat angliskiot jazik za da crpat znaenja od
literaturata sto postoi na raspolaganje. 1. Antigonea kaj Negotino. Gospodinot Горан Санев, pravi golem lapsus
koga tvrdi deka toj ja iskopuva Antigonea kaj Negotino oslonuvajki se
samo na eden, edinstven, mnogu ne siguren podatok, Појтингеровата
карта, kompilirana od poveke karti i crtana 1265
godina! Kade se drugite podatoci za ovoj grad koi postojat vo
literaturata? Koja e bila celta za osnovanje na Antigonea? Nie znaeme
deka Antigonus Gonatas ima osnovano najmalku tri grada koi go nosat
negovoto ime, od koi eden se pretpostavuva deka e gradot "Antigonia
in Paeonia". Vo momentot koga Gonatas ja povtorno osvojuva
Paeonia i ja pripojuva kon makedonskoto kralstvo logicno e da se
pretpostavi deka toj vladetel go osnovuva gradot "Antigonia in
Paeonija" so cel da ja drzi pod vojna uprava zgazenata Paeonia.
Granicata na togasnata Paeonia e bila tokmu rekata Vardar pa prema
toa gradot Antigonia ne doaga vo predvid da se naoga nadvor od
granicite na Paeonia. Vo vremeto na bitkata na Pydna 169 god pred
novata era se spomnuva podatokot deka Didas e guverner na Paeonia i
deka Paeonia se drzi pod vojna komanda na makedonskoto kralstvo, so
sediste vo "Antigonia in Paeonia". Najverovatno taa
"Antigonia in Paeonia" e postojala vo srceto na Paeonia, na
arheoloskiot lokalitet kaj seloto Kneze, Sveti Nikole. 2. Bylazora kaj Sveti Nikole. Gospodinot Ivan Mikulcic pravi golem lapsus so
neosnovanoto preseluvanje na Bylazora od Veles vo Ovcepolijata kaj
Sveti Nikole. Mikulcic kako nekoj fantom heroj ja seli drevnata
Bylazora od Veles na rekata Vardar na arheoloskiot lokalitet kaj
seloto Kneze, Sveti Nikole bez nieden cvrst dokaz osven custvo so
pretpostavka deka arheoloskiot lokalitet kaj Kneze e obimen i deka
toa mesto odgovara za lociranje na najgolemiot grad na peoncite,
gradot Bylazora! Problemot e sto gospodinot Mikulcic izgleda deka vo
dalecnata 1976 godina ne e raspolagal so vidikot deka na tloto na
Republika Makedonija se postojale i drugi golemi gradovi kako sto e
gradot i vojniot centar na Paeonia, Psaphara, gradot "Philippoupolis
in Parorbelia" i "Antigonia in Paeonia", site so
proslost na edo isto mesto, na arheoloskiot lokalitet kaj Kneze.
Nekoj nema znaenja ili so molcenje dozvoluva istorijata na nas
makedoncite da se falsifikuva i kako takva da se cemetira, ne
reagirajki na vreme. Sorabotnikot od SAD, koj vo svojstvo na trgovec
so firma vo zadniot djep, istrazuvac na arheoloskiot lokalitet kaj
Kneze, ke publicira jubilarna kniga za petgodisninata za
istrazuvanjeto na Bylazora kaj Kneze. Koj ke gi poprava ovie
katastrofalni lagi utre, koga i denes znaeme deka golema greska e
napravena so absurdnata ubikacija na Bylazora kaj Sveti Nikole. Site
znaeme deka Ovcepolijata e ravno mesto i deka tamu ne postoi nikakov
tesnec koj go opisuva Polybius kako obelezije na gradot Bylazora, od
znacenje za odbranata na togasna Makedonija od upadite na Dardanite. 3. Lyncus kaj Crnobuki. Gospodinot Viktor Lilcik pliva vo
oblacite koga go stava gradot Lyncus kaj Cnobuki, vo blizina na
Bitola. Zarem toj ne e mozel da ja najde kartata "Itinerarium
Burdigalense", kreirana 333 – 334 po novata era. Gradot Lyncus
e postojal vo neposredna blizina na Ohridskoto ezero i ima zaednicka
proslost so gradot Cledo, koi se postojale na istoto mesto kaj seloto
Gorenci. Gospod neka i e na pomos na nasa Makedonija! Edited by Paraxiae - 14-Oct-2012 at 19:25 |
|
Post Reply |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |